थंडीत केसांची घ्यावयाची काळजी

* डॉ. नरेश अरोरा, संस्थापक, चेज अरोमा थेरपी कॉस्मेटिक्स

असे म्हटले जाते की केसांसाठी शँपू चांगला असतो, जे खरे नाही. शँपूपेक्षा साबण जास्त चांगला असतो. शँपू हे वेगवेगळया रसायनांचे मिश्रण आहे. जर तुम्हाला शँपू वापरायचा असेल तर मग असा शँपू निवडा, जो सल्फेट-फ्री डिटर्जेंट बेस असेल आणि तो पॅराबेन प्रिझर्वेटिव्हजपासूनदेखील मक्त असेल.

जर आपण शँपू योग्य प्रकारे धुतला नाही तर केसांची चमक आणि सौंदर्य संपुष्टात येईल. केसांना योग्य आकारात कायम ठेवण्यासाठी तेल लावणेदेखील खूप महत्त्वाचे आहे. नारळी तेल वापरणे ठीक आहे, परंतु ते उन्हाळयात अधिक चांगले असते.

काही टिपांसह आपण केसांचे नैसर्गिक उपाय प्राप्त करू शकता :

* आयुर्वेदिक सिद्धांतांनुसार केसांना तेल लावणे हा त्यांना मजबूत करण्याचा आणि त्यांची गुणवत्ता सुधारण्याचा एक चांगला मार्ग आहे. परंतु योग्य तंत्र आणि योग्य वेळ माहित असणे आवश्यक आहे. बऱ्याच स्त्रियांना सकाळी तेल लावायला आवडते. हे बरोबर नाही. सकाळच्यावेळी कधीही तेल लावू नये. आपण आपल्या केसांची गुणवत्ता सुधारू इच्छित असल्यास, ते लांब करू इच्छित असाल, अकाली पांढरे होण्यास प्रतिबंध करू इच्छित असाल, विभाजित केसांपासून मुक्त होऊ इच्छित असाल तर रात्रीच्या वेळेस आपल्या केसांना तेल लावावे. दुसऱ्या दिवशी सकाळी कोमट पाण्याने केस धुवावे.

* केसांच्या मुळांवर (टाळूवर) तेल लावा, केसांना नाही.

* नारळी तेलात केसांशी संबंधित बऱ्याच समस्यांचे निराकरण आहे. याचा वापर डोक्यावर टॉवेल गुंडाळून वाफ घेऊन करा. यासाठी, १५ ते २० मिनिटांचा वेळ योग्य आहे.

* नेहमी कोमट पाणी वापरा. थंड हवामानात थंड पाण्याचा वापर केल्याने केसांचे नुकसान होऊ शकते आणि यामुळे केस कोरडे, निर्जीव आणि अशक्त होऊ शकतात. तसे, खूप गरम पाणी टाळूच्या त्वचेचे तेल (सीबम) शोषून घेते, ज्यामुळे केस अधिक कोरडे आणि निर्जीव होऊ शकतात. म्हणून कोमट पाण्याने आपले केस धुवा. आपण बेस ऑईल म्हणून बदाम, जोजोबा आणि ऑलिव्ह ऑईल वापरू शकता.

अरोमा थेरेपीचा फॉर्म्युला

* १ लहान चमचा बेस तेल, २ थेंब व्हिटॅमिन ई तेल, १ थेंब टी ट्री तेल, १ थेंब पचौली तेल आणि १ थेंब तुळस तेल मिसळा. याचा उपयोग केसांची रचना चांगलीदेखील ठेवेल तसेच मजबूत ही बनवेल.

* आपण इच्छित असल्यास आपल्या केसांना वाफदेखील देऊ शकता परंतु दुसऱ्या दिवशी ते धुण्यास विसरू नका.

* केसांची निगा राखण्यासाठी कंडिशनरच्या भूमिकेकडे दुर्लक्ष केले जाऊ शकत नाही. हे टॉवेल्सपासून होणाऱ्या नुकसानीपासून केसांचे संरक्षण करते. म्हणून गरज भासल्यास कंडिशनर वापरा. तसेच, यादरम्यान हे लक्षात ठेवा की लीव ऑन किंवा बिल्ड ऑन कंडीशनरचा वापर करू नका. त्यामध्ये सिलिकॉन तेल असते. हे केसांवर गुरुत्वाकर्षण दबाव आणते ज्यामुळे कालांतराने केसांची मुळे अजूनच कमकुवत होतात.

* असा कंडिशनर वापरा, जो केस धुताना पूर्णपणे निघून जाईल, तसेच ज्यामध्ये नैसर्गिक घटक वापरले गेले असतील.

* १ चमचा दही, १ चमचा आवळा, १ चमचा शिकाकाई, अर्धा चमचा तुळस, अर्धा चमचा पुदीना, अर्धा चमचा मेथी व्यवस्थित मिसळा आणि केसांवर लावा.

* आपण अंडयाचा पांढरा भाग शँपूमध्ये मिसळून केसांमध्ये लावू शकता.

काही इतर सूचना

योग्य प्रमाणात भोजन केल्याने पुरेसे जीवनसत्त्वे, खनिजे आणि पोषक तत्त्वे मिळतात, ज्यामुळे शरीर आणि मेंदू कणखर आणि निरोगी होतात. योग्य प्रकारचे खाणे विविध प्रकारचे रोग टाळण्यास मदत करते आणि आरोग्यास होणारे नुकसान टाळता येते. हे केसांची पोत राखण्यासदेखील मदत करते, म्हणजेच आपल्याला चांगले केस हवे असतील तर आपले भोजनदेखील संतुलित असावे, आरोग्यवर्धक अन्न खावे जे व्हिटॅमिन एच, बी ५, व्हिटॅमिन के, व्हिटॅमिन बी १२ ने भरलेले असेल.

आठवडयातून ३ वेळा कोशिंबीरीसह अंकुरलेले धान्य खावे. कोशिंबीरीत मीठ असू नये. कोशिंबीरी घेतल्यानंतर दीड तासाने थोडया प्रमाणात लिंबाचा रस आणि पुदीनेची चटणी खाल्ल्यास बराच फायदा होईल.

मॉर्निंग वॉकमुळे भविष्यात कोणत्याही अडथळयाशिवाय व्हिटॅमिन डी शोषण्यास मदत मिळते. सूर्यप्रकाशामध्ये फारच कमी प्रमाणात प्रदूषण कमी केले जाऊ शकते. बळकट आणि दाट केसांसाठी जास्तीत जास्त व्हिटॅमिन डी घेण्याचा प्रयत्न करा.

लिप केअर टीप्स

* पारुल भटनागर

थंडीमध्ये त्वचेची सोबतच ओठांचीदेखील विशेष काळजी घेण्याची गरज असते, कारण ते खूप कोमल असतात. त्यांच्यावर थंडी आणि कोरडया हवेचा थेट प्रभाव पडतो. अशावेळी फाटलेले ओठ जिथे जळजळ निर्माण करतात, तिथेच आपला विंटर चर्मदेखील संपवतात. त्यामुळे त्यांच्या विशेष काळजीची गरज असते. लिप्स केअर संबंधात जाणूया गेट सेट युनिसेक्स सलूनचे एक्सपर्ट समीर यांच्याकडून.

हिवाळा हा रुक्ष त्वचा आणि पापुद्राच्या ओठांचा ऋतू. हेच कारण आहे की या ऋतूमध्ये तुम्हाला खूप काळजीपूर्वक अशी लिप्स्टिक निवडायला हवी, जी रूक्ष आणि कोरडया त्वचेवर चांगल्या पद्धतीने काम करू शकेल.

