* डॉ. मीना छाबडा
असा अंदाज वर्तवला जात आहे की २०३० पर्यंत डायबिटीज मॅलिटस भारताच्या ७.९४ कोटी लोकांना प्रभावित करू शकतं, तर चीनमधील ४.२३ कोटी लोक आणि अमेरिकेतील ३.०३ कोटी लोक या रोगांच्या कचाट्यात सापडतील. अशी अनेक कारणे आहेत जे देशभरातील लोकांध्ये या रोगासाठी जबाबदार आहेत.
मधुमेहग्रस्त लोक मनामध्ये हा संशय घेऊन जगू लागतात की पुढे त्यांचे डोळे जातील किंवा त्यांचा पाय कापावा लागू शकतो वा किडनी फेल्यूअरमुळे त्यांचा मृत्यू होऊ शकतो.
तरुणांमध्ये वाढतं प्रकरण
भारतात २२ ते ३० वयोमर्यादा असलेल्या तरुणांची लोकसंख्या सर्वात जास्त आहे. ज्यांच्यामध्ये भरपूर उर्जा आणि रचना करण्याची क्षमता आहे. पण तरुण ज्या जीवनपद्धतींचा अवलंब करत आहेत त्यामुळे त्यांच्यावर अनेक रोगांचा वाईट प्रभाव पडू लागला आहे.
भारताला मधुमेहाची राजधानी म्हटलं जाऊ लागलं आहे. खरंतर अलीकडचे तरुण आरोग्यवर्धक नसलेल्या आहाराच्या सवयीमुळे लठ्ठपणाला बळी पडू लागले आहेत. जे डायबिटीज आणि इतर कार्डियोवॅस्क्युलर समस्यांचं मुख्य कारण आहे. पूर्वी हा रोग ४० ते ४५ वयोमर्यादा असलेल्या लोकांना व्हायचा, पण आता तर हा रोग २२ ते २५ वर्षांच्या तरुणांनाही होऊ लागला आहे.
संसर्गाचा धोका
जरासं कापल्यानेदखील त्वचेमध्ये होणाऱ्या भयंकर संसर्गाला सॅल्युलायटिस म्हटलं जातं. तुम्हाला जर मधुमेह असेल तर तुमच्या त्वचेच्या बाबतीत तुम्ही अधिक सावधगिरी बाळगा, कारण ब्लड ग्लूकोज लेव्हल जास्त असल्यास संसर्गाची अधिक असते.
सॅल्यूलायटिस एक गंभीर संसर्ग आहे, जो त्वचेच्या आतमध्ये पसरतो आणि त्वचा व त्याच्या अंतर्गत चरबीला प्रभावित करतो. लोक बऱ्याचदा सॅल्यूलायटिसला सॅल्यूलाइट समजतात. पण खरंतर दोन्ही वेगवेगळ्या गोष्टी आहेत. सॅल्यूलायटिज चरबीच्या आतला थर डर्मीज आणि त्वचेच्या आतल्या टिश्यूचा एक जंतूसंसर्ग असतो तर सॅल्यूलाइट त्वचेच्या आतमध्ये चरबी साचल्यामुळे होतो, जे दिसायला संत्र्यांच्या सालीसारखं दिसतं. सॅल्यूलायटिसचा सर्वात मोठा अपाय म्हणजे हा योग्यवेळी योग्य उपचार न मिळाल्यास फार वेगाने पसरतो.
सॅल्यूलायटिसपासून संरक्षण
* त्वचेला अपाय करणारं कठिण आणि अधिक कार्य करणं टाळा. असं काम निवडा ज्याने तुम्हाला जास्त थकवा येणार नाही. सर्वात महत्त्वाची गोष्ट म्हणजे ब्लड शुगरचा योग्य स्तर टिकवून ठेवा. ब्लड शुगर लेव्हल वाढण्याचा हा अर्थ आहे की शरीराची रोगप्रतिकारक शक्ती नक्कीच कमी असेल आणि अशावेळी जखम भरण्यास अडथळा येईल.
* कमी कार्बोहायडे्रट असलेल्या आहाराचं सेवन करा आणि फायबरयुक्त फळांचं भरपूर सेवन करा. तुम्ही आपल्यासोबत ग्लूकोज टेस्ट मीटर ठेवल्यानेदेखील तुम्हाला त्याच्या वृद्धिवर नजर ठेवण्यास मदत होईल.
* तुम्ही जर सॅल्यूलायटिसच्या ज्ञात असलेल्या लहानात लहान रिस्क फॅक्टरच्या कचाट्यात असाल, तर दररोज आपल्या पायांवर नजर ठेवा. जखमेवरही पूर्ण लक्ष द्या. त्चचेची सूज, लालसरपण यासारख्या लक्षणांवरही लक्ष ठेवा.
* जखम नीट करण्यासाठी डॉक्टरांचाच सल्ला घ्या. लक्षात ठेवा नियंत्रित तपासणीच्या अभावात लहानशी जखमही सॅल्यूलायटिसच कारण ठरू शकते. जखम असलेला भाग चांगल्याप्रकारे स्वच्छ ठेवा जेणेकरून तिथे पाणी लागू नये. डॉक्टरांच्या सल्ल्यानुसारच जखमेवर ड्रेसिंग करा आणि प्रत्येक वेळेस स्वच्छ ड्रेसिंगचाच वापर करा.
असं केल्यास तुम्ही मधुमेह असूनसुद्धा सुदृढ व्यक्तिसारखं जीवन जगू शकता. जीवनपद्धतीत थोडासा बदल करून तुम्ही तुमची ब्लड शुगर लेव्हलही नियंत्रित ठेवू शकता. ज्यामुळे तुम्हालाच स्वस्थ वाटेल.
