marathi fashion article Archives - Page 5 of 5

योग्यवेळी योग्य पेहराव

* अनुराधा

भारत देशात वेगवेगळ्या रितीभातींबरोबरच विविध प्रकारचे पेहरावदेखील आपल्याला पाहायला मिळतात. भारत वेगवेगळ्या भाषा, संस्कृती, आहार आणि पेहरावांसाठी जगभरात प्रसिद्ध आहे. हा एक असा देश आहे जिथे पावलोपावली फॅशनचे अनेक रंग आपल्याला पाहायला मिळतात.

फक्त पेहरावाबद्दल म्हणावं तर भारतात प्रत्येक प्रसंगासाठी वेगवेगळे पेहराव घातले जातात. पण जेव्हा ट्रेण्ड आणि स्टाइल यांचा मेळ होतो, तेव्हा आउटफिटचा म्हणजे पेहरावाचा आराखडा बदलतो आणि पारंपरिक वेशभूषेला फॅशनेबलचं लेबल लागतं.

पेहराव जुना अंदाज नवा

खरंतर भारतात वेगवेगळ्या काळात वेगवेगळ्या देशांतील राजांनी शासन केलं आहे आणि प्रत्येक शासनात त्या त्या काळचा वेगळा पेहराव भारतात आला आहे. रझिया सुलतानच्या पेहरावापासून प्रभावित होऊन रझिया सूट आणि मोगल काळातील अनारकलीचा सूट आजपर्यंत भारतात स्त्रियांच्या फॅशनचा विस्तार करत आहेत.

म्हणायला तर हे सगळे फार जुने पेहराव आहेत, पण फॅशनने यांना एक वेगळीच चमक दिली आहे आणि त्यांचा पूर्ण कायापालट केला आहे. आपल्या नवीन रूपात अशा प्रकारचे पेहराव लग्न आणि लहानसहान घरगुती समारंभांसाठी ठीक आहेत पण तुम्ही एखाद्या वाढदिवसाच्या पार्टीला किंवा एखाद्या ऑफिशियल पार्टीला अशाप्रकारचा सूट घालून जाल तर ही फॅशन मूर्खपणाचीच ठरेल.

पाश्चिमात्य फॅशन

भारतात आलेल्या ब्रिटिशांनीदेखील भारतीयांचा फॅशन सेन्स वाढवला आहे आणि त्यामुळेच आज आपण भारतीय स्त्रियांना पाश्चिमात्य पेहरावांमध्येच जास्त पाहातो.

विनीता सांगतात की आता दर महिन्याला नवीन फॅशन मार्केटमध्ये येत आहे. प्रत्येक नवीन गोष्ट एकदा स्वत:वर जरूर अजमावून पाहावी. कोणत्या प्रसंगी कोणता पेहराव घालावा ही गोष्ट लक्षात घेणंही फार महत्त्वाचं आहे.

अनेक मुली दुपारी होणाऱ्या पार्टीमध्ये इव्हनिंग गाउन घालून जातात. पण खरंतर हे नावानेच स्पष्ट होत असतं की इव्हनिंग गाउन फक्त इव्हनिंग पार्टीसाठी आहेत. अलीकडेच इबे कंपनीने १००० स्त्रियांचं सर्वेक्षण केलं तेव्हा जवळपास १५ टक्के स्त्रिया हीच चूक करत असल्याचं निदर्शनास आलं.

तरुण दर्शवणारी फॅशन

फॅशन अशी जी तुम्हाला अपटुडेट ठेवेल. पण अपटुडेट होण्याच्या नादात अनेकदा स्त्रिया या गोष्टींकडे लक्ष देत नाहीत की वयानुसार त्यांच्यावर कोणता पेहराव शोभेल. विशेष म्हणजे घरगुती स्त्रियांसाठी फॅशन म्हणजे रंगीबेरंगी साड्या किंवा एखादा साधासा सलवार कुरताच असतो.

विनीता सांगते की फक्त साड्या नेसणाऱ्या स्त्रियांना आपण असं बोलू शकत नाही की त्या फॅशनेबल नाहीत. अलीकडे बाजारात साड्यांचेही अनेक पॅटर्न मिळतात, त्या तुम्ही वापरू शकता. पण यात पॅटर्ननुसार ड्रेपिंग करणंही फार गरजेचं असतं.

होय, अलीकडे फॅशन वर्ल्डमध्ये साड्यांवरही अनेक प्रयोग होत आहेत. आता साड्यांमध्ये डिझायनर्स क्रिएटिविटी दिसून येते. विशेष म्हणजे ड्रेपिंगचे अर्थात साडी नेसायचे वेगवेगळे प्रकार लक्षात घेऊन साडी डिझाइन केली जाते. मात्र स्त्रिया त्याच जुन्या पद्धतीने साड्या ड्रेप करतात आणि इथेच त्या फॅशनच्या स्पर्धेतून बाहेर पडतात.

फक्त आउटफिट्सच नव्हे, तर अॅक्सेसरीजबाबतही स्त्रिया अनेक वेळा चुका करतात.

फक्त आउटफिट चांगला असणं जरुरी नाही तर अॅक्सेसरीजमुळे आउटफिटचा लुक आणखीन उठून दिसतो. म्हणूनच त्याची निवड योग्य आणि मर्यादित असावी. पण अनेक स्त्रिया आउटफिट आणि अॅक्सेसरीजची निवड करताना योग्य ताळमेळ राखत नाहीत. जसं की जी हेअर अॅक्सेसरिज ट्रेडिशनल आउटफिटसोबत घालायला हवी, त्यांचा कॅज्युअल वेअरसोबत वापर करणं ही फॅशन मिस्टेकच ठरेल.

नवीन वर्षात फॅशनः काय इन काय आऊट

* गरिमा पंकज

नवीन वर्षाच्या नवीन फॅशन ट्रेंड्सपासून तुम्ही वंचित राहावे, अशी आमची इच्छा नाही. म्हणूनच आम्ही तुम्हाला केवळ ड्रेसच नाही तर त्यासोबत ज्वेलरी, बॅग्स, फूटवेअर, हेअरस्टाईल अशा सर्वांचीच लेटेस्ट माहिती देत आहोत.

