* मोनिका अग्रवाल
आजकालच्या धावपळीच्या आयुष्यात पतीपत्नीमधील प्रेम हरवणे स्वाभाविक आहे. पती-पत्नी दोघेही आपापले काम व जबाबदाऱ्यांमध्ये इतके व्यस्त असतात की आयुष्य एका मशीनसारखे होऊन जाते. आश्चर्याची स्थिती तर तेव्हा होते, जेव्हा लग्नाच्या काही महिन्यानंतरच दोघे एकमेकांना समजू शकत नाहीत व अंतर वाढत जाते.
देवने जेव्हा आपला नवीन जॉब सुरू केला, तेव्हा बरेच महिने प्रचंड मेहनत केली. रात्रंदिवस फक्त आपल्या जॉबमध्येच बिझी असायचा. रात्री उशिरा घरी येऊ शकायचा. अशात त्याला आपली पत्नी सिमरनची साथ मिळाली नसती, तर कदाचित उद्दिष्ट गाठणे सोपे झाले नसते. सिमरनने केवळ पत्नीच नव्हे, तर एक मैत्रीण बनून त्याच्या प्रत्येक पावलावर व प्रत्येक निर्णयात त्याची सोबत केली.
सपोर्टिव्हही असावे : साधारणपणे बायका विचार करतात की नवऱ्याला बायकोचे रूप, शृंगार, वस्त्रे, प्रेम व गोड शब्द आवडतात, परंतु त्यांना फक्त याच गोष्टी आवडतात का? निर्विवादपणे, एक पती आपल्या पत्नीच्या नैसर्गिक सौंदर्याबरोबरच साजशृंगार व शालीनतेचादेखील चाहता असावा, परंतु सोबतच तो पत्नीचा साधेपणा, अनुकूलता, गहिरे प्रेम व साथ निभावण्याचे गुणही पसंत करतो. तो इच्छितो की त्याची जीवनाची सोबतीण फक्त नावाचीच सोबतीण नसावी, तर समजूतदार, भावना समजणारी, त्याच्या सुख-दु:खात साथ देणारी, सपोर्टिव्हसुद्धा असावी.
खोटेपणा नव्हे गहनता असावी : पती-पत्नीचे नाते तेव्हाच यशस्वी होते, जेव्हा दोघांमध्ये आपलेपणा असतो, खोटेपणा नव्हे. पतिला हे जाणवले पाहिजे की त्याची पत्नी जीवनाच्या प्रत्येक अडचणीत त्याची सोबत करेल. पत्नीची प्रेमपूर्ण साथ, त्याच्या गरजांना समजण्याची शक्ती व विश्वासच पतिचा आधार असतो, ज्याच्या बळावर तो जगातील साऱ्या अडचणींचा सामना आरामात करू शकतो.
आपसातील समजूतदारपणा : या नात्यात आपसातील समजूतदारपणा व विश्वास खूप गरजेचा आहे. एका पत्नीचीही हीच इच्छा असते की पतिने तिच्या भावना समजून घ्याव्यात व असा आधार बना, ज्याच्यासोबत ती जगातील प्रत्येक आव्हानाचा सामना करू शकेल. परंतु हे एकतर्फी नसावं, समजूतदारपणा फक्त पत्नीच दाखवेल, तर ताळमेळ बिघडेल. त्यामुळे एकमेकांसोबत पावलाशी पाऊल मिळवून चालावे व जीवनातील सगळया अडचणींचा भार उतरवून फेकावा.
गरजा समजून घ्या : पुष्कळ पती-पत्नी वर्षानुवर्षे एकमेकांच्या गरजा व भावना ओळखू शकत नाहीत, ज्यामुळे त्यांच्या दरम्यानचे अंतर वाढू लागते. एकाच छताखाली राहूनदेखील ते एकमेकांसाठी अनोळखी होऊन राहतात. मानसिकरित्या त्रस्त राहतात.
