grihshobhika best fashion article Archives

कार्गोची फॅशन परत आली आहे

* मोनिका गुप्ता

९०च्या दशकात परिधान करण्यात येणारे कार्गो आज पुन्हा फॅशनमध्ये परतले आहे. जुन्या काळातील अनेक नायिका कार्गोला टाईलिश पद्धतीने कॅरी करून चुकल्या आहेत. आता तीच कार्गो पँट आजच्या तरुणींची पहिली पसंती बनली आहे. कार्गोबद्दल विशेष गोष्ट म्हणजे ती जीन्सपेक्षा अधिक चांगली आणि आरामदायक आहे. आपण तिला वेगवेगळया शैलीमध्ये बाळगू शकता. ऑफिस असो किंवा सहल असो, डेटवर जायचे असो किंवा मित्रांसह हँगआउट असो, ही प्रत्येक लुकसाठी योग्य आहे.

चला, जाणून घेऊया की कार्गो वेगवेगळया स्टाईलमध्ये कशी बाळगली जाऊ शकते.

कार्यालयासाठी

आपण कार्यालयासाठी अरुंद (नॅरो) कार्गो पँट्स वापरुन पाहू शकता. ही अतिशय स्टाईलिश लुक देते. ही तळाशी अरुंद असते आणि हिच्या बाजूला सिंगल पॉकेट असते, जे अतिशय स्टाईलिश कार्गो लुक देते. कार्यालयासाठी आपण नेहमीच हलक्या शेडचे ट्राउजर वापरुन पहावे जसे तपकिरी रंगाप्रमाणे. या रंगाच्या ट्राऊजरसह पांढरा शर्ट परिपूर्ण ऑफिस लुक देईल.

जेव्हा प्रवास करायचा असेल

बऱ्याच वेळा आपण स्टायलिश कपडे तर घालतो पण त्यात आरामदायक वाटत नाही. म्हणूनच नेहमी असा एखादा पोषाक निवडला पाहिजे, जो आरामदायक असेल. जर आपण दूरच्या प्रवासाला किंवा ट्रेकिंगला जात असाल तर कार्गो आपल्यासाठी सर्वोत्तम परिधान आहे. ट्रॅकिंगसाठी आपण सैन्य डिझाइनवाली कार्गो पँट निवडू शकता. ही खूप छान लुक देते. यासह आपला आवडता टी-शर्ट वापरुन पहा. प्रवास करताना आपणास यात आरामदेखील वाटेल आणि सहजपणे फिरण्याचा आनंदही घेऊ शकाल.

जेव्हा तुम्हाला डेटवर जायचे असेल

जेव्हा आपल्याला डेटवर जायचे असते, तेव्हा मुली त्यांच्या वॉर्डरोबमधील स्टाईलिश कपडयांचा शोध सुरू करतात जेणेकरून त्या सुंदर दिसतील. परंतु ड्रेस स्टाईलिश असण्यापेक्षा हे अधिक महत्वाचे आहे की आपणास त्यास बाळगताना किती आरामदायक वाटते. जर आपल्याला ड्रेसमध्ये आरामदायक वाटत असेल तर आपण आपला सर्व वेळ आनंदाने घालविण्यास सक्षम असाल. डेटवर जाण्यासाठी कार्गो पँट योग्य आहेत. स्टाईलिश दिसण्यासाठी आपण त्वचेला फिट असणाऱ्या कार्गो ट्राऊजरसह क्रॉप टॉप घालू शकता. आपण हे परिधान केल्याने स्टाईलिशदेखील दिसाल आणि आरामदायकही वाटेल.

व्यायामशाळेसाठी

कार्गोबद्दल सर्वात मजेदार गोष्ट ही देखील आहे की आपण ती जिममध्येही घालू शकतो. ही इतकी आरामदायक असते की ही परिधान केल्याने आपण कोणताही व्यायाम सहज करू शकतो.

बऱ्याच वेळा, जिममध्ये परिधान करण्यात येणाऱ्या ट्राउझर्समध्ये पँटीचा शेप बनू लागतो. ज्यामुळे मुलींना व्यायाम करण्यास आरामदायक वाटत नाही. परंतु कार्गोमध्ये शेप बनण्याची कोणतीही शक्यताच नसते. तिचे फॅब्रिक किंचित जाड असते.

कार्गो बाळगण्याच्या या स्टाईलिश शैलींनी प्रत्येक प्रसंगासाठी आपल्या लुकला एक छान लुक मिळेल, तेही संपूर्ण आरामात.

पुन्हा आली बूट कटची फॅशन

* मोनिका गुप्ता

फॅशनचा अर्थ आहे कुल, हॉट आणि सेक्सी दिसणे. स्वत: कुल, हॉट आणि सेक्सी दिसण्यासाठी गरज आहे योग्य कपडयाच्या निवडीची आणि ते व्यवस्थित कॅरी करण्याची.

फॅशन जगतात डेनिमचा वेगळाच स्वॅग आहे. ९०च्या दशकात घातल्या जाणाऱ्या बूट कट जीन्सने पुन्हा एकदा फॅशन जगतात पुनरागमन केले आहे. करीना कपूर, माधुरी दीक्षित, करिश्मा कपूर, काजोल, रवीना टंडन यांच्यासारख्या अनेक हिरोइन्सना तुम्ही ९०च्या दशकातील चित्रपटांमध्ये बूट कट जीन्स घालून नक्कीच पाहिले असेल. तोच बूट कट आता पुन्हा फॅशनमध्ये प्रचलित झाला आहे.

बूट कट जीन्सला बेलबॉटम आणि स्किनी फ्लेअर्ड जीन्ससुद्धा म्हटले जाते. या जीन्सचे वैशिष्टय असे की तुम्ही हे कॅज्युअल आणि फॉर्मल दोन्ही लुकसोबत वापरू शकता.

बूट कट फॅशनमध्ये बॉलीवूड

फॅशनच्या बदलांमध्ये फॅशन डिझायनर्ससोबत बॉलीवूड स्टार्सचाही महत्त्वपूर्ण सहभाग असतो. आपली फॅशन बॉलीवूडच्या ट्रेंडप्रमाणे आत बाहेर होत राहते. एखादा नवीन चित्रपट आला आणि तो हीट झाला की चित्रपटातील फॅशनचा ट्रेंड आपला स्टाईल स्टेटमेंट बनतो. ज्याप्रकारे जुन्या चित्रपटांना जुन्या गाण्यांना नव्या प्रकारे रीमेक केले जाते, तशाच प्रकारे फॅशनचासुद्धा रीमेक केला जातो. प्लाजो, क्रोप टॉप, लाँग स्कर्ट, हाय वेस्ट जीन्स, बूट कट जीन्स हे सर्व ९०च्या दशकात वापरलं जायचं. आता हे सगळे फॅशनमध्ये पुन्हा आले आहेत. ९०च्या दशकातील चित्रपटांमध्ये कितीतरी हिरोइन्स बूट कट जीन्समध्ये दिसायच्या.

नवनव्या लग्नाच्या बंधनात अडकलेली फॅशन क्वीन सोनम कपूर आहूजासुद्धा बूट कट स्टाईलच्या ड्रेसमध्ये दिसली. निळ्या रंगांच्या या ड्रेसमध्ये सोनम एकदम क्लासी आणि एलीगंट दिसत होती.

‘स्टुडंट ऑफ द इयर’ या चित्रपटातून करीअरची सुरूवात करणारी आलिया भट्टसुद्धा स्वत:ला फॅशनच्या बाबतीत मागे ठेवत नाही. निळ्या डेनीम बूट कट जीन्ससोबत पांढऱ्या टीशर्टमध्ये आलिया भट्ट आपल्या मित्रांसोबत लंचला जाताना दिसली.

‘मुन्नी बदनाम’सारख्या आयटम साँगवर सगळ्यांना नाचवणारी मलायका अरोरा नेहमी आपल्या लुक्स आणि ड्रेसिंगसाठी सोशल मिडीयावर चर्चेत असते.

आपल्या इंस्टाग्राम अकाउंटवर नेहमी अॅक्टिव्ह असणारी मलायका आपल्या रिसेंट पोस्टमध्ये अत्यंत फॅशनेबल आणि कुल लुकमध्ये दिसली. ब्ल्यू डेनीम बूट कट जीन्ससोबत लांब फेदर जॅकेट आणि ब्लॅक शेडचा तिचा हा लुक खूप चर्चेत राहिला.

अभिनयाच्या क्षेत्रात नाव कमावणारी दीपिका पादुकोण एक उत्तम अभिनेत्री असण्यासोबत आपल्या हॉट आणि सेक्सी लुक्ससाठी नेहमी बातम्यांमध्ये असते.

