* पारुल भटनागर
एका मुलीच्या जीवनात लिपस्टिकची महत्वाची भूमिका असते, कारण ती रोज याचा वापर करुन आपले सौंदर्य वृद्धिगत करत असते.
या पावसाळ्यात कोणत्या शेडची लिपस्टिक लावावी, याबाबत एल्प्सच्या फाउंडर व डायरेक्टर डॉ. भारती तनेजा सांगतात, ‘‘असे कोण असेल जो सुंदर रंगांवर मोहित होत नसेल आणि ज्याला समोरच्याच्या नजरेत आपल्या प्रति प्रशंसा बघू इच्छित नसेल. जेव्हा आपण लिपस्टिकच्या जगात प्रवेश करतो तेव्हा आपल्याला त्यांचे अनेक प्रकार पाहायला मिळतात जसेकी चमकदार, दीर्घकाळ टिकणारा, मॅट आणि न जाणे कोणकोणते वेगळेपण घेऊन अनेक प्रकारच्या लिपस्टिक असतात. पण मला नेहमी मॅट लिपस्टिक आवडते, कारण हे ऑफिस आणि कॉलेजला जाताना वापरण्याचे अगदी अचूक सौंदर्यप्रसाधन आहे. मॅट लिपस्टिक दीर्घ काळ टिकणारे सौंदर्य प्रसाधन आहे आणि ग्लॉसी लिपस्टिकप्रमाणे सहज फिके होत नाही.’’
तर या जाणून घेऊ पावसाळ्यात कोणती मॅट लिपस्टिक वापरून पाहावी :
गुलाबी आणि कोरल इम्प्रेशन लिपस्टिक
गुलाबी आणि कोरल रंग दोन्ही सर्वात चांगले मॅट लिपस्टिकचे रंग आहेत. गुलाबी आणि कोरल अंडर टोन्ससोबत हा सुपर गॉर्जियस शेड तुम्हाला एक सुंदर इफेक्ट देईल. उन्हाळयानानंतर पावसाळ्यात या थंडावा देणाऱ्या एकदम अचूक लीप कलर शेडला स्वत:साठी निवडा. न्यूड लुक देणाऱ्या या शेडच्या लिपस्टिकला कमी देखभालीची आवश्यकता असते. म्हणून तुम्हाला पावसाळ्यात टचअपची आवश्यकता भासणार नाही.
वेलवेट कलर मॅट लिपस्टिक
मॅट लिपस्टिकमध्ये वेलवेट कलर एक वेगळाच लुक देतो. आता जुना न्यूड ब्राऊन कलर सोडून वेलवेट कलरला आपलेसे करा. गोऱ्या रंगाच्या मुलींवर हे वेलवेट रंगाची लिपस्टिक छान दिसते. तुम्ही हे जाणून घ्यायला हवे की वेलवेट कलर तोच शेड आहे, जो तुमच्या लुकमध्ये फन आणि ग्लॅमर आणतो. मग बिनधास्त होऊन वापरा हा रंग
पीच कार्नेशन मॅट लिपस्टिक
एकीकडे सुंदर ब्युटी प्रोडक्ट पीच कार्नेशन मॅट लिपस्टिक आहे. हे पिंक ब्राऊन कलरमध्ये उपलब्ध आहे आणि हे लावल्यावर न्यूड लुक दिसतो. पीच कार्नेशन कलर एक असा रंग आहे, जो केवळ सावळया रंगाच्या मुलींवर खास खुलतो. हा रंग नि:संकोचपणे कॉलेज आणि ऑफिसमध्ये जाताना लावता येतो. तुमच्या कोणत्याही रंगाच्या ड्रेससोबत हा रंग छान दिसेल. जेव्हा तुम्हाला कळत नसेल की ओठांवर कोणती लिपस्टिक लावावा तेव्हा तुम्ही हा रंग वापरून पाहू शकता.
