* प्रतिनिधी
* मी २१ वर्षांची तरुणी आहे. मला फिरायला, मौजमजा करायला आवडते. अभ्यासात किंवा घरकामात माझे मन लागत नाही. यामुळे घरातीलही सर्व माझ्यावर नाराज असतात. मी माझ्या सवयी कशा बदलू ते सांगा?
तुम्ही तुमच्या सवयी नक्कीच बदलू शकता. सध्या तुम्हाला फिरायला, मौजमजा करायला नक्कीच आवडत असेल, पण जेव्हा तुमचे मित्र मेहनतीने अभ्यास करुन पुढे जातील, चांगली नोकरी करू लागतील तेव्हा तुम्हाला खूपच पश्चाताप होईल.
तुम्हाला घरातली कामे करायलाही आवडत नाहीत. याचा अर्थ तुम्ही करिअरही करू शकणार नाही आणि घर कामातही पारंगत होणार नाही.
तसे तर आईवडील शक्य तोपर्यंत मुलांना लाडाने वाढवतात. त्यांच्यातील उणिवा लपवतात आणि त्यांच्यावर प्रेमही करतात. पण तुमचे लग्न होईल तेव्हा सासरचे तुम्हाला तुमच्या याच रुपात स्वीकारतील असे मुळीच नाही.
त्यामुळे वेळीच स्वत:ला बदलण्याचा प्रयत्न करा. यासाठी तुम्हाला तुमचा दिनक्रम बदलावा लागेल.
रात्री लवकर झोपा आणि सकाळी लवकर उठून फिरायला जा. व्यायाम करा. चांगली पुस्तके वाचा. असे एखादे काम करा ज्यामुळे दुसऱ्यांचे भले होईल. सोबतच घरातील कामातही हातभार लावा.
सुरुवातीला हे कंटाळवाणे वाटेल. पण यामुळे लवकरच तुम्हाला तुमच्या जबाबदारीची जाणीव होऊ लागेल. यामुळे तुम्ही घरातल्यांच्या लाडक्या व्हाल शिवाय करियरही करू शकाल.
* मी २९ वर्षांची विवाहिता आहे. पती माझ्यापेक्षा २ वर्षांनी मोठे आहेत. आम्हाला एक मुलगा असून तो ज्युनिअर केजीत आहे. घरात सर्वकाही ठीक आहे. पण मुख्य समस्या पतीची आहे. वेळ मिळताच ते मोबाइलमध्ये फेसबुक, ट्विटरमध्येच हरवून जातात. रात्री उशिरापर्यंत असेच चालते. याचा माझ्या वैवाहिक जीवनावर परिणाम होत आहे. ते महिनाभर सेक्स संबंध ठेवत नाहीत. मी पुढाकार घेतल्यावर तयार होतात, पण पहिल्यासारखे नाहीत. मोबाइलमुळे आमच्यात अनेकदा भांडणही झाले. कृपया सांगा, मी काय करू?
सोशल नेटर्वकिंग साईट्समुळे नाती आणि भावनांना तडा जात आहे. याचा परिणाम सेक्स संबंधावरही होत आहे. तरुणाई सेक्स लाईफ केवळ यामुळेच खराब करतात. तरीही हे थांबायचे नाव घेत नाही, उलट अशा लोकांची संख्या दिवसेंदिवस वाढत आहे.
ब्रिटनमध्ये केलेल्या एका संशोधनात असे समोर आले आहे की, तेथे १६-४४ वर्षांचे लोक महिन्यातून पाचपेक्षाही कमी वेळा सेक्स करतात. सोशल नेटर्वकिंग साईट्स, आर्थिक चणचण आणि तणाव हे यामागचे सर्वात मोठे कारण आहे.
सध्या तुम्हाला संयमाने वागवे लागेल. पतीची ही सवय सोडवण्यासाठी त्याच्यासोबत जास्तीत जास्त वेळ घालवा. सोबत फिरायला जा, सिनेमा बघा, बाहेर जेवायला जा, सकाळ-संध्याकाळ सोबत फिरा आणि वेगवेगळया विषयांवर चर्चा करा. एकांतपणी त्यांच्या आवडीचा ड्रेस घाला आणि सोबतच संसारातील वेगवेगळया जबाबदारींची जाणीव त्यांना हसतखेळत करुन द्या.
तुम्ही अशा प्रकारे वागू लागल्यानंतर पती आपोआपच मोबाइल सोडून तुमच्याकडे आकर्षित होऊ लागेल.
मी २७ वर्षीय तरुण असून एका मल्टिनॅशनल कंपनीत चांगल्या पदावर कामाला आहे. मी स्वत:च माझ्यासाठी समस्या बनलो आहे. कारण, मला कधीच कोणती मुलगी आवडली नाही किंवा मी आतापर्यंत एखाद्या तरुणीशी सेक्स संबंध ठेवलेला नाही. मात्र, एका मुलासोबत माझी मैत्री आहे आणि आम्ही गेली ३ वर्षे एकत्र राहत आहोत. आईवडिलांना माझे लग्न लावून द्यायचे आहे, पण मला एखाद्या मुलीचे जीवन उद्भवस्त करायचे नाही. सांगा, मी काय करू?
असे वाटते की तुम्ही होमो सेक्सुअल आहात. मानसोपचारतज्ज्ञांचे असे मत आहे की, समालिंगी व्यक्तीचे आकर्षण वाटण्यामागील एक कारण म्हणजे आपलेपणाचा अभाव, हे असू शकते.
खरंतर कुटुंबात दु:खी असणारे किंवा एखाद्या अन्य कारणामुळे त्रस्त असताना कुणीतरी आधार दिल्यास ती व्यक्ती त्यांना जवळची वाटू लागते.
संशोधनानुसार, समलिंगी सेक्सबाबत आकर्षणाचे कारण हार्मोन्सचे असंतुलन हेदेखील असू शकते. हे वंशपरंपरागत असते किंवा मग अन्य प्रभावांमुळेदेखील असे होऊ शकते.
त्यासाठी तुम्ही एखाद्या सेक्सुअल काऊन्सिलरची भेट घ्या. आवश्यकता भासल्यास मेडिकल चेकअप करा. तरच खरं कारण समजू शकेल.
तुम्हाला तुमचे आयुष्य कोणासोबत आणि कसे व्यतित करायचे आहे, याचा निर्णय तुम्ही स्वत: घ्या.
पाहायला गेल्यास आपल्या समाजात अशा नात्यांना स्वीकारले जात नाही, पण आता सर्वोच्च न्यायालयाने कलम ३७७ रद्द करून समलैंगिक व्यक्तींना त्यांचा हक्क बहाल केला आहे.
