* प्रिती जैन
करीना कपूर, विद्या बालन, कतरिना कैफ, अँजेलिना जोली, अमिषा पटेल, सोनाक्षी सिन्हा, प्रिती झिंटा, जरीन खान, समीरा रेड्डी अशा कितीतरी अभिनेत्री आहेत, ज्या सुंदर शरीराबरोबरच रेखीव चेहऱ्याच्या सौंदर्यवती आहेत. पण तुम्ही कधी हे पाहिले आहे की त्यांचा चेहरा त्यांच्या सडपातळ देहापेक्षा किती वजनदार आहे? नाही ना? कारण त्यांच्या चेहऱ्याचं सौंदर्य तुम्हाला वेड लावतं आणि त्याचं कारण आहे, स्लिमिंग मेकअप पद्धती, ज्यामध्ये कुठल्याही महागड्या सर्जरीशिवाय तुम्ही तुमचा चेहरा बारीक व सुंदर भासवू शकता.
परफेक्ट आइज
स्लिमिंग मेकअप पद्धतीमध्ये प्रामुख्याने चेहरा रेखीव केला जातो. जसे, जर तुमचे गाल गरगरीत असतील तर ते कमी दाखवण्यासाठी डोळ्यांचा मेकअप असा करावा ज्याने लहान डोळे मोठे दिसतील. यासाठी काही टीप्स वापरून पाहा :
* आर्टिफिशिअल आयलॅशेज वापरा. त्यासोबत नॅचरल लॅशेज एकत्रित करून मस्काराची डबल कोटिंग करा.
* आऊटर कॉर्नरवर लायनर स्मज करून लावा.
* ब्लॅक काजल ऐवजी व्हाइट पेन्सिलचा वापर करा.
* लायनर लावतेवेळी वरील पापणीवर लायनरची जाड रेघ आणि खालील पापणीवर पातळ रेघ ओढावी.
* कॅट आइज लुक तयार करा. पण जास्त काळा रंग वापरू नये तर ब्लॅक शेडला शेडिंग म्हणून वापरावं.
* डोळे मोठे दाखवण्यासाठी कलर ब्लास्ट किंवा कॉन्टॅ्रस्ट लायनरचा वापरसुद्धा करू शकता. हे बाजारात सहजतेने उपलब्ध आहे.
* लोअर लॅशेजवर ट्रान्सपरंट मस्कारा लावावा.
* डोळे बोल्ड दिसण्यासाठी कलर कॉन्टक्ट लेंसचा वापर करा.
* आयशेडचे २-३ रंग मॅच करून आय मेकअप केल्याने डोळे जास्त उठून दिसतात.
ज्यूसी लिप्स
स्लिमिंग मेकअप पद्धतीमध्ये गोबरे गाल कमी दाखवण्यासाठी ओठांना उठाव दिला जातो. मेकअप आर्टिस्ट स्लिमिंग मेकअप पद्धतींचा वापर करून स्किनटोननुसार अशा सेन्शुअल लिपस्टिक शेडचा उपयोग करतात, जी ओठांचे सौंदर्य अधिक वाढवते.
* लिपस्टिक नेहमी ओठांच्या कोपऱ्यापासून मधल्या भागात लावा.
* लिपस्टिक लावल्यानंतर त्यावर हलकेसे लिपग्लॉस किंवा हायग्लॉस जरूर लावावे.
* लिपस्टिक लावल्यानंतर मॅट इफेक्टसाठी टिशू पेपर ठेवून ओठांवर पावडर लावा.
* ग्लॅमर लुकसाठी रेग्युलर लिपस्टिकमध्ये गोल्ड पिगमेंट मिक्स करा.
* मॅक क्रेमस्टिक लिप लायनरने ओठांना सेन्सुअल लुक द्या. यामध्ये पुन्हा पुन्हा टचअप करण्याची गरज भासत नाही.
* डेड स्किन रिमूव्ह करण्यासाठी ओठांवर लिपबाम लावून टूथब्रशने जेन्टली रबिंग करा. यामुळे ओठांची डेड स्किन रिमूव्ह होऊन ओठ मॉइश्चराईज होतील.
