* सोमा घोष
साडी आणि लेहेंगा चोळी हा भारतीय संस्कृतीशी निगडित एक अतिशय खास पोशाख आहे. विशेष प्रसंगी तो परिधान केल्याने तुम्ही एकाचवेळी ग्लॅमरस आणि पारंपरिक दिसू शकता. कोणत्याही मुलीची खास दिवसासाठी साडी ही पहिली पसंती असते. या लग्नसराईत तुम्ही नवविवाहित वधू होणार असाल तर घाबरण्याची गरज नाही. या ५ सेलेब्सच्या लुक्सवरून तुम्हाला चांगली कल्पना मिळेल. चला, ते लुक्स कोणते, ते पाहूयात :
आलिया भट्ट
आलिया भट्ट आणि रणवीर कपूर यांनी त्यांच्या लग्नासाठी अतिशय सौम्य रंग निवडला होता. बहुतेक नववधू लाल आणि मरूनसारख्या रंगांना प्राधान्य देतात, तर आलिया ऑफ-व्हाइट साडीमध्ये अतिशय सुंदर वधू दिसत होती. खरंतर लग्नाची संकल्पना पांढरी आणि सोनेरी होती. यामुळेच वधू-वर या दोन रंगांच्या सब्यसाचीच्या पोशाखात दिसले.
कानातले, गळयातले, बांगडया आणि बिंदीसह आलियाने तिचा वधूचा लुक पूर्ण केला. तिची केशरचनाही खूप खास होती. एका वधूने लग्नासाठी केस मोकळे ठेवल्याचे बऱ्याच दिवसांनी पाहायला मिळाले. लग्नासाठी आलियाने अंबाडा किंवा हेअरस्टाइलऐवजी केस साधेच ठेवले होते. सुंदर बिंदीने तिची साधी केशरचना खास बनवली.
आलियाने तिच्या आयुष्यातील अतिशय खास दिवसासाठी विशेष मेकअप निवडला, जो तिच्या पेस्टल पोशाखाने परिपूर्ण दिसत होता. तिचा बेस ड्यूई होता. तिच्या गालांना किंचित गुलाबी रंग दिला गेला होता. तिच्या सुंदर लुकमागील रहस्य म्हणजे सेलिब्रिटी मेकअप आर्टिस्ट पुनीत बी. सैनी होते.
कतरिना कैफ
कतरिना कैफ आणि विकी कौशलचे लग्न गेल्यावर्षी ९ डिसेंबरला राजस्थानमध्ये झाले. त्यांच्या लग्नात पंजाबी लुक होता. त्यांच्या लग्नाकडे सर्वांचेच लक्ष लागले होते. कतरिनाचा लुक एकदम वेगळा आणि सुंदर होता, जो आजच्या नववधूंना आवडतो. कतरिना कैफने लाल रंगाचा सब्यसाचीचा लेहेंगा घातला होता. कतरिनाचा संपूर्ण लुक राजा-रजवाडयांच्या वधूसारखा होता. तिच्या लेहेंग्याची स्वत:ची अशी वेगळी खासियत होती.
या लेहेंग्यावर सोन्याच्या धाग्यांनी भरतकाम केले होते. कतरिनाच्या लेहेंग्याचा ब्लाऊज आणि दुपट्टयानेही तिच्या लुकला रॉयल लुक दिला होता. भरजरी लेहेंग्यात सोनेरी धाग्यांनी कलाकुसर केलेले भरतकाम होते. हाताने विणलेला मटका सिल्क, वधूच्या लेहेंग्यात नजाकतीने केलेले नक्षीकाम आणि मखमली भरतकाम जरदोसी काठाने जोडले होते. यासोबतच कतरिनाचे वधूचे दागिने म्हणजे बांगडया आणि हातफूल खास होते. कतरिनाचा मेकअप आर्टिस्ट डॅनियल बाउर होते, जे मेकअपमध्ये डोळे हायलाइट करण्यावर अधिक विश्वास ठेवतात. कतरिना कैफने तिच्या डोक्यावर एक भरजरी दुपट्टा घेतला होता, त्यावर इलेक्ट्रो प्लेटेड सोने आणि पिटा चांदीने हातानी केलेल्या नक्षीकमासह कस्टमट्रिम केले होते.