बूट कटला कसे कराल कॅरी

आजचे तरूण स्वत:ला वेगळे आणि स्टायलिश दर्शवण्याच्या प्रयत्नात असतात. ड्रेसिंग सेंसची समज तर सगळ्यांनाच असते. परंतु योग्य फॅशन-सेंसची समज फार कमीजणांना असते. केवळ डिझायनर ड्रेस घातल्याने तुम्ही स्टायलिश दिसू शकत नाही. ती योग्य पद्धतीने कॅरी करूनच तुम्ही स्टायलिश दिसू शकता. बूट कट जीन्सचा ट्रेंड वेळोवेळी बदलत राहिला आहे. कधी हायवेस्ट, कधी लो वेस्ट तर कधी स्किनी. परंतु सध्या जो ट्रेंड आहे, तो आहे बूट कट जीन्सचा. बूट कट जीन्सचा ट्रेंड एका वर्षांपूर्वीसुद्धा होता आणि आता पुन्हा एकदा ट्रेंडमध्ये आहे.

जर तुम्ही असा विचार करून काळजीत पडला असाल की कॅरी कशी करायची तर चला जाणून घेऊ ही कॅरी करायच्या काही टीप्स :

* जर तुम्ही मित्रांबरोबर हँगआऊटचा प्लान बनवत असाल तर तुम्ही बूट कट जीन्ससोबत डेनीम जॅकेट किंवा प्रिंटेड व्हाईट टॉप कॅरी करू शकता.

* जर तुम्ही बॉयफ्रेंडसोबत डेटवर जाणार असाल, तर बूट कट जीन्ससोबत क्रॉप टॉप कॅरी करा.

* शॉपिंगला जायचे असो किंवा मुव्ही बघायला जायचे असो, बूट कट जीन्स ही तुमची योग्य निवड आहे. बूट कट जीन्सवर हॉट शर्ट घालून तुम्ही परफेक्ट दिसाल.

अशा बना फॅशन आयकॉन

– गरिमा पंकज

आपण कोणते कपडे घालता, कशा राहता, त्यावरून आपली आवडनिवड कळून येते. आपली पर्सनॅलिटी आकर्षक आणि अपडेट ठेवण्यासाठी आपला वॉर्डरोबसुध्दा अपडेट असणे आवश्यक आहे. याबाबत फॅशन डिझायनर आशिमा शर्माच्या मते, आपल्या वॉर्डरोबमध्ये अशा प्रकारचे कपडे जरूर असले पाहिजेत.

ऑफिससाठी स्टाईल

आपण वेगवेगळ्या फॅशनचा स्वीकार केला पाहिजे आणि आपली स्टाइलही अशाप्रकारे कॅरी केली पाहिजे जी ऑफिसच्या आउटफिटसोबतही पूर्णपणे सूट करेल. मंडे ब्लूज आणि वीकेंड हँगओव्हरचा स्वत:च्या लुकवर प्रभाव पडू देऊ नका. तसेच आपल्या वर्कप्लेसवर फॅशन विचित्र दिसू नये, त्यामुळे फॅशनमध्ये संतुलन राखण्याचीही आवश्यकता असते.

लांब कट असलेल्या कुर्ती

आजकाल मुलींमध्ये लांब कट असलेल्या कुर्ती खूप लोकप्रिय आहेत. दीपिका पदुकोन, नरगिस फाकरी, जॅकलिन, जान्हवी यांसारख्या अनेक बॉलीवूड बाला या कुर्तीमध्ये दिसून येतात.

अनेक प्रकारच्या कट असलेल्या कुर्ती सध्या फॅशनमध्ये आहेत. उदा. मध्येच कंबरेच्या वरपासून खालपर्यंत, साइड कट, कुर्त्याच्या दोन्ही बाजूला लांब कट इ. अशा प्रकारच्या कुर्ती आपण जीन्स आणि अँकल लेंथच्या लेगिंगसह घालू शकता. या कुर्तींसह हुप इअररिंग्ज, फ्लॅट्स, चप्पलचे कॉम्बिनेशन छान दिसते. या आपण कॉलेज, ऑफिस किंवा कुठल्याही प्रसंगी कॅज्युअल वियरच्या रूपात घालू शकता.

लेअरिंग ड्रेसेस

ऑटम सीझनमध्ये गॉर्जियस दिसण्यासाठी आपण लेयरिंगवाले ड्रेस घालू शकता. लेयरिंग ड्रेसचा अर्थ आहे २-३ कपडे एकसाथ घालणे आणि हा आजकाल खूप ट्रेंड आहे. ट्रान्सपरंट शर्ट आणि जॅकेट इ.च्या खाली सॉलिड कलरचा टॉप घाला. हा लुक खूप प्रिटी वाटतो. या ड्रेसच्या खाली शॉर्ट्स आणि जीन्स घाला.

फ्लोरस ड्रेसेस

आपल्या वॉर्डरोबमध्ये फ्लोरस ड्रेसेस जरूर असले पाहिजेत. फ्लोरल फॅशनवाले ड्रेसेस नेहमीच स्प्रिंग आणि समर सीझनमध्ये वापरले जातात. या मोसमात मोठे फ्लोरल प्रिंट फॅशनमध्ये आहेत आणि दिवसा वापरण्यासाठी एकदम परफेक्ट असतात. क्रॉप टॉपसह फ्लोरल प्रिंट पेंसिल आणि प्रिंटेड स्कर्ट घाला. त्यावर हाय हिल्स आणि हुप इअररिंग्ज घालून स्टाइल पूर्ण करा. नाइटी फ्लोरा ड्रेसही घालू शकता. हा प्लेन डार्क कलरच्या श्रगसह कॅरी करा. आपण आपल्या मित्रमंडळींमध्ये खूप स्टायलिश दिसाल. रेग्युलर जीन्स आणि टॉपसह फ्लोरल स्टोल किंवा डेनिम शर्ट व क्रॉप टॉपसह फ्लोरल शर्टही कॅरी करू शकता.

सॅटीन ड्रेस

स्टायलिश दिसण्यासाठी स्मार्ट, शाइनी, ग्लॉसी आणि सुपर सॉफ्ट सॅटीन ड्रेसेस आपल्या वॉर्डरोबमध्ये जरूर असले पाहिजेत. एसिमॅट्रिकल बॉडीकॉन आणि ओव्हर साइज सॅटीन टॉप्स आजकाल ट्रेंडमध्ये आहे. अशा प्रकारे आपण सॅटीन स्पोर्ट रफल स्कर्टसह गोल्ड कलर क्रॉप टॉप घालूनही स्टायलिश दिसू शकता.

प्रिंट जेवढे छोटे तेवढे चांगले

जर आपणास ऑफिसमध्ये नको त्या अटेंशनपासून वाचायचे असेल, तर मोठ्या प्रिंटचे पेहराव घालायचे टाळा. आजकाल फ्लोरल प्रिंटस ट्रेंडमध्ये आहेत. आपल्या ब्लाउजची निवड करताना तुम्ही हे ट्राय करू शकता. आपण सफेद किंवा पिस्ता कलरच्या बेससह छोट्या गुलाबांची प्रिंट असलेला ब्लाउज घालू शकता.

प्रोम ग्लॅम आउटफिट

काही महिला विचार करतात की शाइनी सीक्वेन्स वर्कवाले पेहराव त्याच्या लुक ओव्हर एक्स्पोझर बनवतात, पण आम्ही तुम्हाला सांगतो की हे यापेक्षा खूप वेगळे आहे. कौशल्याने डिझाइन केलेले मोती आणि टिकल्या असलेले ड्रेसेस आपले वॉर्डरोबला खूप इंटरेस्टिंग बनवतात. सीक्वेन्स वर्कवाले ड्रेस घातल्यानंतर ज्वेलरी घालण्याचीही गरज भासत नाही. डायमंड नेकलेसशिवायही आपण सुंदर दिसाल.

मोंटे कार्लोच्या कार्यकारी निर्देशिका मोनिका ओसवाल काही स्टाइल टीप्स सांगत आहेत, त्यांच्याकडे लक्ष देऊन आपण फॅशन गेममध्ये स्वत:ला अव्वल ठेवू शकता.

रंगांसोबत खेळ

न्यूट्रल कलर उदा. काळा, मरून, सफेद, नेव्ही, क्रीम, चारकोल आणि ग्रे कलरचा वापर करा. यातील बहुतेक रंग पँट, सूट, स्कर्ट आणि शूजसाठी पूर्णपणे फिट बसतात. या रंगांना सॉफ्ट फॅमिनाइन रंग उदा. आइस ब्ल्यू, सॉफ्ट पिंक इ. सोबत मॅच करा.