* फनलविंग लुकसाठी रूबी रेड, प्लम, पिंक, स्पॅनिश पिंक, पीच इ.ची निवड करा.
* नाइट पार्टीमध्ये डार्क कलरची लिपस्टिक लावावी.
* लिपस्टिक पॉलिशड, मॅटी, फोमी, निओन इ, असावी. पण स्किनटोननुसारच लावावी.
फेस बेस मेकअप
स्लिमिंग मेकअप पद्धतींमध्ये फेस कंटूरिंगचे ज्ञान असणे खूप गरजेचे आहे. कंटूरिंगद्वारे तुमचे चीकबोन्स, व जॉलाइन उठावदार दिसते. गोबरे गाल, डबल चीन, मोठे नाक आणि पफी आइज असे प्रॉब्लेमही कव्हर करू शकता. यासाठी तुम्ही स्किन शेडहून २-३ डार्क शेड फाऊंडेशनचा वापर कंटूरिंग करण्यासाठी वापरू शकता. तसेच फाऊंडेशन स्किनहून २-३ लाइट शेडची निवड हायलायटिंगसाठी करा.
हायलायटिंग एरिआ
बेसिकली टी झोन (कपाळामध्ये, नाकामधील ब्रीज लाईन व चिन सेंटरमध्ये) आणि अंडर आय एरिआला हायलायटिंग पॉइंट म्हटले जाते.
डार्क शेंडिग एरिआ
आउटर पोर्शन फेस चीक बोन्सपासून आतल्या दिशेने नेक लाइन शेडिंग पाँइंट आहे, जिथे डार्क फाउंडेशनशेडचा वापर करा. लक्षात ठेवा नॅचुरल लुकसाठी ब्लेडिंग जरूर करा.
ब्लशर पद्धत
एकाच ब्लशर पॅलेटमधील ३ रंगांचे ब्लशटोन घ्या. डार्क शेडचे ब्लशर चीकबोन्सच्या खालच्या दिशेने लावावे. मग ब्लेन्ड करा. मिडिअम शेड चीकबोन्समध्ये आणि डार्क शेड मधल्या भागात ब्लेन्ड करा. परफेक्ट ब्लशर टोनसाठी लाइटशेड ब्लशर पुन्हा चीकबोन्सवर लावून ब्लेन्ड करा.
परफेक्ट आयब्रो
आयब्रोजनेसुद्धा चेहरा बारीक दिसू शकतो. यासाठी आयब्रोला आर्च शेपमध्ये करून घ्या. यामुळे डोळे जास्त मोठे आणि उठावदार दिसतील आणि चेहरा स्लिम दिसेल. आयब्रोज डिफाइन करण्यासाठी हायलायटर लावून बोटाने ब्लेन्ड करा. आयब्रो शेप थिक व लाँगलेन्थ बनवा.
बेस्ट हेअर कट-हेअरस्टाईल
मिडिअम लेन्थ हेअर विथ साइड बॅग्स कटची निवड करा किंवा मिक्स लाँग लेन्थ लेअर किंवा फेअर कटिंगची निवड करा. ज्यामुळे चेहरा स्लिम दिसतो. पण केस जर लहान असतील तर शार्प बॉब विथ स्टे्रट पाँइंटने न्यू कट देता येऊ शकतो. ज्यामुळे सौंदर्य उठून दिसेल. याशिवाय बोल्ड बँग्स, सिल्क विथ स्टे्रट कट, मल्टीलेअर्स, ए लाईन स्टे्रट कट, हाय बन विथ बॅग्स, वॉटर फॉल ट्व्सिट विथ कर्ल्स, हाफ अपडू फंकीबन, ओपन हेअरस्टाईल विथ कर्ल्स, टाइट कर्ल विथ फ्रिंज्स, साइट स्विस्ट कर्ल, वन साईड बँग्स, हाय पफ विथ लूज पोनीटेल, लूज फंकी ब्रोकन कर्ल्स, लेअर कर्ल विथ टेक्चर इ. हेअर कट व हेअरस्टाइल चेहऱ्याला स्लिम आणि तुम्हाला हॉट, गॉर्जिअस व आकर्षक लुक देऊ शकेल.