फॅशन डिझायनर आशिमा शर्मा यांनी अशा काही टीप्स आणि ट्रेंड्सबद्दल सांगितले, ज्याकडे लक्ष दिल्यास तुम्ही फॅशनेबल दिसू शकता :

लेयर्ड फॅशन : अशा प्रकारच्या स्टाईल स्टेटमेंटमध्ये तुम्ही हवे तितके कपडे परिधान करू शकता. परंतु कोणता रंग किंवा डिझाइन तुम्ही कोणत्या कपडयासोबत मॅच करून परिधान करणार आहात, याकडे लक्ष द्या. लेयर्ड फॅशनमध्ये ब्लॅक पँट आणि सफेद शर्टसोबत गडद तपकिरी रंगाचे सैलसर स्वेटर आणि शॉर्ट बूट अशा प्रकारचे लेयरिंग करता येईल. जर तुम्हाला स्कार्फ किंवा मफलर घालायला आवडत असेल तर तुम्ही बॉयफ्रेंड जीन्ससह डीपनेक स्वेटरचे कॉम्बिनेशन करून त्याला आवडत्या मफलरसह कव्हर करू शकता. असा लुक तुम्ही मेसी बनसह करू शकता.

टी-शर्टसह बेलबॉटम पँट्स : जर तुम्हाला एखाद्या पार्टीत जायला आवडत असेल तर ही फॅशन तुमचे स्टाईल स्टेटमेंट असायला हवे. या लुकसाठी तुम्ही ब्लॅक स्कॅलोप हेम बेलबॉटम पँटसह अॅनिमल प्रिंट टॉप घालू शकता. तुमच्या पँटला मॅचिंग बोल्ड आणि पॉपी नेलपेंट लावा, सोबतच गोल डिझाईनचे इयररिंग्ज घाला. राहिली गोष्ट मेकअपची तर तो शक्य तेवढा लाईट करा.

पेन्सिल स्कर्टसह ओव्हरसाईज शर्ट : हा लुक ऑफिससाठी अतिशय परफेक्ट आहे. पेन्सिल स्कर्ट घाला जो बॉडीकोन असेल आणि पुढच्या बाजूला मॅचिंग बटणे असतील. यासह ओव्हरसाईज चेक शर्ट घाला. केसांचा सैल पोनीटेल बांधा. लेस पीप टो बुटांसह तुम्ही हा गेटअप कॅरी करू शकता. तो तुम्हाला कॅज्युअल लुक देईल.

ब्लेझर ड्रेस : फ्लोरल, प्रिंटेड आणि रफल ड्रेस तर तुम्ही अनेकदा वापरले असतील. पण आता जिप ब्लेझर ड्रेस वापरून पाहा. या ड्रेसला तुमच्या नवीन कलेक्शनमध्ये नक्की स्थान द्या. अशा प्रकारच्या ड्रेससोबत तुम्ही अँकल स्ट्रैप चंकी हिल वापरू शकता. केसांना कलर करून हा लुक आत्मविश्वासपूर्वक कॅरी करा.

फ्लाउंस स्लीव टी : फ्लाउंस स्लीव टी ही ऑफिससाठी थोडी हटके फॅशन ठरू शकते. सोबतच पार्टी आणि डेटसाठीही उत्तम पर्याय आहे. फ्लाउंस स्लीव टीसोबत कुठलाही लुक खुलून दिसतो. तुम्ही मिनी स्कर्ट किंवा डेनिम जीन्ससह फ्लाउंस स्लीव टी परिधान करू शकता. डेनिम जीन्ससह हे परिधान करणार असाल तर अतिशय लाईट मेकअप करा. सोबतच हायहिल वापरा.

क्रॉप टॉप विथ डे्रप्ड स्कर्ट : पांढरा रंग सर्वांवरच खुलून दिसतो आणि जर तुम्ही चेक अँड क्रॉप टॉपचे चाहते असाल किंवा ते परिधान करायच्या विचारात असाल तर ब्लॅक अँड व्हाइट चेक क्रॉप टॉप घ्या, ज्याच्या मागच्या बाजूला नॉट डिझाईन असेल, जी तुम्हाला थोडे बॅकलेसचेही फील देईल. यासोबत तुम्ही स्कर्ट घालू शकता. हा महिलांचा आवडता ड्रेस बनला आहे. या लुकला सेक्सी बनविण्यासाठी हाय हिल्स घाला. सोबत बोल्ड लिपस्टिक लावा, जी तुमच्या पूर्ण आऊटफिटलाच क्लासिक बनवेल.

रंगरीतीचे सीईओ संजीव अग्रवाल यांनी फॅशनच्या नव्या ट्रेंडबाबत दिलेल्या टीप्स :

पेस्टल कलर पुन्हा इन : पेस्टल कलर केवळ दिसायलाच कुल नसतात तर सोबर आणि स्टायलिश लुकही देतात. पार्टी ड्रेस असो किंवा ऑफिस ब्लेझर, बेधडकपणे लॅव्हेंडर कलर निवडा.

वाइड लेग लेंट्स आणि ट्राउझर्स : ९० च्या दशकातील फॅशन परत आली आहे. वाइड लेग पँट आणि ट्राउझर्समध्ये तुमच्या आवडीचा एक पॅक निवडा, तो कोणत्याही क्रॉप टॉप टीज, लाँग स्लीव्ह शर्टसोबत मॅचिंग करा आणि ग्लॅमरस दिसा.

वाइल्ड आणि आउटगोइंग प्रिंट : कलर ब्लॉक्ड प्रिंट्स 2020 मध्ये फॅशनमध्ये होते. याच बोल्ड आणि बिनधास्त प्रिंट्ससह तुम्ही 2021 मध्येही स्वत:ला आकर्षक आणि सुंदर लुक देऊ शकता.

फ्रिंजेज : हे पार्टीवेअरसह सर्व प्रकारच्या पेहरावांवर मॅच होते. शिमरी फॅब्रिकचे एक छोटेसे फॅब्रिकही याच्या सौंदर्यात भर घालते.

