* नम्रता विजय पवार
- श्रीखंड
साहित्य
- 1 लिटर दूध
- 2 चमचे दही
- दिड कप पिठी साखर
- काजू बदाम पिस्त्याचे काप
- वेलची पावडर, केशर.
कृती
सर्वप्रथम 1 लिटर दूध गरम करून कोमट करून घ्यायचं. त्यात दोन चमचे दही एकत्रित करुन विरजनासाठी 7-8 तास ठेऊन द्यायचं. सकाळी दही होण्यासाठी लावलं असेल तर रात्री ते दही एका सूती कपड्यामध्ये बांधून ठेवायचं. रात्रभर सर्व पाणी निघून जातं आणि मस्त चक्का तयार होतो. चक्का एका टोपात काढून घ्यायचा त्यामध्ये दीड कप पिठीसाखर टाकून व्यवस्थित फेटून घ्यायचं. काजू, बदामा, पिस्त्याचे पातळ काप, वेलची पावडर आणि केशर (अर्धा वाटी कोमट दुधामध्ये केशर टाकून थोडा वेळ ठेवून द्यायचं म्हणजे छान रंग तयार होतो. ) नंतर एका मोठ्या भांड्यात चक्का काढून घेतला की ते नीट फेटून घ्यायचं. त्यात पिठीसाखर टाकून पुन्हा फेटून घ्यायचं. मग केशर आणि वेलची पावडर टाकून पुन्हा नीट फेटून घ्यायचं. पिठीसाखर आपल्या आवडीप्रमाणे कमी-अधिक घ्यायची. तयार झालेलं श्रीखंड एका डब्यात काढून घ्यायचं आणि त्यावर आपल्या आवडी प्रमाणे काजू, बदाम, पिस्ता काप डेकोरेट करायचे. फ्रिजमध्ये सेट होण्यासाठी ठेवून द्यायचं.