आजकाल दोन दुपट्टा घेण्याचा ट्रेंड आहे. कतरिनाने लेहेंग्यासोबत २ दुपट्टे घेतले होते. दोन्ही जवळपास सारखेच दिसत होते. कतरिनाने सब्यसाची ज्वेलरी कलेक्शन निवडले. कतरिनाने २२ कॅरेट सोन्याचे दागिने घातले होते, त्यासोबत तिने गळयात अखंड हिऱ्यांनी बनवलेला भारदस्त हार घातला होता. याशिवाय तिने मोठी नथ आणि कपाळाला भारदस्त राजस्थानी बिंदी लावली होती.
दीपिका पदुकोण
दीपिका आणि रणवीर सिंह यांचा विवाह नोव्हेंबर २०१८ मध्ये झाला. त्या काळात तिने सर्वांना वेगळया वधूच्या लुकची ओळख करून दिली. लग्नात दीपिकाने पारंपरिक साडीला विशेष महत्त्व दिले. कोकणी लुकसाठी, तिने बर्नट केशरी रंगाची कांजीवरम साडी नेसली होती, जी कोकणी परंपरेला प्रतिबिंबित करते, ज्यामध्ये जरीचे धागे, ब्रोकेड सिल्क कांजीवरम होते. यासोबत तिने दक्षिणेकडील मंदिरातील दागिन्यांसारखे दागिने घातले होते.
याशिवाय दागिन्यांमध्ये तिने गुट्टापुसालू नेकलेस, कानातले, बांगडया, चोकर, बिंदी इत्यादी परिधान करून एक वेगळा लुक केला, जो तिच्या ऑन-स्क्रीन वधूच्या पोशाखापेक्षा पूर्णपणे वेगळा होता. दीपिका पदुकोणचे दोन विधींनुसार लग्न झाले. तिने लाल रंगाचा लेहेंगा घातला होता. दीपिकाचा हा ब्रायडल लुक खूप लोकप्रिय झाला. लेहंग्याचे डिझाईनही तिच्या चाहत्यांना खूप आवडले. लग्नापूर्वी दीपिका पदुकोणच्या बंगळुरू या मुळ शहरात एका खास कार्यक्रमाचे आयोजन करण्यात आले होते. या प्री-वेडिंग सेरेमनीमध्ये दीपिकाने मँगो कलरचा सूट परिधान केला होता. तो फॅशन डिझायनर सब्यसाची मुखर्जी यांनी डिझाइन केला होता. दीपिकाची आई उज्ज्वला पदुकोणनेही सुंदर सिल्कची साडी नेसली होती.
मौनी रॉय
अभिनेत्री मौनी रॉयने गोव्यात मित्र सूरज नांबियारसोबत लग्न केले. मौनी आणि दुबईतील व्यावसायिक सूरज नांबियार बऱ्याच दिवसांपासून एकत्र फिरत होते. त्यांच्या लग्नाचे विधी दोन प्रकारे पार पडले. पहिला विवाह मल्याळी रितीरिवाजांनुसार तर दुसरा बंगाली रितीरिवाजांनुसार पार पडला.
मौनीने लाल रंगाचा लेहेंगा घातला होता, ज्यात ती खूप सुंदर दिसत होती. मौनी रॉयचा ब्राइडल लुक खूपच ग्लॅमरस होता. तिच्या लेहेंग्याचा रंग लाल होता आणि तिचा दुपट्टाही खूप खास होता.
मौनी रॉयने तिच्या मेहेदी समारंभासाठी पिवळया रंगाचा लेहेंगा घातला होता, त्यावर सोनेरी जरीकाम केले होते. या लेहेंग्यासोबत तिने कुंदन असलेली बिंदी आणि कानातले घातले होते. मौनी रॉय तिच्या हळदीत पांढऱ्या आणि सोनेरी रंगाच्या लेहेंग्यात दिसली, सोबतच तिने फुलांचे दागिनेही घातले होते.