अशा एक्सेसरीजपासून दूर राहा

लक्षात ठेवा, प्रिंट आपल्या एक्सेसरीजची कमतरता दूर करण्याचे काम करतात. म्हणून प्रिंटवाल्या ब्लाउजसह मोठमोठ्या डँगल इयररिंग्ज, लाउड हेअर बँड, ब्राइट ग्लॉसवाल्या वस्तू टाळा जेणेकरून आपला लुक प्रोफेशनल वाटेल.

सॉलिड कलरच्या कपड्यांमध्ये आपण काही एक्सेसरीज वापरू शकता. उदा. डायमंडचे स्टड्स, पर्ल स्टड्स आणि पर्ल नेकपीस इ. आपल्या एक्सेसरीजमध्ये विविध रंगांचा वापर करण्याचे टाळा. केसांना फ्रेश ब्रँड, साइड वेणी किंवा फ्रेंच रोल ट्राय करा. आजकाल स्लीक हेयर स्टाइलची फॅशन आहे. आपण पूर्णपणे बांधलेल्या केसांचा पोनीटेल ट्राय करू शकता. ज्यांचे केस छोटे असतात, त्यांना केस मोकळे ठेवण्याचाही पर्याय असतो. परंतु ज्यांचे केस मोठे आहेत, त्यांना ते बांधून ठेवण्याचा सल्ला दिला जातो.

मॅटेलिक शेड्स ड्रेसेस

मॅटेलिक विशेषत: गोल्ड आणि सिल्वर कलरचे ड्रेसेसही आपल्या वॉर्डरोबमध्ये जरूर असले पाहिजेत. थोडेसे क्रिएटिव्ह असलेले शाइनी, मॅटेलिक ड्रेस घालूनही आपण पार्टीचे आकर्षण बनू शकता. आपण मेटॅलिक कलरची मिडी घातलेली असो किंवा ऑफ शॉल्डर बॉडीहगिंग ड्रेस, आपली स्टाइल इतरांपेक्षा वेगळी दिसेल.

कट्स आणि कर्व्ज

जेव्हाही प्रोफेशनल वर्क क्लोथ्सबाबत बोलले जाते, तेव्हा आपला ड्रेस नेहमी अशाप्रकारे शिवलेला असला पाहिजे की तो आपल्या शरीरावर योग्य प्रकारे फिट बसेल. नेहमी पारंपरिक कट असलेल्या ड्रेसचीच निवड करा. ज्यांची फिटिंग चांगली नाहीए, असे ड्रेस घालायचे टाळा. बहुतेक भारतीय महिलांचे शरीर गिटार किंवा पीयर शेपमध्ये असते(बॉटम थोडे जास्त हेवी असते.), म्हणून चांगल्या फिटिंगचे ट्राउझर, पँटची निवड करा. पँट फिट जरूर असली पाहिजे, पण ती जास्त टाइटही नसावी. त्यातून पँटीची लाइन दिसू नये. आपला स्कर्ट ढोपर किंवा त्याच्या खालपर्यंत लांब असला पाहिजेत. तो एवढा लूज असला पाहिजे की आपण आरामात बसून काम करू शकाल. कामाच्या ठिकाणी टाइट फिटिंग असलेले कपडे घालू नका.

मान्सून स्पेशल : मान्सूनमधील ट्रेंडी लुकच्या टीप्स व ट्रिक्स

* गरिमा पंकज

प्रत्येक महिलेची इच्छा असते की ती दुसऱ्यांपेक्षा वेगळी, सुंदर आणि फ्रेश दिसावी, सर्वांच्या प्रशंसेने भरलेल्या नजरा तिच्यावर रोखल्या जाव्या आणि तिने ऐटीत पुढे चालावे.

मान्सूनमध्ये स्वत:ला रिफ्रेश करण्यासाठी आणि आपली वेगळी ओळख निर्माण करण्यासाठी या जाणून घेऊया मोटे कार्लो या कार्यकारी संचालक मोनिका ओसवालकडून काही आवश्यक स्टाईल स्टेटमेंट्सविषयी प्रत्येक महिला व मुलगी ज्यांचा अवलंब करून प्रत्येक फॅशन जगतात स्वत:ला सगळयात पुढे ठेवू शकेल.

कॅज्युअल लुकसाठी

एखाद्या पार्टीत जायचे असेल, मूवी नाइटची योजना असेल किंवा मित्रमैत्रिणींना भेटायचं असेल तर आपण आपल्या स्वत:ची स्टाईल स्टेटमेंट बनवण्यासाठी काही वाईल्ड आणि बोल्ड ट्राय करू शकता. यासाठी आपण नवीन प्रिंट्स, एक्सेसरीज फॅब्रिक आणि कलर ट्राय करू शकता.

पफ शोल्डर

विंटेज पफ शोल्डर पुन्हा ट्रेंडमध्ये आला आहे. टॉप ड्रेस व ब्लाउज इत्यादींमध्ये पफ स्लीव्हचा ट्राय करू शकता. कुठल्याही पार्टीमध्ये पफ स्लीववाली ब्लॅक पेन्सिल ड्रेस घालावी आणि मग बघा कसे आपण प्रत्येकाच्या आकर्षणाचे केंद्र बनता. जर आपण कुल गर्लवाला लुक बघू इच्छित असाल तर ओव्हरसाइज्ड शोल्डरचा लांब शर्ट अँकल लैंथ बुटांसोबत घाला आणि परफेक्ट कूल लुक मिळवा.

फॅशनचे फंडे

ब्रीजी व्हाईट ड्रेस, स्ट्रेपी सँडल, सिल्की मिडी स्कर्ट, स्मोक्ड टॉप, चेक्ड पँट आणि अॅसिमेट्रिक नेकलाइन्स आजकाल फॅशनमध्ये आहे, पंख/फरचे ड्रेसेस पुन्हा चलनात येत आहेत. लाइलैक फॅशनमध्ये आहे आणि रेड व पिंकचे कॉम्बिनेशन सगळयात जास्त फॉलो केले जात आहे.

व्हाईट टँक टॉप

एक उत्तम फिटिंगचा पांढरा टँक टॉप, रुंद बॉटमची पँट किंवा प्लाजो वा जीन्स, सेलर पँट किंवा मग जोधपुरी पायजम्याबरोबर घाला आणि एका प्रिंटेड स्कार्फबरोबर याला अॅक्सेसराइज करा, तसेच केसांना मेसी अप डू लुक देऊन आपण परफेक्ट लेडी लुक मिळवू शकता.

प्रोफेशनल लुकसाठी

आपल्याला फॅशनबरोबर खेळत स्टाईलला आपल्या ऑफिसच्या आउटफिटसोबत फिट करावे लागते. ऑफिसच्या फॅशनमध्ये एक समतोल आणि साधेपणाच्या ग्लॅमरची गरज असते. वास्तविक बऱ्याच कॉर्पोरेट कंपन्यांमध्ये बटनवाले ड्रेस घालण्याचे नियम आहेत. परंतू आपण यातही स्टाईल आणि फॅशनचा उत्तम मेळ घालू शकता.

फॉर्मल ड्रेसेसबरोबर परफेक्ट लुकच्या टीप्स

रंगांच्या बाबतीत दक्षता : प्रोफेशनल प्रतिमेत रंग खूप महत्वाची भूमिका बजावतात. न्यूट्रल कलर जसे की काळा, मरुन, पांढरा, नेवी, क्रीम, चारकोल, ग्रे इत्यादी रंगांना प्राथमिकता द्या. यापैकी बहुतेक रंग पँटसूट, स्कर्ट आणि शूजमध्ये चांगले वाटतात. या रंगांना सॉफ्ट फेमिनाईन रंग जसे की आईस ब्ल्यू, लाइलैक, सॉफ्ट पिंक आणि आयवरीसोबत मॅच करा.

काँप्लिकेटेड हेयरस्टाईल आणि अॅक्सेसरीजला मिस करा : लक्षात ठेवा प्रिंट अॅक्सेसरीजची कमतरता भरून काढतात. आपल्या लुकला अधिक प्रोफेशनल दाखवण्यासाठी मोठे इयररिंग्स, भडकावू रंगांच्या हँडबॅग आणि ब्राईट ग्लासेसचा वापर करणे टाळा. आपल्या अॅक्सेसरीजमध्ये खूप साऱ्या रंगाचा वापर करणे टाळा. केसांमध्ये फ्रेश ब्रॅड, साईड वेणी, फ्रेंच रोल इत्यादी ट्राय करा. स्लिक हेयरस्टाईल या दिवसांत फॅशनमध्ये आहे. यासाठी एक स्वच्छ रैप अराउंड पोनीटेल ट्राय करू शकता.

