* पूनम
नोकरी करणाऱ्या महिलेसाठी घर आणि ऑफिस दोघांचे एकत्र व्यवस्थापन करणे हे कुठल्या आव्हानापेक्षा कमी नाही. त्यांना दोन्ही ठिकाणी त्यांचे १०० टक्के योगदान देण्याच्या घाईगडबडीत कधीकधी त्यांच्या आरोग्याशी त्यांना खेळखंडोबा करावा लागतो तर काहीवेळा त्यांना चवीकडे दुर्लक्ष करावे लागते कारण त्यांच्यासाठी कमी वेळेत निरोगी आणि चवदार पदार्थ बनवणे सोपे नसते. पाककला तज्ज्ञ आणि शेफ पल्लवी निगम सहाय यांनी त्यांचा हा गोंधळ दूर करण्यासाठी आणि त्यांची स्वयंपाक करण्याची शैली सुलभ करण्यासाठी काही स्मार्ट टीप्स दिल्या आहेत :
साप्ताहिक जेवणाची योजना बनवा : जर आपणासही जेवणाच्या टेबलावर कुटुंबासमवेत दररोज सकाळी आरामात चहाच्या झुरक्याचा आनंद घ्यायचा असेल तर उद्या काय बनवायचे याचा विचार करत संपूर्ण रात्र घालवण्याऐवजी रविवारी संध्याकाळीच साप्ताहिक जेवणाची योजना बनवा. या यादीमध्ये सोमवारपासून रविवारपर्यंतच्या न्याहारी, दुपारचे जेवण आणि रात्रीच्या जेवणात आपण काय-काय बनवाल हे ठरवा व लिहा आणि मग त्याचप्रमाणे, त्याच क्रमाने दररोज न्याहारी, दुपारचे जेवण आणि रात्रीचे जेवण तयार करा.
आठवडयाच्या शेवटी खरेदी करा : एकदा आपली साप्ताहिक जेवणाची योजना तयार झाली की मग त्यानुसार आठवडयाच्या शेवटी एकदा खरेदीसाठी जा, खरेदीदरम्यान सोमवारपासून रविवारपर्यंतच्या दुपारच्या आणि रात्रीच्या जेवणात वापरल्या जाणाऱ्या भाज्या आणून फ्रिजमध्ये स्टोर करून ठेवा. अशाचप्रकारे जर तुम्ही न्याहारीमध्ये ओट्स, पोहा, उपमा, सँडविचसारखे पदार्थ बनवणार असाल तर किराणा दुकानातून सर्व सामग्री खरेदी करुन साठवा.
आठवड्याला अशी तयारी करा : जर आपण दररोज स्वयंपाक करताना वापरण्यात येणाऱ्या गोष्टी रेडी टू कुक कंडिशनमध्ये तयार करून घेतल्या तरीदेखील आपण आपला अनमोल वेळ वाचवू शकता, जसे की :
* आपण इच्छित असल्यास आले आणि लसूणची पेस्टदेखील बनवून ठेऊ शकता. हे आपले बरेच कार्य सुलभ करेल.
* जर आपण हिरव्या मिरचीची पेस्टदेखील तयार करुन ठेवली तर आपल्याला दररोज मिरच्या कापण्याची गरज भासणार नाही.
