* प्रीति जैन
अभिनेत्री रेखाचं रहस्यपूर्ण सौंदर्य, श्रीदेवीचा निरागसपणा, माधुरीची मादकता, बिपाशाची जादू आणि करिश्मा व मलायकाचा ग्लॅमरस लुक पाहून हीच जाणीव होते की वय वाढूनही यांचं सौंदर्य अधिक खुलून गेलं आहे. ‘हुंह, ही तर सर्जरीची कमाल आहे,’ ही गोष्ट खरी असूनही पूर्णपणे खरी नाही; कारण चित्राचा एक पैलू सर्जरी आहे तर दुसरा योग्य मेकअप, हेअरस्टाइल आणि ड्रेस सेन्स.
तुम्ही सर्जरीशिवाय योग्य मेकअप तंत्र यांचा अवलंब करून फ्रेश, यंग आणि सुंदर दिसू शकता. यासाठी तुम्ही कोणत्या गोष्टींवर लक्ष दिलं पाहिजे हे जाणून घेऊ या.
चुकीची मेकअप हॅबिट
मेकअप चेहऱ्याची सुंदरता वाढण्यासाठीच केला जातो. परंतु हेवी मेकअप आणि चुकीचा हेअर कट व हेअरस्टाइलद्वारे तुम्ही आपल्या वयाहून अधिक वयाच्या दिसता. याउलट हाच हेअर कट व हेअरस्टइल आणि हलक्या व योग्य मेकअपने तुम्ही वयाने लहान, फ्रेश, यंग आणि गॉर्जिअस दिसता.
टिंटेड मॉश्चरायझरचा वापर करा
मेकअप करण्यापूर्वी साधारणपणे आपला चेहरा आपण स्वच्छ करून घेतो. परंतु चेहरा मॉश्चराइज करण्याकडे मात्र दुर्लक्ष करतो. खरं तर क्लिजिंग व टोनिंगनंतर मॉश्चरायझिंग अतिशय जरूरी असतं जेणेकरून मेकअप पैची दिसू नये. यासाठी थोडंसं टिंटेड मॉश्चरायझर हलक्या हाताने चेहऱ्यावर खालून वरच्या बाजूला ब्लेण्ड करा.
कन्सील डार्क सर्कल्स विथ राइट शेड
वयासोबत मानसिक तणाव, झोपेचा अभाव, जेवण्याच्या अयोग्य सवयी म्हणजेच फास्ट फूड वगैरेची आवड आणि कामाचा तणाव यामुळे डोळ्यांभोवती काळी वर्तुळं तयार होतात, जी तुम्हाला आपल्या वयाहून मोठं दाखवण्यात महत्त्वाची भूमिका साकारतात.
खूप गहिऱ्या ब्लू टोन डार्क सर्कल्सना यलो आणि पीच टींटेड कन्सिलद्वारे आणि लाइट सर्कल्सना स्किन टोनद्वारे लाइट शेडने ब्रश वा बोटांच्या मदतीने कन्सील करा आणि जास्त कव्हेरजसाठी आणि दीर्घकाळापर्यंत याचा प्रभाव कायम राखण्यासाठी ते पावडरने लॉक करा.
प्लंपिंग लिप्स
पातळ ओठ आणि त्याच्या आसपासची लूज स्किन तुमच्या वाढत्या वयाकडे इशारा करतात. बऱ्याचदा स्त्रिया डार्क कलरच्या लिपस्टिक वा डार्क लिप पेन्सिलने आपल्या ओठांना शेप देऊन तरुण दाखवण्याचा प्रयत्न करतात. याउलट डार्क कलरच्या वापराने तुम्ही अधिक मोठ्या वयाच्या दिसता; कारण त्या शेडच्या वापराने पातळ ओठ अधिक पातळ दिसतात आणि पार्टी वगैरेमध्ये खाल्ल्याप्यायल्यानंतर लिपस्टिक स्मज झाल्यामुळे भोवतालची स्किन वाईट दिसू लागते.
ओठांना प्लंपिंग इफेक्ट देण्यासाठी आउटर लायनिंगने भरून सुंदर आकार द्यावा आणि ओठांमध्ये लिपग्लॉसचा डॉट लावावा.