लहान प्रिंट्स चांगले वाटतात : जर आपण आपल्या ऑफिसात अनावश्यक आकर्षणाचे केंद्र बनू इच्छित नसाल तर आपल्या कपड्यांच्या प्रिंट् भडक असू नयेत. लाऊड प्रिंट्स ऐवजी थॉटफूल प्रिंट्स चांगले असतात. फ्लोरल प्रिंट्स फॅशनमध्ये आहे.

माइंडफूल पेयरिंग : बॉटमवियर आणि टॉपच्यामध्ये समतोल खूप आवश्यक आहे. फ्लॉवर कॅट्स किंवा हार्ट प्रिंटवाले ब्लाउज परंपरागत बॉटमवियरच्या संगतीने घालावे.

बिरला सैलूलोजचे हेड ऑफ डिझाइन, नेल्सन जाफरीच्या मते आपली पर्सनॅलिटी उठावदार दिसावी म्हणून या टीप्स उपयोगात आणू शकता :

प्लाजो पँट : आकर्षक आणि आरामदायक अनुभवण्यासाठी प्लाजो पँट आपल्या वॉर्डरोबमध्ये अवश्य असायला हवी. ही आराम देते आणि ट्रेंडी असल्यामुळे पसंतही केली जाते. कॅज्युअल असो किंवा पारंपरिक, प्लाजो पँट जवळपास सर्वच प्रसंगी सूट करते. पारंपरिक लुक हवा असल्यास आकर्षक प्लाजोबरोबर सुंदर कुर्ता मॅच करा आणि मॉडर्न रूपातील साध्या सफेद किंवा कलरफुल टॉपबरोबर प्लाजो पँटची जोडी बनवा.

मॅक्सी ड्रेस : अल्ट्रा कंफर्टेबल सेक्सी मॅक्सी ड्रेस प्रत्येक ऋतूत स्टायलिश लुक देते. आपल्या शरीराच्या रचनेनुसार योग्य मॅक्सी ड्रेस निवडा. एक लांब मॅक्सी ड्रेस बीचवर फिरण्यासाठी योग्य पोशाख आहे. आपल्या मॅक्सी ड्रेसला योग्य स्लिंग बॅग, सनीज आणि फ्लॅट्सबरोबर स्टाईल करा.

शॉर्ट्स : जर आपण शॉर्ट्स घालत नसाल तर समजून जा की आपली फॅशन अपूर्ण आहे. याला एका कूल आणि फंकी टीशर्ट किंवा स्नेजी एसिमेट्रिकल क्रॉप टॉपबरोबर जोडा ज्यामुळे आपणास नवा लुक मिळू शकेल. अॅक्सेसरीज आणि चंकी स्नीकर्सच्या जोडीबरोबर कुल फैशनिस्टामध्ये बदलून जावी.

जंपसूट्स आणि प्लेसुट्स : आपण आपल्या कलेक्शनमध्ये हे फॅशनेबल ड्रेसेस अवश्य समाविष्ट केले पाहिजेत. जंपसूट्स आणि प्लेसुट्स आपल्याला ऑफशोल्डर लुक, हॉल्टर नेकपॅटर्न एवढेच नव्हे तर कोल्डशोल्डर डिझाइन जसे की रौक हॉट फॅशन ट्रेंड्सचीसुद्धा स्वतंत्रता देतात.

कुर्ती : भारतीय महिला आणि मुलींमध्ये कुर्ती खूप पॉप्युलर ड्रेस आहे. ही प्रत्येकीवर आकर्षक आणि कंफर्टेबल वाटते. विशेषकरून स्लीव्हलेस कुर्त्या स्टायलिश लुक देतात. यांना प्लाजो पँट्स किंवा बेसिक लेगिंगच्या व्यतिरिक्त जीन्सबरोबरसुद्धा परिधान करू शकता.

या विषयी फॅशन डिझायनर आशिमा शर्मा काही टीप्स सांगतात :

* आपल्या डेलीवियरमध्ये कोल्ड शोल्डर आणि क्रॉप टॉप्स जोडा. असे ड्रेसेस तरुण महिलांना खूप आवडतात.

* यांना शॉर्ट्स आणि जीन्सबरोबर पेयर करून क्लासी आणि ट्रेंडी लुक मिळतो.

* स्कर्ट : स्कर्टही तरुण महिलांच्या पसंतीस पडणारा आणि फॅशनेबल ड्रेस आहे. स्केटर स्कर्ट, पेन्सिल स्कर्ट, प्लिटेड स्कर्ट इत्यादी पार्टीसाठी फॅशनेबल लुक प्राप्त करण्यासाठी घातली जाऊ शकते.

* आजकाल स्निकर फुटवेयर खूप जास्त चलनात आहे आणि ही प्रत्येक प्रकारच्या ड्रेसबरोबर परिधान केली जाऊ शकते. आधी फक्त हिल्सलाच क्लासी मानले जाई. आता स्निकर्स आणि फ्लॅट शूजलाही स्टायलिश मानले जाते. स्नीकर्सला फुटवियरच्या रूपात जोडून आपण प्रत्येक लुकला पूर्ण करू शकता.

* अपडू हेयर किंवा सिंगल आपल्या ड्रेसिंग स्टाईलला रिइन्व्हेन्ट करण्यासाठी ट्रेंडी हेयरस्टाईल्स आहेत. या हेयरस्टाईल्स आपली डे्रसिंग स्टाईल रिफ्रेश करण्यात खूप महत्त्वाची भूमिका बजावत आहेत.

मान्सून स्पेशल : मादकता प्रदान करणाऱ्या शॉर्ट्स

* प्रतिनिधी

पावसाळा असो की उन्हाळा, शॉर्ट्स नेहमीच हॉट व मादक लुक प्रदान करतात. मात्र, परफेक्ट लुक मिळविण्यासाठी आवश्यक आहे, योग्य शॉर्ट्सची निवड. आपली शारीरिक ठेवण लक्षात घेऊन, योग्य शॉर्ट्सची निवड कशी करावी ते आपण इथे जाणून घेऊ, फॅशन डिझायनर नेहा चोप्रा यांच्याकडून :

स्ट्रेट बॉडी शेप

स्ट्रेट बॉडी शेपमध्ये कमनीयता कमी असल्याने, अशा तरुणींनी शरीराच्या खालील भागाला हेवी लुक मिळेल, अशी शॉर्ट्स परिधान केली पाहिजे. उदा. बलून शेप शॉर्ट्स यांच्यासाठी उत्तम ठरतील. त्यामुळे लोअर बॉडीला हेवी लुक मिळेल.

* फ्रंट पॉकेट, प्लीट्स, नॉट किंवा बेल्टवाल्या शॉर्ट्सही यांच्यासाठी परफेक्ट ठरू शकतात.

* वेगळी प्रिंट किंवा टेक्स्चर असलेल्या शॉर्ट्सही वापरून पाहू शकता.

* अशा प्रकारच्या शॉर्ट्ससोबत ऑफ शोल्डर, बोटनेक, व्हाइट व्ही किंवा यू नेक असलेले टॉप खुलून दिसतील.

* कमरेजवळ बेल्ट, नॉट, चेन यासारख्या एक्सेसरीजचा वापर करा, जेणेकरून शरीराच्या खालील भागाला हेवी लुक मिळेल.

पेअर बॉडी शेप

अशा महिलांच्या शरीराचा खालील भाग वरील भागापेक्षा जास्त हेवी असतो. त्यामुळे त्यांच्या मांडया आणि कटीभाग जाड दिसू लागतो. म्हणून अशा तरुणींनी :

* हाय वेस्ट किंवा स्लीम फिटेड शॉर्ट्स परिधान केल्या पाहिजेत. त्यामुळे त्यांचे पाय उंच दिसतील.

* ए लाइन शॉर्ट्सही वापरू शकता, ती हेवी मांडयांना लपवू शकते.

* जर मांडया जास्त जाड दिसत असतील, तर शक्यतो शॉर्ट्स वापरणं टाळलेलंच बरं. त्याऐवजी मिड लेंथ शॉर्ट्सचा वापर करा.

* नॉट्सवाल्या शॉर्ट्स टाळा.

* शरीराला बॅलन्स लुक देण्यासाठी शॉर्ट्ससोबत लाँग टॉप्स परिधान करा.

आर ग्लास बॉडी शेप

जर तुमचा बॉडी शेप आर ग्लास असेल, तर आपली बस्ट लाइन व हिप्सचा भाग दोन्ही हेवी असल्याने, बॉडीला बॅलन्स लुक मिळतो.

* या तरुणी हर प्रकारच्या शॉर्ट्स वापरू शकतात. मिड वेस्ट, हाय वेस्ट, लो वेस्ट इ.

