* गरिमा पंकज
स्त्रिया आज घराचा उंबरठा ओलांडून उच्च पदांवरही स्थानापन्न झालेल्या आहेत. मिस वर्ल्डचा किताब मिळवणे असो किंवा मिस युनिव्हर्सच्या कॉर्पोरेट जगतात नाव कमवायचे असो किंवा पुरूषप्रधान क्षेत्रांमध्ये उत्कृष्टतेचे सादरीकरण असो. महिला सामाजिक बेड्या तोडून आत्मविश्वासाने पुढे जात आहेत.
त्यांचे विचार बोल्ड झाले आहेत आणि त्याबरोबरच त्यांच्या लुक आणि व्यक्तिमत्त्वामध्येही बदल झाला आहे. पेहराव असो किंवा मेकअप बोल्डनेस आणि स्वातंत्र्य प्रत्येक पैलूमध्ये दिसून येत आहे.
चर्चेत राहणं आवडतं
हल्लीच दंगल फेम फातिमा शेख आपल्या बोल्ड फोटो शूटमुळे चर्चेत राहिली. फातिमाने इंस्टाग्रामवर २ बोल्ड फोटो शेअर केले. यात ती बीचवर स्विमसूटमध्ये दिसत आहे.
आज स्त्रिया अशा प्रकारच्या बोल्ड लुकद्वारे चर्चेत येण्यास घाबरत नाहीत, या उलट त्या याचा आनंद घेतात. बोल्ड लुकचे अजून एक उदाहरण मलायका अरोरासुद्धा आहे, जी नेहमी फॅशन आणि तिच्या बोल्ड स्टेटमेन्टसाठी चर्चेत असते.
क्रिएटीव्हिटीचे फंडे
आजकाल मुली आणि महिला फॅशनेबल आणि बोल्ड दिसण्यासाठी स्वत:ची अशी एक वेगळी स्टाइल बनवतात. स्टाइलमुळे स्वत:चे असे एक वेगळे स्थान निर्माण होते, जे लोक नेहमी लक्षात ठेवतात.
श्री लाइफस्टाइलच्या जॉइंट मॅनेजिंग डायरेक्टर शीतल कपूर म्हणतात, ‘‘तुम्ही कुठला फॅन्सी ड्रेस घातला आहे याच्याशी लोकांना देणेघेणे नसते. तुम्ही तो कशाप्रकारे सांभाळत आहात ही गोष्ट महत्त्वाची आहे. ड्रेस लोकांच्या नजरेत आला पाहिजे आणि तो त्यांना आवडला पाहिजे. मग तो इंडियन असो की वेस्टर्न, प्रयत्न करा अशी स्टाइल बनवण्याची जी वेगळीही असेल आणि तुम्हाला शोभेलसुद्धा.’’
‘‘उदाहरण म्हणजे साडी एक पारंपारिक पेहराव आहे. पण हल्लीच्या मुली बॉलीवुडमधील ताऱ्यांकडून प्रेरित होऊन त्यालाही ग्लॅमरस टच देतात. साडीसोबत मॅडरिन कॉलर ब्लाऊज, हॉल्टर नेक ब्लाऊज, लोकट स्लीवलेस आणि नेट स्लिव्ह ब्लाऊज घातल्याने खूपच स्टायलिश आणि बोल्ड दिसतात.’’
फॅशनचा परिणाम प्रत्येक वयावर
महिला आता स्वत:वर वयाचा प्रभाव जाणवू देत नाहीत. आजच्या काळात फॅशनचे परिणाम सर्वच वयोगटावर दिसून येतात. आई, आजी, आत्या आधी साड्या व पंजाबी ड्रेसशिवाय काही वेगळे वापरत नसत. आता त्यांनाही तितकेच मॉर्डन दिसायचे असते. जितक्या त्यांच्या मुली आणि सूना दिसतात. आता त्याही जीन्स, ट्राउजर, टीशर्ट आणि शर्टमध्ये स्वत:ला कंफर्टेबल समजतात व तरूण दिसण्याचा प्रयत्न करतात.
आत्मविश्वासासाठी बोल्ड मेकअप
गिनीज बुक ऑफ वर्ल्ड रेकॉर्डमध्ये नोंद असलेल्या मेकअप आर्टिस्ट इशिका तनेजा म्हणतात की मेकअपमुळे व्यक्तिचे बाह्य सौंदर्यच उठून दिसते असे नाही तर, यामुळे जगासमोर स्वत:ला सादर करण्याचा आत्मविश्वासही बळावतो. मेकअपद्वारे सुंदर बनून स्त्रियांच्या मनात आत्मविश्वास व चांगले घडण्याची मानसिकता ठासून भरली जाते. या आत्मविश्वासामुळे त्या जे काही काम करतात, त्यामध्ये त्यांना निश्चितच यश मिळते.
