* मोनिका गुप्ता
हिवाळा सुरू होताच महिलांच्या पोशाखात विशेष असा बदल येऊ लागतो. थंडीपासून स्वत:चा बचाव करण्यासाठी महिला अनेक प्रकारचे उपाय करून पाहतात. काही तर या सीजनला फॅशन सीजनच समजतात. काही महिला असे काही कपडे परिधान करतात की त्यांना पाहून कडाक्याच्या थंडीतही आपल्याला घाम येऊ लागतो आणि हसू आवरता आवरत नाही.
तर मग या, काही महिलांनी परिधान केलेल्या काही अशाच खास पोशाख पद्धतींविषयी जाणून घेऊया, ज्या पाहून तुम्हालाही हसू आल्याशिवाय राहणार नाही.
प्रत्येक महिलेला सुंदर दिसावे असे वाटत असते आणि याची सर्वाधिक उदाहरणे थंडीच्या मोसमात पाहायला मिळतात. बदलत्या मोसमातसुद्धा यांना स्वत:ला इतरांहून वेगळे दाखवायचे असते. कधी कधी त्यांचा हा वेगळा लुक फनी लुक बनतो.
आता हेच पहा ना, आजच्या युवा मुलींच्या डोक्यावर कानटोपी, गळयात मफलर, लाँग जॅकेट, पण नजर जेव्हा त्यांच्या पायावरील पातळ चुडीदार किंवा सलवारवर जाते तेव्हा तुम्हाला घाम येणे निश्चित असते. तुम्ही हाच विचार करत राहता की अरे ही कोणती फॅशन आहे? डोक्याला थंडी वाजते, शरीर, हात सर्वाना थंडी वाजते, पण पायांना थंडी वाजत नाही.
अशा अनेक अंदाजात तुम्हाला महिलांचा अजब फनी लुक पाहायला मिळत असतो.
बारीक स्त्रीसुद्धा दिसू लागते जाडी
आता ज्या महिला अतिशय बारीक असतात, त्यांच्यासाठी तर फुग्यात हवा भरल्यासारखी परिस्थिती निर्माण होते. स्वेटरच्या ओझ्याखाली या बिचाऱ्या दबून जातात. स्वेटरवर स्वेटर, जे त्यांना जाड दाखवण्यासाठी पुरेसे असतात, पण कधी यांच्या गोलमटोल शरीरावरून नजर हटवून त्यांच्या चेहऱ्यावरही लक्ष द्या. अरे, शरीरावर तर स्वेटरचा थर चढवलात, पण चेहऱ्याचे काय. जरा विचार करा जेव्हा शरीर जाडजूड दिसतं आणि चेहरा मात्र बारीक तेव्हा ते किती फनी दिसत असेल.
ओळखणे कठीण आहे
काही महिला यादरम्यान स्वत:ला अशा काही झाकून घेतात की त्यांना ओळखणं मुश्किल होऊन बसते. इतकेच कशाला कुणी पती आपल्या पत्नीला, कुणी बॉयफ्रेंड आपल्या गर्लफ्रेंडला ओळखण्याआधी १० वेळा विचार करेल. जरा कुठे थंडी पडू लागली की या स्वत:ला अशा काही झाकून ठेवतात की जणू काही थंडीचा सर्वाधिक परिणाम यांच्यावरच होत आहे.
मफलर वुमन
थंडीचा मोसम येताच सोशल मिडियावर दिल्लीचे सीएम अरविंद केजरीवाल हे सर्वप्रथम निशाण्यावर असतात. कोणी त्यांना आले मफलर मॅन किंवा एक मफलर पुरुष अशा फनी टोपणनावांनी संबोधतात.
