* शिखा जैन
विवेकला अनेक दिवसांपासून पत्नी आशूसोबत लैंगिक संबंध ठेवायचे होते, परंतु आशू कोणता ना कोणता बहाणा करून टाळत होती. दररोजच्या नकाराला कंटाळून शेवटी विवेक रागानेच आशूला म्हणाला की आशू, तुला काय झालंय? मी जेव्हा तुझ्यावर प्रेम करू लागतो, तेव्हा तू कोणता ना कोणता बहाणा करून टाळतेस. कमीत कमी मोकळेपणाने सांग तरी नेमकं काय झालंय?
हे ऐकून आशू रडतच म्हणाली हे सर्व करायला मनच लागत नाही आणि तसंही मूल तर झालं. मग या सर्वांची गरज काय?
हे ऐकून विवेक चकित झाला की त्याच्या पत्नीची कामसंबंधातील रूचि पूर्णपणे संपून गेलीय. असं का झालंय हे त्याला अजिबात समजत नव्हतं. याउलट त्याची पत्नी यापूर्वी या सगळ्या गोष्टींमध्ये खूपच रूची घ्यायची.
ही समस्या फक्त विवेकचीच नाही, तर असे अनेक पती आहेत, जे मध्यमवयात वा मुलं झाल्यानंतर अशा प्रकारच्या समस्यांना तोंड देत असतात.
स्वारस्य कमी का होतं
सेक्सॉलॉजिस्ट डॉ. बीर सिंहचं म्हणणं आहे की अनेकदा पतिपत्नीमध्ये प्रेमाची उणीव नसते, तरीदेखील त्यांच्यामध्ये सेक्सबाबत अडचणी निर्माण होतात. लग्नाच्या सुरुवातीच्या वर्षांमध्ये पतिपत्नीमध्ये सेक्सबाबत आकर्षण असतं, ते हळूहळू कमी होऊ लागतं. घरगुती जबाबदाऱ्या वाढल्यामुळे सेक्सबाबत उदासीनता वाढते. यामुळेच आपापसांत दुरावा वाढू लागतो. या समस्येतून बाहेर पडण्यासाठी पतिपत्नींनी एकमेकांशी आपापले अनुभव शेअर करायला हवेत. स्वत:च्या लैंगिक अपेक्षांबद्दल मोकळेपणाने बोलायला हवं. ज्या कारणांमुळे जोडीदार रूची घेत नाही ती दूर करण्याचा प्रयत्न करायला हवा. ही कारणं प्रत्येक युगुलांची वेगवेगळी असू शकतात. तुम्ही फक्त ती दूर करायला हवीत. मग पाहा पुन्हा पहिल्यासारखे तुम्ही आनंदी व्हाल.
हेदेखील एक कारण
वय वाढण्याबरोबरच एक स्त्री कामक्रीडेत पूर्वीसारखे स्वारस्य का घेत नाही? अमेरिकेत वैज्ञानिक आणि संशोधकांची एक पूर्ण टीम या प्रश्नाचं उत्तर शोधण्यात गुंग झाली. यामध्ये एक महत्त्वाची माहिती समोर आली, जी निश्चितपणे एक स्त्रीच्या सेक्ससंबंधी स्वारस्याचा शोध घेते. खरंतर हा प्रश्न स्त्रीचं वय आणि सेक्ससंबंधित आहे. अनेकांना वाटतं की स्त्रीचं वय तिच्या सेक्ससंबंधी स्वारस्यावर अधिक परिणामकारक ठरतं. असं मानलं जातं की, वय वाढण्याबरोबरच एक स्त्री कामक्रीडेत पूर्वीसारखे स्वारस्य घेत नाही.
खरंतर संशोधनामुळे एक गोष्ट स्पष्ट झाली की मध्यम वयोगटातील स्त्रियांमध्ये संभोगाच्या बाबतीत रूची होणं वा न होणं केवळ वाढत्या वयावर अवलंबून नसतं, तर त्यांच्या जोडीदाराचं आरोग्य कसं आहे? तसंच सेक्समध्ये ते किती रूची घेतात? यावर अवलंबून असतं.