* जर तुमचं पोट सडपातळ असेल, तर शॉर्ट्ससोबत क्रॉप टॉप खुलून दिसेल, तसेच त्यामुळे तुम्हाला हॉट लुक मिळेल. जर मांडया जास्त हेवी असतील तर मात्र मिड किंवा गुडघ्यापर्यंत शॉर्ट्स वापरा.

* शॉर्ट्ससोबत हेवी किंवा प्रिंटेड टॉप वापरण्याऐवजी, हलके टीशर्ट वापरा.

* जर शॉर्ट्ससोबत बेल्ट वापरण्याची इच्छा असेल, तर स्किनी बेल्टची निवड करा.

* मादक लुक मिळविण्यासाठी शॉर्ट्ससोबत स्लिव्हलेस किंवा स्पॅगेटी टॉपचा वापर करा.

ओव्हल बॉडी शेप

यामध्ये बस्ट लाइनपासून थाइजपर्यंतचा भाग हेवी असतो. म्हणून अशा तरुणींनी यांच्या हेवी शरीराला सडपातळ दर्शविणाऱ्या शॉर्ट्स खरेदी केल्या पाहिजेत.

* त्या शॉर्ट, मीडियम, लाँग कोणत्याही लेंथच्या शॉर्ट्स वापरू शकतात.

* प्रिंटेड, रंगीबेरंगी शॉर्ट्सऐवजी एकाच रंगाची प्लेन शॉर्ट्स वापरावी. त्यामुळे शरीराच्या खालील भागाला सडपातळ लुक मिळेल.

* पॉकेट, प्लीट्स, नॉट असलेली शॉर्ट्स वापरण्याची चूक कधीही करू नका. त्यामुळे लोअर बॉडी पार्ट हेवी दिसू लागेल.

* शॉर्ट्ससोबत व्ही नेक लाइन असलेला टॉप सुंदर दिसेल.

अॅप्पल बॉडी शेप

अॅप्पल बॉडी शेप असलेल्या महिलांचा शरीराचा वरील भाग, पोटाचा भाग लोअर बॉडी पार्टपेक्षा जास्त हेवी असतो. अशा वेळी शॉर्ट्स खरेदी करताना खालील गोष्टींची काळजी घ्या :

* हाय वेस्टच्या शॉर्ट (कमी लांबीच्या) शॉर्ट्स यांच्यासाठी उत्तम ठरू शकतात.

* शॉर्ट्ससोबत मफिन टॉप्स वापरा. त्यामुळे पोट सहजपणे लपविता येईल.

* बॅक पॉकेट शॉर्ट्ससुद्धा यांच्यासाठी उत्तम पर्याय आहे. मात्र, फिटेड शॉर्ट्स किंवा बेल्ट असलेल्या शॉर्ट्स वापरण्याची चूक करू नका.

* शॉर्ट्ससोबत सैल टॉप मुळीच वापरू नका.

कमी उंचीच्या तरुणींसाठी शॉर्ट्स

तसे पाहिलं तर कमी उंचीच्या म्हणजेच बुटक्या तरुणी शॉर्ट्स वापरणं टाळतात. त्यांना वाटतं की, शॉर्ट्स घातल्यास त्या आणखी बुटक्या दिसतील. मात्र लक्षात घ्या, काही गोष्टींची काळजी घेतली, तर कमी उंचीच्या तरुणीही शॉर्ट्स वापरू शकता. या तरुणींनी कमी लेंथ असलेल्या शॉर्ट्स वापरल्यास, त्यांचे पाय उंच दिसतील. अशा प्रकारे त्या आपली शॉर्ट्स वापरण्याची इच्छा पूर्ण करू शकतात.

११ आउटफिट्स प्रेगनंट वूमनसाठी

* पूनम

प्रेगनंट असण्याचा अर्थ हा नव्हे की आपण फॅशन ट्रेंड्स फॉलो करणं सोडावं. मॅटरनिटी आउटफिटबरोबरच बाजारात असे आणखी अनेक आउटफिट्स आहेत, जे आपल्याला प्रेगनन्सीच्या काळातही सुपर स्टायलिश लुक देऊ शकतात. अशा आउटफिट्सची निवड करताना कोणत्या गोष्टींची काळजी घेणे आवश्यक आहे, हे सांगितले आहे फॅशन डिझायनर शिल्पी सक्सेनाने :

शिफ्ट ड्रेस

ऑफिशिअल मिटिंगमध्ये शिफ्ट ड्रेस क्लासी लुक देतो. त्यामुळे आपल्या वॉर्डरोबमध्ये शिफ्ट ड्रेसचाही जरूर समावेश करा. स्टाईलसोबत कंफर्टही हवे असेल, तर ए लाइनवाला शिफ्ट ड्रेस खरेदी करा. हॉट लुकसाठी स्पॅगेटी स्ट्रेप्स किंवा स्कूप नेकवाला शिफ्ट ड्रेस घाला.

जंपसूट

क्यूट लुकसाठी प्रेगनन्सीच्या काळात आपण जंपसूट ट्राय करू शकता. यासोबत कधी टीशर्ट तर कधी शर्ट घालून एकाच जंपसूटने आपण २ डिफरंट लुक मिळवू शकता. स्लिम लुकसाठी ब्लॅक जंपसूटची निवड करा.

मॅक्सी ड्रेस

शॉर्ट ट्रिप किंवा बीचवर जायचा प्लान असेल, तर मॅक्सी ड्रेसला आपले स्टाईल स्टेटमेंट बनवा. प्रवासासाठी यापेक्षा उत्तम आणि आरामदायक आउटफिट दुसरा कुठला नाहीए. स्टायलिश लुकसाठी मॅक्सी ड्रेसवर बेल्ट लावा.

रॅप ड्रेस

एलिगंट लुकसाठी रॅप ड्रेसही ट्राय करू शकता. अर्थात, हा अॅडजस्टेबल असतो. त्यामुळे हा संपूर्ण ९ महिनेच नव्हे, तर प्रेगनन्सीनंतरही घालू शकता. वाटल्यास आपण रॅप ड्रेसऐवजी रॅप टॉपही घालू शकता.

स्टोल

आपल्या प्लेन आउटफिटला स्मार्ट लुक देण्यासाठी वॉर्डरोबमध्ये कलरफुल स्टोलचे कलेक्शन जरूर ठेवा. स्टोल बेबी बंपला कव्हर करण्याच्याही कामी येतो. जर आपण टीशर्ट घालत असाल, तर स्टोलऐवजी स्कार्फ वापरा.

वनपीस ड्रेस

प्रेगनन्ट असण्याचा अर्थ असा नव्हे की तुम्ही पार्टी अटेंड करायचे सोडून द्याल. इव्हिनिंग पार्टी उदा. खास प्रसंगी वनपीस ड्रेस घालून आपण ग्लॅमरस दिसू शकता. पार्टीचे आकर्षण बनण्याची इच्छा असेल, तर ऑफशोल्डर फ्लोर स्विपिंग वनपीस ड्रेस घाला.

ट्युनिक

जर आपण ऑफिस गोइंग वुमन असाल, तर आपल्या वॉर्डरोबमध्ये २-४ ट्युनिक्सना जरूर जागा द्या. ऑफिसमध्ये फॉर्मल लुकसाठी ट्युनिक बेस्ट आहेत. हे आपण लेगिंग आणि जीन्स दोन्हीसोबत घालू शकता. थाइज लेंथ, ब्रेसलेट स्लीव्ज आणि व्हीनेक ट्युनिक प्युअर फॉर्मल लुकसाठी बेस्ट आहेत.

मॅटरनिटी जीन्स

प्रेगनन्सीच्या काळात आपण आपली स्किनी जीन्स घालू शकत नसलात, तरी मॅटरनिटी जीन्स जरूर घालू शकता. स्ट्रेची मटेरियलने बनलेली जीन्स खूप कंफर्टेबल असते. जीन्ससोबत फ्लेयर टॉप घालून आपण बेबी बंप कव्हर करू शकता.

स्कर्ट

कॅज्युअल लुकसाठी स्कर्टपेक्षा जास्त चांगले ऑप्शन दुसरे कोणतेही नाहीत. आपल्याला जर स्टाइलसोबत कंफर्टही हवे असेल, तर हाय वेस्ट स्कर्ट खरेदी करा, जो आपल्या वाढत्या बेबी बंपसह सहज अॅडजेस्ट होऊ शकेल. सेमी कॅज्युअल लुकसाठी स्कर्टसोबत टॉप घाला आणि वरून श्रग किंवा डेनिमचे स्लिव्हलेस जॅकेट घाला.