वेगळे आहेत नियम

लिपस्टिक लावण्याचेदेखील वेगवेगळे रुल्स असतात, जसे दिवसाच्या वेळी लाईट कलरची लिपस्टिक लावायला हवी, तर रात्री ब्राईट आणि डार्क कलरची. अशाच प्रकारे ऋतूच्या हिशेबाने लिपस्टिक लावायला हवी. गरजेचे नाही की तुम्ही जी लिपस्टिक उन्हाळयामध्ये वापरता, तीच थंडीच्या ऋतूतदेखील तुम्हाला सूट करेल.

मॅट लिपस्टिक तुम्हाला कितीही आवडत असली तरी हिवाळयात ती लावण्याने तुमचे ओठ रूक्ष होऊ शकतात. तुम्ही जेव्हा केव्हा ही मॅट लिपस्टिक विशेषत: लिक्विड मॅट लिपस्टिक लावण्याविषयी विचार कराल, तेव्हा तुम्हाला या गोष्टीची तयारी आधी करावी लागेल, जेणेकरून तुम्ही आपल्या ओठांना रूक्ष आणि पापुद्रे युक्त होण्यापासून वाचवू शकाल.

जेव्हा मॅट लिपस्टिक वापराल

लिक्विडड मॅट लिपस्टिक लावण्यापूर्वी या गोष्टींची काळजी घ्या.

* ओठांवर व्हॅसलिन अप्लाय करा, जेणेकरून मॉइश्चर टिकून राहील.

* नंतर ब्रशचा वापर करून ओठांना एक्सफोलिएट करा आणि त्यानंतर त्यांच्यावर लीप बाम लावा.

* आता लिक्विड लिफ्ट कलर लावा.

* त्यावर प्रायमर लावा जेणेकरून लिपस्टीक पुष्कळ काळापर्यंत टिकून राहील.

* शेवटी ओठांच्या मधोमध हायलायटर लावा, जेणेकरून ओठ रसरशीत दिसतील. असे करण्याने ओठांवर पुष्कळ चांगला रिझल्ट येईल.

जर तुम्ही हिवाळयात ओठांना रसरशीत दाखवण्यासाठी ग्लॉसी लिपस्टिक लावू इच्छित असाल तर हा एक चांगला ऑप्शन आहे. मॅट लिपस्टिकऐवजी ग्लॉसी लिपस्टिक रिफ्लेक्शनमुळे चमकदार दिसते. ही तुम्ही थेटदेखील अप्लाय करू शकता किंवा मग मॅट लिपस्टिकच्या टॉप कोटसारखीदेखील वापर करू शकता. काही ग्लोसी लिपस्टिक्समध्ये ऑर्गन ऑइलचे गुण असतात ज्यामुळे तुमचे ओठ मऊ राहतात आणि त्यांचे ग्लॉसी टेक्सचर हिवाळयात तुमच्या ओठांना आरोग्यदायी लुक देते. ग्लॉसी लिपस्टिकसोबत सॅटन लिपस्टिकदेखील हिवाळयात पर्फेक्ट मानली जाते.

घरगुती उपाय

असर्वसाधारणपणे तीव्र हवा किंवा तीव्र उन्हाच्या संपर्कात येण्याने ओठ शुष्क होतात आणि मग फाटू लागतात. जर तुम्हीदेखील ओठ फाटण्याच्या समस्येतून जात असाल तर त्यांच्या बचावासाठी योग्य लिपस्टिक आणि लीप बामचा वापर करा. याशिवाय खालील घरगुती उपायदेखील करून पाहू शकता.

नाभीमध्ये तेल लावा : सकाळी अंघोळीच्या आधी नाभीमध्ये तेल लावण्याने फाटलेल्या ओठांच्या समस्येपासून सुटका होऊ शकते.

ओठांवर तूप लावा : जर तुम्ही फाटलेल्या ओठांच्या समस्येने हैराण असाल तर त्यांच्यावर तूप लावा. याशिवाय लोण्यात मीठ घालून लावण्यानेदेखील ओठ नरम होतात.

साखरेने स्क्रब करा : साखरेमध्ये ग्लायकोलीक आणि अल्फा हायड्रॉक्सी अॅसिड असते ज्यामुळे नरमपणा कायम राहतो. ब्राउन आणि व्हाईट शुगरने ओठांना स्क्रब करा. समस्या छूमंतर होईल

ब्रायडल मेकअप डे अँड नाइट वेडिंगसाठी

* पारुल भटनागर

मेकअपमध्ये स्किनटोन आणि ड्रेसबरोबरच हेही महत्वाचे असते की ते दिवसाला अनुसरून केले आहे की रात्रीला आणि जेव्हा गोष्ट ब्राइडल मेकअपची असते तेव्हा तर या गोष्टीची अधिक काळजी घेणे जरूरी ठरते.

प्रस्तुत आहे, भारती तनेजा डायरेक्टर ऑफ ऐल्प्स ब्युटी क्लिनिक अॅन्ड अॅकेडमीद्वारे दिल्या गेलेल्या काही विशेष टीप्स :

डे ब्राइडल मेकअप

दिवसाच्या ब्रायडल मेकअपसाठी सगळयात आवश्यक आहे मेकअपचा बेस बनवणे. मेकअपचा बेस जेवढा चांगला असेल, मेकअप तेवढाच सुंदर आणि नैसर्गिक दिसेल. बरेच ब्रायडल बेस बनवतानाही चुका करतात, जो मेकअपचा सर्वात महत्वाचा भाग आहे.

मेकअपची सुरूवात प्रायमरने करा. पूर्ण चेहऱ्यावर चांगल्याप्रकारे प्रायमर अप्लाय करा. यामुळे चेहऱ्याचा मेकअप करणे सोपे होईल आणि त्वचा एकसारखी दिसेल. नंतर चेहऱ्याच्या डागांवर कंसीलर लावून त्यांना लपवा. डोळयांच्या खाली, आईब्रोजच्यामध्येही कंसीलर अप्लाय करा. असे केल्याने चेहरा डागरहीत दिसेल.

आता पाळी आहे फाउंडेशनची. त्वचेवर ब्रशच्या साहाय्याने फाउंडेशन असे अप्लाय करा जसे आपण पेंट करत आहात. यानंतर अंडाकार स्पंजच्या साहाय्याने याला ब्लैंड करा. ब्रशच्या साहाय्याने अतिरिक्त फाउंडेशन हटवून लुज पावडरच्या मदतीने बेसला सेट करा.

आता कंटूरिंगसाठी चिकबोन्सवर हलक्या शेडची लेयर, मध्ये त्यापेक्षा डार्क आणि शेवटी डार्क लेयर बनवून ब्लेंड करा. चांगल्याप्रकारे ब्लेंड झाल्यावर आपल्या चेहऱ्याचे फीचर्स उठून दिसतील. यानंतर आई मेकअप, लिप मेकअप आणि हेयरस्टाईल करू शकता.

नाइट ब्रायडल मेकअप

रात्रीच्यावेळी ब्रायडल मेकअप दिवसाच्या तुलनेत डार्क केला जातो. यासाठी मेकअपचा कलर बोल्ड असायला हवा. ३-४ रंग मिक्स करूनही मेकअप केला जाऊ शकतो. लग्नाच्या दिवशी चांगले दिसण्यासाठी डोळयांचे खूप जास्त महत्व असते. अशा स्थितीत जर यांची नीट देखरेख केली नाही तर हे आपल्या सर्व मेहनतीवर पाणी फेरू शकतात.

डोळयांसाठी स्मोकिंग कलरचा वापर केला जाऊ शकतो. आपल्या डोळयांकडे लक्ष्य आकर्षित करण्यासाठी आपण ब्राऊन, ग्रे आणि ग्रीन कलरच्या आयलाइनरचा उपयोग डोळयांच्या वरच्या आणि खालच्या भागात करू शकता.

जर आपले डोळे घारे असतील तर आपण पर्पल आणि ग्रे कलरचा आयलाइनर लावू शकता आणि जर डोळे हिरवे आणि निळे असतील तर आपल्यासाठी ब्रौंज शेड आणि डार्क ब्राऊन चांगला पर्याय आहे.

