* गरिमा पंकज
डेस्टिनेशन वेडिंग म्हणजेच वेडिंगच्या वेळी संपूर्ण धमाल-मस्ती आणि रोमांचक क्षण. आजकाल सेलिब्रिटी असोत किंवा सामान्य माणसे सर्वजण आपल्या विवाहाच्या क्षणांना स्मरणीय आणि आनंदी बनविण्यासाठी डेस्टिनेशन वेडिंगची निवड करतात.
अलीकडेच चित्रपट अभिनेत्री अनुष्का शर्मा आणि क्रिकेटर विराट कोहलीचे डेस्टिनेशन वेडिंग खूप चर्चेत होते. विवाहसोहळा इटलीमध्ये संपन्न झाला होता. आपला खास मित्रपरिवार आणि कुटुंबीयांना सहभागी करून, फेअरी टेल थीमनुसार त्यांनी आपले सात फेरे स्मरणीय बनविले.
वेडिंग कन्सल्टंट आणि मेकओव्हरच्या क्षेत्रात नाव कमावलेल्या आशमीन मुंजालने नुकतेच आपली मुलगी ऐनी मुंजालसह मिळून वेडिंग आपल्या व्हेंचर स्टार्सट्रक वेडिंगची सुरुवात केली आहे.
वेडिंग डिझायनर म्हणून आशमीन मुंजाल सांगते की डेस्टिनेशन वेडिंगचा अर्थ, आपले घर आणि शहरापासून दूर (कमीतकमी १०० मैल) एखाद्या सुंदर ठिकाणी जाऊन विवाहसोहळयाचा कार्यक्रम संपन्न करणे. इथे वर-वधू आपले कुटुंब, निवडक नातेवाईक आणि मित्रांसोबत ३-४ दिवस क्वालिटी टाइम घालवतात. कधी काळी पाहिलेलं स्वप्न प्रत्यक्षात उतरवण्याचा हा प्रयत्न असतो.
थीमवर आधारित डेस्टिनेशन वेडिंग
डेस्टिनेशन वेडिंग कोणत्या ना कोणत्या विशिष्ट थीमवर आधारित असते. विवाहाच्या वेगवेगळया कार्यक्रमांसाठीही वेगवेगळ्या थीम निवडल्या जाऊ शकतात. काही मुख्य थीम आहेत- हवाईन थीम, बॉलीवूड थीम, रजवाडा आणि मोगल थीम, फेयरी टेल थीम, जंगल बुक थीम, वॉटर, कोरल आणि रेड कारपेट थीम.
लोकेशनची निवड
आपली इच्छा असेल तर आपण शहराच्या आजूबाजूच्या लोकप्रिय लोकेशनची निवड करू शकता. उदा. गोवा, केरळ, जयपूर, आग्रा, उदयपूर वगैरे किंवा मग परदेशी लोकेशन्स उदा. मॅक्सिको, हवाई, युरोप, दुबईसारख्या ड्रीम प्लेसेसपैकी एखादे स्थान, जे आपल्या बजेटमध्ये असेल, त्याची निवड करू शकता.
आशमीन सांगते की डेस्टिनेशन वेडिंगचा अर्थ असा नव्हे की, तुम्हाला तुमचा खिसा जास्त सैल करावा लागेल. आपण प्रत्येक बजेटमध्ये आपल्या मनपसंत विवाहाचा आनंद घेऊ शकता.
२ लाखांपेक्षा कमी बजेट असेल तेव्हा : फालतू खर्च न करता आपण कमी बजेटमध्येच जास्तीतजास्त रोमांचक विवाहसोहळयाचा आनंद लुटू शकता.
वेन्यू : आजूबाजूचे बँक्वेट हॉल, फार्म हाऊस, कमी बजेटमधील व्हिला इ. खूप पर्याय असतात. जिथे जास्त सजावटीचीही आवश्यकता नसते. रात्रीऐवजी दिवसा विवाहसोहळा पार पाडला, तर विजेचा खर्च वाचविता येऊ शकतो. गरमीच्या दिवसांत संध्याकाळच्या वेळी ओपन एरियामध्ये विवाहाचा कार्यक्रम ठेवून वायफळ तामझम टाळता येऊ शकते.
सजावट : सजावटीचे काम खऱ्या फुलांऐवजी कृत्रिम फुलांनीही करता येऊ शकेल. यात पैसे कमी लागतील आणि शोभाही वाढेल. अशा प्रकारच्या सजावटीसाठी रिबन, गोटा, पेपरवॉल, ग्लास फ्लॉवर, आर्टिफिशयल प्लांट इ. चा वापर करून कमी खर्चात सुंदर दृश्य साकार केले जाऊ शकते.