लेगिंग

आपल्या मॅटर्निटी वॉर्डरोबमध्ये डिफरंट शेड्सच्या ३-४ लेगिंग जरूर ठेवा. लेगिंग खूप कंफर्टेबल असतात. स्टे्रचेबल असल्यामुळे हे घालून आपण सहजपणे उठू-बसू शकता. स्मार्ट लुकसाठी लेगिंगसोबत लाँग टॉप, ट्युनिक किंवा कुर्ता घाला.

जॉगर प्रेगनन्सीच्या काळात आपल्या स्वॅटपँट्सचे कलेक्शन जॉगरसोबत रिप्लेस करा. स्वॅटपँट्सच्या तुलनेत याचा लुक अधिक आकर्षक वाटतो. हे जॉगिंग दरम्यानच नव्हे, तर ऑफिसमध्येही घालू शकता.

कार्डिगन

फॅशनेबल लुकसाठी आपल्या वॉर्डरोबमध्ये कार्डिगन ठेवायला विसरू नका. हा कधी आउट ऑफ फॅशन होत नाही. हे आपण टीशर्ट किंवा टॉपसह घालू शकता. स्टायलिश लुकसाठी कार्डिगन ओपन ठेवा. याला बेल्ट किंवा बटनाने कव्हर करू नका.

कसे आहे तुमचे ऑफिस ड्रेसिंग

* नसीम अंसारी कोचर

कोणत्याही ऑफिसात तुम्ही जाऊन पहाल, तर ज्या महिला चांगल्याप्रकारे ड्रेसअप करतात, त्यांचा उत्साह व चार्म वेगळाच दिसून येतो. त्या बऱ्यापैकी आत्मविश्वासूदेखील दिसतात. अशा महिला रोखठोकपणे बोलतात. मागेपुढे पाहत नाहीत.

उलट त्या महिलांना पहा, ज्या साधारण वेशभूषेत असतात. अशा महिला तुम्हाला एखाद्या कोपऱ्यात बसून मान खाली घालून घाईघाईने आपलं काम करताना दिसतील. त्या जास्त कोणात मिसळतदेखील नाहीत वा जास्त कोणाशी बोलत नाहीत. इथेपर्यंत की लंचब्रेकवेळी आपला टिफिनदेखील एकटया कोपऱ्यात बसून खाऊन घेतात. अशा महिला भलेही आपल्या कामात हुशार असोत, परंतु सगळयांपासून अलिप्त राहतात.

वास्तविक भारतात वयाची तिशी-पस्तीशी गाठेपर्यंत महिला आपल्या वेशभूषेबाबत निष्काळजी होऊन जातात, जे चुकीचे आहे. साधारणपणे ६० वर्षांची महिलादेखील उत्साहाने भरलेली, फॅशनने परिपूर्ण दिसून येते. फक्त ओठांवर लिपस्टिक, हाय हील, सुंदर पर्स, केसांना रंग व चेहऱ्यावर मेकअप त्यांच्या रुटीनमध्ये समाविष्ट असला पाहिजे.

जर तुम्ही नोकरदार महिला असाल, तर कामासोबतच तुम्ही तुमच्या व्यक्तिमत्त्वाविषयीदेखील जागरूक राहिले पाहिजे. ऑफिस हे फक्त काम उरकण्याची जागा नाही. इथे तुम्ही इतर लोकांसोबत दिवसातील आठ-दहा तास व्यतीत करता. जर तुम्ही नीटनेटक्या तयार होऊन ऑफिसला येत आहात, तर तुम्हाला केवळ कौतुकाच्या नजरेनेच पाहिले जाणार नाही, तर तुम्हाला स्वत:लाही उत्साही जाणवेल.

फक्त कामाचे ठिकाण नव्हे ऑफिस

काही लोक ऑफिसला फक्त काम करण्याचे ठिकाण मानतात. त्यांना वाटते की फक्त कामच तर करायचे आहे. त्यामुळे काहीही घालून जा, काय फरक पडतो? जर तुम्हीदेखील हाच विचार करता, तर हे चुकीचे आहे. ऑफिसमध्ये रोज तुमचे आठ-दहा तास जातात. अशात ऑफिसला फक्त काम करण्याची जागाच मानणे योग्य नव्हे. इथे तुमचा ड्रेस, स्टाईल, उठण्या बसण्याची व बोलण्याची पद्धत अतिशय महत्त्वाची ठरते.

स्वत:ला द्या थोडा वेळ

मानले की नोकरदार महिला घर व ऑफिस दोन्ही जबाबदाऱ्या निभावतात. सकाळी उठून सर्वांसाठी खाण्यापिण्याची सोय, मुले व पतीच्या तयारीत व्यग्रता, मोलकरणींना जरुरी सूचना व त्यानंतर स्वत:च्या तयारीत वेळ कसा वेगाने जातो कळतदेखील नाही. असे असूनही तुम्ही ऑफिसला जाण्यापूर्वी स्वत:च्या तयारीसाठी कमीत कमी ४५ मिनिटांचा वेळ स्वत:ला दिला पाहिजे.

सकाळचा वेळ वाचावा यासाठी रात्रीच सकाळी ऑफिसला घालण्यासाठीच्या कपडयांची निवड करावी व त्याच्याशी संबंधित ज्वेलरीदेखील सिलेक्ट करावी. यामुळे सकाळचा वेळ हा विचार करण्यात जाणार नाही की आज काय घालू?

काही महिला आठवडयातून एक-दोन वेळाच केसांना शाम्पू करतात. हे चुकीचे आहे. तुम्ही एक दिवसाआड शाम्पू करा, कंडिशनर लावा व जेलने केसांना योग्यप्रकारे सेट करा. रूक्ष व गळणारे केस व्यक्तिमत्त्वात निरूत्साह उत्पन्न करतात. रूक्ष केसांमुळे चेहऱ्यावर खाज व पुरळदेखील येऊ शकतात.

यानंतर तुम्ही तुमचा ड्रेस, मेकअप व चपलांवर लक्ष द्या. हलका मेकअप, हलकीशी ज्वेलरी व सोबत मॅचिंग हँडबॅग व चपला तुमच्या व्यक्तिमत्त्वाला शोभा आणतील.

व्यक्तिमत्व उजळवा

ऑफिससाठी तयार झाल्यानंतर एकदा स्वत:ला आरशात वरून खालपर्यंत पहा. स्वत:ला विचारा की ऑफिसमध्ये हा ड्रेस तुमच्या व्यक्तिमत्वाला योग्य रीतीने प्रेझेंट करत आहे का? तयार होतेवेळी ही गोष्ट अजिबात विसरू नका की तुमचा ड्रेस तुमच्या पर्सनॅलिटीचा एक भाग आहे. तुम्ही जे घालाल, तिच तुमची प्रतिमा बनेल.

ड्रेस कोड फॉलो करा

जर ऑफिसमध्ये ड्रेस कोड असेल, तर तो १०० टक्के फॉलो करा. ड्रेस कोड असूनही जर तुम्ही काहीही घालून ऑफिसला गेला तर तुमची चुकीची प्रतिमा दर्शवेल. तुम्ही या ड्रेसचे कमीत कमी चार जोड बाळगणे उत्तम ठरेल, जेणेकरून रोज स्वच्छ व इस्त्री केलेले कपडे घालू शकाल.

प्रदर्शनाची जागा नाही

ऑफिस तुमच्या कपडे वा ज्वेलरीच्या प्रदर्शनाची जागा नाही. ऑफिसमध्ये जे काही घालाल, ते सोबर असावे. बाकी इतर ड्रेसेस तुम्ही इतर ठिकाणी वापरू शकता. कपडे तुमच्या वयानुरूप असावेत. असे नाही की तुम्ही वीस-बावीस वर्षांच्या आहात तर रोज साडी नेसून जात आहात व चाळीस वर्षांच्या आहात, तर स्कर्ट मिडीमध्ये ऑफिसमध्ये पोहोचाल. कपडे तुमच्या वयानुसार असतील, तर तुमचे व्यक्तिमत्व लोकांना आकर्षित करेल व तुम्हाला स्वत:लादेखील आरामदायी वाटेल.

समर-स्पेशल : जेव्हा निवडाल समर इनरविअर्स

* अनुराधा गुप्ता

उन्हाळ्याच्या दिवसात अंगातून निथळणारा घाम त्रासून सोडतो. जर स्त्रियांबद्दल म्हणाल तर त्यांना या समस्येला सर्वाधिक तोंड द्यावं लागतं. यामागचं कारण म्हणजे त्यांची अंतर्वस्त्र. शरीर व्यवस्थित व सुडौल दिसण्यासाठी अंतर्वस्त्राची गरज असते, त्याचप्रमाणे फॅशननुसार अंतर्वस्त्र असणं जरूरी असतं.

