* सोमा घोष
मॉडेलनंतर एक्ट्रेस बनलेल्या अभिनेत्री रूचिता जाधव या पुण्याच्या आहेत. व्यवसायिकांच्या कुटुंबात जन्मलेल्या रूचिताला नेहमीच काही आव्हानात्मक काम करण्याची इच्छा असायची, ज्यात तिची आई कल्पना ताई जाधव यांनी पाठिंबा दर्शविला. रूचिताने मराठी चित्रपट, मालिका तसेच हिंदी मालिकांमध्येही काम केले आहे. सौम्य आणि आनंदी स्वभाव असलेल्या रूचिताला प्रत्येक नवीन आणि वेगळी कहाणी प्रेरणा देते. ती तिच्या प्रवासाला डेस्टिनी मानते. त्यांच्याशी बोललो, या जाणून घेऊया, त्यांची कहाणी त्यांच्याच शब्दांत :
अभिनय क्षेत्रात येण्याची प्रेरणा तुला कशी मिळाली?
कोणत्याही कलाकाराचे यश त्याच्या गंतव्यस्थानावर अवलंबून असते. सुरुवातीला जेव्हा मी फॅशन डिझायनिंगमध्ये बॅचलर करत होते. एका शो दरम्यान माझी मॉडेल पळून गेली आणि मार्ग नव्हता म्हणून मलाच माझे कपडे घालून रॅम्पवर जावे लागले. त्यावेळी अभिनेत्री अदिती गोवित्रीकर आणि बऱ्याच मोठ-मोठया सेलिब्रिटी तिथे आल्या होत्या, यामुळे मला खूप आत्मविश्वास मिळाला आणि माझा प्रवास सुरू झाला. यानंतर मी कामासाठी बऱ्याच ठिकाणी ऑडिशन दिले. या कामात माझ्या आईने मला खूप सहकार्य केले. यानंतर माझी मेहनत फळास आली.
तू पालकांशी अभिनयाबद्दल प्रथमच बोलली तेव्हा त्यांची प्रतिक्रिया काय होती?
मी अभिनेत्री होईन असा त्यांचा विचार नव्हता, कारण माझ्या कुटुंबातील कोणीही या क्षेत्रात नाही, मी एका राजकीय कुटुंबातून आले आहे, कारण माझी आई १५ वर्ष नगरसेविका होती, अशा परिस्थितीत माझे वडील विजय जाधव याविरोधात होते. त्यांनी मला अभिनय करण्यास नकार दिला, शिवाय माझ्या कुटुंबातील मुलीचे लग्न २२व्या वर्षी होते, त्यावेळी मी १८ वर्षांची होते, मी त्यांच्याकडे दोन वर्षांचा वेळ मागितला. माझ्या वडिलांनी सहकार्य केले नाही, परंतु माझ्या आईने मला गुप्तपणे साथ दिली. जेव्हा माझे सीरियल आणि चित्रपट येऊ लागले, मीडियात माझे नाव होऊ लागले, तेव्हा वडिलांनी माझ्यावर विश्वास ठेवला. आईनी माझी स्वप्ने सत्यात उतरविली.
