* सोमा घोष
कलेच्या वातावरणात जन्मलेली मराठी अभिनेत्री मनिषा केळकर ही प्रसिद्ध पटकथा लेखक राम केळकर आणि शास्त्रीय नर्तक, अभिनेत्री जीवन कला यांची मुलगी आहे. तिने लहानपणापासूनच अभिनयाचा विचार केला नव्हता. मराठी चित्रपटांशिवाय हिंदी, तेलगू आणि इंग्रजी चित्रपटांमध्येही तिने काम केले आहे. स्पष्ट आणि मवाळभाषी मनिषाला नेहमीच प्रत्येक नवीन चित्रपट आणि त्याचे आव्हान आवडते. ती एक अॅडव्हेंचर लव्हर आणि खेळाडू व्यक्तिदेखील आहेत. हेच कारण आहे की तिने चित्रपट निर्मितीचाही अभ्यास केला आहे. कोरोना संसर्गाच्या पार्श्वभूमीवर ती आपल्या कुटुंबासमवेत सण साजरे करत आहेत. तिच्या प्रवासाबद्दल आम्ही तिच्याशी बोललो, त्यातील काही भाग प्रस्तुत आहे :
तुला अभिनय क्षेत्रात येण्याची प्रेरणा कोठून मिळाली?
मी अभिनयात थोडया उशिराने आले, मी तिसऱ्या पिढीची आहे. माझे कुटुंब मूक चित्रपटांच्या काळापासून चित्रपटांमध्ये काम करत आहे, परंतु मी अभ्यासात खूप चांगले होते आणि मला एअरफोर्समध्ये पायलट व्हायचे होते. तेव्हा मुलींना लढाऊ विमान चालविण्याची परवानगी नव्हती, त्यांच्या सर्व परीक्षा उत्तीर्ण झाल्यानंतर मला हे कळले. मग ते सोडून शिक्षण पूर्ण केले. शालेय जीवनापासूनच मला नाटकांमध्ये सहभागी होण्याची आवड होती, परंतु महाविद्यालयात पोहोचल्यानंतर मला असे वाटले की मी अभिनयातदेखील काहीतरी करू शकते आणि मी माझ्या वडिलांशी चर्चा केली व आपले शिक्षण संपल्यानंतर अभिनय क्षेत्रात उतरले.
तुला पहिला ब्रेक कसा मिळाला?
मी आशियाई चित्रपट महोत्सवाचे आयोजन करीत होते. माझा पहिला कार्यक्रम होता. व्ही शांताराम यांनी मला पाहिल्यानंतर मला मराठी चित्रपटाची ऑफर दिली, मी मान्य केली आणि माझा प्रवास सुरू झाला. चित्रपट यशस्वी झाला आणि मला मागे वळून पाहण्याची गरज पडली नाही.
तुला येथपर्यंत पोहोचण्यासाठी पालकांनी किती सहकार्य केले?
मी माझ्या वडिलांची खूप लाडकी होते. मला जे काही करायचे होते त्यासाठी पूर्ण मोकळीक होती. पण त्यांची अट शिक्षण पूर्ण करण्याची होती आणि मी ती केली. मलाही अभ्यासाची खूप आवड होती. पालकांचे नेहमीच सहकार्य लाभले.
तुला अॅडव्हेंचरदेखील खूप आवडते, तू ते कसे केले?
मी बऱ्याच कार रेस केल्या आहेत, मला ते सर्व खूप आवडते. जेव्हा जेव्हा मला संधी मिळाली तेव्हा मी प्रशिक्षण घेतले. मी अजूनही रेसिंग करते. या क्षेत्रात खूप कमी मुली आहेत. यात मुलांबरोबर रेसिंग करावी लागते. अधिकाधिक मुली या क्षेत्रात याव्यात आणि सहभागी व्हाव्यात अशी माझी इच्छा आहे. हे देखील एक करिअर बनू शकते. हे कमी वयापासूनच करावे लागते.
कोणत्या चित्रपटाने तुझे आयुष्य बदलले?
प्रत्येक चित्रपट निवडताना मी त्याच्या पटकथेची खूप काळजी घेते. मी वर्तमानात जगते. प्रत्येक चित्रपटातून काहीतरी शिकायला मिळते. ‘बंदूक’ चित्रपट आजही पाहिला जातो आणि माझ्या कार्याचे कौतुक केले जाते. हा चित्रपट माझ्या हृदयाच्या अगदी जवळ आहे.
