- सोमा घोष
लहानपणापासून अभिनयाची इच्छा असलेली पूर्वी भावे अभिनेत्रीशिवाय एक अँकर आणि भरतनाट्यम नर्तिकादेखील आहे. कलेच्या वातावरणात जन्मलेली पूर्वीची आई वर्षादेखील एक शास्त्रीय गायिका आहे, परंतु पूर्वीने गायन स्वीकारले नाही तर नृत्य स्वीकारले आणि तिने गुरु डॉ. संध्या पुरेचाकडून भरतनाट्यमचे शिक्षण घेतले. पूर्वीला नृत्य आणि अभिनय या दोन्ही गोष्टी आवडतात, कारण त्या दोघांतही परफॉर्मोंसची संधी मिळते. तिने आपल्या कारकीर्दीची सुरूवात अभिनय आणि अँकरिंगद्वारे केली. तिच्या यशामध्ये कुटुंबाचा आधार खूप होता. पूर्वी तिच्या प्रवासाबद्दल काय म्हणते, आपण तिच्याकडून जाणून घेऊया :
तुला अभिनयात येण्याची प्रेरणा कशी मिळाली?
माझी आई एक अभिजात गायिका आहे. लहानपणापासूनच मी भरतनाट्यम शिकले आणि अजूनही नृत्य करते. परफॉर्मिंग आर्टस्मध्ये जाणे तर नक्की होते, पण हळू हळू मला वाटायला लागलं की मी अभिनयात जाऊ शकते. वास्तविक अभिनय हेदेखील चांगले प्रदर्शन करण्याचे माध्यम आहे, जिथे वेगवेगळया भूमिका साकारण्याची संधी मिळते.
तुला कुटुंबाने कशी मदत केली?
कुटुंबात प्रत्येकाचा आधार होता. दोन्ही पालकांचा पाठिंबा होता. माझे वडील केमिकल इंजिनिअर असले तरी त्यांना नेहमीच कला आवडते. कला आणि संस्कृती त्यांना खूप आकर्षित करते.
तुझा पहिला ब्रेक कधी आला?
प्रथम मी २०१२ मध्ये ‘पितृऋण’ चित्रपट केला. याआधी आणि नंतर मी अँकरिंग करत राहिले. यामुळे लोक मला ओळखू लागले होते. मग मी एक मराठी आणि प्रयोगात्मक नाटक केले. मी टीव्हीला टाळले. आता मी स्कूल, कॉलेज आणि लाइफ नावाचा एक मराठी चित्रपट केला आहे. हा हळू हळू होत राहिला, यादरम्यान, नृत्य शिकवण्याचे आणि अँकरिंग करण्याचे कामही चालूच राहिले.
अँकरिंग करणे, नृत्य करणे आणि अभिनय करणे हे सर्व एकत्र करणे तुझ्यासाठी किती अवघड आहे?
खूप कठीण आहे. कोणालाही नृत्य शिकवणे सोपे नाही. त्यांना सतत शिकवावं लागतं, पण माझ्याकडे काही सहाय्यक आहेत, जे हे काम सांभाळून घेतात आणि काम पूर्ण होते. योग्यरीतीने सर्व गोष्टी मॅनेज करणेदेखील कलाकारासाठी एक आव्हान आहे.
