* पाककृती सहकार्य: शेफ एम. रहमान
अवधी व्हेज बिर्याणी
काय लागेल
* २ कप बासमती तांदूळ * ७ चमचे साजूक तूप * १ छोटा चमचा जिरे * ८ लवंगा * १ तुकडा दालचिनी * १ तुकडा जावित्री * पाव टीस्पून जायफळ पावडर * ८-१० केशरचे धागे * २ सुक्या लाल मिरच्या * २ मोठ्या वेलची * ५ लहान वेलची * १ छोटा चमचा आल्याची पेस्ट * ८-१० तमालपत्र * १ छोटा चमचा कुटलेली काळी मिरी * अर्धा कप दूध केशर भिजवण्यासाठी * ४०० ग्रॅम भाज्या (फ्लॉवर, फरसबी, गाजर, मटार, सिमला मिरची) * ४ टोमॅटो * अर्धा चमचा पुदिन्याची पाने * १ चमचा लाल मिरची पावडर * १ चमचा जिरे पावडर * २ चमचे गरम मसाला * ३ कप पाणी * चवीनुसार मीठ.
कसं कराल
कुकरमध्ये तूप गरम करून सर्व मसाले घालून २ मिनिटे परतून घ्या. आता सर्व भाज्या घाला आणि पुन्हा २ मिनिटे परतून घ्या. भाज्यांचे मोठे तुकडे करा. त्यात टोमॅटो टाका, हलके परतून झाल्यावर दही घालून पुन्हा परतून घ्या. आता त्यात सर्व कोरडे मसाले घाला. त्यानंतर चिरलेला पुदिना घाला. थोडेसे मीठ टाका, आता या भाज्यांवर आधी भिजवलेल्या तांदळाचा थर लावा, त्यावर चिमूटभर गरम मसाला आणि एक चमचा तूप पसरवा आणि थोडी चिरलेली कोथिंबीर आणि पुदिना पसरवा, वरून केशर मिसळलेले दूध घाला. आता चवीनुसार मीठ टाका. एका काट्याच्या साहाय्याने तांदूळ हलकेच परता, जेणेकरून त्यात मीठ चांगले मिसळेल, त्यानंतर त्यात पाणी घालून कुकरचे झाकण लावून शिट्टी काढा, त्यानंतर गॅस बारीक करा आणि सुमारे ३ मिनिटे राहू द्या. त्यानंतर गॅस बंद करा. कुकर थंड होऊ द्या. त्यानंतर काट्याच्या मदतीने बिर्याणी हलक्या हाताने वर-खाली हलवा. तुमच्या आवडीच्या रायत्यासोबत खायला द्या.
तरकारी बिर्याणी
काय लागेल
* २० ग्रॅम गाजर चौकोनी तुकडे करून कापलेले * २० ग्रॅम फरसबी चिरून * २० ग्रॅम बटाटे चौकोनी तुकडे केलेले * ७५ ग्रॅम दही * थोडे आले आणि लसूण पेस्ट * ५ ग्रॅम हळद पावडर * १० ग्रॅम सुकी लाल मिरची * थोडासा लिंबाचा रस * थोडासा गरम मसाला * थोडा चिरलेला पुदिना आणि कोथिंबीर * १० ग्रॅम शाही जिरे * थोडेसे केशर * १ मिलीमीटर केवडा * १५ ग्रॅम तूप * १५० ग्रॅम बासमती तांदूळ * १० ग्रॅम कांदा भाजून * १० ग्रॅम वेलची पावडर * चवीनुसार मीठ.
कसं कराल
भाज्या डायमंड शेपमध्ये कापून तेलात तळून घ्या. नंतर त्यात तांदूळ, केवडा, वेलची पूड, धणे, पुदिन्याची पाने आणि गरम मसाला सोडून बाकीचे सर्व मसाले घालून तीन-चतुर्थांश होईपर्यंत शिजवा. त्यानंतर एका वेगळ्या कढईत थोडं तूप टाकून त्यात जिरे, आलं आणि लसूण पेस्ट टाकून थोडं परतून घ्या. बासमती तांदळात पाणी घालून शिजवा. नंतर भाज्यांच्या मसाल्यावर भात टाका. तूप, केशर पाणी, भाजलेला कांदा, केवडा, कोथिंबीर आणि गरम मसाला घालून झाकून घ्या. दम बासमती तांदळाला काही मिनिटे शिजवा आणि नंतर गरमागरम वाढा.
व्हेजिटेबल पुदिना पुलाव
काय लागेल
* ६० ग्रॅम चिरलेले गाजर * ८० ग्रॅम चिरलेली फरसबी * ४० ग्रॅम फ्रोजन मटार * ३० ग्रॅम बारीक केलेला फ्लॉवर * ५ ग्रॅम चिरलेला पुदिना * १० ग्रॅम किसलेले आले * १० ग्रॅम चिरलेली हिरवी मिरची * ५ ग्रॅम जिरे * ५० ग्रॅम साजूक तूप * २० ग्रॅम क्रीम * ५ ग्रॅम हिंग * ३० ग्रॅम तांबडी ग्रेव्ही * थोडी चिरलेली कोथिंबीर * १५ ग्रॅम कांदा भाजून * ३०० ग्रॅम बिर्याणी तांदूळ * ६० मिलीलीटर बिर्याणीचा घोळ * थोडेसे केवड्याचे पाणी.
कसं कराल
कढईत घोळ घाला, त्यात उकडलेल्या भाज्या घाला आणि त्यात पुदिना, आले, कांदा, केवड्याचे पाणी आणि साजूक तूपसोबत सर्व कोरडे मसाले घाला. नंतर या मिश्रणात शिजवलेला बिर्याणी तांदूळ घालून २-३ मिनिटे झाकून शिजवून घ्या आणि नंतर कांदा, पुदिना, आल्याच्या तुकड्यांनी सजवा. गरमागरम रायत्यासोबत खायला द्या.
बिर्याणी घोळासाठी काय लागेल
* १०० ग्रॅम क्रीम * १० ग्रॅम साजूक तूप * १५ ग्रॅम मस्का * २ ग्रॅम छोट्या वेलची पावडर * २ ग्रॅम खसखस पावडर * १ ग्रॅम जावित्री पावडर * ३ मिलीलीटर गुलाब पाणी * ३ मिलीलीटर केवडा पाणी * ५ ग्रॅम पिवळी मिरची पावडर * ५ मिलीलीटर लिंबाचा रस * पुदिन्याची काही पाने चिरलेली * ५ ग्रॅम चिरलेले आले * काही तमालपत्र * २ ग्रॅम अख्खी छोटी हिरवी वेलची * थोडीशी दालचिनी * १ ग्रॅम लवंग * १ ग्रॅम अख्खी जावित्री * २ ग्रॅम अख्खी काळी वेलची * ५० मिलीलीटर पाणी * चवीनुसार मीठ.
कसं कराल
कढईत तेल गरम करा, सर्व मसाले घालून तडतडू द्या. त्यानंतर क्रीम, पाणी आणि उरलेले साहित्य घाला आणि पाणी कमी होईपर्यंत तसेच बिर्याणीचा घोळ तयार होईपर्यंत शिजवा.