कॅप्स आणि पोंचो : स्टायलिश पारंपरिक पोंचो आणि रंगीबेरंगी कॅप्स हा २०२० चा सर्वात आकर्षक फॅशनेबल ट्रेंड आहे. पारंपरिकच नाही तर प्रासंगिक आणि वेस्टर्न कॅपही तुमचे लुक अपग्रेड करते.

प्लाझाला करा बाय बाय : आता प्लाझाची जागा शराराने घेतली आहे. तुमच्या वॉर्डरोबमध्ये नवीन डिझाईनचे शरारा नक्की ठेवा. 2021 मध्ये तुमच्या कोणत्याही कुर्त्यासोबत शरारा मॅच करा आणि पार्टीची शान बना.

पारंपरिक भारतीय वर्कचे स्कार्फ : स्कार्फ जवळपास सर्वच भारतीय पेहरावांशी मॅच होतात. ब्लॉक प्रिंट्स, बाटिक आणि कांथायुक्त स्कार्फ आजकाल बरेच ट्रेंडमध्ये आहेत. जानेवारीच्या हिवाळयात एक लांबलचक गरम स्कार्फ तुम्हाला उबदारही ठेवेल आणि स्टायलिश लुकही देईल. अशाच प्रकारे उन्हाळयात तुम्ही टॅनिंगपासून वाचण्यासाठी ब्लॉक प्रिंट्सचा कॉटनचा स्कार्फ वापरू शकता.

मेकअप ट्रेंड

सौंदर्य तज्ज्ञ भारती तनेजा यांनी काही खास मेकअप ट्रेंडविषयी सांगतात :

यावर्षी नॅचरल मेकअपचा ट्रेंड मागे पडेल आणि ब्राईट मेकअप ट्रेंड येईल. हेअरस्टाईलमध्येही रेट्रो लुक यावर्षी आऊट होऊ शकतो. २ ते ६ महिन्यांच्या टेम्पररी ब्युटी प्रोसेसऐवजी दीर्घकालीन ब्युटी ट्रीटमेंट पसंतीस उतरतील.

मागील वर्षी न्यूड मेकअप ट्रेंडमुळे लाईट मेकअपची जास्त मागणी होती, ज्यामध्ये मेकअप करण्याची प्रत्येकाचीच इच्छा होती, परंतु तो दिसू नये असे त्यांना वाटत होते. त्यामुळेच काळया आणि पांढऱ्या रंगाची चलती होती. परंतु यावर्षी लाईट किंवा न्यूड मेकअप कमीच पाहायला मिळेल.

येणाऱ्या काळात मेकअप किटचा भाग बनलेले रंग आहेत – जांभळा, केशरी, रस्ट, पोपटी हिरवा, निळा यासारखे ब्राईट रंग. कारण मेकअपचे सर्व प्रोडक्ट्स निसर्गाशी साधर्म्य साधणारे असतील. थोडे जास्त कलरफूल व्हावेसे वाटणाऱ्यांसाठी गुलाबी, गुलाबाचा, ट्यूलिपसारख्या फुलांचा रंग २०२० मध्ये इन होईल. डोळयांच्या मेकअपमध्येही लायनरपासून आयशॅडोपर्यंत एमराल्ड ग्रीनला महत्त्व मिळू शकते.

थ्री डी आणि फॅन्टसी आय मेकअप ट्रेंडमध्ये राहील. यामध्ये पापण्यांवर विविधांगी चित्र काढण्याचा ट्रेंड असेल. वृक्ष, फुलपाखरू, फुले, पक्षी अशी चित्रे काढली जातील. यासाठी कलर, क्रिस्टल, स्पार्कल आणि ग्लिटर वापरला जाईल. ब्राइट कलर्ससह ड्रामॅटिक आय मेकअपचा वापर केला जाईल.

होय, कॅट आय मेकअप ट्रेंडमध्ये राहील, परंतु कलरफूल आयलायनरसह. नैसर्गिक घारे डोळे ट्रेंडबाहेर जातील. स्मोकी आईजलाही कमी पसंती मिळण्याची शक्यता आहे.

लिप मेकअपमधील ऑक्सब्लूड पंपकिन रेड, फ्यूशिया, मेटॅलिक शेड्स ट्रेंडमध्ये राहतील. दोन टोनची लिपस्टिक लावण्याचा ट्रेंडही सेट होईल, ज्यामध्ये वरच्या ओठाला वेगळी आणि खालच्या ओठाला वेगळी शेड लावली जाऊ शकते. गुलाबी आणि लाल रंगाची शेड वापरुन ओठांना बोल्ड डायमेंशन लुक देता येईल.

हेअरस्टाईलची मागणी वाढणार

येणाऱ्या काळात इझ टू कॅरी हेअरस्टाईलची मागणी वाढेल. अशी स्टाईल डिमांडमध्ये असेल, जी कोणत्याही मेहनतीशिवाय सहज करता येईल. केस कलर करण्यावर भर असेल. २०२०च्या हिवाळयात हॉट आणि बोल्ड हेअर कलर शेड्सची चलती असेल. त्यानंतर वसंत ऋतूसोबतच हेअर शेड्सही बदलतील. या ट्रेंडमध्ये तुम्हाला जर जेट ब्लॅक किंवा इंक ब्लॅक कलर करायचा नसेल तर अॅश ग्रे हेअर शेड निवडू शकता. यासाठी केस अशाप्रकारे डाय करा की जे मुळांकडे डार्क असतील आणि जसे वर वाढत जातील तसे लाईट होत जातील. या लुकमुळे तुम्ही सर्वांपेक्षा हटके दिसाल.

चेस्टनट ब्राऊन शेड मेन्टेन ठेवणे फारच सोपे आहे आणि हे हटके लुक देते. यासाठी यात स्लीक गोल्डन हायलाइटही चांगले दिसू शकते. हादेखील २०२० मध्ये पसंतीस उतरणारा रंग असेल.

