* पारूल भटनागर
लग्न असो वा साखरपुडा, आपलं सर्व लक्ष चेहऱ्याच्या सौंदर्याकडेच असतं कारण आपल्याला सेंटर अट्रैक्शन बनायचं असतं, फोटो छान हवे असतात, परंतु तुम्हीच विचार करा की तुमचा चेहरा तर सुंदर दिसतोए, परंतु रिंग सेरेमनीच्या दरम्यान तुम्ही तुमचा हात पुढे केला आणि तुमचा हात पाहून तुमच्या जोडीदाराला जो आनंद व्हायला पाहिजे तो झाला नाही तर तुम्हाला कसं वाटेल? तुमचा सर्व फोकस चेहरा सुंदर दिसण्यावरच होता. या नादात तुम्ही नेल्सचं सौंदर्य उजळविण्याकडे जरादेखील लक्ष दिलं नाही.
जर तुम्हाला हा क्षण आठवणीत ठेवायचा असेल आणि सर्वांनी तुमची स्तुती करावी असं वाटत असेल तर ऐंजल मेकअप स्टुडिओच्या आर्टिस्ट सुमन यांच्या नेल आर्ट आणि ब्यूटी टिप्स नक्कीच लक्षात ठेवा.
नेलआर्ट
नेलआर्ट नखांचं सौंदर्य वाढविण्याबरोबरच आपलं व्यक्तिमत्त्व अधिक चार्मिंगदेखील बनवतं. हे साकारणं खूप कठिण नाहीए आणि ना ही यासाठी अधिक साधनांची गरज लागते.
मग चला जाणून घेऊया, कशाप्रकारे सहजपणे घरीदेखील नेलआर्ट करता येऊ शकतं.
दोऱ्याने नेलआर्ट : तुम्ही विचार करत असाल की दोऱ्याने नेलआर्ट कसं होऊ शकतं, तर ते खूपच सहजसोपं आहे.
यासाठी तुमच्याकडे ३-४ गडद रंगाच्या नेलपेण्ट हव्या आणि थोडासा पातळ दोरा हवा.
सर्वप्रथम तुम्ही नखांवर गडद रंगाची नेलपेण्ट लावून घ्या. त्यानंतर क्रॉस स्टाईलने त्यावर दुसरी गडद रंगाची नेलपेण्ट लावा. त्यानंतर तिसऱ्या व चौथ्या रंगाची कोटिंग करा. आता दोऱ्याने क्रॉस स्टाइलमध्ये वा तुम्हाला जे डिझायनिंग करायचं आहे त करावं. या माध्यमातून तुम्ही खूपच सुंदर नेलआर्ट करू शकता.
रंगीत नेलआर्ट : रंगीत नेलआर्ट नेलपॉलिशने नव्हे तर वाटर कलर्सच्या मदतीने केलं जातं आणि यासाठी झिरो पाँइटच्या ब्रशची गरज लागते.
यासाठी सर्वप्रथम नखांवर सफेद रंगाचा वॉटर कलर लावा. नंतर तो थोडासा ड्राय करा. तेव्हाच व्यवस्थित नेलआर्ट होईल. नंतर वेगेवेगळे रंग घेत कोणंतही डिझाइन तुमच्या कल्पनेनुसार वापरा.
लक्षात ठेवा, सुकल्यानंतर टॉप कोट जरूर लावा म्हणजे शाइनबरोबरच नेलआर्ट दीर्घकाळपर्यंत टिकू शकेल.
वाइन नेलआर्ट : वाइन नेलआर्ट नाव ऐकायला जेवढं विचित्र वाटतं बनल्यानंतर तेवढंच ते सुंदर दिसतं. कीनू नावाने मिळणारी बियर वापरल्यावरच हे शक्य होऊ शकेल.
यासाठी सर्वप्रथम जे डिझाइन तुम्ही नखांवर प्रिंट करु इच्छिता ते स्ववेअरमध्ये कापून घ्या. त्यानंतर नखांवर पांढऱ्या रंगाचं नेलपेण्ट लावा आणि ते सुकू द्या त्यानंतर तुम्ही जे न्यूजपेपरने कटींग केलंय ते बियरमध्ये व्यवस्थित डिप करा आणि ते नखांवर लावून थोडावेळ सुकण्यासाठी ठेवून द्या. त्यानंतर पेपर हळूवारपणे काढून प्रिण्ट नखांवर उमटलंय का ते पाहा. जर उमटलं असेल तर ते काढून टाका अन्यथा नखांवर तसंच राहू द्या. प्रत्येक नखावर वेगवेगळे डिझाइन ट्राय करू शकता. अशाप्रकारे तुम्ही नखांना यूनिक लूक देऊ शकता.
ब्रायडल नेलआर्ट : ब्रायडल म्हणजेच नववधूचे हात पाहून सर्वजण चकीत व्हावेत, यासाठी तिची नखं सुंदर करणं तेवढंच गरजेचं आहे, जे नेलआर्टने शक्य आहे.
सर्वप्रथम नववधूच्या नखांवर बेस कलर लावून घ्या. नंतर हलकं ड्राय झाल्यानंतर एखादं आवडतं डिझाइन बनवा आणि त्यावर हळूवारपणे ग्लिटर वा छोटेसे स्टोन लावा. यामुळे नववधू अधिक सुंदर दिसेल.
नेलआर्ट करण्यापूर्वी
* फक्त पाहून नेलआर्ट करायला घेतलं, तर रिजल्ट चांगला येणार नाही, यासाठी नेलआर्ट करण्यापूर्वी आपली नखं व्यवस्थित स्वच्छ ठेवा. नंतर स्क्वेअर वा ओव्हल जो देखील आकार तुम्हाला पसंत असेल त्यामध्ये नखं कापून फायलरच्या मदतीने शेप बनवा म्हणजे तुमची नखं क्यूटीक्यूटी दिसू लागतील.
* मनात ब्रँडचा विचार करू नका अन्यथा नेलआर्ट चांगलं होणार नाही. याउलट तुम्ही नेलआर्ट कसं चांगलं करू शकाल याचा विचार करा. यासाठी विविध ब्रँडच्याविविध नेलपेण्ट्स ट्राय करा आणि वाटर कलर्स वापरायलादेखील विसरू नका. कारण हे स्वस्त असण्याबरोबरच रिजल्टदेखील चांगला देतात.
* नेलआर्ट कुठंही, कोणाकडूनही करता येऊ शकतं हा चूकीचा समज आहे. म्हणूनच नेलआर्ट करतेवेळी जरादेखील चूक झाली तरी घाबरू नका. उलट शांततेने काम करून तुम्ही उत्तम डिझाइन साकारू शकता.
* लक्षात ठेवा की नेलआर्ट केल्यानंतर टॉप कोट करायला विसरू नका, कारण यामुळे नेलआर्ट दीर्घकाळ राहील आणि तुमची नखं अधिक चमकदार दिसतील.
