* प्राची भारद्वाज
कॉस्मेटिक्सचे रंगीबेरंगी जग महिलांना आकर्षित करते. सोबतच त्यांना आकर्षकही बनवते. तुमच्याकडे कॉस्मेटिक्समधील बारकावे माहिती करुन घ्यायला जास्त वेळ नसेल तर काळजी करू नका. आम्ही तुमच्यासाठी घेऊन आलो आहोत कॉस्मेटिक्सचा क्रॅश कोर्स.
कॉस्मेटिक्स टूल्स
फाऊंडेशन, पावडर, ब्लश, काजळ, आयलायनर, आयशॅडो, लिपस्टिक याशिवाय आता आणखी कितीतरी नवीन कॉस्मेटिक्स टूल्स बाजारात आले आहेत. जसे की :
* ब्युटी ब्लेंडर एक असा स्पंज आहे ज्याचा योग्य प्रकारे फाऊंडेशन व कंसीलर लावण्यासाठी वापर केला जात आहे. तो पाण्यात भिजवून वापरला जातो. यामुळे फाऊंडेशन व कंसीलर एकसारखे लागते तसेच चेहऱ्यावर नैसर्गिक चमक आल्यासारखे वाटते.
* सध्या चांगल्या प्रकारे मेकअप करण्यासाठी वेगवेगळे ब्रश उपलब्ध आहेत. गालावर कंटुरिंग करण्यासाठी, डोळयांवर आयशॅडोच्या लेअरिंगसाठी, पापण्यांवर आयलॅशेज कर्लर, अशा प्रकारे विविध ब्रश आहेत.
* हेअरड्रायर आणि हेअरस्ट्रेटनरची खरेदी करण्यापूर्वी सर्वप्रथम केसातील गुंता सोडवण्यासाठी चांगले ब्रश खरेदी करा. ओल्या केसांसाठी वेट ब्रश आणि कोरडया केसांसाठी डिटेगलिंग ब्रश वापरा.
* टॉवेल किंवा हातांनी चेहऱ्यावरील मेकअप पुसल्यामुळे चेहरा अस्वच्छ होण्याची किंवा किटाणूच्या संसर्गाचा धोका असतो. म्हणूनच आजकाल चेहरा पुसण्यासाठी फेशियल क्लिनिंग डिवाइस वापरण्याचा सल्ला दिला जातो. याचा वापर करुन केलेला मेकअप पुसून काढता येतो. याशिवाय ते तेलकट त्वचेसाठीही उत्तम आहे. मृत त्वचा काढून टाकण्यासही ते मदत करते. सोबतच चेहऱ्यावरील ब्युटी प्रोडक्ट शोषून घेण्याची क्षमताही वाढवते.
* सिलिकॉनने बनवण्यात आलेले मेकअप ब्रश क्लीनर घ्यायाला विसरू नका. इतर ब्रश वापरल्यानंतर खराब होतात, अशावेळी हे ब्रश तुम्हाला खूपच उपयोगी पडेल.
उत्तम मेकअप गुरू
* सर्वात आधी चेहरा धुवून किंवा वेट वाइप्सचा वापर करुन स्वच्छ करुन घ्या. त्यानंतर त्यावर गुलाबजाम टोनरचा स्प्रे मारा.
* चेहरा कोरडा असेल तर त्यावर चांगल्या प्रकारे मॉईश्चराईज लावून घ्या. पाऊस किंवा गरम होत असेल किंवा तुमची त्वचा तेलकट असेल तर मॉईश्चराईज लावू नका. गरमीत सनस्क्रीन नक्की लावा.
