* पूजा भारद्वाज
सणांच्या आनंदाच्या वातावरणात प्रत्येक जण आनंदाच्या मूडमध्ये असतो, परंतु स्त्रियांचा सणांचा आनंद तेव्हा खराब होतो, जेव्हा त्यांना अशावेळी पीरियड्स सुरू होतात. तेव्हा यादरम्यान येणारा थकवा, कंबर व पोटाच्या वेदना, जास्त ब्लीडिंग व डोकेदुखीसारख्या समस्या त्यांचा सर्व उत्साह कमी करतात व त्या इच्छा असूनही काही करू शकत नाहीत. त्यांची प्रत्येक इच्छा तशीच्या तशीच राहून जाते. घरातल्या इतरांना आनंद साजरा करताना पाहून त्यांच्या चेहऱ्यावर निराशा पसरते. अशात जर त्यांनी या गोष्टींची काळजी घेतली, तर त्यांचा सणांचा आनंददेखील कमी होणार नाही :
रहा टेन्शन फ्री
अशा वेळी स्त्रिया स्वत:ला एका मर्यादित व्याप्तीने बांधून घेतात व आजारपणासारखे वाटून घेतात, परंतु हे कोणतेच आजारपण नाही, तर ही तर एक नैसर्गिक प्रक्रिया आहे. त्यामुळे दबून नाही, खुलेपणाने जगा. पीरियडसंबंधी जास्त तणाव घेऊ नका, कारण जास्त तणाव घेणे त्यांच्या तब्येतीसाठी घातक ठरू शकते. त्यामुळे विचार सकारात्मक ठेवले, तर जास्त चांगले आहे. सगळयात महत्त्वाची गोष्ट आहे की, परिस्थिती कशीही असू द्या, आनंदी राहा. कारण जेव्हा तुम्ही आतून आनंदी रहाल, तेव्हा तुमच्या चेहऱ्यावरील तेजाची गोष्टच वेगळी असेल.
हॉट वॉटर बॉटलने शेक
पीरियड्सच्या दरम्यान पोटात जर जास्त वेदना असेल, तर तुम्ही गरम पाण्याच्या बाटलीने शेक घेऊ शकता. कारण पीरियड्समध्ये पोटाच्या खालच्या भागात गरम पाण्याच्या बाटलीने शेक घेण्याने गर्भाशयाच्या मांसपेशींना आराम मिळतो व वेदनेपासून आराम होतो.
घ्या स्वच्छतेची विशेष काळजी
पीरियड्सच्या दरम्यान स्वच्छतेची विशेष काळजी घ्या जेणेकरून तब्येतीवर याचा वाईट परिणाम होऊ नये. यादरम्यान वैयक्तिक स्वच्छतेची विशेष काळजी घेण्याने तुम्ही कित्येक प्रकारच्या आजारांपासून, जसे की यूटीआय व इन्फेक्शनपासून वाचू शकता व यात सगळयात महत्त्वाची भूमिका त्या पॅड वा सॅनिटरी नॅपकिन्सची असते, जे तुम्ही पीरियड्स दरम्यान वापरता. याशिवाय पीरियड्स दरम्यान अँटिबायोटिक साबण वा क्लिंजरने प्रायव्हेट पार्टची स्वच्छता करा. अंघोळ जरूर करा. कारण यामुळे तुम्ही स्वत:ला फ्रेश वाटेल.
