* प्रतिनिधी
दिल्लीमध्ये एका स्विस तरुणीची हत्या अनेक प्रश्न निर्माण करतात. ही तरुणी स्विझरलँडमध्ये मारेकरी गुरप्रीत सिंहला ३ वर्षांपूर्वी एका पार्टीत भेटली होती आणि त्यानंतर दोघांमधील भेटी वाढत गेल्या. गुरप्रीतच्या सांगण्यावरून लीना बर्जर दिल्लीत आली. जिथे गुरप्रीत लग्न करण्यासाठी तिच्या मागे लागला. जेव्हा तिने नकार दिला, तेव्हा तिला मारून तिचं प्रेत एका रस्त्याच्या किनारी फेकून दिलं.
पोलिसांना साखळदंडांनी बांधलेल्या प्रेताची ओळख पटविण्यात आणि मारेकऱ्याला पकडण्यासाठी खूप फिरावं लागलं. कारण खूपच कमी सूत्र उपलब्ध होती. तरीदेखील त्याला पकडण्यात आलं कारण दिल्लीच्या शेकडो कॅमेऱ्यांमध्ये काही ना काही गोष्टी कैद होतंच असतात.
गुरूंच्या जंजाळात अडकणाऱ्या मुली
हजारो तरुणी आज गुरूंच्या आश्रमामध्ये रहात आहेत आणि नाटक करत आहेत की त्यांना खरी शांती इथेच मिळतेय. पश्चिमी देशांमध्येदेखील प्रत्येक गुरुंचे डेरे आहेत, जिथे या तरुणींना ते आकर्षित करतात आणि त्यांच्या मागे मागे त्यांचे बॉयफ्रेंडदेखील निघून येतात. त्यांचे पैसेदेखील लुटले जातात आणि त्यांच्या शरीराचा उपयोगदेखील केला जातो. तुटलेल्या घरांमधून येणाऱ्या या मुली त्यांचे आईवडील, कुटुंबावरती एवढ्या नाराज असतात की त्यांना त्रास देण्यात त्यांना काहीच वाटत नाही.
गोवा, धर्मशाळा, जैसलमेरसारख्या जागी अशा मुलींची संख्या वाढत चालली आहे. ज्या टुरिस्ट विजावर येतात आणि एखाद्या स्थानिकाशी लग्न करून परमनंट विजा मिळवतात आणि मग इथल्याच होऊन जातात. कारण त्यांना त्यांचा श्रीमंत आणि स्वच्छ देश आवडत नाही. भारतीय तरुणांनी हे चांगलंच ओळखलंय आणि कितीतरी तरुण गोऱ्या मुलींना इकडे घेऊन येत आहेत.
फक्त नावाची देवी
२०१७ साली गोव्यामध्ये आयर्लंडची २८ वर्षीय तरुणी डॅनियल मॅकलाक्लीनच प्रेत मिळालं. ती एका ऑस्ट्रेलियन तरुणासोबत राहत होती. २०२० साली गुजरातच्या सुरतमध्ये थायलंडची वरिंडा बुर्जोनला त्याच घरात जाळून मारलं होतं. २०१८ साली केरळमध्ये युरोपातील लातावियाच्या एका मुलीला मारून टाकलं, जिला आयुर्वेदिक उपचाराच्या नावाखाली फसवून भारतात बोलवण्यात आलं होतं. तिला नशा देऊन तिच्यावर रेप करण्यात आला आणि नंतर तिचं प्रेत दलदलीत फेकण्यात आलं होतं.
भारतात दिल्लीच्या जवळ निठारीमध्ये जे झालं आणि ज्या प्रकारे पकडल्या गेलेल्या दोन जणांना सोडण्यात देखील आलं होतं. यावरून सरळ आहे की इथे मुली अजिबात सेफ नाहीयेत. आपण ना आपल्या स्त्रियांचा आदर करतो, ना ही बाहेरच्या स्त्रियांचा. देवी बनवून तिची पूजा करतो आणि घरात मात्र तिची जागा एखाद्या पायताणासारखी असते.