जर ऑयली स्किन असेल

जर ऑयली स्किन असेल आणि घाम खूप येत असेल तर टू वे केकचा उपयोग आपल्यासाठी योग्य ठरेल. कारण हा एक वॉटरप्रुफ बेस आहे. याशिवाय आपण आपल्या स्किनसाठी पॅन स्टिक आणि मूजचाही उपयोग करू शकता. मूज चेहऱ्यावर लावताच पावडर फॉर्ममध्ये रूपांतरित होते. ज्यामुळे घाम येत नाही. हे अतिरिक्त ऑइल रिमूव्ह करून चेहऱ्याला मॅट फिनिश आणि लाइट लुक देते.

जर त्वचा खूप जास्त ऑयली असेल किंवा उन्हाळयाच्या दिवसांत मेकअप करत असाल तर फाउंडेशनच्या अगोदर चेहऱ्यावर बर्फाचा मसाज घ्या.

ऑयली त्वचेवर डाग दिसून येतात. यापासून वाचण्यासाठी कंसीलर लावावे. कंसीलर आणि फाउंडेशन लावल्यानंतर मेकअपला ट्रांसलूसेंट पावडरने सेट करा. यामुळे मेकअप जास्त वेळेपर्यंत टिकून राहील आणि पसरणारही नाही.

कोरडी त्वचा असेल

जर आपली त्वचा कोरडी असेल तर आपण मेकअपच्या दरम्यान पावडरचा उपयोग करू नका. असे केल्याने आपली त्वचा अजून जास्त कोरडी होऊ शकते. त्वचा कोरडी झाल्यावर आपण रिंटीड मॉइश्चरायजर, क्रीम बेस्ड फाउंडेशनचा उपयोग करू शकता आणि जर नॉर्मल त्वचा असेल तर आपल्यासाठी फाउंडेशन आणि कॉम्पॅक्ट चांगले विकल्प आहेत.

असे निवडा योग्य पॅकेज

* प्रोफेशनल मेकअप आर्टिस्ट शोधत असाल तर बजेट १५ हजार पासून २ लाखापर्यंतही जाऊ शकतं.

* काही ब्रायडल पॅकेजेसमध्ये नवऱ्या मुलीबरोबर तिच्या जवळच्यांचा मेकअपही सामील असतो. वेडिंग सीजन सुरु होताच आपल्याला ऑनलाइन आणि ऑफलाईन बऱ्याच स्पेशल ऑफर्स दिसतील.

* बरेच पॅकेजेस लग्नाच्या वेगवेगळया रीती-रिवाजांच्या दरम्यानही सर्र्व्हिस देतात. जसे मेहंदी, संगीत, विवाह आणि नंतर रिसेप्शन.

लग्नाच्या काही दिवस आधी मेकअप ट्रायल अवश्य करा. यामुळे तुम्हाला व मेकअप आर्टिस्टला आयडिया मिळते की आपल्या स्किनटोनवर कोणता मेकअप चांगला वाटेल आणि कोणत्या लुकमध्ये आपण जास्त कम्फर्टेबल राहाल.

निर्जीव कोरड्या केसांसाठी ९ उपाय

* गरिमा पंकज

वातावरणात वाढती आर्द्रता केस गळण्याचे मुख्य कारण आहे. या मोसमात केस हायड्रोजन शोषून घेतात, ज्यामुळे ते कोरडे व निर्जीव बनतात. अशा परिस्थितीत त्वचाविज्ञान क्लिनिकच्या चेयरमॅन व संस्थापक डॉ. निवेदिता दादू म्हणतात की काही सोप्या उपायांद्वारे केसांची उत्तम देखभाल करता येईल :

डीप कंडिशनिंग करा : सूर्यप्रकाशाशी दीर्घकाळ संपर्क राहिल्यास केस वारंवार कोरडे आणि निस्तेज बनतात. केसांना पुर्नजीवित करण्यासाठी टाळूपर्यंत डिप कंडिशनिंग आवश्यक आहे, जेणेकरून या मोसमातही केसांना आणि टाळूला अतिरिक्त पोषण मिळू शकेल.

केसांना हिटपासून दूर ठेवा : पावसाळयातील आर्द्रतेमुळे जेव्हा आपण आपल्या ओल्या केसांवर हिट जनरेटिंग उत्पादने वापरता, तेव्हा त्याचा केसांवर वाईट परिणाम होतो. म्हणूनच ब्लोड्रायर, स्ट्रेटनर, कर्लिंग रॉड यासारख्या हिट जनरेटिंग उत्पादनांपासून केस दूर ठेवावेत. ते केस निर्जीव करतात, म्हणून केसांचं नैसर्गिकरित्या स्टायलिंग करा.

केसांच्या मुळांपर्यंत तेल पोहोचू द्या : वर्षभर केसांना तेल लावणे चांगले असले तरी या मोसमात तेल लावणे फार महत्वाचे आहे. आठवडयातून कमीतकमी एकदा खोबरेल किंवा ऑल्हिच्या तेलाने मालिश करणे फायदेशीर ठरते.

भरपूर आहार घ्या : इतर सर्व घटकांव्यतिरिक्त एक गोष्ट जी केसांचे सौंदर्य आणि निरोगी केस टिकवून ठेवण्यात प्रमुख भूमिका निभावते ती म्हणजे आपला आहार. आपल्या आहारात अंडी, मासे आणि स्प्राउट्ससारख्या खाद्यपदार्थांचा समावेश करा. ते प्रथिने आणि लोहाने समृद्ध असतात. केस निरोगी ठेवण्यासाठी अक्रोडदेखील चांगले असतात, कारण त्यात भरपूर प्रमाणात ओमेगा -३, फॅटी असिड्स आणि व्हिटॅमिन ई असतात.

आपले केस ट्रिम करा : कोरडे किंवा द्विमुखी केसांपासून मुक्त होण्यासाठी त्यांना ट्रिम करणे खूप महत्वाचे आहे.

आपले केस घट्ट बांधू नका : सैल बन्स, नॉट्स आणि मेसी ब्रेड्स बरेच ट्रेंडी आणि फॅशनेबल दिसतात. पावसाळयातील वातावरणात जास्त आर्द्रता असल्यामुळे घट्ट केस खूप त्रासदायक ठरू शकतात, सोबतच त्यांची मुळेदेखील कमकुवत होतात, ज्यामुळे केस गळतात आणि तुटतात.

केसांना हेअर मास्क लावा : घरगुती हेअर मास्क लावण्याहून उत्तम काही नाही. हे केसांना भरपूर पोषण प्रदान करते. घरगुती हेअर मास्क तयार करणे कठीण नाही. १ केळे, मध आणि बदाम तेल यांचे मिश्रण बनवून ते केसांना लावा आणि अर्धा तास तसेच राहू द्या. नंतर केसांवर गरम टॉवेल थोडावेळ लपेटून घ्या. मग केस चांगल्या सौम्य शॅम्पूने धुवा व कंडिशनर करा.

द्रव पदार्थांचे सेवन अधिक करा : पाणी, ज्यूस, स्मूदीज, शेक, लिंबू पाणी आणि नारळ पाण्यासारख्या द्रव पदार्थांचे सेवन शरीरासाठी खूप महत्वाचे आहे. पावसाळयात हायड्रेटेड राहिल्याने शरीराचे तापमान टिकून राहते.

सोबत छत्री बाळगा : पावसाळयात घराबाहेर पडण्यापूर्वी छत्री अवश्य घ्या. पावसामुळे तयार होणारे असिडिक घटक आणि धुळीच कण केसांना कमकुवत करू शकतात. आर्द्रता टाळण्यासाठी पावसात केस ओले होणे टाळा. जर केस ओले झालेच तर घरी जाऊन त्यांना अवश्य धुवा आणि नंतर चांगल्या प्रकारे पुसून ते कोरडे करा.

