– शैलेंद्र सिंह
वॉटरप्रूफ मेकअपची सगळयात विशेष गोष्ट म्हणजे पाणीही याचे काही बिघडवू शकत नाही. लग्नात आणि पार्टीमध्ये कॅमेऱ्यासमोर किंवा प्रखर लाइट्ससमोर उष्णतेमुळे मेकअप विस्कटू लागतो.
अशावेळीही वॉटरप्रूफ मेकअप खूप चांगला असतो. रेनडान्स, स्विमिंग पूल आणि समुद्र किनाऱ्यावर उन्हाळयाच्या सुट्टीची मजा घेतानाही वॉटरप्रूफ मेकअपची कमाल दिसून येते.
आहे तरी काय वॉटरप्रूफ मेकअप
बॉबी सलूनच्या स्किन, हेयर आणि ब्युटी एक्सपर्ट बॉबी श्रीवास्तवचे म्हणणे आहे, ‘‘घाम आल्यावर मेकअप ओला होऊन त्वचेच्या रोमछिद्रामध्ये जातो, ज्यामुळे मेकअप बेरंग दिसू लागतो. मेकअप रोमछिद्रांच्या माध्यमातून शरीरात प्रवेश करू नये हीच काळजी वॉटरप्रूफ मेकअपमध्ये घेतली जाते. त्वचेच्या रोमछिद्रांना बंद करून केला गेलेला मेकअपच वॉटरप्रूफ मेकअप म्हणून ओळखला जातो. रोमछिद्रांना २ प्रकारे बंद केले जाते. पहिला नैसर्गिक वॉटरप्रूफ आणि दुसरा प्रकार प्रॉडक्ट वॉटरप्रूफचा असतो. नैसर्गिक वॉटरप्रूफ पद्धतीत त्वचेच्या रोमछिद्रांना बंद करण्यासाठी थंड टॉवेलचा उपयोग केला जातो. ज्याप्रकारे वाफ घेतल्याने त्वचेची रोमछिद्रे उघडली जातात, त्याचप्रकारे थंड टॉवेल ठेवल्याने रोमछिद्र बंद होऊन जातात. यासाठी बर्फाचा उपयोग केला जाऊ शकतो. यानंतर केलेला मेकअप घामाने पुसत नाही.’’
वॉटरप्रूफ मेकअपची वाढती मागणीला बघून मेकअप प्रॉडक्ट बनवणाऱ्या कंपन्यांनी वॉटरप्रूफ मेकअप प्रॉडक्ट बनवणे सुरु केले. या प्रॉडक्टमध्ये अशा काही घटकांचा समावेश केलेला असतो, जे मेकअप करताना त्वचेच्या रोमछिद्रांना बंद करतात. वॉटरप्रूफ प्रॉडक्ट्समध्ये क्रीम, लिपस्टिक, फेसबेस, रुब, मस्कारा, काजळ यासारख्या अनेक वस्तू आता बाजारात मिळू लागल्या आहेत.
वॉटरप्रूफ मेकअप प्रॉडक्टस सिलिकॉनचा उपयोग करून बनवले जातात. यात वापरलेले डायनोथिकॉन ऑइल त्वचेला चमकदार बनवते. हे वाटरप्रूफ मेकअपला सहजपणे पसरण्यास मदत करते. जेथे वॉटरप्रूफ मेकअपचे एवढे सगळे फायदे आहेत तेथे काही दोषही आहेत. ज्यांना जाणून घेणे आवश्यक आहे. वॉटरप्रूफ मेकअप हटवण्यासाठी पाण्याचा उपयोग पर्याप्त नाही तर बेबी ऑइल किंवा सिलिकॉन ऑइलचाही उपयोग करावा लागतो. याचा वापर त्वचेवर वाईट प्रभाव टाकतो. यासाठी वॉटरप्रूफ मेकअपचा उपयोग विशेष प्रसंगीच करावा. रोज याचा वापर करू नये.
