* श्री.महेश एम., सीईओ, क्रिएटिसिटी
आपण एखाद्या घरात प्रवेश करतो, तेव्हा कोणती गोष्ट सर्वप्रथम आपले लक्ष वेधून घेते? ते समोरच्या भिंतीवरील जतन करून ठेवलेले दुर्मिळ पेंटिंगही नसते किंवा टाइल्स आणि त्यावरील कार्पेट. ती लक्ष वेधून घेणारी गोष्ट असते सोफा. तो सोफाच हे ठरवतो की ती त्या जागेमध्ये एखाद्याला किती आरामशीर वाटू शकते. फर्निचर आणि होम डेकोरच्या संभाव्य खरेदीदारांशी झालेल्या संवादामधून आणि दशकाहून अधिक काळची त्याची पसंती आणि सवयींच्या निरीक्षणावरून आमच्या असे लक्षात आले आहे की योग्य सोफ्याची खरेदी ही आजवर अत्यंत दुय्यम आणि त्यामुळेच सर्वात कठीण आव्हान आहे.
सोफ्याची डिझाइन
सोफ्याची अंतिम निवड करताना एखाद्याला नेमक्या कोणत्या प्रक्रियेतून जावे लागते, हेही जाणून घेणे अत्यंत महत्त्वाचे आहे. प्रथमत: आपल्या लिव्हिंग रूमला कसा लुक मिळायला हवा, हे ठरवणे महत्त्वाचे ठरते. क्लासी ते कंटेम्पररीपासून सोफ्याच्या डिझाईन्समध्ये ही क्षमता असते की ते एखाद्या व्यक्तीला पूर्णपणे गोंधळात टाकू शकतात. हे वास्तव आपण समजून घेण्याची गरज असते की सोफ्यामध्ये अशी क्षमता असते की तो खोलीचा लुक आणि फील निश्चित करू शकतो. साहजिकच सोफ्याच्या डिझाइनची निवड ही त्या खोलीच्या एकंदर वातारवरणाशी सुसंगत आणि सोबतच त्या सोफ्यावर बसल्यानंतर माणसांची मान, पाठ आणि पायांनाही आरामदायी ठरेल. अशा प्रकारची असायला हवी. याव्यतिरिक्त आणखीही काही गोष्टींबाबत माहिती घेतली पाहिजे. ती म्हणजे मटेरिअल कोणते आहे. आर्म रेस्ट कशी आहे. डायमेन्शन्स हे त्या खोलीला आणि तुमच्या व्यक्तिमत्त्वाशी अनुरूप ठरतात की नाही.
बजेटनुसार पर्याय
पुढील टप्पा आहे तो म्हणजे, आपले बजेट. बाजारपेठेमध्ये बजेटनुसार अनेकानेक पर्याय उपलब्ध असतात. त्यामुळे सोफ्यासाठी आपण किती खर्च करणार आहोत, याबाबत आपल्या मनामध्ये अत्यंत स्पष्टता असायला हवी. हे अशासाठी की ‘पॉकेट फ्रेंडली’ या शब्दाचा अर्थ प्रत्येक खरेदीदारानुसार बदलत असतो. कुटुंबाचा आकार हादेखील सोफ्याची निवड करतानाचा तितकाच महत्त्वाचा निकष असतो. जर तो ३+२ असेल तर मग त्याची लांबी किती असणार? तो खोलीमध्ये खूपच मोठा वाटेल का? एखाद्या कुटुंबाच्या दृष्टीकोनातून विचार केला तर हे असे अनेक प्रश्न सुयोग्य उत्तर मिळवण्यासाठी उपयुक्त ठरतात.
