* प्रतिनिधी
चणाडाळ टाकून कारलं
काय लागेल
* २५० ग्रॅम छोटी कारली
* अर्धा कप चणाडाळ
* अर्धा छोटा चमचा हळद पावडर
* २ छोटे चमचे धने पावडर
* अर्धा छोटा चमचा लाल तिखट
* १ छोटा चमचा बडीशेप पावडर
* १ छोटा चमचा गरम मसाला
* १ तमालपत्र
* १ मसाला वेलची
* २ लवंग
* ४ काळी मिरी
* १ मोठा चमचा टोमॅटो प्युरी
* १ छोटा चमचा जिरे
* अर्धा कप कांदा बारीक चिरलेला
* १ छोटा चमचा आलं व लसूण पेस्ट
* रिफाइंड तेल
* थोडीशी कोथिंबीर चिरलेली
* मीठ चवीपुरतं.
कसं कराल
कारली वरून खरवडून गोल गोल कापून थोडसं मीठ व हळद लावून अर्धा तास ठेवा. चणाडाळदेखील अर्धा तास भिजत ठेवा. कारली अर्ध्या तासानंतर पाण्याने स्वच्छ धुऊन व फडक्याने कोरडी करून घ्या. गरम तेलामध्ये डीप फ्राय करा. एका प्रेशर पॅनमध्ये एक मोठा चमचा तेल गरम करून सर्व खडे मसाल्यांना फोडणी देऊन चणाडाळ टाका. हळद व मीठ टाका. पाणी चणाडाळी एवढंच टाका. एक शिट्टी द्या. जेव्हा कुकर थंड होईल तेव्हा प्रेशर पॅन खोला. सर्व मसाले व टोमॅटो प्युरीदेखील टाका. जेव्हा डाळीतील पाणी सुकेल तेव्हा त्यामध्ये फ्राय केलेले कारल्याचे काप टाका. १ मिनिटं अजून आचेवर ठेवा. नंतर गरम गरम कारलं डाळ सर्व्हिंग बाऊलमध्ये टाका. कोथिंबीरने सजवून खायला सर्व्ह करा.