मेकअप टीप्स
ब्युटी एक्सपर्ट बॉबी श्रीवास्तव सांगत आहेत काही विशेष टीप्स :
* या मोसमात मेकअप करताना डार्क शेडचा वापर कधीच करू नये. फाउंडेशनही लाईटच लावावे. मुरुमे किंवा डागांना लपवण्यासाठी वॉटरबेस्ड फाऊंडेशनचा वापर करावा. जर याने चमक जास्त येत असल्यास पावडरच्या ऐवजी ब्लॉटिंग पेपरचा वापर करावा.
* आपल्या गालांना गुलाबी दाखवण्यासाठी लाईट ब्लशरचा वापर करा. थोडीशी शिमर पावडर डोळयांच्या अवती-भोवती लावून त्यांना आकर्षक बनवू शकता. ओठांवर लिपकलर लावल्यानंतर चमकवण्यासाठी हलका लिपग्लॉस लावावे. लॅक्मे मेकअप प्रॉडक्ट्समध्ये अशाप्रकारचे सगळे सामान मिळते.
* मस्कारा दिवसभर टिकून राहण्यासाठी पापण्यांच्या केसांवर मस्कारा लावावा. असं केल्याने तो पसरत नाही.
* संध्याकाळच्या पार्टीचे मेकअप करतांना नैसर्गिक मेकअपच करावा. संध्याकाळी ऊन नसते. त्यामुळे चेहऱ्यावर शिमरचा वापर करू शकता. जर तुम्ही उन्हात निघत असाल तर एसपीएफ-१५ युक्त सनक्रीम किंवा लोशनचा वापर जरूर करावा. यामुळे त्वचेवर सनबर्नचा प्रभाव कमी होतो.
* स्विमिंग पूलमध्ये जाण्याअगोदर आणि नंतर किटाणूनाशक साबणाने अंघोळ अवश्य करावी.
* या ऋतूत पूर्ण शरीराची डीप क्लिंजिंग करावी. आठवड्यात १ वेळा बॉडी मसाज करावा, आणि एकदा स्टीमबाथ घ्यावी. स्टीम घेतांना पाण्यात हलके बॉडी ऑइल मिसळून घ्यावे.
* बाथटबमध्ये पाणी भरून त्याच्यात मिनरल सॉल्ट मिसळावे. १०-१५ मिनिटे त्यात राहावे. मग बघा, त्वचेत चमक अवश्य येईल.
* जेव्हा पण कडक उन्हातून परताल, थंड पाण्यात पातळ सुती कपडा बुडवून, पिळून घ्यावा आणि मग त्याला उन्हाने प्रभावित जागेवर थोडया-थोडया वेळेसाठी ठेवावे.
* एका टबमध्ये पाणी भरून मीठ सिळून हात आणि पायांना १० मिनिटांपर्यंत बुडवून ठेवा. यामुळे मृत त्वचा कोमल होईल. यानंतर रगडून सहजपणे सोडवले जाऊ शकते. यानंतर मॉइश्चराइजर लावावे. पायांना दोन मिनिटे गरम पाण्यात आणि दोन मिनिटे थंड पाण्यात आळीपाळीने बुडवावे.
हेयर केयर टिप्स
* जर केस छोटे असतील तर हलके कर्ल करू शकता. केस मिडिअम साईजचे असतील किंवा मोठे असतील तर त्यांना बांधलेली हेयर स्टाईल देण्याचा प्रयत्न करा. केस मोकळे ठेवायचे असतील तर त्या हिशोबाने कापलेले असावेत. आजकाल केसांना कलर करण्याचा ट्रेंडही चालू आहे. जर कलर करायचे असतील तर ब्लौन्ड हेयर किंवा नॅच्युरल ब्राऊन कलर करावा.
* केसांमध्ये नियमितपणे चांगल्या प्रकारच्या कंडिशनरचा उपयोग अवश्य करा. यामुळे केस चमकदार आणि कोमल होतात. कंडिशनर लावायची सगळयात चांगली पद्धती ही असते की केसांच्या वरच्या भागापासून खालपर्यंत लावावे.
* केसांना चमकदार बनवण्यासाठी नैसर्गिक मेंदीचा वापर करावा. यामुळे केसांना कमकुवत होण्यापासून वाचवले जाऊ शकते.