भावनात्मक कारण
सर्वमान्य असलेल्या समजुतीविपरीत हे आढळलं की मध्यमवयीन स्त्रिया सेक्शुअली सक्रिय होण्याबरोबरच अनेक गोष्टींमध्येदेखील त्यांची रूची वाढताना दिसलीए. शोधानुसार ज्या स्त्रिया सेक्समध्ये सक्रिय नसतात त्यामागे कोणतं कारण आहे हे जाणून घेतलं तेव्हा समजलं की अनेक भावनात्मक कारणांमुळे त्यांची सेक्स आणि जोडीदारामधील रूची संपलेली आहे. जोडीदारामधील रूची कमी होणं वा एखाद्या अक्षमतेचा सरळ परिणाम स्त्रियांच्या यौन सक्रियतेवर होतो. अशा स्त्रियादेखील आहेत, ज्यांची सेक्समधील रूची संपण्याची इतर कारणंदेखील आहेत. परंतु त्यांची संख्या कमी आहे.
वयाशी कोणताही संबंध नाही
या शोधात मध्यम वयोगटातील सेक्ससंबंधी प्रत्येक आवडीनिवडीचा समावेश करण्यात आला होता. संशोधनाच्या दरम्यान स्त्रियांचा एक मोठा वर्ग सेक्शुअल अॅक्टिव्हिटीजमध्ये वय वाढण्याबरोबर अधिक सक्रिय होताना आढळला.
संशोधनात हे स्पष्ट समोर आलं की, कोणत्याही स्त्रीची सेक्ससंबंधी सक्रियतेचा तिच्या वयाशी कोणताही संबंध नाहीए. या आधारे मानसोपचारतज्ज्ञ आणि सेक्स सल्लागारांनी याची कारणं आणि सूचनादेखील ठेवल्या आहेत.
* लक्षात ठेवा की तुमचा जोडीदार एखाद्या औषधांच्या साइड इफेक्टमुळेदेखील सेक्समधील रूची हरवू शकतो. जर असं असेल तर डॉक्टरांचा सल्ला घ्या.
* अनेक स्त्रिया मानसिक दबावामुळेदेखील सेक्समध्ये रस घेत नाहीत.
* मुलांमध्ये अधिक व्यस्त झाल्यामुळे आणि सामाजिक मान्यतांमुळेदेखील स्त्रियांना वाटतं की सेक्समध्ये अधिक रूची घेणं योग्य नाही.
* अनेकदा मुलं झाल्यानंतर स्त्रिया आपल्या शरीराकडे दुर्लक्ष करतात आणि मग स्वत:ला कमी लेखू लागतात. यामुळेदेखील त्या सेक्सकडे दुर्लक्ष करू लागतात.
* वाढत्या वयात कुटुंब आणि कामाच्या वाढत्या जबाबदारीमुळे त्या थकू लागतात आणि सेक्ससाठी त्यांच्यामध्ये पर्याप्त एनर्जीदेखील उरत नाही.
* अनेक स्त्रियांना आपल्या पतीसोबत एकांत हवा असतो आणि असं जर झालं नाही, तर त्यांची सेक्सबद्दलची रूची संपते.
गायनोकॉलॉजिस्ट डॉक्टर अंजली वैशनुसार काही आजारदेखील असतात, ज्यामुळे त्यांची सेक्समधील रूची कमी होते. ड्रग्ज, दारू, धूम्रपान इत्यादींचं सेवन केल्यामुळेदेखील सेक्समधील रूची कमी होते. डायबिटीजचा आजारदेखील स्त्रियांमधील सेक्स ड्राइवला संपवितो. गर्भावस्थेच्या दरम्यान स्त्रियांमध्ये सेक्स ड्राइव कमी होतो, गर्भावस्थेच्या दरम्यान आणि त्यानंतर हार्मोन चेंजमुळे सेक्समध्ये महिला कमी रस घेऊ लागतात. जर डिप्रेशनची समस्या असेल तर त्या कायम त्याच्यामध्येच बुडून राहातात. त्या विचित्र गोष्टींमध्ये स्वत:ची सर्व एनर्जी लावतात, सेक्सबाबत विचार करण्यासाठी त्यांना वेळच मिळत नाही.
अनेक स्त्रिया खूप लठ्ठ होतात. लठ्ठपणामुळे सेक्स करताना त्यांना खूपच त्रास होतो. त्यामुळे त्या सेक्सपासून दूर राहू लागतात.
औषधंदेखील जबाबदार आहेत
मानसोपचार तज्ज्ञांच्या मते, अशी अनेक औषधं आहेत ज्यामुळे सेक्स लाइफवर त्याचा परिणाम होतो. सेक्ससाठीचे गरजेचं हार्मोन्स शरीराची गरज व संदेश मेंदूपर्यंत पोहोचविणारी तत्वं डोपामाइन व सॅरोटोनिन आणि सेक्सचे उत्तेजक भाग इत्यादींच्यामध्ये ताळमेळ साधणं गरजेचं असतं. डोपामाइन सेक्सक्रियेला वाढवतो आणि सॅरोपेनिन त्याला कमी करतो. जेव्हा औषधं हार्मोन्स स्तरात बदल आणतात तेव्हा कामेच्छा कमी होते. पेनकिलर, अस्थमा, ब्लडप्रेशर आणि हार्मोनसंबंधी औषधांनी कामेच्छामध्ये कमी होऊ शकते.
