* प्रतिनिधी
1) बादाम कटलेट
साहित्य
* १ मोठा कप उकडलेले बटाटे मॅश करून
* १ कप बदामाचा चुरा
* १ छोटा चमचा आलं बारीक कापून
* १ छोटा चमचा बारीक चिरलेली हिरवी मिरची
* १ कप रवा
* १ कप ब्रेडक्रंब्स
* अर्धा छोटा चमचा लाल मिरची पावडर
* अर्धा छोटा चमचा आमचूर पावडर
* तळण्यासाठी पुरेसे तेल
* चवीनुसार मीठ.
कृती
बदाम व तेल सोडून बाकी सर्व साहित्य चांगल्याप्रकारे मिसळा. तयार मिश्रणाचे गोळे बनवा. प्रत्येक गोळा हातावर थापून बदामाचा चुरा भरा. पुन्हा गोळ्याचा आकार द्या. आता हे दाबून हार्टशेप आकारात कापा. कढईमध्ये तेल गरम करून सर्व कटलेट तळून घ्या. हिरव्या चटणीसोबत वाढा.
2) बादाम कुकीज
साहित्य
* २०० ग्रॅम मैदा
* दीड छोटा चमचा बेकिंग पावडर
* २५ ग्रॅम पिस्ते तुकडे केलेले
* ५० ग्रॅम बदाम
* २०० ग्रॅम पिठीसाखर
* २ मोठे चमचे दूध
* २०० ग्रॅम लोणी.
कृती
मैदा आणि बेकिंग पावडर एकत्र करून २-३ वेळा चाळा. लोणी हलके गरम करून वितळून घ्या. साखर मिसळून चांगल्याप्रकारे फेटा. आता यात मैदा मिसळा. आवश्यकतेनुसार दूध मिसळून मळा. बेकिंग ट्रेला तूप लावून घ्या. तयार मिश्रणाचे बॉल्स बनवून हाताने दाबा आणि हार्टशेपच्या कटरने कापा. बिस्किटांवर बदाम, पिस्ता पेरून दाबा. आता हे तूप लावलेल्या ट्रेमध्ये ठेवून १८०० सें.ग्रे.वर प्रीहीटेड ओव्हनमध्ये १५ मिनिटे ठेवा. हलके ब्राउन झाल्यानंतर काढून घ्या. थंड झाल्यानंतर एअरटाइट कंटेनरमध्ये ठेवा.
3) मेवा लाडू
साहित्य
* ५०० ग्रॅम गूळ (छोटे छोटे तुकडे केलेला)
* अर्धा कप बदामाचे तुकडे
* १ कप काजूचे तुकडे
* १ मोठा चमचा पिस्त्याचे तुकडे
* १ कप किसलेले खोबरे
* १ छोटा चमचा वेलची पावडर
* पाव कप मावा
* अर्धा कप तूप.
कृती
मावा कुस्करून जाड बुडाच्या कढईमध्ये मध्यम आचेवर ब्राउन होईपर्यंत भाजून प्लेटमध्ये काढून घ्या. कढईमध्ये तूप टाकून गरम करून घ्या. गरम तुपात गुळाचे तुकडे वितळवा व चमच्याने सतत ढवळत राहा. गुळाचा पाक बनल्यानंतर तो गॅसवरून उतरवा आणि यात मेवे, मावा तसेच खोबरे मिसळा. तयार मिश्रणाचे मनपसंत आकारात लाडू बनवा.
