* प्रतिभा अग्निहोत्री
अनुराधाच्या सासूबाईंना अचानक हार्ट अटॅक आला. पती आनंदने त्वरित सोर्बीटेट गोळी आणायला सांगितल्यावर, अनुराधाने प्रत्येक ड्रॉवर खोलून बघितला परंतु टॅबलेट कुठेच मिळत नव्हती. प्रत्येकवेळी ती जेव्हा लागेल तेव्हा बघू, हा विचार करायची, परंतु आता जेव्हा गरज पडली तर… शेवटी त्वरित ती शेजाऱ्यांकडून टॅबलेट घेऊन आली आणि सासूबाईंना दिली. हॉस्पिटलमध्ये डॉक्टरांनी सांगितलं की वेळेवरती सोर्बीटेट दिल्यामुळे त्यांचा जीव वाचला नाही तर… तेव्हा अनुराधाला तिच्या निष्काळजीपणाचा खूप राग आला.
विपाशाचे सासू-सासरे दोघेही बराच काळापासून आजारी होते. त्यांना औषधं देण्याचं काम विपाशाच करत असे. एके दिवशी तिने तिच्या सासऱ्यांचं बीपीचं औषध तिच्या सासूबाईंना दिलं. गोळी खाताच सासूबाई बेशुद्ध होऊन जमिनीवर पडल्या, जेव्हा तिने बघितलं की सासऱ्यांच बीपीचे औषध तिने सासूबाईंना दिलंय, ज्या लो बीपीच्या पेशंट आहेत आणि हाय बीपीची गोळी खाल्ल्यामुळे त्यांचं बीपी अजूनच खाली गेलं, ज्यामुळे त्या बेशुद्ध पडल्या. तेव्हा ती त्यांना घाईघाईत हॉस्पिटलमध्ये घेऊन गेली. तेव्हा मोठ्या मुश्किलीने त्यांचा जीव वाचला.
छोट्या छोट्या चुका
रचिताला तिच्या भावाच्या लग्नाला जाण्यासाठी बँक लॉकरमधून दागिने काढायचे होते परंतु दोन दिवसापासून लॉकरची चावी मिळत नव्हती. जेव्हा खूपच शोधाशोध केल्यावरती चावी मिळाली नाही तेव्हा तिने तिचे पती अमनला सांगितलं.
तेव्हा अमन म्हणाले, ‘‘गेल्यावेळी जेव्हा तू लॉकरसाठी गेली होतीस तेव्हा तुझी चावी हरवली होती आणि तू बँकेला त्याची सूचना देखील दिली होतीस. मग दुसरी चावी आणलीस की नाही.’’
आता बँकेत जायलादेखील वेळ नव्हता. शेवटी तिला लग्नात खरे दागिने असूनसुद्धा खोटे दागिने घालावे लागले.
आपल्या सर्वांनाच माहिती असतं की घरामध्ये फर्स्ट एड बॉक्स असणं किती गरजेचं आहे. गरीमानेदेखील बाजारातून सुंदरसा प्लास्टीक बॉक्स आणून फर्स्ट एड बॉक्स बनवला परंतु जेव्हा एके दिवशी तिच्या मुलाला लूज मोशन झाले तेव्हा त्याला तिने जी गोळी खायला दिली, ती गोळी खाल्लयामुळे तिच्या मुलाच्या शरीरावरती पूर्ण एलर्जी झाली. डॉक्टरांच्या मते एक्सपायरी डेटचं औषध दिल्यामुळे मुलाच्या शरीरावर अँटी रिएक्शन झाली होती.
निष्काळजीपणाचा परिणाम
रजत जवळ एक अननोन नंबरने फोन आला की त्याला पोलीस स्टेशनमध्ये बोलावलं आहे कारण त्याच्या स्कूटरचा एक्सीडेंट झालाय. त्याने अनेकदा सांगितलं की त्यांनी त्याची स्कूटर दोन वर्षांपूर्वीच ओलेक्समधून एका व्यक्तीला विकली होती परंतु पोलिसांनी काही त्याचा ऐकलं नाही कारण आतापर्यंत स्कूटर आरटीओ ऑफिसमध्ये त्याच्याच नावावरती होती.
आशिमा वर्षभराचा किराणा एकत्र एकदाच विकत घेत असे आणि त्यामध्ये पाऱ्याच्या गोळ्या टाकत असे ज्यामुळे ते अनेक दिवस खराब होत नसे. अनेकदा डाळ बनवण्यापूर्वी ती त्या गोळ्या काढून परत डब्यामध्ये टाकायची. परंतु एके दिवशी घाईघाईत तिने त्या डाळीसोबतच गोळीदेखील उकळली. डाळ खाल्लयानंतर सर्व कुटुंबीयांना फूड पॉइजनिंग झालं आणि सर्वांना हॉस्पिटलमध्ये दाखल करावं लागलं.