मौनीने तिच्या बंगाली लग्नात डिझायनर सब्यसाचीने डिझाइन केलेला लाल लेहेंगा घातला होता. तिचे लग्न आणि ब्राइडल लुक खूप मस्त होता, जो लोकांना खूप आवडला. मौनीच्या वधूच्या दुपट्टयाच्या काठावर ‘आयुष्यमती भव’ असे लिहिले होते. मौनीच्या लेहेंग्याची किंमत लाखोंमध्ये होती.
मौनीच्या दागिन्यांबद्दल बोलायचे तर तिने पारंपरिक दागिने घातले होते, तिने तिच्या वधूच्या लुकसाठी हिरवे आणि सोनेरी छटा असलेले अखंड हिरे आणि पन्ना दागिने निवडले. पातळ नथीसह मौनीने कपाळाला भारदस्त बिंदी लावली होती. तिचा लेहेंगा लाल रंगाचा होता. पती सूरजने सौम्य सोनेरी रंगाची शेरवानी घातली होती.
गोव्यात झालेल्या मल्याळी लग्नात मौनीने लाल काठ असलेली पांढरी साडी नेसली होती. लांब वेणी आणि महागडया दागिन्यांसह मौनीने तिचा लुक पूर्ण केला.
पायल रोहतगी
पायल-संग्रामने १२ वर्षे जुन्या नात्याला लग्न असे नाव दिले. लग्नासाठी त्यांनी गुजरात किंवा हरियाणा नव्हे तर आग्रा शहर निवडले. जेपी पॅलेसमध्ये त्यांचे लग्न झाले. पायल आणि संग्रामने आग्रा येथील जेपी पॅलेसमध्ये ७ फेऱ्या घेऊन त्यांच्या आयुष्याचा नवीन प्रवास सुरू केला. पायल आणि संग्राम १२ वर्षांपासून प्रेमसंबंधात होते. इतकी वर्षे एकमेकांना चांगले ओळखल्यानंतर अखेर दोघांनी लग्न करण्याचा निर्णय घेतला. पायल रोहतगी लाल लेहेंग्यात अपेक्षेपेक्षा जास्त सुंदर दिसत होती.
पायल नाकात नथ, बांगडया आणि बिंदीमध्ये खूप गोंडस दिसत होती. तिने लाल रंगाचा लेहेंगा घातला होता, तर संग्रामने तिच्या पोषाखला मिळतीजुळती पांढऱ्या रंगाची शेरवानी घातली होती. पायल आणि संग्रामची प्रेमकथा फिल्मी कथेपेक्षा कमी नाही. पायलने ‘लॉकअप’ या शोमध्ये खुलासा केला होता की, ती कधीच आई होऊ शकत नाही. यामुळे ती संग्रामला दुसरीशी लग्न करण्यास सांगत होती, मात्र संग्रामने काहीही न ऐकता पायलशीच लग्न केले.
पायलच्या लुकबद्दल बोलायचे झाल्यास, मेकअप आर्टिस्ट चंदन भाटिया यांनी चमकदार हलका मेकअप केला होता, जो सर्व प्रकारच्या पोशाखांवर चांगला दिसतो. यासोबत पायलने क्लासिक रेड लिप्स आणि रोमँटिक वॉटरफॉल ब्रेडसला प्राधान्य दिले.
पायल आणि संग्राम यांनी एकमेकांशी मिळतेजुळते पोशाख घातले होते, ही आजकाल एक फॅशन आहे. दिल्ली आणि अहमदाबादच्या डिझायनर्सनी तिच्या लग्नाचे कपडे डिझाइन केले होते. पायलने लग्नाच्या दिवशी आजीने दिलेले दागिने घातले होते, कारण अशा दागिन्यांमुळे परंपरा जपण्यास मदत होते. तिच्या वधूच्या पोशाखासोबतच तिने तिच्या भावी पतीचा पोषाखही पसंत केला. पायलच्या वेडिंग लुकचीही खूप चर्चा झाली. पायलने हळदी समारंभासाठी पिवळया रंगाचा लेहेंगा निवडला होता, ज्यामुळे संपूर्ण वातावरण हळदीच्या रंगाने रंगलेले दिसत होते.
