* सोमा घोष
मराठी व्हिडिओ साँग ‘पप्पी दे पारूला’ मधून अभिनय क्षेत्रात पाऊल ठेवणारी अभिनेत्री स्मिता गोंदकर हिने मराठी आणि हिंदी चित्रपटात काम केले आहे. तिला नेहमी काहीतरी वेगळे काम करायला आवडते. याच कारणास्तव आजही तिला आव्हानात्मक भूमिका करायला आवडते. अभिनयाशिवाय तिला अॅडव्हेंचर खूप आवडते आणि ती स्टंट बायकरसुद्धा आहे. तिने जुडो आणि मार्शल आर्टचे व्यावसायिक प्रशिक्षणसुद्धा घेतले आहे. इतकेच नाही तर ती ‘बिग बॉस मराठी’ची ती सेकंड रनअपही होती. पुण्याच्या स्पष्टवक्त्या स्मिताशी बोलणे अतिशय मनोरंजक होते.
सादर आहे त्यातील थोडा भाग.
तुला अभिनयाची प्रेरणा कुठून मिळाली?
लहानपणापासून मला अभिनय करायला आवडायचे. ज्यात मी अनेकदा कॉलेजमध्ये मॉडेलिंगसुद्धा केले होते.
मला ब्युटी पेजेंट बनायचीसुद्धा इच्छा होती, पण मी हे कुणालाच सांगितले नव्हते, कारण कोणी याकडे गांभीर्याने पाहिले नसते. शिक्षण पूर्ण केल्यावर मी काही वर्ष अमेरिकेत नोकरी केली. मी थोडे दिवस सुट्टी घेऊन मुंबईला आले होते. यादरम्यान मला जे काम मिळाले, ते मी करत गेले. काही चित्रपटांमध्ये अभिनय आणि मॉडेलिंग केले आणि मी पुन्हा नोकरीवर रुजू व्हायची तयारी करू लागले. त्याच वेळी माझ्या वडीलांचे निधन झाले. मला आता घराबाहेर राहणे योग्य वाटत नव्हते आणि मग मी अभिनयालाच माझे करिअर बनवले.
इथवर पोहोचायला कुटुंबाकडून किती सहयोग मिळाला?
कुटुंबाने खूप पाठिंबा दिला. त्यांनी मला कधीच विरोध केला नाही, कारण मी आधी नोकरी केली होती आणि त्यांचा माझ्या निर्णयावर विश्वास होता. मी कुटुंबाविरोधात काहीही केले नाही. अभिनयसुद्धा मी माझ्या वडिलांच्या मर्जीनुसारच केला.
मराठी चित्रपटात प्रवेश कसा झाला?
मी हिंदी चित्रपटात चांगले काम करत होते. मला मराठी नाटक पाहायला आवडायचे, पण चित्रपट करावा अशी इच्छा नव्हती. मराठी दिग्दर्शकांचे नेहमी फोन येत असत पण मला असे वाटायचे की मराठी चित्रपट गावातील असेल, पण असे नव्हते. मी अनेक चित्रपट केले, ज्यात ‘मुंबईचा डबेवाला’ हा यशस्वी चित्रपट होता, जो लोकांना खूप आवडला, कारण हा मुंबईची हार्टलाईन डबेवाल्यांच्या जीवनावर बनवला गेला होता.
हिंदी आणि मराठी चित्रपटांमध्ये काय फरक जाणवतो?
मराठीमध्ये ठराविक बजेटमध्ये काम करावे लागते. म्हणून चित्रपटाचा होमवर्क खूप चांगल्या प्रकारे केला जातो. मराठी टीव्हीतसुद्धा काम चांगले असते, पण मराठी चित्रपटात वेगवेगळ्या भूमिका करायला जास्त मजा येते. म्हणून मला ते आवडतात. हिंदीत बऱ्याचशा गोष्टी सुरुवातीपासून माहीत नसतात, पण मोठ्या प्रोडक्शन हाऊसमध्ये माहीत असते. अनेकदा तर पेच पडतो की हिंदी मालिका करू की मराठी चित्रपट मराठी चित्रपटांनी मला खूप व्यस्त ठेवले आहे आणि त्यामुळे हिंदी करायची संधी मिळत नाही.
