* मिनी सिंग
फ्लर्टिंगच्या बाबतीत पुरुषांची अनेकदा बदनामी होते. असे मानले जाते की मुलींना पाहताच ते त्यांच्यावर लाईन मारण्यास सुरुवात करतात. त्यांना आकर्षित करण्यासाठी ते विविध क्रिया करतात. पण असे नाही. पुरुषांच्या तुलनेत महिला अशा ५ प्रकारचे सेक्सी बॉडी सिग्नल देतात, ज्यापासून पुरुषांना हा संकेत मिळावा की ते त्यांना आवडतात.
संशोधनात शास्त्रज्ञांनी मान्य केले आहे की स्त्रियादेखील फ्लर्टिंगमध्ये पुरुषांच्या तुलनेत मागे नाहीत. एका बायोलॉजिस्टनेदेखील आपल्या संशोधनात हे ही उघड केले आहे की पुरुषांपेक्षा महिला जास्त फ्लर्ट करतात.
हेलन फिशर नावाच्या या शास्त्रज्ञाने त्यांच्या ‘अॅनाटॉमी लव्ह’ या नवीन पुस्तकात खुलासा केला आहे की, स्त्रिया त्यांच्या अभिव्यक्तीद्वारे सांगतात की त्यांना पुरुषांमध्ये रस आहे की नाही. हे स्त्रीच्या स्मितहास्याने आणि डोळयांद्वारे ओळखले जाऊ शकते. हे संपूर्ण रहस्य उलगडण्यासाठी वॉशिंग्टनमधील मानववंश शास्त्रज्ञ डेव्हिड गिव्हन्स आणि सॅक्सोलॉजिस्ट टिमोथी पर्पर यांनी अनेक ‘बार’ आणि ‘क्लब’मध्ये शेकडो तास बसून जोडप्यांना त्यांच्या पहिल्या भेटीत पाहिले.
या संपूर्ण संशोधनात जे निष्कर्ष समोर आले ते खूपच आश्चर्यकारक होते, कारण त्यापैकी अर्ध्याहून अधिक प्रकरणांमध्ये महिलांनी पुढाकार घेतला होता. हेलन फिशर यांनी २०१० मध्ये २५,००० अविवाहित मुला-मुलींवर एक अभ्यास केला होता, ज्यामध्ये असे आढळून आले की सर्व वयोगटाच्या आणि रंगांच्या महिला अशा बाबतीत अधिक पुढाकार घेतात.
यानंतर २०१२ मध्ये, सुमारे ५० हजार पुरुषांनी कबूल केले की त्यांना कुणा महिलेने बाहेर भेटण्यासाठी आमंत्रित केले होते आणि यापैकी ९५ टक्के पुरुष या गोष्टीमुळे आनंदी होते. त्यांनी सांगितले की यामध्ये महिला आणि पुरुष दोघांचीही महत्त्वाची भूमिका असते, परंतु जर कोणी एकाने ‘इशारा’ चुकवला तर संपूर्ण गेमदेखील संपुष्टात येऊ शकतो.
फ्लर्टिंगची चिन्हे
काही चिन्हे जी स्त्रिया फ्लर्ट करण्यासाठी वापरतात जेणेकरून पुरुषांना त्यांची फ्लर्टिंग भाषा समजू शकेल :
* जेव्हा एखादी स्त्री संभाषणादरम्यान पुरेशी जवळ जाण्याचा प्रयत्न करते, तेव्हा याचा अर्थ असा होतो की तिला तो पुरुष आवडतो.
* जरी स्त्रिया पुरुषांपासून समान अंतर ठेवत असल्या तरी फ्लर्टिंग करताना त्या तुमच्याशी अधिक स्पर्शी होण्याचा प्रयत्न करतात. तथापि त्यासाठी त्या सॉरी बोलतील, पण ज्या पद्धतीचा त्यांचा स्पर्श असेल, त्यावरून तुम्हाला समजेल की हा फ्लर्ट आहे.
* जेव्हा एखादी स्त्री पुरुषासमोर तिचे केस वारंवार कानामागे घेते किंवा मग बोटांनी ते फिरवू लागते तेव्हा ती त्या पुरुषाकडे आकर्षित होत असल्याचे स्पष्ट होते.
* जर स्त्री बोलत असताना बराच वेळ आय कॉन्टॅक्ट ठेवत असेल किंवा विशेष प्रकारे नजर झुकवत असेल तर समजा की ती तुमच्याकडे आकर्षित होत आहे.
* तिच्या पुरुष मित्राला भेटताना त्याचे हसतमुखाने स्वागत करणे, तो दिसताक्षणी स्वत:चे कपडे व्यवस्थित करणे ही फ्लर्टिंगची चिन्हे आहेत.
