* प्रतिनिधी
साधारणपणे टीनएज मुली डोळ्यांना काजळ आणि ओठांवर लिपग्लॉस लावतात आणि दिवसभर लावून ठेवतात. परंतु त्यांना हे माहीत नाही की डोळ्यांमध्ये काजळ लावल्याने अश्रूग्रंथी बंद होतात आणि डोळे कोरडे होतात. त्यामुळे मातांनी आपल्या मुलींना सूचित केलं पाहिजे की काजळाचा वापर करतेवेळी सावधगिरी बाळगा आणि केवळ नामांकित कंपनीचे म्हणजे बॅण्डेड प्रॉडक्टच वापरा.
अशाच प्रकारे मसकारा लावतेवेळीही या गोष्टी लक्षात घ्याव्यात. मसकाऱ्यामुळे पापण्यांवर कृत्रिम केमिकल कोटिंग होत असल्याने पापण्यांच्या केसांमध्ये ऑक्सिजन पोहोचत नाही आणि ते गळू लागतात.
असंच ओठांवरही सतत लिपग्लॉस लावून ठेवू नका. असं केल्यास ओठांचा नैसर्गिक रंग खराब होतो.
ओठांचा गुलाबीपणा सुरक्षित राखण्यासाठी पेट्रोलियम जेलीचा वापर करा. यामध्ये अॅण्टीसेप्टिक तत्त्व असतात. जर एखाद्या प्रसंगी मुलगी लिपस्टिक लावण्याचा हट्ट करू लागली, तर व्हिटॅमिन ई, ए आणि मॉश्चरायझरयुक्त लिपस्टिकच तिला द्या, जेणेकरून ओठांची त्वचा प्रभावित होणार नाही.
आजच्या मुली आपल्या लुक्ससाठी खूप सजग असतात आणि ही वाईट गोष्ट नाही, परंतु मुलीच्या त्वचेला कोणते प्रॉडक्ट् लाभदायक ठरतील वा हानिकारक ठरतील हे एक आईच चांगल्याप्रकारे तिला सांगू शकते. लक्षात घ्या, की ब्यूटी प्रॉडक्ट्स फक्त ब्रॅण्डेडच खरेदी करा.
