* पाककृती सहकार्य : ओम प्रकाश गुप्ता
- राईस लॉलीपॉप
साहित्य
* २ कप भात
* अर्धा कप उकडलेले बटाटे मॅश करून
* २ मोठे चमचे हिरवी शिमला मिरची बारीक चिरलेली
* १ छोटा चमचा बारीक चिरलेली हिरवी मिरची
* २ मोठे चमचे बारीक चिरलेला टोमॅटो
* २ मोठा चमचा बारीक चिरलेली कोथिंबीर
* अर्धा छोटा चमचा लाल तिखट
* १ छोटा चमचा धणे पावडर
* अर्धा छोटा चमचा आमचूर पावडर
* अर्धा छोटा चमचा गरम मसाला
* १ छोटा चमचा चाट मसाला
* अर्धा छोटा चमचा कुटलेली बडीशेप
* तळण्यासाठी तेल
* आईस्क्रिम स्टिक्स
* मीठ चवीनुसार.
कृती
तेल तसंच आईस्क्रिम स्टिक्स सोडून इतर सर्व साहित्य एका बाउलमध्ये टाकून व्यवस्थित एकत्रित करून घ्या. अर्धा चमचा तेल घेऊन घट्ट कणिकसारखं मळून घ्या. एका ट्रेला तेल लावून घ्या आणि त्यामध्ये भाताचं मिश्रण पसरवून अर्धा तास फ्रिजमध्ये ठेवा. नंतर सुरीने मिश्रणाचे तुकडे कापून घ्या. पॅनमध्ये तेल गरम करून तुकडे मंद आचेवर दोन्ही बाजुंनी सोनेरी होईपर्यंत तळून घ्या. प्रत्येक तुकडयात आईस्क्रिम स्टिक घुसवून चटणी आणि सॉससोबत गरमागरम सर्व्ह करा.
- कांदा पॅन केक
साहित्य
* १ मोठा कप बारीक रवा
* अर्धा कप दही
* गरजेपुरते गोल कापलेले कांदे
* १ छोटा चमचा बारीक चिरलेली हिरवी मिरची
* १ छोटा चमचा फ्रुट सॉल्ट
* तळण्यासाठी रिफाइंड तेल
* मीठ चवीनुसार.
कृती
रव्यात दही, मीठ व लाल तिखट एकत्र करा. पुरेसं पाणी टाकून फेटून घ्या. घट्ट घोल तयार करा. गाठी राहता कामा नये. नॉनस्टिक गरम करून घ्या. तयार घोलमध्ये फ्रुट सॉल्ट टाकून अजून फेटावं. हलक्या गरम तव्यावर एक डाव घोल टाकून गोलसर पसरवा. यावर गोल कापलेले कांदे टाका. कडानी तेल टाकून दोन्ही बाजुंनी व्यवस्थित भाजून घ्या. हिरव्या चटणीसोबत सर्व्ह करा.
