* नितीश चंद्रा, मॅडहोम डॉट कॉम
सण, उत्सव सुरू होताच सर्वांमध्येच उत्साह संचारतो. सर्वांनाच आपापल्या घरांना सजावट करून पारंपरिक तसेच आधुनिक रूप द्यायचे असते, जेणेकरून येणाऱ्या आप्तेष्टांसोबत दुप्पट उत्साहाने सण साजरा करता येईल.
आपल्या घराची सजावट नव्या ढंगात करण्यासाठी अशा अनेक वस्तू आहेत. विविध सजावटीच्या सामानासह तुम्ही अनेक प्रकारे घर सजवू शकता आणि प्रियजनांकडून प्रशंसा ऐकू शकता.
प्रकाश : घर आकर्षक बनवण्यामध्ये विविध प्रकारच्या लाइट्स खूप महत्त्वाच्या असतात. दिवाळी, नाताळ, गुरूनानक जयंती इ. सणांमध्ये मेणबत्तीच्या प्रकाशाचे काही वेगळेच महत्त्व आहे. चमकदार रंगांच्या शानदार मेणबत्त्या, विविध आकारांमध्ये उपलब्ध असणारे मेणबत्ती स्टॅन्ड, टी लाईट स्टॅन्ड, ग्लास वोटिवच्या संग्रहाच्या वापराने तुम्ही आपल्या घरातील उत्सव उजळू शकता. भारतीय घरांमध्ये जर तांब्याचा दिवा नसेल तर सण अपूर्ण वाटतो. घराच्या दारावर कंदिलाच्या आकाराचे वोटिव किंवा लॉनमध्ये मेणबत्ती टी, लाइट हॉल्टर्सद्वारे घराला सुंदर रूप देऊ शकता. सुंगधित मेमबत्त्यांचा वापर तुम्हाला मंत्रमुग्ध करू शकेल. सुरेख लॅम्पशेड्सद्वारे तुम्ही इंटिरियरला नवा लुक देऊ शकता. कोपऱ्यात ठेवलेला एखादा लांब लॅम्प शेड तुमच्या खोलीत प्रकाश पसरून बेडरूमचं सौंदर्य आणखी खुलवेल.
सेंटर पीसेस : सेंटर पीसेस शिवाय देशी डेकोर अपूर्ण आहे. यांचा वापर करून आपल्या घराला पारंपरिक रूप देऊ शकता. हल्ली विविध रूपात उपलब्ध पारंपरिक किंवा आधुनिक शैलीतील मुर्त्या सर्वांत जास्त पसंत केल्या जातात. यामध्ये तुम्ही लाल नारिंगी रंगाच्या नैसर्गिक फुलांचा वापर करून चैतन्य आणू शकता.
फुलदाणी : भारतीय संस्कृतीत फुलांना विशेष महत्त्व आहे. घरी आलेल्या पाहुण्यांचे आनंदाने स्वागत करण्यासाठी घर सुगंधित आणि सुंदर दिसावे म्हणून फुलांचा वापर केला जातो. लिली, ट्यूलिप आणि ऑक्रिडची फुले घराला सुगंधित ठेवतात. बाजारात मिळणाऱ्या फुलदाण्यांमध्ये तुम्ही ही फुले ठेवू शकता. यामुळे घरातील सौंदर्य अजून उठावदार होईल.
रग्ज आणि गालिचे
फरशीवर रग्ज किंवा गालिचे अंथरून तुम्ही घराची शोभा वाढवू शकता. घराच्या बाहेरील भागात जसे की अंगण आणि मोकळ्या भागात हातांनी विणलेले सुंदर गालिचे किंवा रग्जचा वापर करून तुम्ही पाहुण्यांवर छाप सोडू शकता.
