* पूजा भारद्वाज
सणांचा काळ येताच, आपल्या हृदयात उत्सव आणि उत्साहाची एक नवीन लाट येते आणि घराची स्वच्छता सुरू होते. पावसाळ्यानंतर घराचे फिके पडणारे रूप सुशोभित करण्यासाठी, बहुतेक घरांमध्ये रंगकाम सुरू होते. असे केल्याने एकीकडे मनाला शांती मिळते तर दुसरीकडे घराचा प्रत्येक कोपरा पूर्णपणे स्वच्छ होतो.
सणांच्या काळात घरात पाहुण्यांचे येणे-जाणे सुरूच असते. अशावेळी घराला व्हाईटवॉश देऊन सजावट केल्यास घराचे सौंदर्य अधिकच वाढते. व्हाईटवॉशमुळे घराचे वातावरण इतके आकर्षक आणि सुंदर बनते की, घराकडे बघतच राहावेसे वाटते. जर तुम्हालाही तुमच्या घराला एक उत्तम आणि फॅशनेबल लूक द्यायचा असेल तर तुम्ही या पेंटिंग ट्रेंड्स निवडून तुमच्या घराच्या भिंती उजळवू शकता.
शाश्वत रंग
पर्यावरणाबद्दल वाढत्या जागरूकतेमुळे, २०२४ मध्ये बायो फ्रेंडली म्हणजे जैव-अनुकूल आणि लोवीओसी रंगांचा ट्रेंड वेगाने वाढत आहे. या रंगांची खास गोष्ट म्हणजे इतर रंगांच्या तुलनेत त्यांचा वास कमी असतो, ते पर्यावरणाला कमी हानी पोहोचवतात आणि टिकाऊ देखील असतात.
नैसर्गिक रंग
नैसर्गिक रंगांचा वापर २०२४ मध्ये वाढला, जसे की मातीचे रंग, हिरवे, निळे आणि सौम्य तपकिरी रंग अधिक लोकप्रिय होत आहेत. हे रंग घरात शांतता आणि निसर्गाच्या जवळचे वातावरण निर्माण करतात. विशेष करून बाहेरील भिंती रंगविण्यासाठी हे उत्तम पर्याय आहेत.
बोल्ड अॅक्सेंट
२०२४ पासून सौम्य रंगांसह बोल्ड आणि गडद अॅक्सेंट वापरणे देखील ट्रेंडिंगमध्ये आले. जसे की, भिंतीचा एखादा भाग गडद रंगात रंगवणे किंवा चमकदार रंगांनी फर्निचर सजवणे. अशा प्रकारे तयार केलेला कॉन्ट्रास्ट खूपच सुंदर दिसतो. ते बघणारा तुमच्या कौशल्याकडे पाहून देखील प्रभावित होतो.
मेटॅलिक फिनिश
घराला ग्लॅमरस आणि मॉडर्न लूक देण्यासाठी मेटॅलिक रंगांचा वापर केला जात आहे. विशेषत: लिव्हिंग रूम आणि डायनिंग रूममध्ये सोनेरी, तांबडे आणि चांदीसारखे धातूचे रंग वापरले जात आहेत. यामध्ये तुम्ही २ वेगवेगळ्या रंगांची थीम देखील निवडू शकता.
टेक्सचर पेंट
भिंतींना टेक्सचर देण्यासाठी टेक्सचर पेंट्स वापरण्याचा ट्रेंडही वाढला आहे. हे घराच्या भिंतींना एक खास लूक देतात आणि साध्या खोलीलाही आकर्षक बनवू शकतात. त्यांचा एक फायदा म्हणजे ते भिंतींच्या लहानसहान दोषांनाही झाकून टाकतात. यामुळे घराला एक वेगळा लूक मिळतो. जर तुम्हाला घरातील एका भिंतीला केंद्रबिंदू बनवायचे असेल तर तुम्ही तुमच्या आवडीचे टेक्सर बनवू शकता.
रंगांसोबत प्रयोग
२०२४ पासून, लोक पीच, मिंट ग्रीन आणि टेराकोटा यासारख्या नवीन आणि अनोख्या रंगांचा प्रयोग करत आहेत, जे घराला एक खास आणि ताजेतवाने लूक देतात. ते लावण्यापूर्वी, तुम्ही घराच्या भिंतीवर त्यांचा डेमो घेऊ शकता.
ग्रेडियंट पेंटिंग
भिंतींवर एकाच रंगाच्या वेगवेगळ्या छटा वापरणे देखील खूप लोकप्रिय होत आहे. ते घराला एक आधुनिक आणि स्टायलिश लूक देते आणि घरातील एका खोलीला दुसरी खोली जोडण्यास मदत करते. जर तुम्हाला याचा वापर करून लहान खोल्यांना एक भव्य लूक द्यायचा असेल तर तुम्ही ते वापरून पाहू शकता.
टीप
* रंगारी काम करत असताना तुम्ही स्वत: ब्रश आणि रोलरचा वापर करून पाहू शकता. यामुळे भविष्यात तुम्हाला रंगकाम करणं सोपं होईल.
* आता बाजारात पीपीई किट स्वस्तात उपलब्ध आहेत, रंगकाम करण्यापूर्वी ते खरेदी करा आणि त्याचा वापर करा.
* जर तुम्ही स्वत: रंगकाम करायला शिकलात तर २ खोल्यांच्या छोट्या फ्लॅटला रंगवण्यासाठी फक्त ४-५ हजार रुपये लागतील.
* तुम्ही स्वत: रंगकाम करा किंवा रंगारीकडून करून घ्या, भिंतींना एकसारखे फिनिशिंग देण्यास विसरू नका, सोबतच पुट्टी आणि प्रायमर वापरा.