कॅटरिंग : मांसाहाराऐवजी शाकाहारी जेवण कमी किंमतीत तयार होते. शाकाहारी जेवणात अनेक व्हरायटी मिळतात.
ढोलासोबत डीजे : डीजे महागडा असावा, हे आवश्यक नाही. राजस्थानी थीम घेतली, तर ढोल-टाळांच्या साथीने उत्तम संगीताचा आनंद घेता येऊ शकेल.
थीम : राजस्थानी थीम घेतला, तर प्रत्येक प्रकारचा खर्च कमी करता येईल. उदा. पाहुण्यांना बसण्यासाठी सोफे, खुच्यांएवजी चौरंग आणि झोपाळयांचा वापर होतो. पाहुण्यांसाठी पगडया भाडयाने घेता येऊ शकतील. साडया आणि लहंगाचोळीही भाड्याने मिळते. जयपुरी थीमनुसार वधुचा लहरिया लेहंगासुद्धा जास्त महाग नसतो. दागिनेही आर्टिफिशल वापरता येतील.
व्हिडीओग्राफी : आठवणी जपून ठेवायच्या असतील तर व्हिडीओग्राफर आणि कॅमेरामॅन विवाहसोहळयातील आवश्यक व्यक्ती आहेत. हे कामही कमी खर्चात होऊ शकते. विवाहाच्या दिवशीच सिंपल व्हिडीओग्राफी करता येऊ शकेल. यामुळे प्रीशूटचा खर्च वाचू शकतो.
३० लाखांपर्यंतचा विवाहसोहळा
३० लाखांच्या विवाहसोहळयात आपल्याकडे खूप पर्याय असतात. आपण आपली प्रत्येक इच्छा पूर्ण करू शकता.
वेन्यू : आपली इच्छा असेल तर आपण जवळपास २०० लोकांसाठी मानेसर, अलवर, जयपूर, दिल्ली, एनसीआरमध्ये फार्महाउस, फाइव्ह स्टार हॉटेल वगैरे बुक करू शकता.
थीम : आपण मोगल थीम, व्हिक्टोरियन थीम, इटालीयन थीम इ.ची निवड करून लॅविश अरेंजमेंटचा आनंद घेऊ शकता. थीमनुसारच आपल्याला जेवणही सर्व्ह केले जाईल.
वेगवेगळया फंक्शनमध्ये वेगवेगळे थीम प्ले होऊ शकतात. मॅजिकल अलादीन नाइट, बॉलीवूड नाइट, ओम शांति ओम, इटालियन हवाईन, एंजिल्स अँड डेव्हिल्स, फ्रेंचवीरा यांसारख्या अनेक थीम आहेत. त्यांचा आनंद घेता येऊ शकेल.
वाटल्यास वर-वधुचा ड्रेस जोधा-अकबर स्टाईलमध्ये ठेवता येऊ शकेल.
कॅटरिंग : आपण एवढया बजेटमध्ये व्हेज आणि नॉनव्हेज दोन्ही प्रकारचे भोजन अनेक व्हरायटींसह ठेवू शकता.
पैसा खर्च करून वेडिंगची इच्छा असेल, तर आपण थायलँड, मॉरिशस, दुबई, मॅक्सिको, इटली, स्वित्वझर्लंड यांसारख्या ठिकाणी लॅविश अरेजमेंट करून, आपल्या मनातील इच्छा पूर्ण करू शकता.
या विवाहांमध्ये आपण सिंगर्स, टेलिव्हिजन स्टार्स, मॉडेल्स, बॉलीवूड स्टार्सपासून ते इतर सेलिब्रिटीजनाही गेस्ट म्हणून किंवा परफॉर्मर म्हणून बोलावू शकता.
सिक्युरिटीपासून ते गेस्ट हँडलिंग, व्हिडीओग्राफी, प्रीवेडिंग शूट आणि मिडियामध्ये प्रचार इ. सर्व जबाबदाऱ्या वेडिंग प्लॅनरच्या असतात.
युनिक वेडिंग टिप्स
आपण नेहमी अशा विवाहसोहळयाचे स्वप्न पाहतो, जो कायम आपल्या आठवणीत राहील. मॅरेज एक्सपर्ट शिजिनी चावला सांगते की काही सोप्या पद्धती आपल्या विवाहसोहळयाला स्पेशल बनवतील.