जर तुम्ही ट्रेंडनुसार एखाद्या कुल रंगाचा हेअरकलर शेड ट्राय करू इच्छित असाल तर केसांवर ब्लोंड हेअर कलरही लावू शकता. यामुळे तुम्हाला नवा लुक मिळेल. चॉकलेट रोज गोल्ड हायलायटिंग महिलांची पहिली पसंती असते. येत्या वर्षातही तुम्ही हे ट्राय करू शकता. केसांच्या टोकांना गुलाबी आणि तपकिरी टोनचा टचअप देऊन वर्षभर ट्रेंड करा.

अॅक्सेसरीज म्हणून केसांमध्ये फुले, ऑर्किड, गुलाब, कमळ वापरले जातील. बहुसंख्य हेअरस्टाईलवर व्हिक्टोरियन लुकचा प्रभाव पाहायला मिळेल, जिथे हेड गियरचा जास्त वापर असेल. ऐंजेलिक लुकवरही भर असेल.

फॅशनेबल पेहराव प्रत्येक वयाची आवड

* रेणू श्रीवास्तव

एक काळ असा होता की त्यावेळी महिलांच्या साजशृंगारावर कोणतेही बंधन नव्हते. आपले सौंदर्य उजळण्यासाठी त्या आपल्या मनाप्रमाणे गोष्टी करत होत्या, जसजसा काळ पुढे सरकला, तसतसा समाज त्यांच्या सर्व गोष्टी काढून घेत गेला. त्यांच्या इच्छा चार भिंतींच्या आत दबून राहू लागल्या, पण आता पुन्हा एकदा समाज एका मर्यादेपर्यंत बदलला आहे आणि महिला आपल्या मर्जीप्रमाणे वागू लागल्या आहेत.

नवीन विचारधारेबरोबरच समाजालाही आपला दृष्टिकोन बदलण्यासाठी भाग पाडावेच लागते. फॅशनने प्रत्येक वयाच्या महिलांसाठी एक मोठी क्रांती केली आहे. सडक्या मानसिकतेनुसार सहावारी साडीमध्ये शरीर झाकण्याची प्रथा मोडून काढण्यासाठी महिला तत्पर झाल्या आहेत.

आज आकर्षक पेहराव, आकर्षक व्यक्तिमत्त्व आणि आकर्षक विचारधारा हे पर्याय बनले आहेत. ‘जीवन माझे, तनमन माझे, तर मग मी फॅशनच्या बदलत्या मोसमानुसार याला का सजवू नको?’ आज प्रत्येक महिलेच्या ओठी हेच उद्गार आहेत. धर्म, समाज, परिवार, मुल्ला-मौलवी मग कितीही फतवे काढू देत, काही पर्वा नाही.

जेव्हा प्रत्येक क्षेत्रात मुलींनी, महिलांनी आपले आकाश शोधले आहे, आपले अधिकार शोधत आहेत, तर मग मनाप्रमाणे पेहराव करणे ही तर सामान्य गोष्ट आहे. एखाद्या खास निमित्ताने पेहराव करण्यास रोखण्याचे काही कारण नाही. जीन्स, टॉप, स्कर्ट, छोटा फ्रॉक, शर्टमध्ये खुलणारे शरीर, न जाणो वयाची किती वर्षे लपवतात आणि तारुण्याची अनुभूती देतात.

घराबाहेरील दुहेरी जबाबदाऱ्या पार पाडण्यासाठी पेहरावांना खूप महत्त्व असते. वाहन संचालनावर अधिपत्य ठेवणाऱ्या मुली असो किंवा तरुणी, प्रौढ महिला असो किंवा वृध्द त्यांना पेहरावांना आधुनिक साच्यात सजावेच लागते. लग्न समारंभ आणि सणांच्या काळात जरी, मोती आणि टिकल्यांनी सजलेल्या साड्या, पायघोळ आणि लहेंग्यासह भारी दागिने घातल्यास आपण आकर्षक तर दिसालच, पण इतरही तुमच्या प्रेमात पडतील. अर्थात, रोजच्या जीवनात यांचा वापर करणे शक्य नसते.

आज ६० असो किंवा ७०, जास्त वयाच्याही भारतीय महिला परदेशातच नव्हे, तर आपल्या देशातही जीन्स, पँट, स्कर्ट, टॉप यासारख्या पोषाखांमध्ये दिसतात, तेव्हा नजरेला खूप बरे वाटते. प्राचीन आणि आधुनिक फॅशनेबल पेहरावांच्या मिश्रीत डिझाइन नयनरम्य होण्यासोबतच बजेटमध्ये असतात. एकापेक्षा एक डिझायनर ड्रेसेस फॅशनच्या जगात लोकप्रियता मिळवत आहेत.

फॅशनवर मुली किंवा महिलांचे विचार

२४ वर्षीय सॉफ्टवेअर इंजिनीयर दिव्या दत्ता सांगते की सलवार-कमीजपेक्षा तिला जीन्स, पँट, फुल स्कर्ट, टॉप, शर्टमध्ये जास्त चांगले वाटते. त्यामुळे अशा ड्रेसेसमध्ये उत्साही, स्मार्ट तर दिसताच, पण हलकेफुलके वाटण्याबरोबरच, प्रत्येक वर्गातील लोकांसोबत काम करताना सहजता जाणवते.

अनारकली पेहरावांची चाहती बँकेत काम करणारी पूजा सर्व आधुनिक पेहराव वापरते, पण योग्यप्रकारे. पेहरावांबरोबरच ती कामाचे ठिकाण व भेटणाऱ्यांनाही तेवढेच महत्त्व देते. ज्यांचे वजन जास्त आहे, अशा महिलांना घट्ट कपड्यांऐवजी सैलसर कपड्यांत पाहणे तिला जास्त आवडते.

३७ वर्षीय डेंटिस्ट सृजानेही दिव्याप्रमाणेच सांगितले, पण तिला विशेष प्रसंगी पारंपरिक आणि आधुनिक फ्युजनचे परिधान खूप आवडतात. घराबाहेर कॅपरी वापरणे तिला आरामदायक वाटते.

कॉलेजमध्ये शिकणाऱ्या विद्यार्थिनी रश्मी, सपना, मेघा, नमिताने सांगितले की त्यांना नवीन फॅशनचे कपडे सुंदर, टिकाऊ होण्यासोबतच आरामदायकही वाटतात. कपड्यांचे मटेरियल एवढे चांगले असते की ते घरीच धुऊ शकतो. ड्राय वॉशची काही गरज भासत नाही.

