* प्रतिनिधी
अचारी राजमा खिचडी
काय लागेल
* ५०० ग्रॅम भात
* ५० ग्रॅम आलं व लसूण पेस्ट
* १० हिरव्या मिरच्या चिरलेल्या
* १० ग्रॅम हिरवी वेलची
* ३-४ लवंग
* थोडीशी तमालपत्र
* ५० ग्रॅम तूप
* चिमूटभर हळद
* ५० ग्रॅम लाल मिरचीचं लोणचं
* १०० ग्रॅम दूध
* २०० ग्रॅम उकडलेला राजमा
* थोडीशी वडी
* ५०० ग्रॅम सालीसकट उडद
* १ किलो धुतलेली उडद
* चिमूटभर रजवाडी हिंग
* थोडसं काळमिरी
* १० ग्रॅम बडीशेप
* १० ग्रॅम बेकिंग पावडर
* ८० ग्रॅम मखनी ग्रेव्ही
* थोडीशी कोथिंबीर
* लाल तिखट चवीपुरतं
* मीठ चवीपुरतं.
कसं कराल
डाळ धुवून २४ तासासाठी भिजत ठेवा. नंतर वाटून घ्या आणि यामध्ये काळीमिरी, बडीशेप, हिंग, मीठ व बेकिंग पावडर टाका. एका ट्रेमध्ये वाटलेली डाळ सेट करून ३० मिनिटं वाफेवरती शिजवा. कटरच्या सहाय्याने गोल आकारात कापा. आता एका पॅनमध्ये तूप गरम करून तमालपत्र, लवंगा आणि वेलची टाका. आलं लसूण पेस्ट, हळद व मीठ टाका. आता शिजवलेला भात, राजमा, दूध आणि पाणी टाका, सोबतच मिरचीचं लोणचं टाका. खिचडी तयार आहे. आता वडीला गरम तेलामध्ये फ्राय करा आणि मखनी ग्रेव्हीमध्ये टाका. यामध्ये हिंग, हिरवी मिरची, आलं व लाल मिरचीची फोडणी द्या आणि खिचडी व वडीला एका प्लेटमध्ये टाकून कोथिंबीरीने सजवून सर्व्ह करा.
