* मोनिका
अनेकदा महिला आरोग्य आणि स्वच्छतेकडे दुर्लक्ष करतात. वरवरची स्वच्छता असूनही, आजारी पडण्याचा धोका वाढतो आणि याचे कारण म्हणजे सार्वजनिक शौचालयांचा वापर, जे सर्वसाधारणपणे अस्वच्छ असतात.
सार्वजनिक स्वच्छतागृहांची अस्वच्छता हे आजारांचे सर्वात मोठे कारण आहे. अनेकदा महिला तसेच मुली घराबाहेर पडल्यावर नाईलाजाने सार्वजनिक शौचालयांचा वापर करतात. सार्वजनिक शौचालयाच्या भांडयावर अनेक प्रकारचे जंतू असतात, ज्यामुळे महिलांना योनीमार्गात संसर्ग होण्यासह इतर अनेक आजारांचा धोका असतो.
सार्वजनिक शौचालयांमधील अस्वच्छतेमुळे महिला कमीत कमी पाणी पितात, जे आरोग्यासाठी अजिबात चांगले नाही. तासनतास लघवी थांबवणे आणि कमी पाणी पिणे याचा किडनीवर नकारात्मक परिणाम होतो.
सार्वजनिक शौचालयांच्या वापरामुळे होणारे आजार टाळण्यासाठी महिला आता पोर्टेबल शौचालयांचा वापर करू शकतात. महिलांच्या समस्या जाणून घेऊन बाजारात पोर्टेबल शौचालयाची गरज भासू लागली.
पोर्टेबल शौचालय म्हणजे काय, ते जाणून घ्या
आज बहुतांश सार्वजनिक स्वच्छतागृहांमध्ये पश्चिमेकडील शौचालयांचा वापर अधिक केला जात आहे. दिवसभरात कितीतरी प्रकारचे लोक सार्वजनिक स्वच्छतागृह वापरतात, ज्यापैकी बरेच रुग्ण असतात. अशा स्थितीत सार्वजनिक स्वच्छतागृहांकडून स्वच्छतेची अपेक्षा करणे व्यर्थ आहे. पोर्टेबल शौचालय हे असे उत्पादन आहे ज्याचा वापर महिलांना शाळा, महाविद्यालये, रुग्णालये, विमान आणि ट्रेनमध्ये शौचालयात करता येतो.
पोर्टेबल शौचालयाचा वापर करताना शौचालयाच्या भांडयावर बसण्याची गरज नाही. महिला उभ्या राहूनही त्याचा आरामात वापर करू शकतात. गर्भवती महिलांनी वाकणे चांगले नसते. अशा परिस्थितीत पोर्टेबल शौचालय त्यांना वाकण्यापासून तसेच संसर्गापासूनही वाचवते.
प्रत्येकासाठीच आरामदायक
वृद्ध महिलाही याचा सहज वापर करू शकतात. वास्तविक, बहुतेक वृद्ध महिलांना गुडघेदुखीचा त्रास असतो. अशा परिस्थितीतही आता त्या बाहेर गेल्या तरी पोर्टेबल शौचालयाचा वापर करू शकतात. त्यामुळे त्यांना सार्वजनिक शौचालयाचा वापर करणे सोपे होईल आणि त्या आजारांपासूनही दूर राहतील.
बाजारात अनेक प्रकारचे पोर्टेबल शौचालय उपलब्ध आहे. त्यामध्ये लघवीऐवजी प्लास्टिकचे फनेल किंवा उपकरण असते, ज्यामुळे उभे राहून लघवी करण्याची सोय होते. यात एक मोठा पी असतो, ज्याच्या मदतीने महिला सार्वजनिक स्वच्छतागृहाचा सहज वापर करू शकतात. हे एका उत्कृष्ट अशा महिला युरिनेशन किटच्या स्वरूपात उपलब्ध आहे. या किटची अर्थात संचाची खास गोष्ट म्हणजे यात इंटिमेंट वाईप्सही असतात ज्या पूर्णपणे अल्कोहोल विरहित असतात.
