*प्रतिनिधी
आंब्याचे हिंगातील लोणचे
साहित्य
* ५०० ग्रॅम कैऱ्या
* ५० ग्रॅम मीठ
* १ मोठा चमचा हळद पूड
* पाव मोठा चमचा हिंग पावडर
* दीड मोठे चमचे लाल तिखट
* पाव मोठे चमचे मोहरीचे शुद्ध तेल.
कृती
कैऱ्या स्वच्छ धुऊन सोलून घ्या. छोटे छोटे चौकोनी तुकडे कापून घ्या. एका मोठ्या वाटीत कैरीच्या तुकड्यांना हळद व मीठ लावून काचेच्या बरणीत भरून ३-४ दिवस उन्हात ठेवा. नंतर भांड्यात काढून घेऊन मिरची पूड, हिंग व तेल (तापवून गार केलेले) मिसळून पुन्हा बरणीत भरून ४-५ दिवस उन्हात ठेवा. लोणचे तयार होईल.
बेबी कॉर्न लोणचे
साहित्य
* १ कप बेबीकॉर्न
* २-३ हिरव्या मिरच्या
* पाव छोटा चमचा लाल मिरची पूड
* पाव छोटा चमचा गरम मसाला
* २ लसूण पाकळ्या चिरलेल्या
* पाव छोटा चमचा हळद पूड
* अर्धा छोटा चमचा लिंबाचा रस
* पाव छोटा चमचा मोहरी पूड
* पाव कप शुद्ध मोहरीचे तेल
* मीठ चवीनुसार.
कृती
बेबीकॉर्न धुवून १ से.मी. तुकड्यांमध्ये कापून १-२ मिनीटे पाण्यात उकळून घ्या. तेल गरम करा व चिरलेला लसूण, हिरव्या मिरच्या व इतर मसालेही मिसळा. आता यात बेबीकॉर्न व लिंबाचा रस मिसळा. थंड करून बरणीत भरा.
आमरस
साहित्य
* १ किलो आंब्याचा गर
* पाव छोटा चमचा केशर
* १ कप साखर
* अडीच कप थंड दूध.
कृती
सर्व साहित्य मिक्सरमध्ये घालून तयार मिश्रण ग्लासात घालून गारगार सर्व्ह करा.