इशिका म्हणतात की मेकअप तुम्हाला गर्दीपासून वेगळे करतो. बोल्ड दिसण्यासाठी आजकाल ब्लॅक आणि ट्रान्सपरंट शेडच्या मस्काऱ्याऐवजी पिंक ग्रीन यलो असे कलरफुल मस्कारेही वापरले जातात. या कलरफुल शेड्स फक्त तुमचे डोळे मोठे व सुंदर बनवतात असे नाही तर ब्लॅक मस्काऱ्यापेक्षा जास्त आकर्षकही दिसतात.
बोल्ड लुकमध्ये लिपस्टिकच्या डार्क शेड्स जसे लाल आणि पिंक चेहऱ्याला आकर्षक लुक देतात एवढेच नाही तर डार्क कलर चेहऱ्याला जास्त काळ एनर्जेटिकही ठेवतात.
याचप्रमाणे डोळ्यांच्या स्मोकी लुकला बोल्ड मेकअपमध्ये जास्त पसंती दिली जाते, आयब्रोज पूर्णपणे वाढवून किंवा कुठल्याही आकाराशिवाय ठेवल्या जातात किंवा आकारही दिला जातो. पण मग पाँइंट्स न देता स्टे्ट ठेवल्या जातात. नखांना नवा लुक देण्यासाठी नेलआर्टचा वापर केला जातो.
कॉस्मेटिक सर्जरीने बोल्ड लुक
आज कॉस्मेटिक सर्जरीनेही कमाल केली आहे की लोक फक्त चेहराच नाही तर वॉर्ड पार्ट्सलाही नवा व बोल्ड लुक देऊ शकतात. मोठमोठ्या शहरातच नव्हे तर लहान लहान शहरातही बॉडी कंटूरिंग क्लिनिक उघडले आहेत. महिला जसे शिल्पा शेट्टीसारखे कर्व्ह, कॅटरिना कैफसारखे आकर्षक ओठ किंवा प्रियंका चोप्रासारखा सेक्सी लुक मिळवण्यासाठी व बोल्ड दिसण्यासाठी इथे लाखो रूपये खर्च करण्यासाठी मागे पुढे पहात नाहीत.
बीएलके सेंटर फॉर कॉस्मेटिक अॅन्ड सर्जरीचे डॉ. लोकेश कुमार सांगतात की कॉस्मेटिक सर्जरीद्वारे अनेक प्रकारे आकर्षक आणि बोल्ड लुक मिळवला जाऊ शकतो. जसे :
फेस लिफिटंग : फेस लिफिटंग दोन प्रकारे केले जाते. पहिली आहे पारंपरिक पद्धत ज्यात सर्जिकल प्रक्रियेद्वारा ढीली त्वचा आणि सुरकुत्या नीट केल्या जातात. हे पूर्णपणे एखाद्या ऑपरेशनप्रमाणे असतं आणि २-३ दिवस रूग्णालयात राहावं लागतं. सर्जरी करून पेशी व त्वचा घट्ट केली जाते.
ब्रेस्ट कंटुअर्स : अनेक स्त्रिया त्यांच्या स्तनांच्या आकाराने खुश नसतात. वाढत्या वयासोबत स्तनांचे सैलावणेही एक मुख्य समस्या आहे. ब्रेस्ट एनलार्जमेंट आणि ब्रेस्ट ऑगमेन्टेशनद्वारे स्तनांना मनासारखा आकार दिला जातो. ब्रेस्ट इनहांसमेन्टमध्ये सिलिकॉन इंप्लांट सर्वात जास्त प्रचलित आहे.
लिप सर्जरी : ही सर्जरी दोन कारणांनी केली जाते. एक तर ज्यांचे ओठ पातळ असतात त्यांच्यासाठी इनहांसमेंट सर्जरी केली जाते. या सर्जरीद्वारे ओठांमध्ये स्टफिंग करून त्यांचा आकार वाढवला जातो.
दुसरा प्रकार म्हणजे ज्यांचे ओठ मोठे आणि जाड असतात, त्यांच्यासाठी लिप रिडक्शन सर्जरी केली जाते. सर्जरीऐवजी एक नॉन सर्जिकल प्रकारही आहे ज्यामध्ये फिलर्सने ओठांच्या दिसण्यात बदल केला जातो.
नोज शेपिंग : काही लोकांचे नाक त्यांच्या चेहऱ्याला साजेसे नसते. सर्जरी करून नाकाच्या आकारात बदल केले जातात. म्हणजे ते त्यांच्या चेहऱ्याला शोभून दिसेल. या सर्जरीसाठी रूग्णालयात दाखल व्हावे लागते आणि पूर्ण बरे होण्यासाठी कमीत कमी दोन-तीन आठवडे इतका वेळ लागतो.
टॅटू : हल्लीच्या मुलींना आपला लुक कूल आणि बोल्ड दिसण्यासाठी वेगवेगळे टॅटू वगैरे काढून घेण्याचेही वेड आहे. काही मुली आपल्या आईवडिलांचे नाव किंवा कुटुंबातील एखाद्या सदस्याचे नाव असलेले टॅटू गोंदवून घेतात. बॉयफ्रेन्डचे नाव गोंदवून घेणाऱ्या मुलींचीही संख्या कमी नाही.
