* प्रतिनिधी
डाळ पनीरी
काय लागेल
* १ कप उडीद डाळ अख्या सालींची
* ५० ग्रॅम पनीर
* १ छोटं आलं बारीक चिरलेलं
* १ हिरवी मिरची बारीक चिरलेली
* २ मोठे टोमॅटो वाटलेले
* २ मोठे चमचे कांदा वाटलेला
* १ मोठा चमचा लिंबाचा रस
* १ छोटा चमचा जिरं
* १ छोटा चमचा धने पावडर
* चिमूटभर एल. जी. हिंग
* ६ काळी मिरी
* ३ लवंगा
* दिड छोटा चमचा हळद पावडर
* पाव छोटा चमचा लाल तिखट
* पाव छोटा चमचा आमचूर पावडर
* अर्धा छोटा चमचा गरम मसाला
* १ मोठा चमचा तूप
* मीठ चवीनुसार.
कसं कराल
डाळ स्वच्छ धुऊन अर्ध्या तासासाठी पाण्यात भिजवत ठेवा. पनीरला आवडत्या आकाराच्या तुकडयांमध्ये कापून घ्या. डाळीला चार पट पाणी आणि मीठ हळदसोबत प्रेशर कुकरमध्ये शिजवून घ्या. कढईत तूप गरम करून जिरं, काळी मिरी, चिमूटभर एल. जी. हिंग, लवंग व हिरव्या मिरच्या टाका. जिरा तडतडल्यावर कांदा टाकून ब्राऊन होईपर्यंत परतवा. टोमॅटो पेस्ट, धने, लाल तिखट व आमचूर पावडर टाकून परतवा. मसाला कढई सोडू लागेल तेव्हा पनीर व डाळ टाका. एक मिनिट शिजवा. गरम मसाला आणि लिंबाचा रस टाकून सर्व्ह करा.