कोंड्यापासून बचाव : पावसाळयात कोंडयाची समस्याही वाढते, म्हणून या मोसमात याकडे लक्ष देणे फार महत्वाचे आहे. यासाठी विशेष प्रकारचे हेअर मास्क लावा जसे की मेथीची पेस्ट बनवून व्हिटॅमिन ई असलेल्या तेलात ती एक तास भिजवून घ्या आणि नंतर ती आपल्या केसांमध्ये लावा. यामुळे केसात कोंडा होत नाही.

गुपित नितळ त्वचेचे

* भारत भूषण श्रीवास्तव

त्वचेवरील डाग व्रण नाहीसे करण्यासाठी महिला न जाणे कोणकोणते उपाय करून पाहतात. एवढे करूनही डाग वा व्रण गेले नाहीत तर चिडचिड होणे सहाजिक आहे. लाखो घरगुती उपाय व टीप्स आहेत आणि अनेक क्रीम्स बाजारात उपलब्ध आहेत. सगळे वापरूनही डाग वा व्रण कायमचे जात नसतील तर डागयुक्त असलेली त्वचा नक्कीच एक शाप आहे.

त्वचेवरील डाग वा व्रण नाहीसे करण्याकरीता आधी त्याची कारणे जाणून घेणे गरजेचे आहे, ज्यामुळे हे त्वचेवर दिसू लागतात व परत जायचे नाव घेत नाहीत.

त्वचेच्या आपल्या अशा काही गरजा असतात, ज्या आपण वेळीच समजून घेतल्या नाहीत तर वाढत्या वयानुसार हे डाग वा व्रण वाढत जातात आणि वेळ अशीही येते की कोणताही उपाय कामी पडत नाही.

खरेतर त्वचेवरील डाग वा व्रण बाह्य व अंतर्गत दोन्ही कारणे एकदम वरचढ झाल्याने ते आपल्याला भक्ष्य बनवतात आणि अशाप्रकारे बनवतात की आपल्याला समजतसुद्धा नाही की पहिला डाग केव्हा आला होता ते. म्हणजेच निष्काळजीपणा हेसुद्धा एक मोठे कारण आहे.

या, जाणून घेऊ नितळ त्वचा मिळवण्याची काही गुपितं, जेणेकरून चेहरा लपवावा लागणार नाही व आत्मविश्वासही कायम राहील.

आहार

त्वचेचा थेट संबंध आपल्या आहाराशी असतो, हे सगळयांना माहीत असते. पण असे असूनही जेवणातील काही घटकांच्या अभाव वा कमतरतेमुळे आपल्या लक्षात येत नाही आणि हेच त्वचेवर डाग वा व्रण येण्यास कारणीभूत ठरतात. म्हणून नव्या दृष्टीने जेवणाकडे बघायला हवे. जसे की :

* जेवणात जीवनसत्वे, प्रथिने, खनिजे व इतर घटक समाविष्ट असावेत.

* जेवणात ऋतूनुसार फळं, भाज्या, डाळी अवश्य समाविष्ट करा.

* दही, ताक आपल्या जेवणाचा भाग बनवा.

* व्हिटॅमिन ई व सी असलेलले खाद्यपदार्थ म्हणजे लिंबू वगैरे जेवणात असायला हवे.

* रात्रीचे जेवण झोपण्याच्या ३-४ तास अगोदर घ्यावे.

* सकाळचा नाश्ता पौष्टिक व तंतुमय असावा.

* संतुलित प्रमाणात सुका मेवा आपल्या आहारात सामाविष्ट करा.

अनेक कारणांमुळे डाएट चार्ट पाळणे शक्य होत नाही. पण जेवणात काय असावे व काय असू नये याकडे नक्कीच लक्ष असू शकते. जसे :

हे अजिबात घेऊ नका : दारू. पांढरा ब्रेड, शीत पेये, सोया मिल्क, स्ट्राबेरी, चॉकलेट. तज्ज्ञांचे म्हणणे आहे की या पदार्थांचे अति सेवन केले तर ते त्वचा विकार निर्माण करतात. म्हणून हे पदार्थ घेतले नाही तरी चालतात.

मर्यादेत ठेवा : चहा, कॉफी, दूध, मीठ, साखर, शेंगदाण्याचे तेल व सालसा.

नियमित घ्या : सफरचंद, टोमॅटो, लिंबू, दही आणि फळांचा रस.

केवळ अंघोळ करणे हे त्वचेसाठी पुरेसे नाही, उलट त्वचा स्वच्छ ठेवण्यासाठी हे उपायसुद्धा अवलंबले पाहिजेत :

* आठवडयातून एकदा उटणे वापरा.

* महिन्यातून एकदा फेशियल व बॉडी मसाज अवश्य करा.

* चेहऱ्याकडे खास लक्ष द्या. पहिला डाग दिसताच जागे व्हा. त्वरित ब्युटिशियन वा त्वचारोगतज्ञाचा सल्ला घ्या.

* कमीतकमी ७-८ तासांची झोप पूर्ण करा.

* पोट साफ ठेवा. बद्धकोष्ठता हे त्वचेववरील डाग वा व्रणाचे एक प्रमुख कारण आहे.

* चेहऱ्यावर ठराविक काळाने मध, हळद, लिंबाचा रस, गुलाबजल, बेसन किंवा सायीचा वापर करा. हे वापरल्याने मृत त्वचा नाहीशी होते.

* नियमित सनस्क्रीन वापरा.

* ताण, अपचन, निद्रानाश यापासून दूर राहा. बऱ्याचदा डोळयांखाली काळी वर्तुळं यामुळेच येतात.

इंदोरच्या अनुभवी ब्युटिशियन मीनाक्षी पुराणिक सांगतात की किशोरावस्थेत ज्याप्रमाणे मुरूम येऊ लागतात त्याचप्रमाणे मेनापॉजच्या काळातही त्वचेच्या समस्या निर्माण होऊ लागतात, जसे सुरकुत्या येणे, पिगमेंटेशन येणे, डोळयांच्या आजूबाजूला रेषा व डार्क स्पॉटस येणे वगैरे.

या सांगतात की अलीकडे ब्युटी क्लिनिक्समध्ये फेशियलशिवाय अनेक नॉनसर्जिकल ट्रीटमेंट्स दिल्या जातात जसे मायक्रोडर्माटोजन, फ्रुट पील, केमिकल पिल, लिंफेटिक थेरपी, मॅगनेट थेरपी, अरोमा थेरपी, स्टोन थेरपी, मरीन ट्रीटमेंट वगैरे. ह्या सगळया ट्रीटमेंट्स त्वचा डागविरहित करतात. शक्य असेल तेवढी आपली जीवनशैली आणि आहार व्यवस्थित ठेवा. असे केल्याने त्वचेवरील चमक कायम राहील.

Diwali Special: या दिवाळीत तुमच्या डोळ्यांना ही अनोखी भेट द्या

* गृहशोभिका टीम

या दिवाळीच्या सणाला तुमचे डोळेही सुंदर दिसावेत म्हणून तुम्ही तुमचे डोळे भेट देऊ इच्छिता? आम्ही तुम्हाला डोळ्यांच्या मेकअपसाठी काही खास टिप्स सांगणार आहोत.

प्रत्येक मुलीला डोळ्यांचा मेकअप करायला आवडतो. डोळ्यांचा मेकअप करूनच चेहऱ्यावर सौंदर्य आणता येते. या दिवाळीत, जेव्हा तुम्ही तयार असाल, आम्ही तुम्हाला सांगितल्याप्रमाणे तुमच्या डोळ्यांचा मेकअप करा, तुमचा चेहरा नक्कीच सुंदर दिसेल.

