– गरिमा
जिवलग किंवा साथिदार हा तुमचा मित्र, नातेवाईक किंवा शिक्षक कोणीही असू शकेल, ज्याच्यासोबत मनापासून आणि दृढपणे जोडले गेल्याचे तुम्ही अनुभवत असाल. तो तुमच्यापुढे आव्हान निर्माण करतो, तुम्हाला प्रेरणा देतो, आधार देतो आणि सतत तुमच्या विचारात असतो. तुम्हाला तुमच्या आयुष्यात नेमके काय हवे, याची जाणीव तो तुम्हाला करून देतो. तुम्ही त्याच्यासोबत शरीर, मन आणि भावनेनेही जोडले गेलेले असता.
तोच तुमचा जिवलग आहे, हे कसे ओळखाल
ज्याचा सहवास लाभताच मनाला खोलवर समाधान मिळते : अशी व्यक्ती जिच्यासोबत तुम्हाला सहजता आणि सुरक्षितता जाणवते. ज्याच्यासोबत असल्याने तुम्हाला आनंद मिळतो. तो येताच तुमच्यातील अस्वस्थता दूर होते आणि कुठल्याही कामात तुमचे मन रमू लागते, तर मग समजून जा की तोच तुमचा जिवलग आहे.
खूप काळ एकमेकांना ओळखत आहोत असे वाटते : पहिल्या भेटीत तो तुम्हाला अनोळखी भासत नाही. त्याच्याशी बोलताना तुम्ही नर्व्हस होत नाही. याच्याशी आपण कुठलीही गोष्ट शेअर करू शकतो असे तुम्हाला वाटते. शिवाय तुम्ही त्याच्यावर पूर्ण विश्वास ठेवू शकाल असे मनापासून तेव्हाच वाटते, जेव्हा तुम्ही तुमच्या जिवलगास भेटता.
तो हाच आहे ज्याच्या शोधात आजवर होते : भले तुमचे वय कितीही असो किंवा अनेकांबद्दल तुम्हाला यापूर्वी आकर्षण वाटले असेल. अगदी तुम्ही विवाहित का असेना, जीवनात एक वळण असेही येते जेव्हा एखाद्याला भेटल्यानंतर तुम्हाला असे वाटू लागते की बस्स हा तोच आहे, ज्याला मन शोधत होते. त्याच्यासोबत तुम्ही जीवनात स्थैर्य अनुभवता आणि तुम्ही त्याच्यापासून कधीच वेगळे नव्हता, असे तुम्हाला अगदी अंत:करणापासून वाटते.
त्याच्यासोबत प्रत्येक समस्येचा सामना समर्थपणे करता येईल असे वाटते : अशी व्यक्ती जी केवळ जवळ असल्यानेच तुम्हाला तुमच्यात सकारात्मक ऊर्जेचा संचार झाल्यासारखे वाटते. आव्हानांचा सामना करायला आणि संकटांना हरवायला तुम्ही उभे व्हाल, तेव्हा वाटेल जसे की ती व्यक्ती गडद अंधारात प्रकाशाच्या रुपात तुमच्यासोबत आहे, तर अशावेळी समजून जा तोच तुमचा जिवलग आहे.
सुरक्षित वाटते : एखाद्या व्यक्तिकडे तुम्ही स्वत:हून ओढले जात असाल, जणू काही चुंबकीय शक्ती तुमच्या दोघांमध्ये आहे असे तुम्हाला वाटते. शिवाय तो सोबत असताना तुम्ही सर्व प्रकारे सुरक्षित आहात असे वाटते तर समजून जा तोच तुमचा जिवलग आहे.
गरजेचे नाही की तो सुंदरच असावा : खऱ्या प्रेमाचा अर्थ केवळ शारीरिक आकर्षण नाही तर मनाने आणि भावनेनेही एकमेकांशी जोडले जाणे असते. तुम्ही त्याच्या डोळयांत तुम्हाला आणि तुमच्या डोळयांत त्याला पाहू शकत असाल तर समजून जा तोच तुमचे प्रेम आहे, जिवलग आहे. जिथे तुम्ही एकमेकांपासून वेगळे नसून एकच आहात, असा अनुभव तुम्ही घेत असाल. कारण जिथे ‘तू’ आणि ‘मी’ अशी भावना असते तिथे ओढ तर असते. पण जिवलगासोबत तुमचे नाते अतुट राहाते.
काही मिळविण्याची इच्छा नसते : त्याला भेटल्यानंतर काही मिळविण्याची इच्छाच उरत नाही. तुम्हाला त्याच्याकडून काहीही नको असते, पण तरीही तोच तुमच्या आयुष्यात सर्वात महत्त्वाचा असेल. तुम्ही नि:शब्द असूनही तासन्तास त्याच्यासोबत वेळ व्यतित करू शकता. त्याला फक्त बघत राहू शकता, त्याच्याजवळ राहू शकता किंवा दूर राहूनही त्याला अनुभवू शकता तर समजून जा की तोच तुमचा जिवलग आहे.