क्रिमी ब्लशर
वाढतं वय कैद करण्यासाठी क्रिमी ब्लशरचा वापरा करा; कारण पावडर ब्लशरच्या वापराने फाइन लाइन्स आणि स्किन टोनही डल वाटतो. त्यामुळे आपल्या स्किन टोन (लाइट, मीडियम आणि डार्क)नुसार क्रिमी ब्लशरचा वापर करा. हा तुम्हाला अधिक नॅचरल ग्लोइंग चीक्स इफैक्ट देण्यास मदत करेल, तेसुद्धा हेवी लुकशिवाय.
एंटीएजिंग आय मेकअप
वाढत्या वयाचा सर्वाधिक परिणाम डोळे आणि त्या भोवतालच्या त्वचेवर दिसतो. जसं की हार्मोन्सच्या असमतोलामुळे लॅशेज हलके होणं, रिंकल्समुळे आयब्रो नीट न दिसणं आणि डार्क सर्कल्स व डोळे संकुचन वगैरे. यासाठी तुम्ही हे करा.
आयब्रोज शेप : आय मेकअपपूर्वी आयब्रोज पॉइंट आर्च शेपमध्ये बनवा आणि लक्षात ठेवा की जितकं शक्य असेल आयब्रोजचा शेप जाडसर ठेवा जेणेकरून तुम्ही कमी वयाच्या दिसाल.
आयब्रोज मेकअप : यासाठी ब्राउन कलरच्या आयशेड वा पेन्सिलने आयब्रोजना शेप देत ट्रान्सपरण्ट मसकाराद्वारे आयब्रोज सेट जरूर करा.
लॅशेज कर्ल : डोळे उठावदार व तरुण दिसण्यासाठी आयलॅशेज कर्ल करणं अतिशय जरूरी आहे; कारण एका अंतराळानंतर आयलिड ढळलेले व लॅशेज फ्लॅट दिसू लागतात. त्यामुळे सुंदर व तरुण दिसण्यासाठी मसकाऱ्याचे २ कोट (एक सुकल्यावर दुसरा लावा) लावून लॅशेज कर्ल करायला विसरू नका. लक्षात ठेवा, मार्केटमध्ये वॉल्यूमायजिंग मसकारा उपलब्ध आहे. उत्तम रिझल्टसाठी हा लावून पाहा.
लाइट आयशेड : आयलिडच्या इनर कॉर्नरमध्ये लाइट शिमर आयशेडचा वापर करून तुम्ही डोळे मोठे व उठावदार दर्शवू शकता. आउटर कॉर्नरमध्ये तुम्ही मिडियम डार्क शेडचा वापर करा आणि ब्रो बोन लाईटशिमरद्वारे हायलाइट करा. लक्षात ठेवा की, हेवी ग्लिटर तुमच्यासाठी उपयुक्त नाही, त्यामुळे हा टाळा. लोअरलिडवर लाइट ब्राउन शेड वा पेन्सिलचा वापर करा.
परफेक्ट हेअर कट व कलर
तुमचा हेअर कटही तुम्हाला तरुण वा वृद्धांच्या श्रेणीमध्ये उभं करू शकतो. त्यामुळे नेहमीची वेणी वा अंबाडा याऐवजी काहीतरी नवीन ट्राय करा. उदाहरणार्थ, रूटीन हेअरस्टाइलपेक्षा एक चांगला हेअर कट करून घ्या. हा तुमचं सौंदर्य अधिक खुलवण्यास मदत करेल.
पण हेअर कटपायी तुमच्या घनदाट लांबलचक केसांना तिलांजली देऊ नका. लांबलचक केसांसोबतही तुम्ही सुंदर हेअर कट करू शकता. उदाहरणार्थ पिरॅमिड लेयर, फ्यूजन मल्ट्रिपल, इनोवेटिव्ह फैदर्स टच वगैरे.
याशिवाय ग्रे हेअर मेंदी लावल्याने तुमचं वय लपण्याऐवजी उघड होऊ शकतं. तेव्हा मेंदीऐवजी हेअर कलर व हायलायटरचा वापर करा जेणेकरून तुम्हाला गॉर्जिअस ब्युटी लुक मिळू शकेल.