अनेक लोक डोळ्यांचा मेकअप करणे आवश्यक मानत नाहीत किंवा ते चुकीच्या पद्धतीने मेकअप करतात. समजा त्यांचे डोळे खूप लहान आहेत आणि ते हलका मेकअपदेखील करतात, अशा परिस्थितीत, डोळे सुंदर दिसत नाहीत किंवा ते मोठ्या डोळ्यांवर भारी मेकअप करतात, ज्यामुळे ते लहान दिसू लागतात.

डोळ्यांचा मेकअप ही एक कला आहे जी शिकण्यासाठी ज्ञान आणि वेळ दोन्ही आवश्यक आहे. या दिवाळीत डोळे कसे सजवायचे ते जाणून घेऊया.

  1. तपकिरी आणि गुलाबी सावलीत डोळ्यांचा मेकअप करा. त्यामुळे डोळ्यात सहजता येईल आणि नाटकही दाखवले जाईल. तुम्हाला फक्त काळजी घ्यावी लागेल की तुम्ही ते जास्त करू नका.
  2. क्लासिक विंडेज आयलाइनर आणि न्यूट्रल आयशॅडोने डोळे सुंदर बनवता येतात. तुम्ही पापण्यांवर जाड लायनर लावा आणि मस्कराही लावा.
  3. जांभळा, चांदी आणि कांस्य या तीन शेड्स जेव्हा तुम्ही मेकअप टूल्स म्हणून वापरता तेव्हा ते एक उत्कृष्ट लुक देतात.
  4. सबस्टेल रोझ गोल्ड आयशॅडो डोळ्यांवर छान दिसते. यावेळी जर तुम्ही पूजेदरम्यान अनारकली सूट घालणार असाल तरच लावा. माझ्यावर विश्वास ठेवा, तुमचे डोळे बोलतील.
  5. हा रोझ गोल्डपेक्षा थोडासा ठळक मेकअप असेल. त्याला हॅलो आयशॅडो असेही म्हणतात. आयशॅडोसाठी गडद गुलाबी शेड आणि डीप गोल्ड शेडचा वापर करता येईल.
  6. जर तुम्हाला मेकअपमध्ये थोडे धाडस आणि ट्विस्ट आवडणार असेल, तर तुम्ही चमकदार किरमिजी रंगाचा आयशॅडो लुक वापरून पाहू शकता. हा लुक देताना लिपस्टिकप्रमाणे लावा आणि नंतर त्याच रंगाची लिपस्टिक ओठांवर लावा.
  7. ही शॅम्पेन गुलाबी आयशॅडो डोळ्यांना फुलांचा लुक देते. जर तुम्ही पूजेदरम्यान या रंगाचा ड्रेस घालणार असाल तर हा मेकअप तुम्हाला खूप शोभेल.

Diwali Special: झटपट मेकअप टीप्सनी उजळा रूप

* अमित सारदा, मॅनेजिंग डायरेक्टर, सोलफ्लॉवर

सणांच्या काळात काम वाढत असल्याने आपल्या त्वचेची देखभाल करण्यासाठी वेळ मिळत नाही. खरं तर या काळात आपल्या त्वचेला जास्त देखभालीची आवश्यकता असते. वेळ न मिळाल्यामुळे आपण त्वचेकडे लक्ष देऊ शकत नाही आणि त्वचेतील कमतरता भरून काढण्यासाठी कॉस्मॅटिक पर्यायांचा वापर करतो. परंतु हे पर्याय चांगले नाहीत, कारण पारंपरिक कॉस्मॅटिक उत्पादने त्वचेला फायदा पोहोचविण्याऐवजी जास्त नुकसान पोहोचवू शकतात.

इथे स्किन केअर रूटीन टीप्स देत आहोत, ज्याद्वारे आपण आपल्या त्वचेसाठी काही मिनिटे खर्च करून संपूर्ण दिवसभर ताजेतवाने राहाल.

* मिंट साबणाने अंघोळ केल्यास आपल्याला ताजेतवाने वाटेल. तुम्ही जर रोज मिंट साबणाचा वापर कराल, तुम्हाला रोजच ताजेपणाचा अनुभव येईल.

* आपला चेहरा आणि गालांना ग्रेप सीड ऑइलने मॉइश्चराइज करा. त्याचप्रमाणे, आपल्या डोळयांखाली व वर काकडी व गुलाबपाण्याचे मिश्रण लावून हलक्या हातांनी मालीश करा. हे मिश्रण चेहऱ्यावर लावून मालीश केल्याने आपल्याला केवळ फ्रेशच वाटणार नाही, तर यामुळे रूक्ष त्वचेला ओलावा मिळेल आणि त्वचा उजळेल.

* साबणाऐवजी लिक्विड क्लींजरचा वापर करा, त्याला फेस येत नाही. फोमयुक्त क्लींजरचा वापर करून त्वचेला नुकसान पोहोचविण्याऐवजी आरोग्यदायी उजळपणा मिळविण्यासाठी त्वचेचे पोषण आवश्यक आहे. आपण ऑलिव्ह ऑइलचा वापर करून त्वचेला नैसर्गिक ओलावा प्रदान करू शकता.

* आपल्या आहारात आंबट फळांचा समावेश करा. कारण त्यात व्हिटॅमिन सी असते. त्यामुळे उत्साह वाढतो. अंघोळीसाठी संत्रे किंवा गाजराच्या गुणांचा साबण वापरल्यास आपल्याला टवटवी येईल व जास्त ऊर्जावान वाटेल.

* अनेक एक्सफोलिएंट अशा तत्त्वांनी बनलेले असतात, जे आपल्या त्वचेला सोलवटून क्षतिग्रस्त करतात. त्यामुळे त्वचेचे वय वेगाने वाढू लागते. म्हणून आपण एंजाइमॅटिक एक्सफोलिएंटचा वापर करा. पपईमध्ये नैसर्गिक एंजाइम पपाईन आढळून येते, जे त्वचेला अपेक्षेपेक्षा जास्त उजळपणा प्रदान करते.

* सिंथेटिक सुगंधाचा वापर करू नका. यामध्ये हानिकारक केमिकल असू शकतात. त्याऐवजी आपण शुद्ध एसेंशिअल ऑइलच्या रूपात असणाऱ्या नैसर्गिक सुगंधाचा वापर करा. यात मधुर सुगंध असतोच, परंतु त्याचबरोबर ते रूक्ष किंवा तेलकट त्वचेमध्ये सिबमच्या स्तराचे संतुलन करते.

* टीट्रीमध्ये अँटिबॅक्टेरिअल व अँटिइन्फ्लेमेटरी गुण असतात, जे मुरमांना अटकाव करतात. आपण अलोविरामध्ये या तेलाचे १-२ थेंब मिसळून लावा.

* केसांसाठी अँटिफ्रीज सीरम, उदा. एवोकॅडो कॅरियर ऑइल केसांना लावून त्यांना बांधून ठेवा. मग आपले दैनंदिन काम सुरू ठेवा. आपले केस पूर्ण सुकल्यानंतर मखमली होतील, जे आपण मोकळे किंवा अंबाडा बांधून ठेवू शकता.

* आपल्या चेहऱ्याचा मेकअप सुरू करण्यापूर्वी त्यावर प्राइमरचा एक थर लावा. त्यामुळे आपली त्वचा मुलायम होईल आणि आपणासाठी मेकअप करणेही सोपे होऊन जाईल. आपण प्राइमर दीर्घकाळ लावून ठेवा.

* केसांना ऑलिव्ह ऑइल लावा. त्यानंतर गरम पाण्यात टॉवेल भिजवा आणि पाणी पिळून टाका. हे गरम टॉवेल आपल्या केसांना बांधा आणि पाच मिनिटे तसेच राहू द्या. गरम टॉवेल तीन ते चार वेळा केसांना बांधा. त्यामुळे आपले केस व डोके जास्त तेल शोषून घेतील.

