आंब्याचे रसरशीत पदार्थ

*प्रतिनिधी

मँगो लस्सी

साहित्य

* २ कप आंब्याचा गर

* १ कप दही

* अर्धा लिटर दूध

* साखर चवीनुसार

* अर्धा कप आमरस

* पाव छोटा चमचा वेलची पूड

* पाव छोटा चमचा केशर सजवण्यासाठी.

कृती

सर्व साहित्य एकत्र मिसळून ब्लेंडरमधून फिरवून घ्या व केशराने सजवून सर्व्ह करा.

कैरीचे पन्हे

साहित्य

* २ कैरीचे साल काढून कापलेले तुकडे

* अर्धा कप साखर

* पाव छोटा चमचा केशर

* अर्धा छोटा चमचा वेलची पूड.

कृती

एका भांड्यात कैरीचे तुकडे व साखर मऊ होईपर्यंत शिजवून घ्या. हे मिश्रण ब्लेंड करून यात वेलची पूड व केशर मिसळा आणि सर्व्ह करा. जर थोडे पातळ हवे असेल तर इच्छेनुसार पाणी मिसळा.