४५ वर्षीय अंजूलाल खास प्रसंगी बनारसी डिझायनर साडी वापरतात. त्यांना आधुनिक आणि पारंपरिक सलवारकुर्ता घालायला आवडतो.

पाटणा वुमन्स कॉलेजच्या इंग्रजीच्या प्राध्यापिका ५० वर्षीय स्तुती प्रसाद यांचे म्हणणे आहे की त्यांना सलवार-कुर्ता घालायला खूप आवडतो. त्या प्राध्यापिका असल्याने पेहरावात शालीनतेची काळजी घ्यावी लागते.

६० वर्षीय गृहिणी सुनीता लंडनच्या वाऱ्या करू लागल्याने, त्या जीन्स, टॉप, शर्टच वापरतात. आकर्षक साडी एखाद्या खास प्रसंगी वापरतात.

७५ वर्षीय मीनाजींना रंगीबेरंगी गाउन घालायला खूप आवडतात. त्या जेव्हाही अमेरिकेला जातात, तेव्हा तेथील मॉल्समधून एकापेक्षा एक फॅशनेबल पेहराव खरेदी करून आणतात.

वास्तविक, आपल्या मनपसंत पेहरावांच्या संगतीत जगण्याचा अंदाजच काही निराळा असतो. मग मन नेहमी उत्साहाने भरलेले असते आणि थकवा, ताण आपल्या आयुष्यातून हद्दपार होतात.

उफ… काय घालू

– अपर्णा मुजूमदार

सुधा सकाळपासून त्रस्त झाली होती. तिला संध्याकाळी तिच्या बेस्ट फ्रेंडच्या घरी फेस्टिव्ह पार्टीला जायचे होते. तिला कळत नव्हते की कोणता ड्रेस घालून पार्टीला जावे. तिच्या वॉर्डरोबमध्ये ड्रेसेसची कमतरता होती असे नव्हे, तिचा वॉर्डरोब ड्रेसेसनी खचाखच भरला होता, तरी ती कोणता ड्रेस घालावा, याची निवड करू शकत नव्हती.

एखाद्या खास पार्टीचे आमंत्रण मिळाले किंवा सणासुदीचे दिवस असतील तर मन कसे प्रफुल्लित होऊन जाते, परंतु त्यासाठी ड्रेसची निवड करताना कोणताही ड्रेस पसंतीस उतरत नाही, तेव्हा मात्र मन खट्टटू होऊन जाते. अशावेळी आपल्याला स्वत:चाच राग येतो की काही खास निमित्तांसाठी आपण १-२ ड्रेस का घेऊन ठेवले नाहीत?

जर अशा समस्येतून तुम्हीही जात असाल, तर काळजी करण्याचे काहीच कारण नाही, कारण ९० टक्के महिला किंवा तरुणींना अशा प्रॉब्लेममधून जावे लागते. आतापर्यंत जे झाले ते झाले, पण पुढे मात्र या काही गोष्टींची काळजी घेतलीत, तर अशा समस्येचा सामना करावा लागणार नाही.

वॉर्डरोब ब्लंडर्सपासून वाचा

बहुतेक महिला आपल्या वॉर्डरोबला व्यवस्थित ठेवत नाहीत. त्यांचा वॉर्डरोब अस्ताव्यस्त असतो. उलट तो नीटनेटका ठेवला पाहिजे.

निरीक्षण करा

वेळोवेळी आपल्या वॉर्डरोबचे निरीक्षण करा. निरीक्षण करताना जर एखादा ड्रेस तुम्हाला अनफिट, आउट डेटेड किंवा कमी स्टाइलिश वाटला, जो पुन्हा घालण्याची इच्छा नसेल तर असे ड्रेस लगेच वॉर्डरोबबाहेर काढा. कारण अशा ड्रेसेसमुळे खास प्रसंगी एखादा ड्रेस निवडताना आणखी समस्या निर्माण होते.

मोह करू नका

अनेक महिला अनफिट, आउटडेटेड, अनकंफर्टेबल किंवा कमी स्टायलिश ड्रेस यासाठी वॉर्डरोबमध्ये जमा करून ठेवतात, कारण त्यांच्यासोबत काही आठवणी जोडलेल्या असतात. उदा. हा खूप महागडा आहे, हा आजोबांनी दिला आहे, हा सिंगापूरवरून आणलाय, हा गोल्डन नाइटला घातला होता. या सगळया गोष्टी बाजूला ठेवून तो वॉर्डरोबबाहेर काढा.

अलबम बनवा

तुमच्याजवळ किती ड्रेस आहेत, कोणत्या स्टाइलचे आहेत, कोणत्या कलर किंवा प्रिंटचे आहेत, या गोष्टी आपल्या लक्षात नसतात. यासाठी तुम्ही एक अल्बम बनवा. मोबाइलमध्ये कॅमेरा असल्याने तुम्ही आपल्या प्रत्येक ड्रेसचा फोटो काढून मोबाइलमध्ये सेव्ह करून ठेवू शकता. ते पाहून तुम्ही खास प्रसंगी ड्रेसची निवड करू शकता.

जेव्हा तुम्ही ड्रेस घेण्यासाठी बाजारात जाल, तेव्हा अल्बम पाहून त्यापेक्षा वेगळया स्टाइल, कलर आणि प्रिंटचे ड्रेस खरेदी करू शकता.

वॉर्डरोबची देखभाल

वॉर्डरोबमध्ये अनेक कप्पे असतात. कॅज्युअल ड्रेस, पार्टी ड्रेस, हेवी ड्रेस, ऑफिस ड्रेस इ. वेगवेगळया कप्प्यांत ठेवा. जेणेकरून प्रसंगानुसार ड्रेस शोधताना त्रास होणार नाही.