हे उपाय केल्याने दिवाळीच्या झगमगत्या संध्येला तुमचं रूप अधिक खुलून दिसेल.

Diwali Special: दिवाळी पार्टी मेकअप

* शैलेंद्र सिंह

दिवाळीच्यादिवशी सर्वत्र उत्साहाचे वातावरण असते. अशा परिस्थितीत मेकअपदेखील काही विशेष असावे. वयापेक्षा तरुण दिसण्याची ही वेळ असते म्हणजेच मेकअप असा असावा की चेहऱ्यावरील सुरकुत्या दूर करेल आणि अधिक चांगला लुक देईल. योग्य मेकअप उत्पादनांचा योग्य प्रकारे वापर केल्यास चेहऱ्याचा तरूण लुक परत येईल आणि आपण वयापेक्षा तरुण दिसू लागाल.

विग्रो मेकअप स्टुडिओची सौंदर्य तज्ज्ञ कविता तिलारा म्हणते, ‘‘मेकअप त्वचा आणि चेहऱ्यानुसार चांगला केला असेल तरच मेकअप चांगला दिसेल. मेकअपचा अर्थ खूप डार्क लिपस्टिक लावणे, पातळ भुवया असणे आणि जाड फाउंडेशन लावणे नसतो. मेकअप चेहऱ्याचे सौंदर्य उजळवण्याच्या आणि उणीवा लपवण्याच्या कलेचे नाव आहे. वयाचा परिणाम प्रथम चेहऱ्यावर दिसून येतो. म्हणून, त्यास मेकअपने कमी करणे योग्य अर्थाने खरे मेकअप आहे असे म्हणतात. उत्सवाचा मेकअप काहीसा असा असावा, जो आपल्याला वेगळा दाखवेल.’’

चला, जाणून घेऊया कविता तिलाराकडून काही खास मेकअप टीप्स :

ब्लशर देई ताजेपणा

ब्लशर केवळ तरुण दिसू इच्छिणाऱ्या स्त्रियांसाठीच आवश्यक नाही तर त्या तरुणींकरितादेखील आवश्यक आहे, ज्या वयाने लहान आहेत. ब्लशर ताजेपणाने चेहरा भरतो. यासाठी ब्लशरचा योग्य वापर करणे आवश्यक आहे. गालांच्या उठलेल्या हाडांवर ते लावा. ब्रशच्या मदतीने गोल फिरवत केशरचनेकडे नेत हलक्या हाताने लावा. याने कोणतेही पट्टे तयार होणार नाहीत. पीच पिंक सर्वोत्तम रंग आहे. गालांचा टांगता लुक लपविण्यासाठी, गालांच्या हाडांवर पांढरा शिमरी शॅडो वापरा. ग्लो करणारा मेकअप चांगला दिसतो परंतु त्यात गुळगुळीतपणा नसावा.

स्मितहास्य सुंदर बनवणारे ओठ

ओठांची त्वचादेखील वयानुसार बदलते. यामुळे लहान वयात आपल्याला ग्लॅमरस बनवणारा लिपस्टिकचा रंग उतारवयात खराब दिसू लागतो. हिवाळयाच्या हंगामात ओठांवर बनणारा पापुद्रा ओठांची लिपस्टिक खराब करतो.

गुलाबी पेस्टल किंवा पारदर्शक मॉइश्चरायझिंग लिपस्टिक ओठांवर एक वेगळा लुक देईल. ती अधिक डार्क करू नका, फक्त १ कोट लावा. यासह ओठ नैसर्गिक दिसतील. जर ओठ गुलाबी रंगाचे नसतील, ते ताजे दिसत नसतील तर पारदर्शक लिपस्टिक किंवा लिप ग्लॉस वापरू नका. गुलाबी रंगाच्या लिपस्टिकवर लिप ग्लॉस वापरणे चांगले राहील.

दिवाळीच्या वेळेस सभोवताली चमकणारे दिवे असतात. अशा वेळी, खालच्या ओठाच्या मध्यभागी असलेल्या पट्टयांमध्ये लिप ग्लॉसची रेघ ओढा. जेव्हा यावर प्रकाश पडेल तेव्हा आपले स्मितहास्य एक वेगळयाच शैलीत दिसेल.

आय मेकअप डोळयांना मादक बनवी

आय मेकअपमध्ये स्मोकी लुक हा नेहमीच हॉट ट्रेड मानला जातो. मेकअपमध्ये काही बदल करून स्मोकी डोळयांना चमकदार बनवले जाऊ शकते. योग्य आय मेकअपसाठी डोळयांच्या वरच्या पापण्या खालच्या पापण्यांपेक्षा नेहमी गडद असाव्यात. यासाठी पातळ टोकाचे आयलाइनर ब्रश वापरा. स्मोकी डोळयांना चमकदार बनवण्यासाठी खालच्या आयलॅशेजवर मोती रंगाच्या ब्रांझ लिपग्लॉसला आयलाइनर ब्रशने लावा. बोटाच्या सहाय्याने डोळयांवर लिप ग्लॉसदेखील लावता येते. याचा काळजीपूर्वक वापर करा. हे डोळयांच्या आत लागता कामा नये.

डोळे अधिक सुंदर दिसतील जेव्हा पापण्यांचे केस दाट असतील. त्यांना दाट दिसण्यासाठी त्यांच्या मुळांपर्यंत मस्करा लावा. मस्करेचा दुसरा कोट खूप हलका असावा. जर आयलॅशेज दाट असतील तर त्यांना काहीही करण्याची आवश्यकता नाही.

खास बनवणारी हेअरस्टाईल

परिपूर्ण मेकअपनंतर, हे खूप महत्वाचे आहे की आपली केशरचनादेखील अशी असावी की ती पाहिल्यावर लोक वाह-वाह करतील, सणानुसार केशरचना बनविणे चांगले. जर आपण दिवसा कोठे तरी जात असाल तर आपले केस बांधा किंवा साधी केशरचना करा. जर तुम्हाला फडफडणाऱ्या केसांनी संध्याकाळच्या पार्टीत जायचे असेल तर केस कंडिशन केलेले असणे आवश्यक आहे. आपण यामध्ये हलकी केशरचनादेखील बनवू शकता. आपणास काही खास दिसावयाचे असल्यास काही काळ केसात रोलर लावा. रोलर काढून टाकल्यानंतर हेयर स्प्रेने केस सेट करा.

पार्टी जबरदस्त आणि विशेष असेल तर केस खुले ठेवू नका. यामुळे आपण लवकर थकल्यासारखे दिसू लागाल. नवीन स्टाईलमध्ये आपले केस सजवा. वेणी, जुडा किंवा हेयर क्लिपच्या सहाय्याने केस बांधा. बांधलेले केस चेहरा सुंदर आणि ताजेतवाने करतात. फ्रेंच प्लेट किंवा फ्रेंच जुडा फेस्टिव्हलमध्ये आपल्याला भिन्न शैलीमध्ये दर्शवेल.

मनाला लुटणारी नखे

जर आपण पार्टीत इतरांपेक्षा वेगळे दिसू इच्छित असाल तर आपण नेल आर्ट वापरू शकता. आपल्या हातावर किती लांब नखे चांगले दिसतात याची काळजी घेतल्यानंतरच नेल आर्ट वापरा. योग्य आकारात नखे आणल्यानंतर आवश्यकतेनुसार आतमध्ये खोटया नखांसह चिकटला जाणारा पदार्थ घ्या. पांढरा नेल पेंट लावल्यानंतर त्यास कोरडे होऊ द्या. यानंतर आपल्याला इच्छित नेल आर्ट डिझाइन लागू करा.

समोरून रुंद असलेली नखे खूप पसंत केले जातात. हे कमी तुटतात. यांचा सपाट लुक चांगला दिसतो. त्यांना आकार द्या आणि समोरून अंडाकृती बनवा. न्यूड नेल्स आपल्याला फॅशनची एक वेगळी शैली देतील. हातांप्रमाणेच पायांच्या नखांनादेखील योग्य काळजी आणि मेकअपची आवश्यकता आहे.