जर तुम्ही पतिचा जीवनसाठी बनू इच्छिता, तर पतिची आवड-निवड लक्षात ठेवा. यात तुम्ही फक्त आहार वा पेहरावापुरत्या मर्यादित नाही ना मी ज्या आवडीनिवडीबद्दल बोलतेय, ती आहे पॅशन व विचार यांची. पॅशन पूर्ण करण्यात त्यांचा सहकारी बना, जसे की जर ते लेखक आहेत, तर त्यांच्या लेखणीला काही नवे लिहिण्याची शक्ती तुमच्याकडून मिळायला हवी.
जर त्यांना क्रिकेट खेळ आवडतो तर तुम्हीही त्यात रस घ्या व जेव्हा ते दौऱ्यावर असतील, तेव्हा वेळोवेळी त्यांना स्कोर अपडेट करा. विश्वास ठेवा, यामुळे तुमच्या दोघांमध्ये विश्वास वाढेल व जीवन सुखी होईल. त्यांच्या श्रीमंत असण्याचे दरवेळी प्रदर्शन करू नका वा कमी पगार असेल तर अगदी असंतोष वा चेष्टाही करू नका.
रिकामेपण भरून काढा : सांगण्याचा अर्थ असा, की आपल्या पतिच्या जीवनाचे रिकामंपण भरून काढा. तुमचं खरं प्रेम व सोबत त्यांच्या जीवनातील प्रत्येक कमतरता पूर्ण करेल. यातच जीवनाचा आनंद आहे. जीवनाच्या प्रत्येक वळणावर चांगलेवाईट दिवस येत जात राहतात. एकमेकांवरील विश्वास कठीण परिस्थितीतदेखील हरू देणार नाही.
अनौपचारिक असावा आनंद : जीवनसाथी सोबत दु:ख वाटून घेतल्याने जितकं हलकं वाटतं, त्यापेक्षा कितीतरी आनंद त्याच्यासोबत आपलं हास्य वाटून घेतल्यानं मिळतं. जर तुमच्याकडे एक उत्तम लाइफपार्टनरची सोबत आहे, तर मग जीवनातील प्रत्येक लहानातील लहान आनंदातही तुम्ही खूपच अनौपचारिकपणे उत्साहाने हसाल.
एकमेकांकडून शिकू शकता : जर तुमच्या जीवनात एक चांगली महिला पत्नीच्या रुपात येते, तर तुमच्यासाठी ते फायदेशीर आहे, कारण तुम्ही तिच्याकडून पुष्कळ काही शिकू शकता. तुम्ही दोघे एकमेकांशी मोकळे राहाल. यामुळे तुमच्या दोघांमध्ये चांगले कम्युनिकेशन राहू शकेल ज्यायोगे तुम्ही दोघे एकमेकांकडून पुष्कळ काही शिकू व समजू शकता.
दोन शरीरे एक मन : पतिपत्नीला उगाच दोन शरीरे एक मन म्हटले जात नाही. एक खरी व प्रेमळ महिला जेव्हा एखाद्या पुरुषाच्या जीवनात येते, तेव्हा ती नेहमी हेच इच्छिते की तिचा जीवनसाथीची कायम प्रगती व्हावी. तुमच्या जीवनसाथीमध्येदेखील असेच गुण असतील, तर स्पष्टच आहे की तुम्हा दोघांच्या जीवनाचे उद्दिष्ट वेगवेगळे नसूव एकच असेल.
दोन मिनिट नुडल्सवाले प्रेम तर बाह्यप्रदर्शनासाठी चालू शकते, परंतू जीवन त्याच व्यक्तिसोबत आनंदाने व्यतीत होते, ज्यात हे सारे गुण आहेत. असे गुण फक्त मुलांसाठीच नव्हेत, तर मुलींसाठीही गरजेचे आहेत. नात्याची दोन्ही चाके बरोबर असतील तरच नात्याची गाडी दूरवर चालेल.
