* डॉ. करुणा मल्होत्रा, कॉस्मॅटिक स्किन अँड होम्योक्लीनिक
बोटोक्स किंवा फिलरच नव्हे, तर अनेक प्रकारची सर्जरीही परफेक्ट लुक देण्यात प्रभावी आहेत. चेहऱ्यावरील डाग दूर करून चेहऱ्याला चमक आणण्यासाठी केमिकल पील करवून घेणेही खास पॉप्युलर आहे. परमनंट हेअर रिमूव्हल आणि टमी टक काही असे उपाय आहेत, ज्यामुळे पर्सनॅलिटी खूप आकर्षक होते. मात्र, लक्षात घेण्यासारखी गोष्ट ही आहे की या सर्वासाठी लग्नाच्या काही महिने आधीच प्लान करणे आवश्यक आहे.
वाटल्यास आपण लग्नाच्या एक महिना आधी बोटोक्स व लिप फिलर इंजेक्शन जरूर लावून घेऊ शकता. बोटोक्समुळे आपले वय कमी दिसते, तर लिप फिलरमुळे ओठांना आकर्षक उभार येतो.
डर्माब्रेशन, लेजर स्किन रीसफेंसिंग व केमिकल पीलसारख्या ट्रीटमेंटच्या उत्तम परिणामांसाठी काही वेळा त्या पुन्हा कराव्या लागतात. ज्या महिलांना स्वत:मध्ये खास बदल पाहायची इच्छा असेल, त्या फेस लिफ्ट, लाइपोसक्शन व बॉडी कंटुरिंगही करू शकतात. ज्यांना आपल्या ब्रेस्टला योग्य आकार द्यायचा असेल, त्या ब्रेस्ट सर्जरीचा आधार घेऊ शकतात.
अर्थात, या सर्व सर्जरी एका दिवसात होणाऱ्या आहेत आणि आपण त्याच दिवशी घरीही जाऊ शकता. परंतु सर्जरीच्या खुणा जाण्यास थोडा वेळ लागू शकतो. म्हणून लग्नापूर्वी सर्जरी करायची असेल, तर ३ ते ६ महिने आधी करणे योग्य होईल.
बोटोक्स व फिलर प्रक्रिया
जर तुम्ही ही ट्रीटमेंट घ्यायचा विचार करत असाल, तर आधी चेहऱ्याला चांगल्याप्रकारे स्वच्छ करा. इंसुलिन इंजेक्शनसारखी छोटी बोटोक्सची इंजेक्शन्स चेहऱ्यावर लावली जातात. या संपूर्ण प्रक्रियेमध्ये १५ ते २० मिनिटांचा वेळ लागतो. याचा लगेच प्रभाव पडत नाही. ३ ते ७ दिवसांत याचा चेहऱ्यावर प्रभाव दिसू लागतो, जो ३ ते ६ महिन्यापर्यंत तसाच टिकून राहतो.
रिंकल्स, पिंपल्स, डार्क सर्कल्स, ल्यूकोडर्मासारख्या कॉमन ब्युटी प्रॉब्लेम्सचा उपाय आज कॉस्मॅटिकच्या अॅडव्हान्स ब्युटी ट्रीटमेंटने शक्य झाला आहे. या ट्रीटमेंटसचा आधार घेऊन आपल्या त्वचेचा रंग उजळण्यासोबतच, ओठ, गाल, नाक, कान, आयब्रो इ.च्या आकारातही कायम स्वरूपाचे मनाजोगे परिवर्तन करू शकता. हे परिवर्तन सौंदर्य दिगुणित करेल.
काय आहे राइनोप्लास्टी
जर आपल्या नाकाचा शेप प्रॉपर नसेल, तर आपण १-२ तासांत होणाऱ्या या ट्रीटमेंटच्या मदतीने योग्य शेप देऊ शकता. एवढेच नाही, यासोबतच आपला वरील लिप पार्ट आणि नाकाच्यामधील नोज पॉइंटचा अँगलही ठीक करवू शकता. वाटल्यास हे फेस लिफ्टसोबतही करू शकता.
यासाठी आपल्याला केवळ एका दिवसासाठी अॅडमिट व्हावे लागेल. हो, सूज पूर्णपणे उत्तरण्याला २ महिन्यांचा कालावधी लागतो. मात्र, आपल्या कामावर २-३ आठवडयांनतर जाऊ शकता. यावर जवळपास ५० ते ७० हजार खर्च येतो.