होमवर्क करा

शॉपिंगला जाण्यापूर्वी चांगल्याप्रकारे होमवर्क करा. वाटल्यास हे नोट करून ठेवा की मार्केटमध्ये जाऊन आपल्याला कोणत्या स्टाइल, कलर आणि कोणत्या बजेटचा आउटफिट खरेदी करायचा आहे, तसेच ही गोष्टही लक्षात घ्या की आपल्याला कोणत्या प्रकारचे आउटफिट उदा. कॅज्युअल, ऑफिशिअल, हेव्ही किंवा पार्टीवेअर खरेदी करायचे आहेत.

नंबर ऑफ ड्रेसेस

वॉर्डरोबमध्ये नंबर ऑफ ड्रेसेस वाढविण्यापेक्षा क्वालिटीवर विशेष लक्ष द्या. बहुतेक वेळा महिला क्वालिटी पाहण्याऐवजी ड्रेसेसची संख्या पाहतात. त्यांच्या वॉर्डरोबमध्ये ड्रेस भरलेले असतात, पण काही खास कारणासाठी त्यांच्याकडे ड्रेस नसतात. कॅज्युअल, ऑफिशिअल, हेव्ही किंवा पार्टी ड्रेसच्या संख्याकडेही लक्षा द्या. कुठे असे होऊ नये की वॉर्डरोबमध्ये हेव्ही आणि पार्टी ड्रेसेसची संख्या जास्त आणि कॅज्युअल, ऑफिशिअल ड्रेसेसची संख्या कमी असेल.

ड्रेसची फिटिंग

ड्रेस कितीही महागडा असला तरी त्याची फिटिंग व्यवस्थित नसेल, तर तो चांगला दिसत नाही. त्यामुळे शरीरानुरुप ड्रेस पसंत करा, तरच तो शोभून दिसेल. एखादा ड्रेस दुसरीला चांगला दिसत असेल, तर तो तुम्हालाही चांगला दिसेल हे जरूरी नाही. म्हणून स्वत: घालून ट्राय करून पाहा. जर तो तुमच्या शरीराला शोभून दिसत असेल, तरच खरेदी करा.

कोणताही ड्रेस असा विचार करून घेऊ नका की तो तुम्हाला एकदाच घालायचा आहे. ड्रेस कोणत्याही निमित्ताने खरेदी करा, पण तो घालून पाहिल्यानंतरच खरेदी करा. नाहीतर खरेदी करून आणल्यानंतर तो आवडला नाही, म्हणून मग वॉर्डरोबमध्येच पडून राहील.

कलर्सची निवड

प्रत्येक कलरचा ड्रेस सर्वांनाच चांगला दिसेल, असं नाही. म्हणून ड्रेस घालून नॅचरल प्रकाशात स्वत:ला कसा दिसतोय, ते पाहा. ज्या ड्रेसचा रंग चेहऱ्याला ग्लो देईल, असाच ड्रेस पसंत करा.

एक्सक्लिव्ह ड्रेस

आजकाल एक्सक्लिव्ह ड्रेसचा काळ आहे. म्हणून कोणाची नक्कल करू नका. स्वत:ची स्टाइल बनवा. टीव्ही सीरियल किंवा एखाद्या अभिनेत्रीची कॉपी करू नका. आपल्या एज, प्रोफेशन आणि कॉम्प्लेक्शननुसार ड्रेसची निवड करा.

विंडो शॉपिंग

वेळ काढून अधूनमधून विंडो शॉपिंग करावी. विंडो शॉपिंगमुळे ट्रेंड आणि रेटबाबत सहजपणे कळून येते. त्याचबरोबर आउटडेटेड ड्रेसेस वॉर्डरोबमधून बाहेर काढण्यातही मदत मिळते.

ड्रेसची देखभाल

डेली वेअर वेगळे ठेवा. त्यांच्या स्वच्छतेकडे लक्ष द्या. हेवी व पार्टीवेअरला ड्रायक्लीन करा. कोणत्याही ड्रेसची कुठल्याही बाजूने शिलाई निघाली असेल, तर लगेच शिवा. जरी किंवा मोती निघाले असतील, तर त्यांना ठीक करा. खूप ड्रेसेस एकावर एक ठेवू नका. बनारसी व कोसाच्या साड्यांच्या जागा बदलत राहा.

वॉर्डरोबमध्ये कपडे ठेवताना त्यांना योग्य जागी ठेवा. बाहेरून आल्यानंतर कपडे व्यवस्थित झाडा. नंतर हँगरला टांगून ठेवा. घाम सुकल्यानंतरच ड्रेस वॉर्डरोबमध्ये ठेवा. सेफ्टीसाठी त्यात नॅप्थोलिनच्या गोळया किंवा ओडोनिल जरूर ठेवा.

इनरवेअरची निवड करताना

* अनुराधा

फॅशनेबल दिसण्यासाठी इनरवेअर्सची योग्य निवड खूप गरजेची आहे. कारण इनरवेअर्समुळेच ड्रेसची फिटिंग व्यवस्थित दिसते. जर योग्य इनरवेअर्स नसतील तर तुमचा बांधाही शेपमध्ये दिसणार नाही.

मग या जाणून घेऊया, कोणत्या ड्रेससोबत कोणते इनरवेअर घालावे.

* मिनिमायझर ब्रा स्लिम फिट टॉपसाठी आहे. तुम्हाला जर तुमच्या हेवी ब्रेस्टची साइझ कमी दाखवायची असेल तर ही जरूर घाला.

* टीशर्ट घालत असाल तर टीशर्ट ब्रा घाला. ही ब्रा तुमच्या ब्रेस्टला योग्य आकार देईल.

* पॅडेड ब्रा त्या ड्रेससाठी योग्य आहेत जे खूपच पातळ फॅब्रिक जसं की सिल्क, कॉटन आणि लिनेनपासून बनलेले असतात.

* जर डीपनेक ड्रेस घालायचा असेल तर डॅमी ब्रा घाला. ही ब्रा ऑफशोल्डर आणि ट्यूब टॉपच्या खालीही घातली जाऊ शकते.

* हाल्टरनेक ब्रा सैलसर स्पोर्टवेअरच्या खाली घालावी. ही ब्रा तुमच्या ब्रेस्टला केवळ स्थिरच ठेवत नाही, तर घामही शोषून घेते.