यासाठी मॅनिक्युअर आणि पेडीक्योर करा. यानंतर नखांवर पारदर्शक नेलपोलिश लावा. आपण आपल्या त्वचेच्या टोनशी जुळणारी नेल पॉलिश वापरल्यास हे चांगले होईल.

सुगंध, जो उन्मत्त करतो

उत्सवाच्या हंगामात हवामान गुलाबी असल्यामुळे घाम कमी येतो. यानंतरही आपल्या सभोवतालच्या लोकांना आपला सुगंध लक्षात आला पाहिजे. यासाठी आपल्या आवडीचा परफ्यूम वापरा.

सणाच्या पार्टीसाठी वुडी किंवा ओरिएंटल सेंट वापरा. हलका सुगंध असणाऱ्या परफ्यूमचा सुगंध बराच काळ टिकतो. परफ्यूमशिवाय यूडी टॉयलेट आणि यूडी क्लोनदेखील वापरू शकता.

यूडी क्लोनमध्ये आवश्यक तेल ४ टक्के आणि यूडी टॉयलेटमध्ये ८ टक्के असते. ते हलक्या सुगंधात येतात, ज्यामुळे ते २ तास प्रभाव ठेवतात. हे परफ्यूम स्प्रे आणि बाटली दोघांमध्ये येतात. यूडी परफ्यूममध्ये आवश्यक तेल २० टक्क्यांपेक्षा जास्त असते. त्याचा सुगंध ३-४ तासांपर्यंत टिकतो. अत्यावश्यक तेल जास्त असल्यामुळे याची किंमतही जास्त असते. बॉडी परफ्यूम शरीराचे उबदार बिंदू म्हणजे मान आणि मनगटांवर लावावे.

Festival मध्ये हेअर स्टाईलही असावी खास

* भारती तनेजा, डायरेक्टर, एल्प्स क्लिनिक

सणाचे वातावरण आहे आणि त्यात कसे दिसावे, हे आधी ठरवलेच जाते. आपला लुक खास असेल तर तो सणही खास बनून जातो. महिला आपले कपडे आणि दागिन्यांबाबत जागरूक असतात. त्याचप्रमाणे, पेहरावानुसार मेकअप आणि हेअर स्टाईलबाबत खास प्लान करतात. कारण सणांना खास बनविण्यासाठी ड्रेसिंग सेंस आणि मेकअपबरोबरच हेअर स्टाईलचीही महत्त्वाची भूमिका आहे.

मग या सणाच्या काळात आपल्या खास लुकसाठी आपली हेअर स्टाईल कशी असावी, या जाणून घेऊ :

सेंटर पफ विथ स्ट्रीकिंग

सर्वप्रथम प्रेसिंग करून केसांना स्ट्रेट लूक द्या आणि मग समोरच्या मधल्या केसांना घेऊन पफ बनवा. पफच्या चारही बाजूला वेगळया कलरचे हेअर एक्स्टेंशन लावा. हेअर एक्स्टेंशनला केसांमध्ये मर्ज करत एका साइडला ट्विस्टिंग रोल वेणी घाला.

सेंटर वियर फॉल

सर्वप्रथम केसांना प्रेसिंग मशिनच्या मदतीने स्ट्रेट करा. मग साइड पार्टिशन करत समोरच्या केसांतून एका साइडचे फ्रेंच बनवा आणि वेणी मोकळया केसांच्या दिशेने घाला. पेहरावानुसार वेणीला बीड्स किंवा एक्सेसरीज लावा. ही हेअर स्टाईल आपल्याला खूप एलिगंट लुक देईल.

सॉफ्ट कर्ल

केसांचे साइड पार्टिंग करा. मग समोरचे काही केस सोडून मानेपेक्षा उंच पोनी बनवा. सर्व केस कर्लिंग रॉडने कर्ल करा. फ्रंटच्या सोडलेल्या केसांना ट्विस्ट करत बॅक साइडला नेत पिनअप करा. पोनीवर फॅदर किंवा मग आपली आवडती हेअर एक्सेसरीज लावा. हे केस चेहऱ्यावर येऊ नयेत यासाठी साइड पार्टीशन करून कोणताही सुंदरसा क्लिप लावू शकता.

या सर्व हेअर स्टाईल आपल्या लुकमध्ये सुंदर बदल घडवून आणतील. त्याचबरोबर आपले व्यक्तिमत्त्वही खुलून दिसेल.

५ Festive मेकअप लुक्स

* इशिका तनेजा, डायरेक्टर, एल्पस ब्यूटी क्लिनिक

सणावारांच्या दिवसांत एक आगळीच मौज असते. यावेळी मन हर्ष उल्हासाने भरलेले असते. या आनंदात अजून भर तेव्हा पडते, जेव्हा न बोलता एखाद्याचे डोळे बरेच काही सांगून जातात. जेव्हा कोणाला तरी पाहून वाटते की चांदण्या हे सौंदर्य सजवण्यासाठीच आसमंतातून निखळून पडल्या आहेत. काही ओठांवर काही पापण्यांवर येऊन विसावल्या आहेत. हेच ते सौंदर्य आहे, जे इतरांपेक्षा वेगळे उठून दिसते.

जर तुम्हालाही सणांच्या या दिवसांमध्ये इतरांपेक्षा वेगळे दिसायचे असेल तर या, जाणून घेऊया कि फेस्टिव्ह मेकअप लुकची माहिती म्हणजे या सण समारंभांच्या दिवसात तुम्ही मेकअप करून बाहेर पडलात तर लोक तुमच्याकडे पाहातच राहतील.

सॉफ्ट लुक

पारंपारिक सण असो किंवा सणांच्या निमित्ताने असलेली थीम पार्टी, सॉफ्ट गर्लिश लुक प्रत्येकप्रसंगी सुंदर दिसतो. या लुकसाठी तुम्ही लाईट पिंक शेडचा वापर करू शकता.

स्टेप-१ : चेहऱ्यावर सुंदर इफेक्ट दिसून येण्यासाठी सुफलेचा वापर करा आणि गालांवर उठाव येण्यासाठी पिंक ब्लशऑन लावा.

स्टेप-२ : डोळ्यांचं सौंदर्य खुलवण्यासाठी पिंक आय शॅडो लावा आणि लोअर लॅशेजवर काजळ लावून स्मज करा. या ओव्हरऑल लुक कॉन्टस्ट करण्यासाठी ब्लू लायनर लावू शकता. पापण्यांना मसकारा लावून कर्ल करून घ्या.

स्टेप-३ : ओठांना पिंक शेड लिपस्टिक किंवा ग्लॉसचा वापर या पूर्ण मेकअप लुकला एक अनोखा टच देईल.

स्टेप-४ : आपल्या या लुकला हलकासा ट्रेडिशनल टच देण्यासाठी मेस्सी ब्रेड, फ्रेंच ब्रेड किंवा डच ब्रेड बनवू शकता. ब्रेडस् बनवण्यासाठी केसांना कलरफुल रिबीन किंवा एक्सटेन्शन लावून घ्या. स्टायलिश व फॅशनेबल ब्रेडस्मध्ये असे कलरफुल स्टे्रडस् शोषून दिसतील.

लाईट रेडिएंट

चहुकडे रोषणाई आणि उजळून टाकणाऱ्या प्रकाशाबद्दल बोलले जात असेल तर चेहऱ्यावरही याची एक झलक असणे गरजेचे आहे. या लुकमध्ये सर्व काही हलकेफुलके, ग्लॉसी व रेडिएंट दिसून येईल.

स्टेप-१ : परफेक्ट स्किन टोनसाठी लाईट बेस लावा.

