* सोमा घोष
मराठी टीव्ही शो ‘लागिरं झालं जी’मध्ये शीतलची भूमिका साकारून प्रकाशझोतात आलेली अभिनेत्री शिवानी बावकर हिने अभिनय करण्यापूर्वी एका आयटी फॉर्ममध्ये जर्मन भाषेची तज्ज्ञ म्हणून काम केले आहे. स्वभावाने नम्र आणि हसतमुख असलेल्या शिवानीने मराठी टीव्ही कार्यक्रम आणि चित्रपट तसेच अनेक हिंदी टीव्ही कार्यक्रमांमध्ये काम केले आहे. तिच्या येथेपर्यंत पोहोचण्यात तिची आई शिल्पा बावकर आणि वडील नितीन बावकर यांचा नेहमीच पाठींबा राहिला आहे. शिवानी नेहमी आव्हानात्मक कामे करणे पसंत करते आणि त्यानुसार विषय निवडते. शिवानी तिच्या प्रवासाविषयी बोलली आहे, सादर आहे हा त्यातील काही अंश...
तुला अभिनय क्षेत्रात येण्याची प्रेरणा कोठून मिळाली?
मला लहानपणापासून एक्स्ट्रा करिकुलर खूप आवडत असे. शाळा ते कॉलेजपर्यंत मी त्यात नेहमीच सक्रिय असे. अभ्यासामुळे मी एक्स्ट्रा करिकुलरवर जास्त वेळ घालवू शकत नव्हते, म्हणून सर्व काही सोडून मी नृत्यावर लक्ष केंद्रित केले आणि भरतनाट्यममध्ये विशारद केले. यानंतर मी महाविद्यालयात गेले आणि तेथील नाटक विभागात सहभागी झाले, तेथे शिक्षकांनी आम्हाला गर्दीत उभे राहण्यास सांगितले आणि जर त्यांना वाटले की मी काही बोलू शकते तेव्हा मला नाटकात सामील केले जाईल, परंतु पहिल्याच वेळेस मला एक वाक्य नाटकात बोलण्यासाठी मिळालं, मग ते माझ्यासाठी प्रेरणा बनले, कारण मला बऱ्याच विद्यार्थ्यांमध्ये संधी मिळाली होती आणि मी अभिनय क्षेत्रात काहीतरी करण्याचा निर्णय घेतला जेव्हा मी कुटुंबातील सदस्यांसह अभिनयाबद्दल बोलले तेव्हा त्यांनी मला माझे शिक्षण पूर्ण करण्याचा सल्ला दिला, कारण हे क्षेत्र अनिश्चिततेचे आहे. शिक्षण पूर्ण झाल्यानंतर जर आवड असेल तर मी अभिनयाच्या क्षेत्रात जाऊ शकते. यानंतर मी अभ्यासाबरोबरच अभिनयासाठी ऑडिशनदेखील देत राहिले आणि ‘लागिरं झालं जी’ या पहिल्या मराठी कार्यक्रमात मला मुख्य भूमिका मिळाली. माझ्यासाठी हा टर्निंग पॉईंट राहिला आहे.
आपण बऱ्याच शैली शिकल्या आहात, परंतु तुम्ही अभिनयात आहात, तुम्ही त्या मिस करतात काय?