इतकेच नाही तर केजरीवाल यांची मफलर घालण्याची स्टाइल हल्ली फॅशन आयकॉन बनली आहे. काही महिला मोठया प्रमाणावर केजरीवाल मफलर परिधान करताना दिसून येतात. जर तुम्हाला वाटत असेल की केजरीवाल मफलर स्टाइल आहे तरी काय तर तुम्हाला आम्ही येथे सांगतो. खरंतर थंडीच्या मोसमात केजरीवालजी मफलर जरूर परिधान करतात. त्यांची मफलर घालण्याची स्टाइल फार वेगळी आहे. ते डोक्यापासून मानेपर्यंत मफलर गुंडाळून घेतात. हा केजरीवाल मफलर लुक इतका फेमस झाला आहे की सोशल मिडियावर याचे मिम्सही बनू लागले आहेत.
अनेक महिला आणि पुरुष या केजरीवाल मफलर अंदाजात दिसू लागले आहेत. ते स्वत:ला मफलरमध्ये असे काही गुरफटून टाकतात की जणू काही मफलर हटवला तर थंडी यांच्या मानगुटीवरच येऊन बसेल.
मोजे आणि चपलांची लढाई
थंडीपासून रक्षण करण्याचे आपण सर्व उपाय अजमावून पाहतो आणि हेच उपाय करताना आपण कधी कधी स्वत:लाच एक फनी लुक देत असतो.
आता तुम्ही कामावर जाणाऱ्या स्त्रियांकडेच पाहा ना. थंडीपासून बचाव करण्यासाठी स्वत:ला पूर्ण पॅक करून घेतात, पण कधी तुम्ही त्यांच्या पायांकडे पाहिले आहे का. विश्वास ठेवा तुम्ही आपले हसू रोखू शकणार नाही.
मोजे आणि चपलांची लढाई पाहायला फार मजा येते. आता या असे मोजे घालतात, ज्यामुळे यांची बोटे चपलांमध्ये सरकतच नाहीत. पूर्ण रस्ताभर ही लढाई सुरू असते आणि कधी कधी या लढाईत महिला पडता पडता स्वत:ला सांभाळताना दिसतात.
थंडीत नो मॅचिंग
थंडीसुद्धा कमालच करते. कधी तुम्हाला आळसाच्या रजईत स्वत:ला झाकून ठेवते तर कधी रंगबेरंगी कपडयात लपेटून टाकते.
थंडीपासून बचाव करण्याचे अनेक बहाणे शोधले जातात. ज्या महिला स्वत:ला नेहमी फॅशनेबल ठेवत होत्या, ज्या नेहमी प्रत्येक गोष्ट मॅचिंग करून घालत होत्या, तुम्ही पाहू शकता थंडी येताच हातमोजे वेगळया रंगाचे, जरा नीट लक्ष द्याल तर कळेल की मोजेही रंगीबेरंगी दिसतात. मग दिवसा थोडे गरम होऊ लागल्यावर जेव्हा या महिला आपला स्वेटर काढतात, तेव्हा तुमच्या लक्षात येते की यांची साडी वेगळी आणि ब्लाउज वेगळया कलरचा आहे. म्हणजे थंडी हा असा मोसम आहे जो काहीही करवून घेऊ शकतो.
मंकी कॅपची जादू
तुम्ही थंडीत पुरुषांना मंकी कॅप घालताना पहिले असेलच. पण जरा विचार करा, हीच मंकी कॅप जर महिलांनी परिधान केली तर ते कसे दिसेल. हा विचार करूनच हसू येऊ लागते की महिला आणि मंकी कॅप किती फनी लुक दिसेल जेव्हा महिला मंकी कॅपमध्ये दिसू लागतील.
बाहेर तर महिला मंकी कॅप घालत नाहीत, पण जेव्हा त्या घरी असतात तेव्हा थंडीपासून बचाव करण्यासाठी मंकी कॅपची जादूच कामी येते.
खरंतर मंकी कॅप डोक्यापासून मानेपर्यंत थंडीपासून संरक्षण देते आणि महिला जेव्हा घरात असतात, तेव्हा मंकी कॅप घालून थंडीपासून तर स्वत:चा बचाव करतातच, त्याचबरोबर क्युट आणि फनी लुकमध्येही दिसून येतात.
