* प्रतिनिधी
एक यशस्वी गायनोकॉलॉजिस्ट अर्थात स्त्रीरोगतज्ज्ञ म्हणजे ज्यांचे रुग्ण त्यांच्याशी त्यांच्या कौटुंबिक समस्या, जोडीदारासोबतच्या लैंगिक समस्या आणि पती-पत्नीचे नाते इत्यादींबद्दल मोकळेपणाने बोलू शकतात.
लैंगिक शिक्षण आणि पालकत्वासाठी ‘वर्ल्ड असोसिएशन ऑफ हेल्थ अँड कौन्सिल’ ही स्थापन करण्यात आले आहे, जेणेकरून लैंगिकतेच्या या समस्येबद्दल प्रत्येक ठिकाणी, प्रत्येक नर्सिंग होममध्ये एकाच छताखाली लैंगिक आणि पुनरुत्पादक अशी दोन्ही माहिती उपलब्ध होईल.
लैंगिक औषधांसाठी, लैंगिक समस्यांसह सर्व वैयक्तिक समस्यांबद्दल बोलणे आवश्यक आहे. लोकांना त्यांच्या वैयक्तिक समस्यांबद्दल काहीही संकोच न बाळगता बोलण्याची संधी मिळाली पाहिजे, जेणेकरून त्यांना समजेल की, त्यांच्या लैंगिक समस्या या इतर रोगांप्रमाणेच आहेत ज्या शरीराशी संलग्न असल्यामुळे वेदना होतात. लैंगिक समस्यांना गुप्त किंवा घाणेरडे समजणे चुकीचे आहे.
चाचण्या आणि उपचार
आजकाल प्रसूतीशास्त्रात नवनवीन शोध लागले आहेत. त्यांचे अनेक फायदे आहेत. इतर सर्व क्षेत्रांप्रमाणेच आता प्रसूती आणि स्त्रीरोगशास्त्रातही तांत्रिक प्रगती दिसून येते. सर्वोत्कृष्ट औषधे, नवीन वैद्यकीय यंत्रे चाचण्या आणि प्रयोगशाळेतील तपासणीसाठी उपयुक्त आहेत. गरोदरपणातील मधुमेह, रक्तदाब इत्यादी गंभीर परिस्थितीत तंत्रज्ञानातील नवीन प्रगतीच्या मदतीने बाळाला वाचवता येते.
प्रत्येक नर्सिंग होममध्ये न्यू बॉर्न इंटेन्सिव्ह केअर युनिट असणे आवश्यक आहे. ८००, ९०० ग्रॅम वजनाच्या जन्मलेल्या बाळांनाही वाचवणे आता शक्य झाले आहे.
काही कारणांमुळे अनेक जोडप्यांना मूल होऊ शकत नाही, पण आता नवीन वैद्यकीय शोधांच्या माध्यमातून त्यांना मदत करण्याच्या अनेक संधी उपलब्ध आहेत. आता त्यासाठी अनेक प्रकारच्या चाचण्या आणि उपचार घेता येतात. नवीन पद्धती वापरूनही त्यांना गर्भधारणा करता येत नसेल किंवा शक्यता कमी असेल तर दात्याचे वीर्य, दात्याची अंडी आणि सरोगेट मदर यांच्या माध्यमातून मदत मिळू शकते.
चांगला सल्ला का आहे महत्वाचा?
डॉक्टर काही जोडप्यांना मदत करू शकत नसतील तर त्यांच्या मनातून मूल दत्तक घेण्याबाबतचे गैरसमज दूर करून मूल दत्तक घेण्याचा सल्ला दिला जातो.