पण उष्णतेच्या दिवसात अंतर्वस्त्रांच्या घट्टपणामुळे त्वचेसंबंधी आजार जसे घामोळे, चट्टे इत्यादींचा त्रास निर्माण होऊ शकतो. यापासून बचाव करण्यासाठी या ऋतुमध्ये योग्य अंतर्वस्त्रांची निवड करणे गरजेचे असते. या ऋतुमध्ये कशाप्रकारची अंतर्वस्त्रे वापरावीत ते जाणून घेऊ :

योग्य कापडाची निवड : उन्हाळ्याच्या दिवसात योग्य अंतर्वस्त्रांची निवड अत्यंत गरजेची असते. अनेक महिला जी अंतर्वस्त्र थंडीच्या मोसमात वापरतात, तिच उन्हाळ्याच्या ऋतुतही वापरतात. पण दोन्ही ऋतुंमध्ये वेगवेगळ्या फॅब्रिकची अंतर्वस्त्र वापरली पाहिजेत. थंडीच्या मोसमात वापरली जाणारी नायलॉन किंवा सिंथेटिक फॅब्रिकचे इनरवेअर्स जर उन्हाळ्यात घातली तर शरीरातून खूप घाम येत असतो, ज्यामुळे घामोळे होण्याची शक्यता असते. या मोसमात कॉटन, लायक्रा किंवा नेटचे अंडरगारमेंट्स वापरल्याने त्वचेला ऑक्सीजनचा पुरवठा व्यवस्थित होतो.

पॅडेड इनरवेअर वापरणे टाळा : अलीकडे महिलांमध्ये पॅडेड इनरवेअर वापरण्याची खूप क्रेझ आहे, पण उन्हाळ्याच्या दिवसात त्वचेच्या आरोग्यासाठी हे अजिबात योग्य नाहीत आणि पॅडेड अंतर्वस्त्र वापरली तरी फक्त कॉटनचीच असतील याकडे लक्ष द्या.

एकावर एक अंतर्वस्त्र घालणे टाळा : अनेकदा गरज नसतानाही अनेक स्त्रिया एकावर एक अंतर्वस्त्र घालतात. उदाहरणार्थ अनेक महिला ब्रा घातल्यानंतर त्यावर स्पॅगेटी घालतात तर काही महिला पॅण्टीवर शेपवेअर घालतात, ज्या वास्तविक काहीच गरज नसते. यामुळे दोन समस्या उद्भवतात. एकतर उन्हाळ्याच्या दिवसात अशाने शरीर अजून गरम होते आणि दुसरे म्हणजे याच्या घट्टपणामुळे अस्वस्थ वाटू लागते.

स्टॅ्रपी किंवा सीमस लेपॅटर्न : हल्ली ब्रँड स्टॅ्रपी आणि सीमलेस अंडरगारमेंट्स बाजारात आणत आहेत. अशाप्रकारची अंतर्वस्त्र उन्हाळ्याच्या दिवसात खूप फायदेशीर ठरतात. यांची आरामदायक फिटिंग शरीराला योग्य आकार देतात आणि स्टे्रपी डिझाइनमुळे हवा सहजतेने त्वचेपर्यंत पोहोचते.

ब्रा निवडताना या बाबींची काळजी घ्या

* उन्हाळी मोसमात अंडरवायर नसणारीच ब्रा वापरा. टीशर्ट ब्रा या सिझनसाठी योग्य ठरू शकेल. ही योग्य फिटिंगबरोबरच आरामदायकसुद्धा असते व कुठल्याही टॉपसोबत तुम्ही वापरू शकता.

* उन्हाळ्याच्या दिवसात डीप बॅक कट ड्रेससोबत बॅलकेस ब्रा वापरू शकता. महिलांमध्ये गैर समज असा आहे की बॅकलेस ब्रा फक्त एकदाच वापरू शकता, पण असं नाहीए.

* लहान ब्रेस्ट असणाऱ्या महिला पुशअप ब्रा वापरू शकतात. या ब्राची विशेषता अशी की जेव्हा गरज असेल तेव्हा पॅड्स लावले जाऊ शकतात व गरज नसताना काढताही येतात.

बेबी बंप फोटोशूटचा नवा ट्रेण्ड

* एनी अंकिता

लग्न, पार्टी, मॉडेलिंग फोटोशूटबाबत तुम्ही बरंच काही नक्कीच ऐकलं असणार, परंतु आता एका नव्या फोटोशूटचा ट्रेण्ड सुरू झालाय आणि तो आहे बेबी बंपचा. पूर्वी जिथे स्त्रिया आपल्या बेबी बंपला झाकून ठेवायच्या, तिथे आज आपलं सौंदर्य कॅप्चर करून त्यांना कायम आठवणीत ठेवायचं असतं. हा त्यांची फॅशन आणि लाइफस्टाइलचा भाग बनत चाललाय.

पूर्वी बेबी बंप केवळ हॉलीवूड सेलिब्रिटीज दाखवत असत, परंतु आता हा ट्रेण्ड बॉलीवूड सेलिब्रिटीजदेखील फॉलो करत आहेत. त्या त्यांच्या फॅन्समध्ये राहाण्यासाठी सोशल मीडियावर आपल्या बेबी बंप्सचे फोटो शेअर करत आहेत.

लॅक्मे फॅशन वीक समर २०१६मध्ये मॉडेल कॅरोल ग्रेझियसने साडी परिधान करून रॅम्पवर वॉक करून हा ट्रेण्ड अधिक पॉप्युलर बनविलाय.

या सेलिब्रिटीजने केलंय बेबी बंप फोटोशूट

कोंकणा सेन : आपल्या ऑफ बीट परफॉर्मन्ससाठी ओळखल्या जाणाऱ्या कोंकणाने आपल्या बेबी बंपसोबत असंच काहीसं केलंय. तिने एका मॅगेझिनच्या कव्हर पेजसाठी बेबी बंपसोबत फोटोशूट केलंय.

श्वेता साल्वे : हिची बेबी बंप एक्सपेरिमेण्ट पाहून तर तुम्ही चकितच व्हाल की बेबी बंपसोबत एवढी क्रिएटिव्हिटी केली जाऊ शकते. श्वेताने वेगवेगळ्या स्टाइलमध्ये बरेच फोटो शूट केले आहेत.

लारा दत्ता : आपल्या प्रेगन्सीच्या दरम्यान लारा दत्ताने कधीही आपलं सोशल लाइफ बंद केलं नाही, याउलट कायम आपल्या बेबी बंपसोबत ट्रेण्डी आउटफिट्समध्ये दिसली.

जेनेलिया डिसूझा : बॉलीवूडचं क्यूट कपल जेनेलिया आणि रितेश देशमुखनेदेखील आपल्या दुसऱ्या बाळाच्यावेळी ब्लॅक अॅण्ड व्हाइट फोटोशूट केले होते.

अर्पिता खान आणि आयूष शर्मा : या कपलनेदेखील मॅटरनिटी फोटोशूट केलंय. व्हाइट ड्रेसमध्ये दोघे खूपच एलिगंट दिसत होते.

बेबी बंप फोटोशूट आपल्या मुलांसोबत आपले सुंदर क्षण सजवून ठेवण्याची एक पद्धत आहे. तुम्हीदेखील मॅटरनिटी फोटोशूटचं प्लानिंग करणार असाल तर अजिबात संकोच करू नका, उलट आपले सुंदर क्षण आठवणींच्या अल्बममध्ये साठविण्यासाठी काही टिप्सचा आधार घ्या.

केव्हा कराल फोटोशूट

प्रेगनन्सीमध्ये फोटोशूट नेमकं केव्हा करायचं याचा तुमच्या मनात विचार येत असेल तर आम्ही तुम्हाला सांगतो की ६व्या आणि ७व्या महिन्यामधीलचा काळ बेबी बंप फोटोशूटसाठी उत्तम असतो. यावेळी तुमचं बंप गोल गरगरीत आणि सुंदर दिसतं.

काय घालायचं आणि काय नाही

तुमचं बंप उठून दिसण्यासाठी खूप सैलसर कपडे वापरू नका; कारण यामुळे तुमच्या बंपचं सौंदर्य उठून दिसणार नाही.

तुम्ही बटन असणारं ब्री शर्टदेखील वापरू शकता. थोडासा सेक्सी लुक देण्यासाठी बंपजवळचं बटन उघडं ठेवा. हवं असल्यास तुम्ही टीशर्टदेखील ट्राय करू शकता, फक्त टीशर्ट फिटिंगचे नसावं.

कलरमध्ये तुम्ही लाइट कलर म्हणजेच क्रीम, बेज, ग्रे, व्हाइट इत्यादी रंगांची निवड करा. डार्क कलर, फ्लोरल प्रिण्ट आणि चौकटीचे कपडे वापरू नका.