वेगवेगळया माध्यमांचा अभिनयावर काही परिणाम होतो का?
अभिनयावर माध्यमांचा कोणताही परिणाम होत नाही. प्रोडक्शनचा परिणाम होतो. मराठी चित्रपट कमी बजेटमध्ये बनतात, तर इतर भाषांमधील चित्रपटांचे बजेट जास्त असते. भावना नेहमी सारखीच असते. शॉट सुरू होताच कोणत्याही प्रकारचा फरक जाणवत नाही, कारण तेव्हा आपण आपली भूमिका जगत असतो.
तुला बायोपिक करण्याची इच्छा आहे का? पुढच्या काय योजना आहेत?
मला बायोपिक करायला आवडते, कारण यामध्ये तुम्हाला कोणत्याही यशस्वी व्यक्तिला जवळून जाणून घेता येते आणि ते पात्र जगता येते. त्याची तयारीदेखील खूप करावी लागते. मला नवीन लोकांना भेटण्यास आणि त्यांच्याबद्दल जाणून घेण्यास आवडते.
पुढे मी वेब सीरिज, मराठी चित्रपट आणि एक आंतरराष्ट्रीय प्रकल्प करणार आहे, पण कोरोनामुळे अजून सुरू झालेले नाही.
कोरोना संसर्गामुळे मराठी चित्रपटसृष्टीला बरीच हानी पोहोचली आहे, ती पुन्हा रुळावर आणण्यासाठी कामात कोणत्या प्रकारचे बदल करण्याची आवश्यकता आहे?
तसे पाहता काम सुरू झाले आहे आणि खबरदारीदेखील पूर्ण घेतली जात आहे. आम्ही एका योद्धयाप्रमाणे काम करत आहोत आणि दररोज लढाई लढायला जात आहोत. आता स्वत:चे रक्षण करण्याची खूप आवश्यकता आहे. आता प्रत्येकासाठी करमणुकीची साधने अत्यंत आवश्यक बनली आहेत, जेणेकरून लोक घरातच राहून याचा आनंद घेऊ शकतील.
यावेळी उत्सव कसा साजरा करणार आहेस?
मी माझ्या कुटुंबासमवेत उत्सव साजरा करत आहे आणि आसपासचे जे लोक येऊ इच्छित आहेत, त्यांनाही नम्रतेने आमंत्रित करून त्यांच्याबरोबर आनंद साजरा करत आहे. गर्दी टाळून प्रत्येकजण उत्सव साजरा करू शकतो.
मनोरंजन विश्वात बरेच तणाव असतात, तू ते कसे हाताळतेस?
हे खरे आहे की लहान-मोठा तणाव प्रत्येकालाच असतो. माझी सर्वात मोठी चिंता निवारक माझी आई जीवन कला आहे, ती माझी बॅक बोनदेखील आहे. ती माझी गुरु आहे, तिने ५०० चित्रपट केले आहेत. तिचे प्रत्येक गाणे प्रसिद्ध आहे. आम्ही दोघीही तिच्या गाण्यांवर डान्स करून आनंदी होतो. माझे फ्रेंडसही बरेच आहेत, मी त्यांच्याबरोबरदेखील माझ्या गोष्टी शेअर करते.
तू वाचकांना काही संदेश देऊ इच्छितेस का?
स्वत:वर खूप प्रेम करा, तरच आपण इतरांना प्रेम देऊ शकता.
आवडता रंग – पांढऱ्यासह सर्व रंग.
आवडते खाद्य – प्रत्येक देशाच्या डिशेस ट्राय करणे आणि सुशी.
आवडता ड्रेस – कॅज्युअल ड्रेस, साडी.
आवडते पुस्तक – सीक्रेट.
वेळ मिळाल्यास – पुस्तके वाचणे, प्रवास करणे आणि अॅडव्हेंचर करणे.
आवडते पर्यटन स्थळ – सुंदर, हिरव्यागार दऱ्या-खोऱ्यांना भेट देणे.
परफ्यूम – सीएच (कॅरोलिना हेरेरा).
जीवनाचे आदर्श – आनंदी रहा आणि राहू द्या.
एखादे सामाजिक कार्य – ज्येष्ठांची काळजी घेणे आणि त्यांच्यासाठी काही ठोस कार्य.
