* शोभा कटारे
नाती एका दिवसात बनत नाहीत आणि तुटतही नाहीत. ही एक दीर्घ प्रक्रिया आहे. जर तुमच्या दोघांमध्ये प्रेम आणि चांगला समन्वय असेल तर नात्यातील समस्या सोडवता येतात. जरी काही तक्रार असली तरी ती एकमेकांशी बोलून आणि ऐकून सोडवता येते.
आतल्या आत गुदमरून जाणे, प्रत्येक छोट्या गोष्टीवरून वाद घालणे आणि भांडणं करणे हे कोणत्याही नात्यासाठी, विशेषत: वैवाहिक नात्यासाठी घातक ठरू शकते. अनेकदा असे घडते की, जेव्हा नात्यात रुक्षपणा येतो तेव्हा तुमचा जोडीदार ज्या प्रकारे हसतो किंवा एखादा विनोद सांगतो किंवा तुमच्यावर टिप्पणी करतो तेव्हा तुम्हाला ते त्रासदायक वाटू शकते. म्हणूनच नात्यात थोडीशी गंमत करणे आवश्यक आहे, पण ही गंमत अंतहीन भांडणात बदलू नये याची काळजी घेणे ही तुमची जबाबदारी आहे.
राहुल आणि सुनीता यांचा दोन वर्षांपूर्वी प्रेमविवाह झाला होता, पण आता दोघांनाही एकमेकांसोबत राहाणे कठीण होत चालले आहे, कारण सुनीताच्या ज्या गोष्टी आणि सवयी लग्नापूर्वी राहुलला आवडत होत्या, त्या आता त्याला आवडत नाहीत.
सुनीतालाही राहुलबद्दल असेच वाटते, ज्यामुळे त्यांच्यात छोट्या गोष्टींवरूनही वाद आणि भांडणं होतात. त्यामुळे त्यांना एकमेकांसोबत राहाणे कठीण झाले आहे. अचानक नात्यात रुक्षपणा आला आहे. नाते पुढे न्यायचे की तोडायचे, याचा ते विचार करत आहेत.
आजच्या धावपळीच्या जीवनशैलीमुळे आणि वेळेच्या कमतरतेमुळे, अनेक जोडप्यांमध्येही असेच घडत आहे. काही काळानंतर, नात्यात रुक्षपणा येऊ लागतो ज्यामुळे तणाव निर्माण होतो आणि दोघेही ब्रेकअप म्हणजे तुटण्याच्या दिशेने वाटचाल करतात. आजकाल, याला ‘मोमेंट’ म्हणजेच असाही एक क्षण, असे म्हणतात.
असाही एक क्षण, म्हणजे काय
‘मोमेंट’ अर्थात असाही एक क्षण म्हणजे नाते तुटण्यापूर्वीचा एक धोक्याचा इशारा, तो जर वेळीच ओळखला नाही तर त्याचा तुमच्या नात्यावर परिणाम होऊ शकतो. मग नाते वाचवणे थोडे कठीण होऊ शकते.
लग्न स्वत:च्या मर्जीने असो, म्हणजे प्रेमविवाह असो किंवा ठरवून केलेले लग्न असो, दोन्ही परिस्थितींमध्ये जोडप्याला एकमेकांशी जुळवून घेण्यासाठी थोडा वेळ लागतो, कारण लग्नापूर्वी आणि लग्नाच्या पहिल्या काही वर्षांत किंवा दिवसांमध्ये आपण एकमेकांसोबत घालवलेला वेळ चांगला असतो. त्यानंतर आपण गुलाबी रंगाच्या चष्म्यातून नात्याकडे पाहातो आणि त्याचवेळी आपण ‘तुम्ही कोण आहात’ यावर लक्ष केंद्रित करतो, म्हणजेच तुम्ही कोण आहात हे जाणून घेण्याचा प्रयत्न करत राहातो, पण जसजसा वेळ जातो तसतसे आपण एकमेकांच्या सवयी आणि वर्तनाशी परिचित होतो.