स्टेप-२ : ड्रेसला मॅचिंग लाईट शेड डोळ्यांवर लावा व वरून व्हॅसलिनचा हलका टच द्या. लायनरऐवजी मसकाराचा डबल कोट लावा.

स्टेप-३ : चीकबोन्सना हायलाईट करण्यासाठी त्यावर व्हॅसलीन लावून व्यवस्थित ब्लेंड करून घ्या.

स्टेप-४ : लिपस्टिक लावा आणि वरून लिपबाम लावून त्यांना ग्लॉसी लुक द्या.

स्टेप-५ : केस स्टे्रट करून त्यांना मोकळे सोडू शकता. तुमच्या हेअरस्टाइलमध्ये थोडी स्टाईल अॅड करण्यासाठी समोरून फ्रिंज काढून टेंपररी हेअर चॉकने कलर करा. कारण सध्या कलरफुल फ्रिंजचा टे्रन्ड आहे.

विंग्ड आयलायनर आणि बोल्ड लिप्स

रेट्रो इराच्या अभिनेत्रींची नखरेल अदा या सणांच्या दिवसांत अनुभवायाची असेल तर हा लुक एकदम परफेक्ट आहे.

स्टेप-१ : डोळ्यांवर मेटॅलिक ब्ल्यू, ब्लॅक, ग्रीन किंवा कॉपर शेडने विंग्ड लायनर लावावे व वॉटर लाईनवर ब्लॅक आय पेन्सिलऐवजी व्हाईट पेन्सिल वापरावे. विंग्ड लायनरची ही खासायित आहे की तुम्ही तुमच्या इच्छेनुसार स्वत:चा लुक लाईट किंवा लाऊड दाखवू शकता.

स्टेप-२ : चेहऱ्यावर क्लिअर लुकसाठी मूज व रोज टिंट दिसण्यासाठी ब्लशऑन जरूर लावा.

स्टेप-३ : बोल्ड लिप्स तुम्हाला आत्मविश्वास देतात. यात तुम्ही रेड, कोरल आणि हॉट पिंकसारखे फॅशनेबल शेड्स लिपस्टिक म्हणून निवडू शकता.

स्टेप-४ : केसांमध्ये फिशटेल किंवा रिवर्स फिशटेल बनवा. चमकत्या रात्रीची चमक केसांवरही येण्यासाठी पर्ल, स्वरोस्की किंवा नगजडीत स्टड्स वेणीच्या मधोमध लावू शकता.

एलिंगट सोशलाईट लुक

एखाद्या विशेष प्रसंगासाठी काहीशा वेगळ्या आणि शानदार मेकअपच्या शोधार्थ असाल तर एलिंगट लुकही तुमच्यासाठी योग्य निवड असेल. हल्ली याच मेकअपवर जास्त फोकस केले जाते.

स्टेप-१ : चेहरा फेसवॉशने धुतल्यानंतर थपथपवून कोरडा करा. मग एसपीएफयुक्त माइश्चरायजर लावा. यानंतर चेहऱ्याच्या रंगानुसार बेस लावा. व्यवस्थित ब्लेंड करा म्हणजे पॅचेस दिसणार नाहीत.

स्टेप-२ : आता डोळ्यांना डिफाईन करण्यासाठी त्यांच्या आतील कोपऱ्यातून लॅशलाईनच्या शेवटच्या कोपऱ्यापर्यंत वन स्ट्रोक आयलायनर लावा. पापण्यांवर एकसारखे कॉपर आयशॅडो लावा. व्यवस्थित ब्लेंड करा. पापण्या अजून आकर्षक आणि दाट दिसाव्यात म्हणून मसाकाराचे परफेक्ट २ कोट लावावेत. मसकारा लावताना खाली पाहा आणि मसकारा ब्रश पापण्यांवर गोल फिरवत लावा. यामुळे प्रत्येक पापणीला मसकारा व्यवस्थित लागेल. एका ठिकाणी जमा होणार नाही.

स्टेप-३ : थोडा ग्लॅम टच देण्यासाठी त्याच शेडचा एक लिप बाम ओठांना लावा. यामुळे लिप कलर बराच वेळपर्यंत टिकून राहतो. हे अतिरिक्त चमक देईल, शिवाय गोल्डन स्पार्कल लिप्ससाठी ब्रोंज शिमर न्यूड लिप ग्लॉस लावावे.

स्टेप-४ : ओठ आकर्षक दिसण्यासाठी स्टॅन्डआऊट लिप बामने जाड आऊटलाइन बनवा. मधला भाग मोकळा ठेवावा. काही सेंकदांनी त्याच शेडने मधली जागा व्यवस्थित भरून घ्या.

स्टेप-५ : हा लुक पूर्ण करण्यासाठी नखांवर वेलव्हेट रोप नेल इॅनमल लावा.

स्टेप-६ : ब्लो ड्राय केल्यानंतर केस टोंगच्या सहाय्याने कर्ल करा. सर्व केस बोटांनी मागच्या दिशेला घेऊन क्लचरने बांधून टाका.

ब्रोंज क्रेज

डोळे आणि गालांवर केला जाणारा मेकअप स्टनिंग लुक देतो.

स्टेप-१ : चेहऱ्यावर बीबी क्रिम लावा आणि ब्लशऑन ऐवजी गालावंर ब्राउंजिंग करा. असे केल्याने तुमचा चेहरा पातळ दिसेल.

स्टेप-२ : ब्रोंज शेडच्या आयशॅडोने डोळ्यांना ब्रोंज टच द्या.

स्टेप-३ : डोळ्यांच्या बाहेरील कोपऱ्यांवर ब्राऊन शेडने कंटूरिंग केल्यानंतर डोळ्यांखाली काजळ स्मज करून लावा. तुमच्या लुकला मॅक्सी लुक देण्यासाठी लायनर व मसकारा जरूर लावा.

स्टेप-४ :  ब्रोंजिंग शेडची लिपस्टिक लावून ओठांना स्टनिंग लुक द्या. केसांना सॉफ्ट कर्ल करवून घ्या. चेहऱ्यावर केस येऊ नये यासाठी साइड पार्टिशन करून एखादा सुंदर क्लिप लावून घ्या.

कलर स्मोकी

खऱ्या आणि फ्लॉलेस लुकसाठी स्मोकी मेकअपची चलती आहे.

स्टेप-१ : तुमच्या स्किनला फ्लॉलेस लुक देण्यासाठी टिंटिड मॉइश्चररायझर लावून घ्या. असे केल्याने स्किन मॉइश्चराईज्ड व स्किनटोन व्यवस्थित दिसून येईल.

स्टेप-२ : गालांवर पीच शेडचे ब्लशऑन लावा. सोबतच चीक्सवर हायलाइट करा.

स्टेप-३ : फॅशन आणि लेटेस्ट मेकअप मंत्रानुसार तुम्ही तुमच्या ड्रेस मॅचिंग कलरला डोळ्यांवर अॅड करून ब्लॅक आणि ग्रे शेडसोबत मर्ज करा. असे केल्याने तुमच्या डोळ्यांवर कलर स्मोकी लुक दिसून येईल.

स्टेप-४ : कारण आय मेकअप डार्क असेल तर अशा चेहऱ्यावर मेकअप बॅलेन्स करण्यासाठी ओठांवर लाईट शेड जसे की बेबी पिंक किंवा लाईट पीच रंगाची लिपस्टिक लावा.

स्टेप-५ : हल्ली मेस्सी लुक इन आहे. त्यामुळे तुम्ही केसांचा मेस्सी साइड लो बन घालू शकता. चेहऱ्यावर मेकअप लुक ऐवजी नॅचुरल लुक आणण्यासाठी बनमधून काही बटा काढाव्यात. असे केल्याने चेहऱ्यावर रिअल लुक दिसून येईल.

अनलिमिटेड कहानियां-आर्टिकल पढ़ने के लिएसब्सक्राइब करें