परंतु सेक्स लाइफमध्ये अरूची केवळ औषधांनीच येते असं नाहीए. त्यामुळे जर तुम्हाला सेक्सलाइफमध्ये बदल झाल्याचं जाणवत असेल, तर औषधं बंद करण्यापूर्वी चिकित्सकांचा सल्ला जरूर घ्या.
सेक्समध्ये रूची कशी निर्माण कराल
सेक्समध्ये गरजेचा आहे मसाज. जेव्हा जोडीदाराच्या कामुक भागांना हातांनी हळूहळू तेल लावून मसाज कराल तेव्हा तो त्याच्यासाठी अगदी नवीन अनुभव असेल. तेलाने तुमच्या आणि जोडीदाराच्यामध्ये जे घर्षण निर्माण होतं त्यामुळे प्रेम वाढतं आणि सेक्सची इच्छा जागते. मसाज एक अशी थेरेपी आहे, ज्यामुळे शरीराला आराम मिळण्याबरोबरच तुमचं स्वत:चं नीरसवाणं सेक्स लाइफदेखील पुन्हा पहिल्यासारखं बनू शकतं.
एक्सपेरिमेण्ट्स करू शकता : जर तुमचा जोडीदार सेक्शुअली एक्सपेरिमेण्ट करत नसेल तर फॅण्टसीच्या दुनियेत तुमचं स्वागत आहे. जर तुम्ही सेक्सबाबत उत्तम फॅण्टसी करू शकता तर तुमच्या बेडरूमच्या बाहेर न पडता तुम्ही तुमच्या पार्टनरसोबत जे करू इच्छिता ते फॅण्टसीच्या माध्यमातून अनुभूत करा. तुमची तुमच्या जोडीदाराबद्दलच्या सर्व तक्रारी त्वरित दूर होतील; कारण तुम्हाला तुमचा पार्टनर कल्पनेत सापडलाय.
वारंवार हनीमून साजरा करा : सेक्ससंबंधांत कंटाळा येऊ नये म्हणून पतिपत्नींनी दरवर्षी हनीमूनला जावं आणि याला फिरायला जाणं न म्हणता हनीमूनसाठी जातो म्हणावं. त्यामुळे त्यांच्यामध्ये एक्साइटमेण्ट राहील. जेव्हा हनीमूनसाठी जाल तेव्हा एकमेकांना पूर्वीच्या आठवणींची जाणीव करून द्या. अशाप्रकारे फिरणं आणि हनीमूनबद्दल गप्पा मारल्याने सेक्ससंबंधीच्या आठवणी जाग्या होतील.
सेक्समध्ये नवेपणा आणा : तुमची सेक्स करण्याची पद्धत एकसारखीच आहे का? आणि तुमच्या या पद्धतीला तुमची पत्नी कंटाळलीय का? यासाठी या विषयावर बोला आणि सेक्स करण्याच्या नित्याच्याच पद्धती सोडून नवनवीन पद्धती अमलात आणा. यामुळे सेक्ससंबंधांत एक नवेपणा येईल.
तुमच्या जोडीदाराला वेळ द्या : लग्नाच्या काही वर्षांनंतर काही जोडप्यांना वाटतं की सहवासातील रूची कमी झालीय. सहवास त्यांना एक डेली रूटीनसारखं कंटाळवाणं काम वाटू लागतं. म्हणून सहवासाला डेली रूटीनप्रमाणे घेऊ नका. उलट ते पूर्णपणे एन्जॉय करा. दररोज करण्याऐवजी आठवड्यातून भलेही एकदा करा परंतु ते मोकळेपणाने जगा आणि तुमच्या जोडीदाराला जाणीव करून द्या की हे असं करणं आणि त्याच्यासोबत असणं तुमच्यासाठी किती खास आहे.
सेक्स असं जे दोघेही एन्जॉय करतील : तुम्ही फक्त तुमच्या मनातलंच तुमच्या जोडीदारावर थोपवू नका. उलट सेक्समध्ये त्याची इच्छादेखील जाणून घ्या आणि त्याचा सन्मान करा. ज्या गोष्टींमध्ये तुम्ही कम्फर्टेबल आहात आणि एन्जॉय करू शकाल, ती गोष्ट करा.