* फ्लर्टिंगमध्ये पारंगत असलेल्या स्त्रीला हे चांगलेच ठाऊक असते की पुरुषाला कशाप्रकारे आपल्याकडे आकर्षित करून आपल्या मनातील गोष्ट त्याच्यापर्यंत पोहोचवता येईल.
* जर ती तुमच्याजवळ येत असेल किंवा स्पर्श करण्याचा प्रयत्न करत असेल तर हा तुमच्यासाठी ग्रीन सिग्नल आहे.
* फ्लर्टिंगमध्ये पारंगत असलेली स्त्री अतिशय हुशारीने तेवढीच त्वचा उघड करेल, ज्यामुळे पुरुषाचे लक्ष तिच्याकडे वेधले जाईल किंवा नंतर तिच्या विचारांमध्ये हरवले जाईल.
* फ्लर्टी स्त्री पुरुष मित्राकडे येईल आणि खूप मादक अदेने हळू-हळू काहीतरी बोलेल जेणेकरून त्याला समजेल की तो तिला आवडू लागला आहे.
महिलांना काय वाटते
* महिलांचा फ्लर्टिंगबद्दल काहीतरी वेगळाच विचार असतो. त्या म्हणतात की फ्लर्टिंगची कला तुम्हाला असे आनंदाचे क्षण जगण्याची संधी तर देतेच, शिवाय ते ताजेतवानेही करते आणि आता या कलेमध्ये त्यादेखील कोणाच्या मागे नाहीत, फक्त त्यांची पद्धत पुरुषांपेक्षा थोडी वेगळी आहे.
* स्त्रिया म्हणतात की फ्लर्टिंग तुम्हाला फ्रेश आणि रोमँटिक ठेवते. यामुळे तुम्हाला आत्मविश्वास मिळतो.
* स्त्रिया मानतात की जर कोणी त्यांच्या मनाला आवडू लागला असेल तर त्याच्याशी फ्लर्ट करण्यात काही गैर नाही.
* फ्लर्टिंगमध्ये दोन्ही पक्षांसाठी एक फील-गुड फॅक्टर जुडलेला असतो.
* स्त्रिया विचार करतात की कदाचित फ्लर्टिंगपासून सुरू झालेली गोष्ट प्रेमसंबंधांपर्यंत पोहोचेल.
* काहीवेळा लोक फ्लर्टिंगला तुमच्या चारित्र्याशी जोडून पाहू लागतात, अशा स्थितीत फ्लर्टिंग थोडे जपून केले पाहिजे आणि तुमच्यासारख्या खुल्या मनाच्या व्यक्तीसोबतच केले पाहिजे.
* चुकीच्या उद्देशाने फ्लर्टिंग कधीही करू नये. फ्लर्टिंगचा उद्देश हा असावा की तुम्ही ही आनंदी राहावे आणि समोरची व्यक्तीही.
* जर कोणी छान दिसत असेल तर त्याच्याकडे बघण्यात, त्याला पाहून स्मितहास्य करण्यात आणि बोलण्यात काही गैर नाही. मात्र हेतू उदात्त असावा.
* जर कोणी चांगले दिसत असेल तर त्याची प्रशंसा नक्कीच केली पाहिजे.
फ्लर्टिंगचे तोटे
फ्लर्टिंगमुळे तुम्हाला नुकसानही सहन करावे लागू शकते हे लक्षात ठेवा.
* भलेही तुमचा हेतू चांगला असेल, पण फ्लर्ट करणारी स्त्री समाजात चांगली समजली जात नाही. या मुद्दयावरून कुठे न कुठेतरी तिच्या चारित्र्याचा अंदाज घेतला जातो. लोक त्या स्त्रीबद्दल वेगवेगळया प्रकारच्या गोष्टी करू लागतात.
* फ्लर्टिंग करताना भावनिक ओढ असणे स्वाभाविक आहे. अशा परिस्थितीत फ्लर्टिंग खूप काळजीपूर्वक केले पाहिजे, अन्यथा नात्यात समस्या निर्माण होऊ शकतात.
* काही पुरुष महिलांच्या फ्लर्टिंगच्या शैलीचा गैरसमज करून घेतात आणि त्यांचे हावभाव चुकीच्या दिशेने घेतात. अशा परिस्थितीत फ्लर्टिंगची कला जाणण्या-समजण्याचा मार्ग योग्य असावा जेणेकरून पुढे तुमची फसवणूक होणार नाही.
संशोधकाचे म्हणणे आहे की त्यांच्या लैंगिक स्वारस्यांबद्दल स्त्रियांचे गैर-मौखिक संकेतदेखील पुरुष समजू शकत नाहीत. अशा परिस्थितीत महिलांच्या या हावभावांचा अर्थ समजून घेणे आवश्यक आहे.