संघर्ष कसा होता?
मी बॅग पॅकसह मुंबईच्या संस्कृतीचा अनुभव घ्यायला अमेरिकेतून आले. मी अनेक प्रोडक्शन हाऊसमध्ये जाऊन ऑडिशन दिले आणि काम येऊ लागले. हळूहळू काम इतके वाढले की ३ महिन्याहून अधिककाळ लोटला आणि समजलेच नाही. सागर आर्ट्ससोबत मी खूप सारे काम एपिसोडिक केले आहे आणि तिथे मला टिव्हीविषयी खूप काही शिकायला मिळाले. याशिवाय ऑडिशन करतच अनेक गोष्टी शिकले. आता चांगले चित्रपट मिळणे आव्हानात्मक आहे. वर्कशॉपमधूनही खूप काही शिकायला मिळते.
असा चित्रपट ज्याने तुझे जीवन बदलले?
मी अनेक कॉमेडी चित्रपट केले आहेत आणि तेच मला मिळायचे. मी मराठी चित्रपटसृष्टीत अतिशय ग्लॅमरस दिसायचे. म्हणून तशा भूमिकाही केल्या, पण मला एक गंभीर चित्रपट करायचा होता आणि तो मला ‘मिसेज अँड मिस्टर अनवॉन्टेड’ मिळाला. यात मला काम करण्याची संधी मिळाली. हा चित्रपट अनेक फेस्टिवल्समध्ये गेला आणि बेस्ट अॅक्ट्रेसचे अनेक पुरस्कारसुद्धा मला मिळाले. हेच माझे यश होते.
किती फॅशनेबल आणि फूडी आहात?
स्टाईलिस्ट्सशी माझे बोलणे होत असते आणि इव्हेंटनुसार मी कपडे घालते. मला मेकअप करायला आवडत नाही. मला आरामदेय कपडे घालायला आवडते. कोणत्याही प्रकारचे कपडे मला चांगल्याप्रकारे कॅरी करणे माहीत आहे. मी संतुलित आहार घेते आणि आईच्या हातचे नॉनव्हेज मला खूप आवडते.
समरब्युटी तुमच्यासाठी काय आहे?
उन्हाळ्यात खूप पाणी पिणे आणि बाहेर जाताना सनस्क्त्रीन लावणे, ही दोन कामं मी नेहमी करते.
अभिनयाव्यतिरिक्त काय करायला आवडते?
मला स्टंट्सची खूप आवड आहे, म्हणून मी बाईक रायडींग करते. अलीकडे फॉर्म्युला ४ रेसिंगचा सराव करत आहे. वेळ मिळाला तर हेच करते. फिटनेससाठी योगा करते, कारण खूप प्रवास झाला तर जिमला जाणे शक्य होत नाही.
तुझा आनंदी राहण्याचा मंत्र काय आहे?
आतून शांत राहणे, जे आता फार कठीण होत चालले आहे. हे मिळवण्यासाठी योगा आणि मेडिटेशन करते, कारण सकारात्मक मानसिकता आणि व्यायामामुळे हे सोपे होते.
आवडता रंग – आकाशी किंवा झाडांसारखा रंग.
आवडती वेशभूषा – भारतीय आणि वेस्टर्न दोन्ही, विशेषत: साडी.
आवडते पुस्तक – द अल्केमिस्ट.
नकारत्मकता दूर करण्याचा उपाय – आपले शरीर बळकट ठेवणे.
आवडते पर्यटन स्थळ – देशात केरळमधील बॅक वॉटर्स आणि विदेशात सेशल्स आणि मालदीव.
परफ्युम – डियोर.
जीवनातील आदर्श – कोणाला दु:ख न देणे, सगळ्याचा मान ठेवणे, नाटकी लोकांपासून दूर राहणे.
सामाजिक कार्य – वयस्क आणि मानसिक दृष्ट्या अस्वस्थ मुलांची काळजी घेणे, मानसिक आरोग्यावर काम करणे