निमंत्रणपत्रिका : लग्नामध्ये रचनात्मक निमंत्रणपत्र आजच्या काळाची मागणी आहे. मखमली कागदाचे गोल्डन कार्ड्स आता बोरिंग झाले आहेत, ज्यामध्ये केवळ आपल्या उपनावांची स्पेलिंग लिहिलेली असते. अशा प्रकारच्या कार्ड्समध्ये कपलच्या नावाशिवाय त्यांच्याबद्दल काहीही लिहिलेले नसते. व्यवहारिकदृष्टया हे काम एक एसएमएस पाठवूनही होऊ शकते.
थोडे रचनात्मक बना : आपल्या निमंत्रणपत्रात याबाबतही माहिती द्या की आपण कोण आहात. आपल्या होणाऱ्या जीवनसाथीमध्ये काय स्पेशल आहे, कार्डमध्ये एक छानशी कविता टाकून त्याची किंमत वाढवा.
आपली कहाणी सांगा : आपण विवाहस्थळाचे प्रवेशद्वार किंवा मग सर्व ठिकाणी स्क्रिन, फोटो फ्रेम्स टांगू शकता. त्यामध्ये एकापाठोपाठ एक येणारे फोटो असू शकतात. हे मोठया स्क्रिनवर बॉलीवूड गाण्यावर चालणाऱ्या शो रीळपेक्षा उत्तम असेल.
पाहुण्यांचे स्वागत अविस्मरणीय बनवा : आपले पाहुणे जेव्हा विवाहस्थळाच्या ठिकाणी प्रवेश करत असतील, तेव्हा त्यांचे वय, लुक, ड्रेस इ. वर आधारित काही मस्त व खास गाणी वाजवा. त्यांना खास अनुभव द्या.
मंडपाचे डिझाइन : मंडपही स्पेशल असला पाहिजे. याला फ्लोरल लुक देऊ शकता किंवा मंडपाच्या भिंतींवर कपल्सचे फोटो लावू शकता.
मेंदी : आपल्या मेंदीमध्ये काहीतरी वेगळे करा. आपल्या पारंपरिक मेंदीबरोबरच पाहुण्यांसाठी नेल आर्ट आणि हँड आर्टबरोबरच मेंदी लावा.
पेहराव : विवाहांमध्ये लाल ब्रायडल लेहंगा आणि क्रीम शेरवानी सामान्य पेहराव आहे. आपण काहीतरी वेगळे आजमावून पाहा. जमदानी वर्कपासून इक्कत सिल्कपर्यंत पारंपरिक एम्ब्रॉयडरीची मागणी आहे. काहीतरी अनोखे ट्राय करा.
कलर थीम : आपल्या विवाहामध्ये एक थीम आणि कलर स्कीम निवडा. पाहुण्यांनाही खास कलर किंवा स्टाइलचे कपडे घालून येण्यास सांगू शकता.
सजावट : सजावटीत रचनात्मकता आणा. उदा. विवाहस्थळांमध्ये कंदिलांच्या रूपात टांगलेल्या फुलांच्या गुच्छांमध्ये लावलेले बल्ब सुंदरही दिसतील आणि रचनात्मकही.
वेडिंग टीप्स
लग्नाचे प्लान करताना या गोष्टीची काळजी जरूर घ्या :
* वेडिंगसाठी इनडोर अरेजमेंट किंवा आउटडोर अरेजमेंटपैकी कोणताही पर्याय निवडू शकता. आपण काही विधी इनडोर ठेवणे व काही विधी आउटडोर ठेवणे उत्तम होईल. अर्थात, साखरपुडयासाठी संपूर्ण विधीसाठी इनडोर अरेजमेंट असणे चांगले ठरेल. परंतु मेंदीसारख्या विधी आउटडोरच चांगल्या वाटतात. पूल साइट किंवा लॉनच्या मोकळया वातावरणात मेंदी, संगीत इ.चा आनंद लुटणे काही निराळेच असते.
* फ्लोरल रेंजमध्येही अशा फुलांची निवड करा, जी लवकर खराब होत नाहीत. उदा. आर्किड, लिली वगैरे.
* कार्यक्रमाची वेळही योग्य निवडली पाहिजे. दुपारी १२ ते ३ पर्यंतची वेळ शक्यतो टाळा. लेट इव्हिनिंग फंक्शन छान एन्जॉय करता येतील.
* आपल्या पाहुण्यांना अशा अविस्मरणीय भेटवस्तू द्या, ज्या ते उपयोगात आणतील. सनग्लासेस, मुलांच्या कलरफुल कॅप यासारख्या भेटवस्तू उपयोगी सिद्ध होतील.
