* ज्योती गुप्ता
लोक बहुतेकदा सणाच्यावेळी खरेदी करण्यास किंवा नवीन सुरुवात करण्यास प्राधान्य देतात. परंतु बऱ्याचवेळा आर्थिक अडचणींमुळे त्यांचे स्वप्न पूर्ण होऊ शकत नाही. अशा परिस्थितीत आपल्या गरजा लक्षात घेऊन बँका अशा अनेक ऑफर देतात, ज्यातून आपण लहानाहून लहान आणि मोठयाहून मोठया वस्तू सहजपणे खरेदी करू शकता आणि स्वस्त ईएमआयचा फायदा घेऊ शकता.
येथे आम्ही आपल्याला अशी माहिती देत आहोत, जी आपल्याला गुंतवणूक करण्यात मदत करेल :
१० टक्के कॅशबॅक
उत्सवाच्या निमित्ताने अनेक बँकांनी खरेदीवर १० टक्के कॅशबॅकची ऑफर दिली आहे. काही बँकांचे बऱ्याच ऑनलाइन शॉपिंग वेबसाइट्सबरोबर टायअप्सदेखील असतात. ही कॅशबॅक केवळ मर्यादित उत्पादन आणि निश्चित रकमेवर असते. म्हणूनच खरेदी करताना मर्यादा अवश्य लक्षात ठेवा, तरच आपण या ऑफरचा लाभ उठवू शकाल.
पैशांशिवाय खरेदी करा
काही बँका पैसे न भरता खरेदी करण्याची सुवर्ण संधी आपल्या ग्राहकांना उत्सवाची भेट म्हणून देतात. या ऑफरनुसार ग्राहकाला खरेदी करताना कुठले पैसे द्यावे लागत नाहीत आणि पुढच्या महिन्यापासून ईएमआय त्याच्या डेबिट कार्डवर प्रारंभ होते, जे ग्राहक आरामात ६ ते १८ महिन्यांत भरू शकतो.
कार न्या, पुढील वर्षी पैसे चुकवा
बऱ्याच बँकांनी ही सुविधादेखील दिली आहे, जर तुम्हाला कार विकत घ्यायची असेल तर आता कर्ज घ्या आणि पुढच्या वर्षापासून त्याची ईएमआय भरा. त्याचबरोबर महिलांसाठी व्याज दरामध्ये ०.२५ ते ०.५० टक्के अतिरिक्त सूटही दिली जात आहे.
दुचाकी दररोज ७७ रुपयांना उपलब्ध आहे
जर आपण बऱ्याच वर्षांपासून दुचाकी घेण्याचा विचार करीत असाल आणि हे स्वप्न अद्याप पूर्ण झाले नसेल तर ही योजना आपल्यासाठी फायदेशीर ठरू शकते. यासाठी तुम्हाला कोठले डाऊन पेमेंट करावे लागणार नाही किंवा प्रक्रिया शुल्कही लागणार नाही. कर्ज मंजूर होताच काही वेळातच तुमच्या खात्यात पैसे येतील. त्याचबरोबर या योजनेंतर्गत तुम्हाला विशेष कंपनीची बाईक व स्कूटरवर २ हजार रुपयांपर्यंत सूट मिळेल.
