– पूजा भारद्वाज
उन्हापासून वाचण्यासाठी स्त्रिया ओढण्या, स्कार्फ, सनग्लासेस, छत्र्या, इत्यादींचा वापर करतात, कारण उन्हात बाहेर पडल्यामुळे टॅनिंगचा त्रास होतो व नंतर हेच टॅनिंग पुन्हा कित्येक त्वचेच्या विकारांचे कारण बनते.
डॉ. रोहित बत्रा, त्वचारोग तज्ज्ञ, सर गंगाराम हॉस्पिटल, दिल्ली, अनइवन टॅनबद्दल म्हणतात की शरीराचे जे भाग उन्हाच्या संपर्कात जास्त येतात, तिथे टॅनिंगची समस्या होते. टॅनिंग सगळयात जास्त चेहरा, मान, पाठ वा दंडावर होते. टॅनिंगचा सगळयात जास्त परिणाम सावळ्या लोकांवर होतो. कारण त्यांच्यात मेलानिन जास्त असते व उन्हाच्या संपर्कात आल्याने त्यांचे शरीर अधिक प्रमाणात मेलानिन निर्मिती करते, जेव्हा की गोऱ्या लोकांना टॅनिंग होत नाही. उन्हात राहिल्याने त्यांना सनबर्न होतो, ज्यामुळे त्यांची त्वचा रुक्ष होऊन काळी पडते.
उन्हात बाहेर पडण्यापूर्वी शरीराच्या उघडया भागावर सनस्क्रिन जरूर लावावे आणि जर अधिक काळापर्यत उन्हात राहायचे असेल, तर दर दोन तासांनी सनस्क्रिन लावत राहावे. पूर्ण बाह्यांचे कपडे घालावेत.
डॉ. मोना स्वामी, होमिओपॅथिक कॉस्मेटोलॉजिस्ट सांगतात की तसे तर टॅन रिमूव्ह करण्याचे कित्येक इलाज आहेत, परंतु उत्तम हेच की टॅनिंगपासून वाचण्यासाठी उपाय केले जावेत. सनस्क्रिन, क्लिंजर, टोनर, मॉइश्चरायजर, नाईट सिरम इत्यादी टॅनिंगपासून वाचण्यासाठी मदत करतात.
केमिकल ट्रीटमेंट घ्या, टॅनिंगला पळवा
काहीवेळा आपण अशाप्रकारे टॅनिंगचे शिकार होतो की केमिकल ट्रीटमेंटचा आश्रय घ्यावा लागतो. आज बाजारात कित्येक प्रकारचे केमिकल व लेPर ट्रीटमेंट उपलब्ध आहेत. याविषयी विस्तृत माहिती पुढीलप्रमाणे :
केमिकल पील : ही एक अशी टेक्निक आहे, जी चेहरा, मान व हातांच्या त्वचेवर टॅनिंगचा परिणाम कमी उपयुक्त ठरते. केमिकल पीलद्वारे मर्यादित स्वरूपात टॉक्सिक केमिकल सोल्युशन त्वचेवर लावले जाते, ज्याने त्वचेच्यावरील स्तरावरील टिशू मरतात व त्यांचा एक स्तर कमी होतो. यामुळे त्वचा उजळते व टॅनिंग नाहीशी होते.
केमिकल पील ३ प्रकारच्या असतात
लंचटाइम पील, मिडियम पील व डीप पील.
फोटो फेशियल : टॅनिंगच्या समस्येपासून सुटका मिळवून देण्यात फोटोफेशियलदेखील खूप उपयुक्त आहे. सन डॅमेजमुळे त्वचेला इतके अधिक नुकसान होते, की मेडिकल ट्रीटमेंटचा आश्रय घ्यावा लागतो. फोटोफेशियल केल्याने त्वचेत जिवंतपणा येतो, परंतु हे फेशियल करण्यापूर्वी डॉक्टरांचा सल्ला जरूर घ्या.
कार्बन फेशियल : त्वचेचा तजेला तसाच ठेवण्यासाठी कार्बन फेशियल करणे गरजेचे आहे. हे केल्याने त्वचेत उजळपणा येतो व ही पूर्वीपेक्षा अधिक जिवंत वाटते. आजकाल कार्बन फेशियलची खूप चलती आहे, ज्याचे खास वैशिष्टय हे आहे की हे सर्व प्रकारच्या त्वचेला सूट करते. ही एक नॉन-इन्व्हेसिव्ह प्रक्रिया आहे. याला चारकोल फेशियल, चारकोल पील या नावानेदेखील ओळखले जाते. या फेशियलमध्ये पातळ कार्बनचा थर चेहऱ्यावर लावला जातो, जो रोमछिद्रांमधून आत प्रवेश करतो.
पीआरपी थेरपी : पीआरपी थेरपीला प्लेटलेट्स रिच प्लाज्मा थेरपीच्या नावाने ओळखले जाते. सूर्याच्या हानीकारक किरणांमुळे त्वचेचे खूप नुकसान होते, ज्यामुळे त्याचे तेज निघून जाते, परंतु या थेरपीद्वारे त्वचेला एक नवीन रूप देण्यात मदत मिळते. ही एक साधारण प्रक्रिया आहे, जी एक दोन तासांमध्ये पूर्ण होते.
घरगुती उपायसुद्धा फायदेशीर
हे घरगुती उपायदेखील टॅनिंगची समस्या दूर करतात.
एलोवेरा : हे एक असे रोप आहे, जे सहजरीत्या उपलब्ध होते. जितके फायदे एलोवेराचे सेवन करण्याने होतात, तितकेच ते लावण्यानेही होतात. एलोवेरा त्वचेपासून टॅनिंग दूर करण्यात मदत करते. पंधरा मिनिटांनंतर पाण्याने धुवावे.
केशर : केशर फक्त अन्नाची चव वाढवते असे नाही, तर टॅनिंगदेखील दूर करते. केशर सायीमध्ये मिसळून रात्रभर चेहऱ्यावर लावून ठेवावे. सकाळी चेहरा पाण्याने धुवावा.
हळद : ही पुष्कळ गुणांनी युक्त असते. ही चेहऱ्याचा रंगसुद्धा उजळ करते. एका संशोधनातून असे समजते की हळद क्रीममध्ये मिसळून लावल्याने त्वचेला सूर्याच्या हानिकारक किरणांपासून होणाऱ्या नुकसानीपासून वाचवले जाऊ शकते.
बटाटा : याचाही वापर टॅनिंग कमी करण्यासाठी करता येतो. बटाटा किसून टॅनिंग झालेल्या भागांवर लावावे. पंधरा मिनिटांनी स्वच्छ धुवावे.