या घटना नक्कीच निष्काळजीपणाची उदाहरणं आहेत. अशा प्रकारच्या निष्काळजीपणामुळे कोणाच्याही जीवावर बेतू शकतं तसंच नको असलेली मानसिक अशांती आणि तणाव देणारीदेखील असते. अशा प्रकारचा कोणताही निष्काळजीपणा तुमच्याकडून होता कामा नये यासाठी काही गोष्टी लक्षात ठेवणं गरजेचं आहे.
फर्स्ट एड बॉक्स खूपच गरजेचा
प्रत्येक घरामध्ये फर्स्ट एड बॉक्स असणं गरजेचं आहे, तेवढंच त्याला अपडेट ठेवणं. दर महिन्याला ते चेक करून एक्सपायरी डेटची औषधं काढून नविन औषधं रिप्लेस करा. बीपी, शुगरसारखी नियमित वापराची औषधं यामध्ये ठेवू नका.
सोर्बीटेट, डिस्प्रिनसारख्या कधीतरी वापरल्या जाणाऱ्या गोळ्या घरातील सर्व लोकांना दाखवून ठेवा आणि पॅकेट वरती त्याची एक्सपायरी डेट आणि नाव देखील लिहा, म्हणजेच अडचणीच्यावेळी घरातील कोणत्याही सदस्याला सहजपणे औषध मिळेल. फर्स्ट एड बॉक्स नेहमी मोठा बनवा आणि त्यामध्ये दोन-तीन पार्टिशन करा, म्हणजे औषधांच्या ट्युब्स, थर्मामीटर, ऑक्सिमीटर, टॅबलेट आणि बँडेजसारखा गोष्टी वेगवेगळ्या ठेवता येतील.
जुनी वाहनं विका परंतु काळजीपूर्वक
कार, स्कूटर वा स्कूटीसारखं कोणतंही वाहन तुम्ही ऑनलाईन वा ऑफलाईन कसेही विका परंतु समोरच्याला देण्यापूर्वी आरटीओ ऑफिसमध्ये वाहनाच्या खरेदी दाराच्या नावावर ट्रान्सफर करून टाका, म्हणजे भविष्यात कोणतीही दुर्घटना झाल्यास तुम्ही जबाबदार नसाल, कारण एखादी दुर्घटना झाल्यास ज्याच्या नावावर वाहन असतं त्याला शोधलं जातं. शक्य असल्यास ट्रान्सफर केलेल्या कागदांचा एक फोटो काढून तुमच्याजवळ देखील ठेवा.
बँक लॉकरचं चेकअप
अनेकदा आपण एकदाच बँकमध्ये दागिने ठेवून देतो आणि नंतर अनेक महिने ते खोलत देखील नाही, खरं तर सहा महिन्यातून एकदा तुमचा लॉकर खोलून पहा. यामुळे तुम्ही तुमची चावी, लॉकर नंबरने अपडेट रहाल आणि सोबतच लॉकरमधील दागिनेदेखील चेक करू शकाल, कारण बँक तुमच्या दागिन्यांची कोणतीही गॅरंटी घेत नाही. लॉकरची चावी नेहमी एका गुच्छमध्ये टाकून योग्य जागी ठेवण्या बरोबरच पती, सासू वा मोठ्या मुलांना देखील सांगून ठेवू शकता म्हणजे लक्षात नसल्यास तुम्ही त्यांची मदत घेऊ शकाल.
डॉक्युमेंटेशन खूपच गरजेचं
घरामध्ये प्रॉपर्टी, इन्शुरन्स, मेडिकल फाईल्स, म्युच्युअल फंड्स, मुलांच्या मार्कशीटसारखे अनेक कागद असतात, जे आपल्यासाठी खूपच गरजेचे असतात. त्यांची प्रत्येक विषयाची व्यवस्थित फाईल बनवून त्यावर स्केच पेनने विषयाचं नाव लिहून ठेवा म्हणजे गरज पडल्यास तुमचा वेळ वाया जाणार नाही. सर्व फाईल्स ठेवण्याची एक जागा देखील निश्चित करा.
बिल्स मॅनेज करा वेळोवेळी आपण घरामध्ये फ्रिज, एसी, टॅबलेट आणि लॅपटॉपसारख्या अनेक वस्तू विकत घेतो. यावर अनेक वर्षाची वॉरंटी वा गॅरंटी असते. जर तुम्ही ते व्यवस्थित ठेवले नाही तर ते खराब झाल्यावरती तुम्हाला फ्री सर्विसची सवलत असूनसुद्धा ती मिळत नाही आणि तुम्हाला अनावश्यक खर्च करावा लागतो.