बेबी बंप फोटोशूटमध्ये हेवी ज्वेलरी वापरू नका. कारण हेवी ज्वेलरी वापरल्याने बेबी बंपचं सौंदर्य कमी होतं, त्यामुळे सिंपल व नॅचरल दिसण्याचा प्रयत्न करा.

हेअरस्टाइल व मेकअप साधा असावा

तुम्ही फोटोशूट करून घेताय याचा अर्थ असा नाहीए की तुम्ही भरपूर मेकअप लावावा किंवा लेटेस्ट हेअरस्टाइल करावी. तर अशा वेळी जास्तीत जास्त नॅचरल दिसण्याचा प्रयत्न करा; कारण तुम्ही फोटोत जेवढ्या नॅचरल दिसाल तेवढंच तुमचं सौंदर्य अधिक द्विगुणित होईल.

फोटोशूटसाठी काही टिप्स

* तुम्ही तुमच्या बंपवर तुमचा हात ठेवून फोटो क्लिक करू शकता. तुम्ही काही प्रॉप्सचादेखील वापर करू शकता. जसं बाळाचं पहिलं अल्ट्रासाउंड, बेबी शूज इत्यादी. परंतु एकाच फोटोत भरपूर प्रॉप्सचा वापर करू नका.

* तुम्ही सेल्फीच्या माध्यमातूनदेखील तुमचं बेबी बंप शूट करू शकता. यासाठी फक्त तुम्हाला कॅमेऱ्याचा अँगल सेट करावा लागेल म्हणजे तुमचं बंप दिसून येईल. तुम्ही आरशात पाहूनदेखील क्लिक करू शकता.

* फक्त तुमचाच फोटो क्लिक करत राहू नका, काही रोमॅण्टिक कपल शॉट्सदेखील घ्या. तुमचं बाळ तुमच्यासाठी जेवढं खास आहे तेवढंच तुमच्या पार्टनरसाठीदेखील आहे. हवं असल्यास काही फोटोमध्ये तुमच्या फॅमिली मेंबर्सचादेखील समावेश करू शकता.

* हो, पण एक लक्षात घ्या, सतत फोटोशूट करत राहू नका, उलट अधूनमधून थोडा ब्रेक घ्या. थकण्यापासून वाचण्याची सर्वोत्तम पद्धत म्हणजे तुम्ही फोटोग्राफरसोबत बसून अगोदरच चर्चा करून घ्या की तो कसा शॉट घेणार आहे आणि तुम्हाला कसा फोटो हवाय म्हणजे शूटसाठी अधिक वेळ लागणार नाही. हवं असल्यास ज्या फोटोग्राफरकडून तुम्ही फोटो काढून घेणार आहात त्याने यापूर्वी काढलेले फोटो बघा. यामुळे तुम्हाला एक आयडिया मिळेल आणि तुम्ही फोटोग्राफरला योग्य प्रकारे समजावू शकाल.

* कॅमेरा ऑन होताच आपण सर्वकाही विसरून जातो. फोटो चांगला यावा यासाठी डिफरंट पोझ ट्राय करू लागतो, परंतु तुम्ही तुमच्याकडे थोडं लक्ष द्या. तुम्हाला ज्या पोझमध्ये कम्फर्टेबल वाटेल, तीच पोझ घ्या.

टीनएज ब्राची निवड करण्यापूर्वी

* एनी अंकिता

टीनएजमध्ये प्रामुख्याने नेहमीच होणारी चूक म्हणजे, कोणत्याही पेहरावावर कोणतीही ब्रा वापरली जाणे. तुम्ही म्हणाल, काय फरक पडतो… परंतु आपण हे जाणून घेणं आवश्यक आहे की, कोणत्या पेहरावावर कोणती ब्रा वापरली पाहिजे. जरा विचार करा, तुम्ही एक छानसा महागडा ड्रेस घातलाय आणि त्यासोबत एक जुनी साधी ब्रा घातलीय… कसे दिसेल. खरे तर तुम्हाला त्याच्या जोडीने एक पॅडेड ब्रा घातली पाहिजे. अन्यथा तुमचा लूक अट्रॅक्टिव्ह वाटणार नाहीच आणि मग आपला मूडही जाईल.

अशा वेळी आईने विचार केला पाहिजे की, तुम्ही आपल्या टीनएज मुलीसाठी जेव्हा शॉपिंगला जाल, तेव्हा त्यांच्यासाठी वेगवेगळया व्हरायटी व डिझाइन्सच्या ब्रा जरूर खरेदी करा जेणेकरून ब्राच्या फॅशनमध्ये त्या अपडेट राहातील.

टीशर्ट ब्रा : टीशर्ट ब्रामध्ये शेप देण्यासाठी हलकासा पॅड लावलेला असतो. ही आरामदायक असतेच, पण यामुळे क्लिन लूक मिळतो. खासकरून आपण जेव्हा फिटिंगचा व पातळ ड्रेस परिधान करता तेव्हा.

स्ट्रॅपलेस ब्रा : नावावरून तुम्हाला कळले असेल, यामध्ये स्ट्रॅप नसतात. जर तुम्ही स्ट्रॅपलेस ड्रेस, टँक टॉप, हॉल्टर नेकचा ड्रेस परिधान करत असाल, तर या ब्राची निवड करा. स्ट्रॅपलेस ब्रा खरेदी करताना हे जरूर लक्षात घ्या की, ब्राची साइड आणि मागची पट्टी रुंद असावी. जेणेकरून ब्रा आपल्या योग्य जागी टिकून राहून तुम्हाला योग्य फिटिंग देईल.

पुशअप ब्रा : टीनएज तरुणी विचार करतात की, त्यांना पुशअप ब्राची काय गरज आहे. परंतु आपली फिगर चांगली दिसावी, असे वाटत असेल, तर आपण ही ब्रा अवश्य वापरा. या ब्रामध्ये जेलयुक्त कप लावलेले असतात, जे ब्रेस्टला उभार देतात. ही वेगवेगळया डिझाइन्स, कलर, प्रिंट व लेसवर्कमध्ये मिळते.

वायरलेस ब्रा : ही खूप आरामदायक असते. जर तुम्हाला अंडरवायर ब्रामध्ये कंफर्टेबल वाटत नसेल, तर हे आपल्यासाठी बेस्ट ऑप्शन आहे. ही टॉप, ड्रेस, स्वॅट शर्टवर चांगली दिसते.

पॅडेड ब्रा : ही त्या मुलींसाठी परफेक्ट आहे, ज्याचे ब्रेस्ट छोटे आहेत. या ब्रामुळे ब्रेस्टला उभार मिळतो. पॅडेड ब्रामुळे लो कट ड्रेसमध्येही आपले क्लीवेज तसेच दिसतील, जसे मोठे ब्रेस्ट असलेल्या मुलींचे दिसतात.

मिनिमायजर ब्रा : ही त्या मुलींसाठी उपयुक्त आहे, ज्यांची बॉडी थोडी कर्व आणि ब्रेस्ट थोडे मोठे असतात. ही ब्रा त्यांच्या कप साइजला थोडे कमी दाखवून उत्तम लूक देतात.

रिमूव्हेबल पॅडिंग ब्रा : या ब्रामध्ये एक पॉकेट असते, ज्याच्यात गरजेनुसार पॅड घातले जातात. ही त्या तरुणींसाठी योग्य आहे, ज्यांना रोज पॅडेड ब्रा घालायची इच्छा नसते. केवळ खास प्रसंगीच त्या पॅड वापरतात.

सिलिकॉन पॅडिंग : ही ब्रा सरळ स्किनला लावली जाते. ही स्किनसारखी मऊ असते. ही घातल्यानंतर आपल्याला हिची जाणीवही होत नाही. ही तुम्ही बॅकलेस ड्रेस, सेंटर कट ड्रेससोबतही वापरू शकता. आपल्या वॉर्डरोबमध्ये ही जरूर ठेवा.

फॅब्रिकवरही लक्ष द्या : या वयात त्वचा बरीच संवेदनशील व कोमल असते. काही तरुणींना सिंथेटिक फॅब्रिकमुळे अॅलर्जी होऊ शकते. म्हणून कॉटन फेब्रिकने बनलेल्या इनरवेअरची निवड करा. फॅब्रिककडे लक्ष देण्याबरोबरच हेही लक्षात घ्या की, ती ब्रा किती टिकावू व फॅशनेबल आहे. कारण जोपर्यंत तुम्हाला आतून आत्मविश्वास येणार नाही, तोपर्यंत तुम्ही बाहेरून सुंदर दिसणार नाही.