* प्रतिनिधी
रणरणत्या उन्हात तुम्हाला कधी ना कधी मौजमजा वा एखाद्या कामासाठी घर वा ऑफिसमधून बाहेर पडावं लागतं. तेव्हा तुम्हाला अशा सनग्लासेसची गरज लागते, जे तुम्हाला रणरणत्या उन्हापासून तुमच्या डोळ्यांना थंडावा देऊ शकतील.
सनग्लास उपयोगी आहेत
डोळ्यांनी छानपैकी दिसावं यासाठी चष्मा असलेले अनेक जण सनग्लासेसचे फायदे आणि आराम यापासून तसे वंचितच राहातात; कारण नजरेच्या चष्म्याच्या ऐवजी ते सनग्लासेसचा वापर करू शकत नाहीत. ज्या लोकांना डोळ्यांनी स्पष्टपणे दिसत नाही, त्यांना चष्म्याशिवाय गाडी चालवणं धोकादायक होऊ शकतं, अगदी नजरेच्या चष्म्याशिवाय रस्त्यावर चालणंदेखील धोकादायक असतं. मग नजरेचा चष्मा वापरणाऱ्यांनी रणरणत्या उन्हापासून वाचण्यासाठी आणि फॅशन स्टेटमेण्टसाठी सनग्लासचा वापरच करू नये का? नाही, अजिबात असं नाही. अलीकडे नजर कमी असणारेदेखील असे सनग्लास सहजपणे मिळवू शकतात, ज्यामध्ये नजर सुधारण्याची आणि उन्हापासून डोळे बचावण्याची दोन्हींची क्षमता असते.
नजेरचा चष्मा वापरणारी अनेक लोक अनेकदा या दुहेरी हेतूसाठी परंपरागत लेन्सचा वापर करतात आणि वेगवेगळ्या ऋतूनुसार चष्मा बदलण्याच्या असुविधेपासून वाचतात. परंतु परंपरागत लेन्स कधीकधी एडजस्ट होत नाहीत वा बदलत्या ऋतूमुळे त्यांच्या गरजा पूर्ण करण्यासाठी त्वरित परिवर्तित होत नाहीत. काही लोकांना असंदेखील वाटतं की परंपरागत लेन्स त्यांच्या स्टाइलशी मॅचिंग आणि उपयुक्त नाहीत.
नजरेच्या सुरक्षिततेसाठी
प्रेस्क्रिप्शन सनग्लास विशेष तंत्रज्ञानाने युक्त सनग्लास असतं, ज्यामध्ये व्यक्तिची नजर सुधारण्यासाठी पावर लेन्सदेखील असते. प्रेस्क्रिप्शन सनग्लास सर्व प्रकारच्या प्रेस्क्रिप्शनसाठी उपलब्ध आहे.
पूर्वी लोक जिथे सनग्लासेसला फॅशन एक्सेसरीज मानत असत, तिथे आता डोळ्यांच्या आरोग्याच्या सुरक्षेसाठीदेखील असे सनग्लासेस वापरण्याची फॅशन वेगाने वाढू लागलीए, ज्यामुळे सूर्याच्या अल्ट्राव्हायलेट किरणांनी आपल्या डोळ्यांचं रक्षण होतं.
आता तर कॉण्टेस्ट लेन्स लावणारेदेखील प्रेस्क्रिप्शन सनग्लासला आपल्या डोळ्यांची ज्योत व आरोग्य याचा सर्वोत्तम पर्याय मानू लागले आहेत.