प्लास्टिक सर्जरीही आहे पर्याय
शरीराच्या कुठल्याही भागाला मार लागल्याने किंवा जळल्यामुळे जो भाग खराब दिसतो, तो प्लास्टिक सर्जरीद्वारे ठीक केला जाऊ शकतो. या ट्रीटमेंटमध्ये मांडीची त्वचा काढून त्या जागी लावली जाते.
प्लास्टिक सर्जरीच्या या प्रक्रियेला स्किन ग्राफ्टिंग म्हणतात. तरुणी नाक, ओठ, चेहऱ्याची रुंदी, ब्रेस्ट इ.ची सर्जरी अदिकिने करतात.
पुरुषांची आजकाल हेयर ट्रान्सप्लांट आणि छाती इ.ची कॉस्मॅटिक सर्जरी जास्त केली जाते.
ट्रीटमेंटपूर्वी या गोष्टीची काळजी घ्या
ट्रीटमेंट घेण्यापूर्वी ६-७ तास आधी ग्रीन टी घेणे टाळा. जर आपली त्वचा अॅलर्जीक असेल, तर आधी आपल्या डॉक्टरांना याची माहिती जरूर द्या. आपण जर प्रेगनंट असाल किंवा कोणत्याही प्रकारचे न्यूरोलॉजिकल डिसऑर्डर असेल, तर जरूर याबाबत डॉक्टरांना सांगा. वयाची साठी उलटत असेल, तर ट्रीटमेंट घेण्याच्या २ दिवस आधीपासून अल्कोहोल किंवा स्मोकिंग करू नका. ब्रेस्ट फीडिंग करणाऱ्या महिलांनीही यापासून दूर राहिले पाहिजे.
नंतरही लक्ष देणे आवश्यक
* डॉक्टरांच्या सल्ल्यानेच मसाज किंवा चेहऱ्यासाठी इतर ब्युटी ट्रीटमेंट घ्या.
* काही दिवस वाकून सफाई करणे किंवा मग सामान उचलणे टाळा.
साइड इफेक्ट
* तसा बोटोक्सचा कुठल्याही प्रकारे साइड इफेक्ट होत नाही. मात्र, सर्वांची त्वचा एकसारखी नसते. त्यामुळे कोणाला तरी त्याचे वेगळे परिणाम मिळू शकतात.
* चेहऱ्यावर जळजळ आणि मार्क्स होऊ शकतात.
* डोकेदुखी, सर्दी-पडसे आणि डोळयांच्या आजूबाजूची त्वचा लाल होऊन त्यामध्ये खाज किंवा मग फेशियल पेनही होऊ शकते.
खर्च
आपल्या चेहऱ्यावर योग्य खर्च अवलंबून असतो. आपल्याला जर आपल्या डोळयांच्या भागापर्यंतच खर्च करायचा असेल, तर ४ हजारांपासून ते ७ हजारांच्या दरम्यान याचा खर्च येतो. ज्यांना डोळयांच्या वरील भाग म्हणजेच कपाळावर ट्रीटमेंट करायची असेल, तर आपल्याला १२ हजारांपासून ते २० हजारांपर्यंत खर्च येऊ शकतो. शिवाय प्लास्टिक सर्जरी करण्यासाठी याहून अधिक खर्च करावा लागू शकतो.
सर्जरीचा वाढता बाजार
कॉस्मॅटिक किंवा प्लास्टिक सर्जरीसारखे उपाय त्या लोकांसाठी वरदान आहेत, ज्यांना काही कारणामुळे शरीर किंवा चेहऱ्याच्या विकृतीचा सामना करावा लागतो. परंतु आता मानसिक संतुष्टी आणि आकर्षक दिसण्याच्या स्पर्धेने याला एक वेगळया प्रकारचा बाजार उपलब्ध करून दिला आहे.
या बाजाराचा सर्वात मोठा ग्राहक आहे युवावर्ग. भारतासारख्या देशात ही सर्जरी लोकांसाठी वरदान बनली आहे. एवढेच नाही, केवळ लग्नाच्या मुख्य दिवसासाठी तरुणांचा एक मोठा वर्ग आता मोठी रक्कम खर्च करून, चेहरा आणि शरीराचा कायापालट करण्यात मग्न आहे.