फॅशन एक्सपर्ट विनीता सांगते की, ‘‘ब्रेस्ट आणि बम्प्स स्त्रियांच्या शरीराचे फारच महत्वाचे अवयव असतात. हे दोन्ही अवयव स्त्रियांना चांगली फिगर देतात आणि ड्रेसलाही चांगला शेप. जर एखाद्या स्त्रीच्या ब्रेस्टची साइझ कमी असेल तर ती आर्टिफिशियली वाढवण्यासाठी पॅडेड ब्रा घातली जाऊ शकते. ब्रासारखंच बम्प्स वाढवण्यासाठीही पॅडेड पॅण्टीज मिळतात.’’

टीनएजर्सचे इनरवेअर्स

खरंतर आजच्या तरुण पिढीला इनरवेअर्सशी निगडित योग्य माहितीचं ज्ञान असणं फार गरजेचं आहे. विशेष म्हणजे जेव्हा आपण टीनएजर्सची चर्चा करतो तेव्हा तर हा खूपच महत्त्वाचा विषय ठरतो. हे असं वय असतं जेव्हा अनेक मुलींना या गोष्टीची कल्पनाही नसते की त्यांच्या स्तनांमध्ये उभार येत आहे आणि ते आकार घेत आहेत. अशात एक आईच आपल्या मुलीला ब्रेस्ट केअर आणि ब्राची योग्य निवड करण्याबाबत माहिती देऊ शकते.

सादर आहे याबाबतची विशेष माहिती जी आईने आपल्या वाढत्या मुलीला जरूर द्यायला हवीय :-

* जेव्हा मुलीचे स्तन आकार घेऊ लागतील तेव्हा लगेच आपल्या मुलीला या होणाऱ्या बदलाबद्दल समजावून सांगा आणि तिला ट्रेनिंग किंवा स्पोर्ट ब्रा घालायला द्या.

* विकसित होणाऱ्या स्तनांचा आकार थोडा अजब दिसतो म्हणून अशावेळी मुलीला कप्ड ब्रा घालण्याचा सल्ला द्या. अशा ब्रा स्तनांच्या आकाराला पॉइंटेड दाखवत नाहीत. त्यांना गोल आकार देतात. या ब्रामध्ये असलेले अंडरवायरदेखील स्तनांना चांगला सपोर्ट देतात.

* शाळेमध्ये अनेक अॅक्टिव्हिटिज होत राहातात ज्यामध्ये शारीरिक क्षमतेचा बराच वापर करावा लागतो. अशावेळी हे आईचं कर्तव्य ठरतं की तिने मुलीला समजवावं की तिने आपल्या विकसित होणाऱ्या स्तनांची काळजी घ्यायला हवीय. आणि एखादी चांगली स्पोर्ट ब्रा घालून ती याची व्यवस्थित काळजी घेऊ शकते. स्पोर्ट ब्रा घातल्याने स्तनांच्या टिशूजवर प्रभाव पडत नाही. म्हणून ही ब्रा एखाद्या स्पोर्टमध्ये भाग घेताना किंवा व्यायाम करताना मुलीला घालायला सांगा.

* या वयात जेव्हा मुलगी पहिल्यांदा ब्रा घालत असते तेव्हा तिच्या मनात अनेक प्रश्न असतात. जसं की फिटिंग, साइझ आणि ब्रा घातल्यानंतर किती कम्फरटेबल वाटेल इत्यादी. मुलीच्या मनात उठणाऱ्या या प्रश्नांना एखादी चांगली फिटेड ब्रा देऊन एक आईच संपवू शकते.

* मुलीला गडद रंगाच्या ब्राऐवजी फिकट रंगाची आणि शक्य झाल्यास स्किन टोन मॅच करणाऱ्या रंगाची ब्रा घालण्याचा सल्ला द्या. खरंतर गडद रंगाची ब्रा कपड्यांमधून झळकू शकते मात्र स्किन टोन कलरच्या ब्रामध्ये ही समस्या उद्भवत नाही.

टॅटू काढून टाकणं झालं सोपं…

* डॉ. मुनीष पॉल

आईने जेव्हा समजावलं होतं की मनगटावर काढलेल्या टॅटूमुळे तुला मनस्ताप सोसावा लागेल तेव्हा तू दुर्लक्ष केलं होतंस. मात्र जेव्हा ४ वर्षांनंतर एका आंतरराष्ट्रीय एअरलाइन्समध्ये नोकरीची सुवर्णसंधी चालून आली तेव्हा मात्र हा टॅटू करिअरच्या आड तर येणार नाही ना याचीच चिंता सतावू लागलीय.

असो, अशी चिंता सतावणारे तुम्ही काही एकटेच नाही आहात. गेल्या काही वर्षांत टॅटू भारतीय युवा संस्कृतीचा एक महत्त्वाचा भाग बनलाय.

अनेक त्वचा तज्ज्ञ तर चेतावनी देतात की टॅटू पूर्णपणे काढणं शक्य नाहीए. कारण हा स्थायी असतो, त्याला काढून टाकणं खूपच कठीण आहे. परंतु काही सर्जन असेदेखील आहेत, जे टॅटू पूर्णपणे काढण्याची गारंटी देतात. टॅटू काढण्याच्या अनेक पद्धती आहेत, ज्या खरोखरंच परिणामकारक आहेत. यामध्ये सर्वप्रथम टॅटूचा आकार त्याची जागा, घाव भरून येण्याची व्यक्तिगत समस्या, टॅटू कसा बनविण्यात आला होता आणि टॅटू त्या जागी किती वर्षं काढला आहे याचा विचार केला जातो. उदाहरण द्यायचं तर जर टॅटू एखाद्या अनुभव आर्टिस्टकडून काढून घेतला असेल, तर तो काढून टाकणं अधिक सहजसोपं होतं. कारण त्याने वापरलेले रंग त्वचेच्या समान स्तरावर समान पद्धतीने भरले गेलेले असतात. जुन्या टॅटूपेक्षा नवीन टॅटू हटवणं अधिक कठीण होऊ शकतं.

