गुढीपाडवा स्पेशल – मराठी पारंपारिक पदार्थ

* नम्रता विजय पवार

•  बासुंदी

 साहित्य

• 2 लिटर दूध
• दिड कप साखर
• सुकामेवा, केशर, वेलची पावडर

कृती

सर्वप्रथम एका जाड बुडाच्या पातेल्यात दूध मंद आचेवर गरम करत ठेवायचं. दुधावरची साय येताच ती बाजूला काढून ठेवायची. यामध्येच केशराच्या काड्या भिजत ठेवायच्या. साधारणपणे दूध निम्मं झाल्यावर त्यामध्ये साखर विरघळऊन घ्यायची. आच बंद करुन घट्ट झालेल्या दुधात केशरमिश्रित साय, सुकामेव्याची जाडसर भरड आणि वेलची एकत्रित करून घ्यावी. नंतर फ्रिजमध्ये ठेऊन द्यावी. ही बासुंदी जेवढी घट्ट आणि मुरेल तेवढी अधिक चवदार होईल. सुकामेव्याच्या भरडीमुळे बासुंदी दाट होते. गरमागरम पुरीसोबत तसंच जिलेबी सोबत अधिक आस्वाद घेता येतो.