नियमित सेक्स करा : ही गोष्ट खरी आहे ती तणाव आणि थकवा यामुळे पतिपत्नीच्या लैंगिक आयुष्यावर वाईट परिणाम होतो. परंतु हेदेखील तेवढंच खरं आहे की सेक्स हेच तुमच्या आयुष्यात निर्माण होणारे दबाव आणि अडचणींवर मात करण्याचं टॉनिक बनतं. म्हणून आठवड्यातून कमीत कमी ३ वेळा सहवास करा. यामुळे सेक्स लाइफमध्ये मधुरता येईल.
एकमेकांबद्दलच्या प्रेमाला पाठिंबा द्या : अनेकदा अनेक जोडप्यांच्या लग्नानंतरची काही वर्षं चांगली जातात; परंतु जसजसा काळ जातो तसतसा कामं व इतर कारणांनी त्यांच्यामध्ये दुरावा वाढतो, त्यांना एकमेकांवर प्रेम करण्याची संधी मिळत नाही. यामुळे त्यांच्यामधील सेक्ससंबंधांमध्ये दुरावा वाढू लागतो. वैवाहिक आयुष्यात उत्पन्न झालेल्या अशा प्रकारच्या समस्यांपासून वाचण्यासाठी आवश्यक आहे ते पतिपत्नींनी एकमेकांशी गप्पा मारण्यासाठी थोडा वेळ काढावा. एकमेकांशी चांगल्या गोष्टी कराव्यात आणि एकमेकांच्या गोष्टी ऐकाव्यात, तक्रारी दूर करण्याचा प्रयत्न करावा. एकमेकांचा सन्मान करावा. यामुळे सेक्स लाइफदेखील अधिक चांगलं होईल.
पुढाकार घ्या : अनेकदा स्त्रिया सेक्सबाबत पुढाकार घ्यायला संकोचतात, त्यामुळे तुम्ही पुढाकार घेण्यात काहीही वाईटपणा नाहीए, उलट तुमचं पुढाकार घेणं एका स्त्रीला सुखद अनुभूती मिळते. जर मुलं लहान असतील तर सेक्स लाइफमध्ये अडचणी येत राहातात आणि स्त्रिया एवढ्या मोकळ्या आणि रिलॅक्सदेखील राहू शकत नाहीत. अशावेळी मुलं झोपण्याची वाट पाहाण्यापेक्षा उत्तम म्हणजे जेव्हा संधी मिळेल तेव्हा प्रेमात हरवून जा.
फिटनेसचीदेखील काळजी घ्या : उत्तम सेक्स लाइफसाठी शारीरिक व मानसिकरित्या फिट राहाणंदेखील गरजेचं आहे. यासाठी समतोल आहार घ्या. थोडाफार व्यायाम करा. पुरेपूर झोप घ्या. सिगारेट, दारूचं सेवन करू नका.
कल्पना करा : सेक्स करतेवेळी तुम्हाला एखादा दुसरा पुरुष वा मग एखाद्या बॉलीवूड अॅक्टरची कल्पनादेखील उत्तेजित करत असेल आणि सेक्सचा आनंद वाढवत असेल तर असं करा. यासाठी मनात कोणत्याही प्रकारची अपराधी भावना आणू नका. असं करणं चुकीचं नाहीए. कारण सर्वांची सेक्स करण्याची आणि त्याबाबत विचार करण्याची पद्धत वेगळी असू शकते.
फ्रेश मूडमध्ये आनंद घ्या : पतिपत्नी जर दोघे वर्किंग असतील, व्यस्त असतील, रात्री उशिरा येत असतील, तर त्यांचं सेक्स लाइफ तसं डिस्टर्ब असतं. स्त्रियांना या गोष्टी एखाद्या ओझ्यासारख्या वाटतात. त्यामुळे त्या थकलेल्या असतील तर त्यांच्यावर जबरदस्ती करू नका. सकाळी उठून फ्रेश मूडमध्ये सेक्सचा आनंद घ्या.
सेक्सी संवाद चांगले असतात : सेक्ससाठी मूड बनविण्यासाठी काहीही करू शकता. तुम्हाला वाटत असेल की तुमचं डर्टी टॉक्स आणि डार्क फॅण्टसी ऐकून तुमच्या पार्टनरला आवडणार नाही, त्यामुळे तुम्ही या गोष्टी जर शेअर करत नसाल तर असं अजिबात नाहीए. खरंतर प्रत्येक जण आपल्या पार्टनरकडून अशा गोष्टी ऐकण्यासाठी आतुर असतो. त्यामुळे न संकोचता आपल्य पार्टनरसोबत अशा गोष्टी शेअर करा.