टॅटू काढण्याच्या प्रक्रियेचा विकास

तुम्ही जर ५ वर्षांपूर्वी टॅटू काढण्याचा विचार केला असता तर त्यावेळची प्रक्रिया खूपच वेदनामय, अधिक महागडी आणि १०० टक्के परिणामकारक असेलच याची खात्री देणारी नव्हती. परंतु आता लेझर तंत्रज्ञान इतकं आधुनिक झालंय की हा उपाय खूपच सुरक्षित आणि आरामदायक बनलाय. याबरोबरच याच्या परिणामाबद्दल अगोदरच आपण अनुमानदेखील वर्तवू शकतो.

टॅटू हटविणे वा त्यापासून सुटका करण्यामागे बरीचशी कारणं असू शकतात. टॅटूसंबंधित काही गोष्टींचं ओझं वा लग्नासाठी वा नोकरीसाठी किंवा इतर कोणतंही कारण असो लेझर तंत्रज्ञानाने टॅटू मिटवणं अतिशय सुरक्षित आहे.

लेझर रिमूव्हल तंत्रज्ञान

टॅटू बनविण्यात वापरली जाणारी शाई, शिसं, तांबे आणि मॅग्निजसारख्या सघन धातूंनी तयार मिश्रित पदार्थांनी मिळून बनलीय. काही लाल शाईंमध्ये पारा म्हणजेच मर्क्युरीदेखील असतो. याच धातूंमुळे टॅटू स्थायी होतो. म्हणून टॅटू हटविण्याच्या वा तो बदलण्याच्या अनेक पद्धतींमध्ये टॅटूचं लेझर तंत्रज्ञान सर्वात योग्य पर्याय आहे. ही प्रक्रिया साधारणपणे टॅटूच्या रंगांना हटविण्याची एक गैरप्रक्रिया (क्यूस्विच लेद्ब्रारचा वापर करत) असते.

साधारणपणे बहुरंगीय टॅटूपेक्षा वा काळ्या वा इतर गडद रंगाचा टॅटू काढणं तसं सहजसोपं आहे.

या प्रक्रियेच्या दरम्यान लेझर किरणं त्वचेमध्ये जाऊन टॅटूची शाई शोषून घेतात. विविध रंगाच्या टॅटूसाठी वेगवेगळ्या लेझरची गरज लागते, ज्याची एक अवशोषण तरंग असते, जी या रंगाशी मिळतीजुळती असते. उदाहरण म्हणून काळ्या शाईला लक्ष्य करण्यासाठी आपल्याला १०६४ एनएमची एका ठराविक रेडिओ तरंगची गरज असते जी क्यूस्वच्ड एनडी वायएजी लेझर आहे आणि लाल रंगाच्या शाईसाठी आपल्याला ५३२ एनएम रेडिओ तरंग हवा असतो.

टॅटूचे कण लेझर किरणांना शोषून घेतात आणि गरम होतात आणि नंतर लहान कणांमध्ये विस्फोटित होतात. या छोट्या कणांना आपल्या शरीराचं संरक्षक तंत्र हळूहळू शोषून घेतं आणि यामुळे टॅटू निघून जातो.

अनेक रुग्णांना अनेक सेशनसाठी यावं लागतं, जे २ ते १० देखील असू शकतात. १ सत्र २ महिन्यांच्या अंतराचं असतं; कारण विभाजित टॅटू स्वच्छ व्हायचा असतो.

निष्कासनऐवजी फिकटपणाची निवड

अनेकांना असं वाटतं की लेझर टॅटू निष्कासन करण्याची प्रक्रिया सुरू करणं म्हणजे टॅटू पूर्णपणे काढून टाकणं आणि त्या प्रक्रियेतून जाणं. परंतु असं नाहीए खासकरून जेव्हा तुम्हाला टॅटू पूर्णपणे काढून टाकण्याऐवजी त्यामध्ये काही बदल हवे असतील वा नव्या रंगाचा प्रयोग करायचा असेल तर साधारणपणे ३ ते ५ सत्रांमध्ये तुम्हाला त्वचेवर नवा टॅटू बनविता येईल इतपत रंग काढला जातो.

लेझर टॅटू निष्कासन हळूहळू रंग उतरविण्याची प्रक्रिया आहे आणि ही तात्कालिक नाहीए. म्हणूनच जर जुन्या टॅटूऐवजी नवीन टॅटू काढून घेणार असाल तर तुमच्या त्वचेच्या डर्मिस थरावरून पूर्वीचा रंग काढला जाईल म्हणजे नव्या टॅटूची शाई जुन्या रंगावर काढल्यासारखी दिसणार नाही. त्यानंतर तुम्ही नवीन टॅटू काढताच जुना टॅटू नक्कीच तुमच्या आठवणीत राहील.

परिणाम आणि फायदे

टॅटू पूर्णपणे काढून टाकताना अनेकदा टॅटू पूर्णपणे निघून जातो. मात्र, काही बाबतीत काही डिझाइन तसंच राहातं.

लेझर प्रक्रिया तशी अधिक वेदनामय नसते आणि काढून टाकताना सुन्न करणाऱ्या क्रीमच्या प्रभावाखाली केली जाते. यामध्ये रुग्णाला अगोदर भरती वगैरे होण्याची गरज नसते आणि ते दैनंदिन गोष्टी तात्काळ सुरू करू शकतात. मात्र, ज्या जागी उपचार केले आहेत तिथे थोडी सूज आणि लालसरपणा दिसतो, परंतु हे काही तासांतच बरं होतं.

लेझर प्रक्रियेची किंमत

टॅटू बनविण्यापूर्वी एक गोष्ट लक्षात घ्या की तो बनविण्यापेक्षा काढताना अधिक महागडा ठरतो. टॅटू हटविण्याची किंमत आकार आणि रंगावर अवलंबून असते. परंतु प्रत्येक सेशनची किंमत ३ ते १० हजाराच्या दरम्यान असू शकते.

नको असलेला टॅटू काढण्यास इच्छुक असलेल्यांनी एक गोष्ट निश्चित करायला हवी की त्यांनी एखाद्या त्वचा तज्ज्ञाकडूनच तो काढावा; कारण एखाद्या त्वचा तज्ज्ञाकडून न काढल्यास लेझरमुळे त्वचेवर डाग पडू शकतात.