* सोमा घोष
लिपस्टिकविना मेकअप केव्हाही अपुरा वाटतो. तरुण असो वा वृद्ध लिपस्टिकमुळे सर्वांच्याच चेहऱ्यावर तेज येतं. अलीकडे तर सर्वांनाच याची क्रेझ आहे. म्हणूनच सौंदर्यप्रसाधनं बनवणाऱ्या कंपन्या अलीकडे सतत नवनवीन रंगांच्या लिपस्टिक्स बाजारात आणत आहेत. पण तुम्ही जर योग्य प्रकारे लिपस्टिक लावली नाही तर तुमचं सौंदर्य वाढण्याऐवजी आणखीन कमी होईल. काही स्त्रियांच्या लिपस्टिकचा प्रभाव त्यांच्या दातांवरही दिसून येतो, जो दिसायला खराब दिसतो. त्याचबरोबर लिपस्टिक आपला पेहराव आणि प्रसंगानुसार निवडणंही विशेष ठरतं.
मग या जाणून घेऊया काही टिप्स :
मेबलिन न्यूयॉर्कची मेकअप आर्टिस्ट एल्टन जे. फर्नांडिस लिपस्टिक लावण्याबाबत काही महत्त्वाच्या टिप्स देत आहे, ज्यामुळे नक्कीच तुमचं सौंदर्य आणखीन वाढेल.
* एक इअरबड घेऊन तो मेकअप रिमूव्हरमध्ये घालून त्याच्या मदतीने आधी आपले ओठ स्वच्छ करून घ्या. जर तुम्हाला डार्क लिपस्टिकनंतर फिकट रंग लावायचा असेल तर ओठांवरील आधीचा रंग पूर्णपणे जाणं गरजेचं आहे. गडद रंग ओठांबाहेर जातो, म्हणून तो स्वच्छ करून मग फिकट रंग लावावा.
* लिपस्टिक लावताना ती तुमच्या कपड्यांना लागू नये याची काळजी घ्या. अलीकडे ओंब्रे फॅशनमध्ये आहे. तुम्ही जर तरुण आणि प्लेफुल असाल तर २ किंवा ३ रंगांची लिपस्टिक लेअरमध्ये लावा. ही कोणत्याही रंगाच्या कपड्यांसोबत चांगली दिसते. तुम्ही जर ग्लॉसी रेड लिपस्टिक लावली असेल तर ती पसरू नये म्हणून सावध राहा. त्याचा एक थर लावल्यानंतर जरा वेळेसाठी सोडून द्या. मग दुसरा थर लावा. त्याने लिपस्टिक बराच वेळ टिकून राहील. लिपस्टिक ओठांच्या मधोमध लावायला सुरू करून कोपऱ्यांपर्यंत न्या.
* लिपस्टिक लावल्यानंतरही इयरबडने आजूबाजूला पसरलेली लिपस्टिक स्वच्छ करून घ्या.
* कोणत्या मोसमात कोणत्या रंगाची लिपस्टिक लावावी, हे तुमच्या मूडवर अवलंबून आहे. तसंही दिवसा फिकट आणि रात्री डार्क कलर्स जास्त चांगले दिसतात. अलीकडे बराच वेळ टिकून राहाणारी लिपस्टिकही बाजारात मिळते, ज्याला वारंवार टचअप करण्याचीही गरज नसते. कायम ब्रॅण्डेड लिपस्टिकच वापरा.
